الحب لم يخلق للجميلات فقط

البارت الثلاثون

#الحب_لم_يخلق_للجميلات_فقط

للكاتبة بان الأعرجي

بارت 30

عمي وكف على حيله وعيونه مفتوحه..انصدم من المنظر الكدامة...
ايمان ركضت على اختها وهيه تتفقدها ابروح ملهوفه
_ولكم شمسوين بيها االله لا يوفقكم...ابتسام ردي عليه حاجيني فدوة ...
منسمع بس الونين بصوت ضعيف لمن شفت منظرها كلت هاي مستحيل اتعيش وجهه امخربط وشعرها منكوش وبس أنفاسها تصعد وتنزل..
عمي:لك شنو هاي واحد منكم ايجاوبني احجو اشصاير شمسويه اختكم..
حميد:بنتك الكلبه نزلت راسنا كدام العالم يا بويه بنتك عاهرة ومو شريفه..

حميد لاصها بالزايد 🤦🏽‍♀️🤦🏽‍♀️
عمي:صاح ابصوت هز البيت...حميييييد...احجي عدل ولتطعن ابعرضك بنتي اشرف من الشرف..اني اعرف بناتي ميسون الغلط واتحدى واحد ايجيبلي دليل عليهن..
حميد :اول شي شوف بنتك شمسويه....بنتك ياحجي..متقبل زوجها يلمسها وتتمنع منه ليش ها جاوبني اذا هيه ام الشرف والعفه ليش متقبل يلمسها ها..ولكم راح اتخبل ما ضل عقل براسي ..اتهجم على ابتسام وحاول يضربها بس سعيد لزمه ومخلاه يتقرب منها..

عمي:كعد عالكرسي والصدمه والتعب بين على ملامحه..
ايمان صدك هذا الكلام؟؟

دنكت ولاذت بدموعها استحت اتواجه ابوها..عاد السؤال مرة ثانية..ابصوت تعبان...
هزت براسها..نعم...

عمي ضرب على كصته وصار يفرك بيدة ويكول ااخ..منج اااخ
لج شنو من بشر انتي ماكفاج السويتي ابحياتج اشوكت اتوبين من شرج واعمالج المنحطه يعني ما اكتفيتي من الناس الاذيتيهم صارلج اسنين جايه اتكملين على هذا الفقير...

سعيد:حجي صحتك تعبانه عوفها هسه هيه اخذت جزائها وزايد وبعدين النه كلام وياهه..

عمي: جرهه عمي من زندها وهو ايهزها ابقوة بس جاوبيني ليش هيج سويتي ابشنو قصرنا وياج اشفتي من عدنه احجيييي

ابصوت متقطع كالت...وانفاس سريعه
انتو دمرتوا حياتي...اني ما احبه وما اريده لو اموت ما اخلي يلمس شعرة من راسي..كله من وراكم

عمي:ولج ليش مو كلشي صار ابرضاج اكو واحد غصبج على شي..انتي شنو عقلج ضرب اتخبلتي حسبي الله ونعم الوكيل عليج الله لا يرضى عنج لا دنيا ولا اخرة...

سعيد:حجي كوم اخذك لغرفتك واخذ علاجك ولتخاف يمي اني احلها...

ضل عمي يدعي ويتحسب على ابتسام...اخذه سعيد لغرفته حتى يرتاح..

منشوف غير حميد لزم ابتسام وشبعها كتل ايمان صارت بالنص ضربه بيها وضربه بابتسام..

اني وسراب كل وحده اخذت بتها وشردت لغرفتها..

كاعده ابغرفتي..واسمع صوت الضرب وعياط البنات كمت ابجي وارجف من الخوف سديت اذاناتي بديه واهمس هسه راح يجي سعيد يكتلني هسه يضربني..