الحب لم يخلق للجميلات فقط

البارت التاسع عشر

#الحب_لم_يخلق_للجميلات_فقط

للكاتبة بان الأعرجي

البارت 19

عمتي: ولج مثل ما كتلج نعمان وافق اخطبج إله
ابتسام: شكلها اتغير  وانصدمت على اشويه تنزل دمعتها...لزمتها ايمان وحضنتها وهي تضحك...وكالت واخيرا بسومه بعد كل هذا الصبر والانتظار راح تاخذين التحبيه تستاهلين يا احلى اخت بالدنيا..
ابتسام: تمسح بعيونها...ما امصدكه معقولة صارت صدك وراح نتزوج اني ونعمان
عمتي: صدكي يا بعد روحي  ..ما ضل شي كلها ايام ونجي انطلبج من اخويه رسمي وتصيرين ابيتي. اووف وارتاح بعد
ايمان: اي وتعوفوني وحدي مووو
عمتي: ههههه لا بعد متحتاجين ابتسام الله عوضج باثنين ابدالها..
إيمان : باوعت عليهن....وغمتهن وكالت..عاااب هيج اشكولات تاخذ مكان اختي امداني..اذا سويتها.

صاح نعمان: يمممه شنو مترحين تأخرنا
عمتي: اجيت...اجيت...يله مع السلامة بنات بعدين اخابركم...بوستهم وطلعت..

ابتسام اتغيرت ابثواني وعبالك هذا الخبر غسل كلبها وطهر روحها من الداخل..كعدت عالقنفه..تلعلب ابشعرهه وشاردة ابغير عالم..ما اعرف شنو قصتها ويه نعمان بس الاكيد جان اكو حب مسجون وشاف العذاب بينهم..

كاعدين اني وسراب وحده ابصف الثانيه وصافنين على ابتسام.
سراب: ابهمس..اشش اكلج هاي اشبيها انسطرت جنها سكران..
زينه:  اسكتي يمعودة لترجع لحالتها وتركع الصينيه براسنه.
سراب: والله هاي السالفه مو خاليه لازم افهم الموضوع من جذورة..
زينه: واحنه شعلينه خليها تزوج وتروح بحال نصيبها خطيه تعبت على اخوتها وربتهم وكبرت بالعمر مو زين لكتلها رجال يتزوجها

سراب:  على الأقل راح نفتك من وحده والثانيه ان شاء الله تلحكها كبل السبعة كولي آمين
زينه: خليت ايدي على حلكي واضحكت...خرب يومج سراب ولا تسكت..

ايمان: خير شكو اعليمن اتضحكن..قرقوز كاعد كدامجن..
سراب: طكتها ضحكه هههههههه
إيمان: ووجع عمه ابعينج اي والله
زينه: ماكو شي...وكمت داروح لغرفتي
ايمان: ضحك بلا سبب من قله الأدب وانتن اصلا ما مربايات..ما عليجن عتب

سراب: اروح انام راسي صدعني من الدوخه...

كلمن راحت لغرفتها..

سعيد: دخلت اني وحميد..وخواتي كاعدات يضحكن ويسولفن ابهدوء..
حميد: وين مرتي
ايمان: انته ملاحظ نفسك كلما اتفوت للبيت اتكول وين مرتي اشبيك حتى سلام متسلم.
حميد: وانتي ليش ضايجه هيج غير مرتي واحبها وما اكدر اعيش بدونها.. يمه اروحلها سبع فدوات

ايمان..متحملت الكلام لن ايذكرها ابهواي اشياء اتحاول تنساهه.تركتنا وراحت لغرفتها..
ابتسام هادئة ابشكل غريب اصلا ولا يمنه رايحه ابغير عالم..

حميد: اكلك يمكن خواتك اتحولن من القهر اني اروح انفذ ابجلدي احسلي تعرف عريس واخاف على نفسي
سعيد: أي روح لتنضرب انوب ينتهي مفعولك
حميد: هههههه حديد وداعتك