الحب لم يخلق للجميلات فقط

البارت السادس

حبايبي شجعوني ابتصويتكم حتى استمر وياكم❤
⭐⭐⭐⭐⭐

#الحب_لم_يخلق_للجميلات_فقط

للكاتبة بان الأعرجي

البارت 6

إيمان كاعدة بحديقه المستشفى على المسطبة ودكات كلبها تتسابق وي انفاسها...وهي تنتظر دكتور بهجت...بنظرة  متفاجئة..صار بهجت بصفها..وبدون سابق انذار ركز بعيونها بنظراته الحادة وكال...

_ ايمان اني احبج..

مباشرة دنكت ابخجل وهي تبلع ريكها بتوتر...ها...
بهجت: إيمان لتصفنين انتي تدرين اني احبج..إيمان اني اريدج بالحلال..
إيمان: يعني اشتقصد...
بهجت: ابتسم...تتزوجيني..
إيمان: خلت ايدهه على حلكه..وهي تخفي ابتسامتها...إيمان صاحبه شخصيه قويه ومتحب اتبين لحظة ضعف بشخصيه مهما كانت الضروف..استجمعت قوتها واتحكمت بمشاعرهه وكالت...
بهجت...اني اتشرف بطلبك ويسعدني اكون زوجة الك وبيوم من الأيام احمل إسمك...بس

بهجت: بس شنو إيمان ..وهو خايف ومترقب لردهه..

إيمان: لتتوتر...ماكو شي بس اني ما اعرفك زين ولا انته تعرف عني شي..على الأقل تعرف وضع عائلتي شنو ..وهواي اشياء ناقصه لازم اني اعرفهه عنك وانته هم لازم تعرف عني كلشي...

بهجت: حاضر..شتفصلين اني البس. بس بردي كلبي وكوليلي مبدئيا انتي موافقه على طلبي...

ايمان: بابتسامه...اي موافقه

بهجت: وهو ينزع النظارة يخليها بجيب الصدريه...ابتسم والفرحه بعيونه..وكال...الف الحمد لله...ايمان متدرين اني اشكد احبج وحبي الج مينوصف..وان شاء الله اكدر اسعدج وعد اخليج اسعد انسانه بالدنيا...واني احترم رايج بالتعارف وهو الأنسب حتى ندرس اطباع بعض..

ايمان: اي هذآ رايي...وبصراحه انته متحجيلي عن عائلتك ابد وهذا خلق غموض بداخلي...

بهجت: والدي متوفي..و عايش مع امي اني الوحيد لاهلي..لن امي وابويه اتزوجوا على كبر..ابويه كبرني وعلمني وصرت دكتور وحققت حلمه..الله يرحمه...

إيمان: الله يرحمه...اني اروح اشوف امي..

بقى صافن ابوجهي ومركز..توترت منه ..واشرد بعيوني..جان يضحك..ويكول يلا اتفضلي...انفضت نفسي وكمت وهو يمشي ابصفي وكل شويه يلتفت عليه..بداخلي فرحانة حيل
بس ما ابين اله نهائيا...

ابتسام ملتهيه بالمجلات وفاصلة عن الدنيا..كعدت يم والدي وهو يسمع الاخبار بالراديو..ويتأفف ...
والدي:لا إله إلا الله...هسة اشوكت يتفقون ويوكفون الحرب مو شبابنا وزلمنه خلصت هاي راح يصير ٦ سنوات نتكاتل لا همه سلمو الكاع ولا احنه تنازلنه عنها...حسبي الله ونعم الوكيل...

جان يدخل علينه حميد وبيده كارتونه..تهتز...وهو ماخذ درب الدرج يصعد للسطح...
والدي: وين وين...شو متحترم الكاعدين لا سلام لا كلام وين رايح وشنو هاي البيدك..