الحب لم يخلق للجميلات فقط

البارت الثاني والأربعين

#الحب_لم_يخلق_للجميلات_فقط

للكاتبة بان الأعرجي

البارت 42

ملاك..كال انتي بالذات مستحيل أئذيج ابشي.  ..

حسيت هاي الكلمات دخلت ابكلبي ترس..ما انكر انو اني كلش اتأثرت بكلماته بس اعرف غايته شنو..ما انطيته مجال ولا راح اسمحله يلعب ابمشاعري ابد..
ابتسمت بأستهزاء وكتله..
ههه مشكور ورحمة الله والديك ..ممكن تعتبرني ما موجودة ولا شايفني ابحياتك كلها..
_ملاك اني اسف واعتذر منج صارت اهواي مواقف بينه عفويه وبشنو احلفلج مالي قصد بيها...
_ كتلك اعتبر مصار شي بينه ومن رخصتك اتأخرت على السايق..
_براحتج..

درت وجهي داروح جان يكولي..
_بس سؤال هذا الولد شنو جان يريد منج..

فتحت عيوني ابتعجب على يا اساس يسئلني ويدخل بحياتي هو لمن شاف ردة فعلي انحرج وخاف🤞😅..دنك وكال العفو...مع السلامة...

صدوك ضحكني ابتصرفه مبتسمه وامشي..جان تجي شهد..
_ شنو خير ليش اتضحكين ..
_عفوا؟؟؟

جان شكلها حيل امعصب ...ما جاوبتني طلعت تمشي  قبلي وهيه تتصل على ما اعتقد بالسايق الخاص...

والله يا الله هاي اشبيها العالم اليوم شسالفه ماعدكم غير ملاك....

رجعت للبيت..

كعدنا سوية نتغدة...وبابا وجدو يسولفون عالشغل..
طبعا هاي الفترة بابا اشترى محل جديد وفتحه على محل جدو وصارت عندة اكبر ورشه للمواد الانشائية وصار يستورد مواد والحمد لله خير من الله..

اني كلشي ما اشتغل بالبيت..العودة ما اشيلها..
لا اعرف اكنس ولا اغسل اماعين حتى ملابسي ماما تغسلها...
اكل وادرس وانام...
اشلون صرت هيج؟...
اني اجاوبكم..من صغري وماما كلشي اريد اتسوي الية  ولا فد يوم شغلتني لو طلبت مني اجيبلها كلاص ماي ما جانت تقبل اشتغل شي وتعلمت على هاي العادة واخذتها للكبر  ..
اما عذراء...عكسي..نظامية ابشكل

عذراء..😏 اكيد نظامية...وما احب الفوضى وما احب واحد يغسل ملابسي لو اينظف غراضي جنت اني اسوي كلشي ابنفسي..اختلافي جان ويه ماما لن تخليني اشتغل بالبيت واغسل ماعين وملاك مالها دخل ابشي 😒

زينه..هسه شنو هنه ماعونين دغسليهن وسكتي
_وليش الست ملاك متغسلهن
_غير مشغولة بالدراسة هاي كلية مو لعب
_ لا والله لعب جا واني شنو من اليهود مو عندي دراسة وطالبة علمي لو اني وحد..وهذيج بنتج المدلله
سعيد..شكو يا ستار اشبيجن
_بنتك كلتني وشربتني جا كلتلها اغسلي الماعين.
_لا لن اتفرقون بيني وبين ملاك اني يوميه اشتغل وملاك بس نايمة كلكم اتخافون عليها واني محد ابحالي..

جان يسحبني بابا لحضنه وهو ميت ضحك...
_هههه ولج ايمان طلع لسانج..حقج علينه يابه ..بستها براسها...اسمعي زينه بعد ممنوع اتشعلين وحدة واتعوفين وحدة ماشي..واليوم اني راح اغسل لماعين تمام؟