الحب لم يخلق للجميلات فقط

البارت السادس عشر

#الحب_لم_يخلق_للجميلات_فقط

للكاتبة بان الأعرجي

البارت 16

عاطت ابتسام...يبووو  يبووو  وتلطم على وجها بويه اللحك ايمان حركت نفسها...

بابا لمن سمع كلامها بعد ما شالته الكاع  ..بلحظه خر وكعد بالكاع وهو يدك على راسه..راحت بنتي.

ركضنه وويانه كم ولد من الجيران صعدنه للسطح جان الدرج متروس دخان كلشي منشوف نريد نفتح الباب مزلوج من داخل...بقينه نضرب عالباب ودفرات من قوة الضرب انفتح الباب. وجانت المفاجئة....

الدنيا نهار والحرارة عاليه والدخان اسود بحيث البصفك متشوفه..جانت كاعدة وضهرهه علينه وكدامهه مشعوله نار نمرود..جانت فاصله عن الدنيا كلشي متسمع غير صوت جهازهه اليحترك ويتكسر من الحرارة مثل حركة كلبها وكسرتها..ايمان جانت جامعه كل جهازهه وكل شي يخص بهجت وحركته..
هاي النار جانت شي بسيط كدام روحها الحتركت وفرحتها لنطفت بسبب كذبه جانت مقصودة او غير قصد لكن ايمان دفعت ثمن هذة الكذبه غالي جدا...

من حلات روحي...ذبيت نفسي عليها وسحبتها..لداخل وابتسام حاضنتها وهيه اتفتشها وتتفحص جسمها اخاف محترك ولايحه نار...
الحمد لله لحكنه عليها باخر لحظات جان الله العالم شنو صار بينه..
جانت كلماتها الوحيدة..اني وين...شنو شصار..

اول ما شافهه ابويه حضنها وهو ما امصدك ايمان عايشه ومابيها شي..
والدي: ليش بابا هيج اتسوين ابنفسج ليش منو اليسوة من بعدج لج بابا ايعيش حياته وينساج وتصيرين ذكرى بحياته لضيعين نفسج لخاطر ناس متسوى اضفرج..اصحي ايمان وينها ذيج بنتي القويه المتنكسر ليش هيج صرتي...

باوعت عليه ..وصارت تشهك وتبجي..وهي تتختل ابحضنه مثل الطفل...

مرت الأيام الصعبه...
البيت صاير اشبه بالمقابر متروس حزن ساكن..كمت ما ابقى بالبيت من الخنكه..
ابتسام وايمان.كل وحده منهن حالتها حاله...
ايمان اختارت السكوت والوحده دائما تكعد وحدهه بغرفتها لو نايمه قليل نسمع صوتها بالبيت..مرت اول سنه على فراق امي..رحنه للنجف وزرناهه اكثر وحده شبعت بجي هيه ايمان ..اعتقد اتذكرت كل الصار بينها وبين بهجت....طول هذيج الفترة منعرف اخبارة وشنو صار ويا...بهجت انتهى وطلع من حياتنه...مرات جان يدك التليفون ونرفعه ماكو رد واتكررت هاي الحاله اهواي..ايمان جانت جسد بلا روح ولا تتقرب لشي لا تلفزيون ولا تليفون ..ما اعرف ليش جان عندي احساس يكون المتصل بهجت...بس ما اعرف مجرد احساس...

كبرت ومرت السنين...ودخلت الخدمه العسكريه....ابويه جان خايف عليه اهواي..بس جنت اضحك واكله ماكو شي اني بطل وسبع  والحقيقه ابداخلي  عايش برعب وخايف..وكل تفكيري اني راح اموت وبعد ما ارجع لاهلي..بالرغم من هيه مجرد تدريبات..وقليل نطلع واجب...راح تسألوني عن حميد 👌🤣🤣