الحب لم يخلق للجميلات فقط

البارت الأخير

#الحب_لم_يخلق_للجميلات_فقط

للكاتبة بان الأعرجي

البارت الأخير ❤❤

مروان..
طار عقلي ما اعرف اشلون اتصرف...بس اريد اوصل لصاحب الرقم اتصلت بي كلما ادك يطلعلي مغلق لحد اخر مرة طلع غير داخل بالخدمة يعني الرقم تلف..
زين منو هالشخص وشنو يريد وليش يريد يشوه سمعة ملاك ويفرق بينه...
لازم ملاك تعرف بهذا الشي بس اشلون  احجيلها ..

ملاك..
طلعنه من يم جدو تقريب 2 باليل...
كلمن راح لبيته...كعدنة اني وعذراء انقلد على دموع ورسل ونضحك...

_شفتي شلون حاطة الحلقة بعيونة 😅😅
_هههههه اي ولج  ودموع كل اشويه واخذت الموبايل عود تراسل رجلها وتضحك 😅
_لا وكل اشويه سراب كالت كوة خلاهه اتبات يمنه وعمة ايمان كالت الها هم زعلانة ابيت اهلج
_اي فشلتها ههههه

فتحت موبايلي لكيت مروان حارك الدنيا مراسلات واتصالات..باوعت الساعة الوقت متأخر خطية اخاف نايم تركته...بالجامعة اشوفه..

مروان..
صحيت على صوت المنبه..ما نمت غير ساعة طول الليل افكر بالصار...سبحت وبدلت واني ما اعرف شسوي متردد كلش اكولها لملاك لو لا...

وصلت الجامعة قبل ملاك بقيت انتظرها بمكانة المعتاد..
شهد: صباح الخير
_اتفاجئت بيها اول مرة تحجي وياي من بعد المشكلة
صباح النور هلو شهد شلونج
_الحمد لله زينة
_اتفضلي محتاجة شي
_ها....لا بس حبيت اسلم عليك..

ملاك..وصلنة الجامعة اني وهدى...اليوم احس بنفسي نشيطة غير كل مرة..
هدى..ما شاء الله اليوم شمسج عالية
_هههه اي الحمد لله احس نفسي مرتاحة
_عمري انتي ان شاء الله دومج مرتاحة..
_فدوة لكلبج هداوي..

دخلنة الجامعة..طبعا اول مكان اتوجهت اله هو مكان كعدتنه اني وهدى ومروان...
هدى: عزااا
_ بقيت صافنه واني اشوف مروان وشهد كاعدين سوية ويسولفون..
ضجت كلش درت وجهي اريد اروح للقسم..جان تسحب ايدي هدى..
_وين رايحه هاي اشبيج خلي شخصيتج قويه ولتنسحبين وتخليلها حبيبج امشي واوكفي اكبالها بكل ثقه واحجي ويه مروان..انتي حبيبته مو هيه

_فعلا كلام هدى صحيح ليش اني اللازم انسحب واخاف....سمعت كلامها ورحت..
صباح الخير..
شهد اول ما شافتني وكفت...صباح النور...اني اترخص مع السلامة..

مروان ..الله وياج.

مروان:ها حبيبتي اشلونج
ملاك: خير اشعدها شهد كاعدة يمك
_ما اعرف اجتي اتسلم عليه
_من اشوكت هنا
_مصارلها خمس دقايق
هدى..ههههه اشبيج ملاك شنو فتحتي تحقيق من الصبح
_خليها اتحقق من الصبح لليل ابخدمتها اني..وجان يسحب ايدها ويبوسها برومانسية وهاي اول مرة يسويها 😊😘

_ البوسة نزلت مثل الجليد على نار كلبي المشتعلة هدئت من الخجل بقيت امدنكة واتهرب ابنظراتي وهدى تضحك علية..