الحب لم يخلق للجميلات فقط

البارت السادس والأربعين

#الحب_لم_يخلق_للجميلات_فقط

للكاتبة بان الأعرجي

البارت 46

مؤلم أن تنتهي احلامك قبل أن تبدأ...

مروان..
لازم الموبايل بيدي ومصدوم من الدا اقراه هاي صدك لو حلم..
قبل لحظة اعترفت لملاك ابحبي..وهيه شنو ردت؟
قابلتني بالرفض  وكسرت كلبي 😔💔..
ليالي واني احلم بهذا اليوم واتخيل ردة فعلها .وشلون راح اتبادلني بنفس المشاعر..ما مصدك ملاك رفضتني وابسبب مالي اي ذنب بي..

عذراء..
ملاك انتي اتخبلتي والله راح تتندمين بعدين
_لج اسكتي ما ادري شلون كتبت هيج
_بعد كتبتي والولد قراهه شنو راح اتسوين

افتر بالغرفة مثل الغركان ويريد يجلب ابشي حتى يطلع...
_ما رد عليه عذراء وبعدة متصل بالنت ولج خاف صار بي شي..
_اليشوف حالتج هيج ايكول اتحبي وخايفة عليه ولا عبالك هيه الرفضتة
_هفففف عذراء كافي اسكتي لزيديها علية..

مروان..
يمكن عشر دقايق اني صافن بالرسالة واقراها واعيدها...
عصبت وضجت حيل طلعت من المحادثة ما اريد اكتب شي اتندم عليه بعدين مسحت المراسلة  ومسحت رقم ملاك وكلشي يتعلق بيها...
طلعت من غرفتي وركعت الباب حيل..شافتني امي..
وسألتني
_اسم الله عليك يمة اشبيك
_مابيه شي من رخصتج رايح للنادي..

بقت اتصيح وراي ما حاجيتها وطلعت ابسرعة..

ملاك ...

كل اشويه افوت على اسمة والكاه ما متصل..وينعصر كلبي اول مرة امر بهيج احساس متندمة اكبر ندم مثل ما يكولون متندمة على عدد شعر راسي...
عذراء..ليش متراسلي وتعتذرين منه؟
_مستحيل  لو اموت ما اسويها..
_فوكاهه هية ام الراهي هم عدج كبرياء ست ملاك
_كوليلي شسوي؟
_ملاك احجيلي ابصراحة انتي اتحبي وتردي لمراون لو لا
_اي احبة واريدة...بس اكو اهواي اختلافات بيني وبينة  واحس هاي الاختلافات مراح تنكسر ابد....يمكن اني سويت الصح وانهيت العلاقة قبل متبدي حتى ما انجرح واتأذة ..
_ ما اعرف انتي حرة بحياتج..وعلى حجاية زينة كولشي بي صالح للانسان...
_اووف..

راسلت هدى وحجيتلها الصار...كامت تحجي علية ورزلتني 😥💔
_ملاك انتي مخبلة؟ لج هذا مروان الي كل البنات يتمنون منه نظرة لج عاف شهد وبجاهه علمودج
واعترفلج ابحبة وفضلج على كل لدنيا تالي تكوليله ما اكدر اكمل وياك...صدك تحجين انتي..
_كافي هدى اخلص من ملامة عذراء انوب اطلعيلي انتي..كوليلي شسوي
_اتصلي بي واعتذري منه
_لو اموت ما اكدر اتصل بي وانوب اعتذر شتعرفيني اني اسويها؟
_اي اعرفج متسويها..بس هذا الحل الوحيد اذا جنتي اتحبين مروان من صدك..ومتردين اتخسري للأبد
_اي احبة بس ما اكدر اخطو هيج خطوة
_هههه يعني اتحبي ؟ ماشي ابكيفج حبي احنه شاورناج والقرار الاخير يمج....

الكل تركني ابحيرة رغم قدمولي نفس الحل بس بعدني ما اعرفت اخذ قرار...
كاعدة ويه اهلي وبابا يشرب جاي ابغرفته جان تجي ماما...