الحب لم يخلق للجميلات فقط

البارت الرابع عشر

#الحب_لم_يخلق_للجميلات_فقط

للكاتبة بان الأعرجي

البارت 14

ايمان:' اني ما رايده منها شي على الاقل جان تكسر عيني وتتصل بيه وتعزيني مو اتفشلني كدام كرايبي. بس لو اعرف ليش هيج تكرهني اني شمسويتلها..بهجت صارحني امك ليش رافضتني..
اكو شي اني ما اعرفه..؟؟؟؟

بهجت: عصب وهو ينزع نظارته ويخليها عالميز..شنو هالحجي حياتي..شلون ترفضج وانتي حبيبتي وزوجتي وام احفادهه المستقبليه..بس انتي اتعرفين هاي سوالف النسوان العمه والجنه وبصراحه امي رادت اتزوجني على مرامهه واني ما اقبل بهيج شي مستحيل لن اعتبرة زواج فاشل لازم الشاب يختار شريكه حياته ابنفسه مو يخلي امه وخواته يخطبوله على مزاجهن بالنهايه هو راح يعيش وياهه مو اهلة..
وهي هاي كل القصه لن عاندتها وخطبت على ذوقي البنيه الاريدها والاحبها وهو ياخذ ايدهه ويبوسهه بكل رقه...

ايمان: ماشي راح اتحملها لخاطرك وبس لن تعرفني اني  اليدوسلي على طرف اودي ورى الشمس واخلي يتندم عاليوم العرفني بي..تتكلم بعصبيه.

بهجت: على كيفج المناضله ايمان..هاي شنو حبيبتي طلعتي مو هينه واتخوفين..الله يعيني.
ايمان: اي اشعبالك لعد..

بهجت: ااخ منج...صار يتلمس بخدودهه وكال...وهسه حياتي لازم نحدد يوم لن وصلت حدها امونه...الحلوة

ايمان دنكت بخجل وكالت  بكيفك حبيبي حدد اليوم اليناسبك بس أجهز نفسي لن طول الفترة الراحت كلشي ما اشتريت..

بهجت ولا ايهمج عمري الج كل الوقت من اليوم لنهايه الشهر..

ايمان: زين ماشي الوكت ايكفيني يوميه اطلع اشتري شي..
بهجت : واني هم اكمل شغلي واشتري الغرفه..واشوف نواقص البيت
ايمان: تمام 
بهجت: اويلي اشوكت تخلص ال١٧ يوم وتصيرين ابحضني..ايمان اجزعج اخليج اتشردين لاهلج مني..
ايمان: ههههه احم اني اترخص اروح للبيت ..
بهجت: وين ترى بعدني زعلان..
ايمان: ابلهفه فكت عيونها..صدوك زعلان..
بهجت: اي وما ارضى الا تبوسيني..
ايمان: هااا ..وهي تتهرب بنظراتها ومدنكه بخجل..قرر يخطفها بهجت ابوسه عنيفه...كلها شوق وحب

ايمان :ذابت واتحركت مشاعرها وانسجمت ويه حبيبها وطفت نار الشوق لبكلبها...انقطعت أنفاسي اريد اتنفس وبهجت رايح بغير عالم..دفعته وجريت النفس حيل واشهك..اباوع عليه خدران ويلهث وعيونه تتفحص شفتي مثل العطشان..اخذت جنطتي وانهزمت(هربت) ..مع السلامة...وتركته بالمكتب ما ادري شنو كال امشي بسرعه وكلبي يدك من الخوف...وطلعت من المستشفى ورجعت للبيت..

اول بداياتي بالمشروع لازم اتابع كلشي ابنفسي أقل غلطة محسوبه عليه..جنت حريص كلش بالعمل..الرايح والجاي اجاملة وتعامل ويا احسن معامله جنت اريد اكسب الزباين بحيث اليتعامل وياي مرة يرجعلي مرة ثانيه..بداية جانت الحمد لله اتبشر ابخير..