الحب لم يخلق للجميلات فقط

البارت الثلاث والأربعين

#الحب_لم_يخلق_للجميلات_فقط

للكاتبة بان الأعرجي

عظم الله اجورنا واجوركم بحلول شهر الاحزان على آل محمد شهر محرم الحرام شهر استشهاد سبط رسول الله عطشاناً مذبوحاً على يد آل امية..السلام عليك يا أبا عبد الله الحسين وعلى المستشهدين بين يديك..🏴🏴🏴

البارت 43

شهد: مروان اني احبك
مروان...ما استغربت اعتراف شهد بحبها الي لا اني جنت احس بمشاعرها بس جنت اتمنى ما يجي هيج يوم وتعترفلي 🤦‍♂️حاولت ابعدها ابتصرفاتي بس للأسف زاد تعلقها بيه ما اترددت لحظة بكلامي...
_شهد ارجوج لتحجين اي كلمة وانتي ابهاي الحالة. حتى متندمين بعدين..
_اندم؟ وليش اندم عمري مراح اتندم لن حبيتك مروان..
_شهد انكمل كلامنه بعدين هسه روحي غسلي وجهج وارتاحي ولتفكرين ابشي..
_مروان اني اعترفتلك بحبي ونزلت من نفسي وهذا شي صعب على كل ابنيه وانته اترد عليه ابكل برود وتكلي روحي ارتاحي صدوك تحجي انته؟
_ ااااه...ما اريد اجرحج
_تجرحني ابشنو
_شهد اني ما اكدر ارتبط بيج آسف ..

كامت تبجي وتشهك كلبي اتكطع عليها بس شسوي مو بيدي والله 😔💔.هيه خلت نفسها ابهيج موقف
_ليش مروان شنو ناقصني شنو الماعجبك بيه اشو كلها تتمنى مني كلمة واني ما اشوف غيرك اكبالي كولي ليش شنو السبب؟
_ اني ما افيدج انتي تستحقين واحد احسن مني
_لا مو صحيح اني الك وانته الي..
_شهد روحي ارتاحي وانسي هذا الموضوع كله
_ما اروح..بصياح اله تجاوبني..
_استغفر الله العظيم...اكو وحدة بحياتي ارتاحيتي هسة...
ماكو جواب...الووو....الووو
ماردت سديت الفون..وتركتها....رجعت اتمرن بقوة حيل ضجت من الصار اشكد حاولت ابعدها عن هذا الموقف ما فهمت...😤😤

ملاك..
سمعنه صوت ديجي وحفلة ابيت عمي عرفنا حفلة خطوبة رسل..
_والله مستعجلة د انتظري الامتحانات تخلص..
_اتريد تتونس بالمكياج..
زينه: اششش كافي لتحجن هيج حجي يله كل وحدة تلزم كتابه وتقرة...

ماما ابد متقبل نحجي على واحد...مرة كاعدين نشوف فلم وكعدنه اني وعذراء نحجي ونقلد على البطلة جان اتعيط بينه ماما ورزلتنه حرام ميصير اتعيبون على خلقة الله وكل شخص يحجي ويعيب على خلقه رب العالمين ايسلط عليه انسان متنمر يحجي عليه نفس الكلام الجان يحجي على غيرة..
بصراحه صرنه انخاف نحجي اي شي كدامها..

بالليل..
دخل حسوني ويا ابن عمي حسين..شلون كبران صاير  رجال..
شكله كولش حلو بس شايل سم الكرة الأرضية كلها..واستغلالي فوك الوصف..
بابا يكول حميد هيج جان وكل مرة يسولفلنه عن طفولته ويا نشبع ضحك معقولة اكو هيج اخ بالدنيا ؟
هو وعذراء مو صلح كلما يلتقون يتعاركون..رغم هو اصغر منها ب 6سنوات  بس عقله وعقلها...
_خير شكو اشعندك؟
_وانتي شكو ما جاي ابيتج
_باع اللسان اشطولة..
_مثل السانج