الحب لم يخلق للجميلات فقط

البارت الثالث والعشرين

#الحب_لم_يخلق_للجميلات_فقط

للكاتبة بان الأعرجي

البارت 23

زينة...
العدو الحقير..من اكثر الاعداء شراسة لن يعرف وين ايضربك وبالتحديد يضربك بالاشياء لتهمك وتعنيلك اهواي حتى تبقى طول عمرك تذكر ضربته وصعب تنساهه...
هيج نماذج اني عشت ابنصهم وشفت منهم كل الحقد والقساوة وبدون سبب...

اباوع ابكل مكان بالغرفة عود هاي غرفتي...الصارلي شهر متزوجه بيها؟؟..دخلت بخطوات الثكيله..ورجليه اتدوس على احلامي وامنياتي..امشي على الكزاز والقطن وملابسي المشككه وعيوني تتنقل بين الفراش المنثور والأثاث المكسر وملابسي المشككه...

سعيد:بالنسبه إلي ما استغربت ولا كلت ليش اني بس جان همي اعرف السبب و شنو الدافع الخلاهم يتصرفون وياي هيج لازم افهم الموضوع من اساسة.
زينة مقهورة كلش كاعدة وتباوع على غراضهه المكسرة ودموعهه تحرك اخدودهه...
دخلت وسديت الباب وراي..ذبيت جنطتي ونزعت حذائي...واجيت كعدت يمها ...
سعيد:اخذ نفس وكال...حبيبتي لتبجين كل شي يروحلج فدوة المهم انتي ابخير ومابيج شي عندي سلامتج تسوة الدنيا وما بيها ..

زينه:كلبي محروك اريد احجي اريد اعيط اريد اخذ حقي من غريمي واكطعه بسنوني  بس ما اكدر اكتفيت بدموعي...خليت راسي على جتف سعيد واحجي...
ليش...اني شنو سويت حتى هيج ايحركون كلبي والله وداعتك انته ما اذيتهم ابكلمه ليش هيج ايجازوني ليش وصرت اشيل ابملابسي واشمرهه...بعدني ما اتهنيت بيهن حالي حال البنات افقدت وانهاريت كمت اصيح واشمر بالغراض..

سعيد خلة ايدة على حلكي ابقوة...باوعت عليه واشوفه امعصب وصاير نارر وشرار يعني بعد كلمه مني يركع راسي بالحايط...
سكتت ونزلت عيوني...
سعيد:فقدت وبدت اتعلي صوتها واني واني اعرف كلش زين هو هذا المطلوب..بس يردون على الأقل اتجاوز على زينة وتخرب علاقتنه..قسيت عليها ابنظراتي..حسيتها خافت مني...صحت بيها
اهدي اشبيج اتصيحين..تردين اتشمتيهم بيج ويكولون حركنه كلبها...على شنو على كومه خشب واقماش تحجين صدك لج من باجر اجيبلج اغات اغاتها..لج انتي مرت سعيد ما اريد اسوالف المزعطة المثل هاي اتكسرج واتهز شعرة منج افتهمتي..
اشرت براسي...نعم..
باعي..واسمعيني زين..هسه اني وياج انظف هاي الهوسة كلها..ونطلع ولا عبالك صاير شي على ضحكنه وسوالفنه..وخلي الي سواهه ايحير ابزمانة..وباجر ايصير خير...
زينة:كلام سعيد هدئني اشويه بس لسه بعدني نار مشعولة ابكلبي...حاولت ما ابين لسعيد وسويت مثل ما كالي...خطية بس بدل ملابسة وكعد يشتغل وياي ..هو ايلم الكزاز واني الم ابملابسي وابجي..واذكر اشكد اصرفت عليهن حتى اشتريهن واشكد جنت فرحانه بيهن. نصهن ما ملبوسات ولا اتهنيت بيهم...
اخذهم وذبهم بالزبل وانتهى الموضوع ولا عبالك صاير شي...
كعدت واخيط بالفراش ودموعي ما نشفت لهنا وصلت وياكم حتى بفراشي حسبي الله ونعم الوكيل عليكم..
دخل سعيد...هاي اشدسوين..من كل عقلج اتركي..بابا
زينه :جا اشلون انام..
_اي افرشي عليه اي شي وباجر الله كريم..هسه تعالي اريدج تحجيلي كلشي صار بالبيت من اول يوم رحت لحد اليوم..