الحب لم يخلق للجميلات فقط

البارت التاسع والعشرين

#الحب_لم_يخلق_للجميلات_فقط

للكاتبة بان الأعرجي

البارت 29

زينه..
لمن شفنه منظر ابتسام سيطر علينه الخوف شنو راح اتكول لاخوتها اذا شافوها هيج واكيد حميد وسعيد مراح ايسكتون على ضربة اختهم..

ايمان:ابتسام احجي لتخبليني شمسويه ليش هيج ضربج..
_اوووه معليكم انتو لحد يدخل حياتي واني حرة بيها جفوني شركم..
_مو ابكيفج اشلون تردينه نسكت وهو من اول يوم مد ايدة عليج وضربج..
سراب: بعد سكوت طويل كالت...انتي ما خليتي ايلمسج مو؟؟

اشهكنا ابتعجب...معقولة تحليل سراب صدك..ابتسام اتفاجئت بسؤال سراب..دنكت وهي اتبوس بدموع وكأنها ماسمعت شي..يعني طنشتها..
بالوقت الي كلنا جنه ننتظر جواب ابتسام او على الاقل اتجذب تحليل سراب. هيه جانت ساكته  وابقمة البرود...

ايمان: ولج احجي صدك هذا الكلام صدك ما خليتي ياخذج..
سراب:اي ما خلته واضحه ترى..
زينه:لا ما اصدك فدوة احجي..
ابتسام: شكو  شكو عليمن هذا اللطم اليسمعجن ايكول امسويتلي مكسورة..وفضيحه

ايمان:اذا صدك بعدج ابنيه فهذا اكبر فضيحه لابوج ولاخوتج واني اكول اشبي الزلمه كالب خلقته علينه
زينه : شنو السبب خفتي من عندة مثلا
ساكته ومترد..وهيه ابقمه التكبر والغرور وما همه واحد...
سراب:بسومه حبيبتي..ترى الدسوي غلط..يمكن الولد يصبر عليج يوم يومين اذا جنتي صدك خايفه منه بس اذا متعمدة ومتخلي يتقربلج لا اهنا الحجي يختلف انتي هيج دتوقعين على موتج اذا الحجايه وصلت لاخوتج تنذبحين والله
_وليش شمسويه اني
ايمان: اي لعد اشعبالج ما دام متخلي يتقربلج راح يكول  معناهه انتي بيج شي لا سامح الله..

_ايخسة اشك حلكه ابقندرتي

لمن شفت ردها عرفت الولد مابي صوج وهي الله اليعلم شمسويه بالولد...

ايمان :احترمي نفسج  وخلي الامور تمشي لعد اشعبالج هو هذا الزواج..جا شنو بس بدلة وحمرة..اتلاحكي نفسج قبل متوصل الحجايه لاخوتج..
_اسمعي ابتسام ترى سالفتج هاي عليها كعدات عشاير ولتخلين ابوج ابهيج موقف عيب عليج

_اشبيكم اكلتوني اكل ..جايين اتباركولي لو تنطوني مواعض
_وعلى شنو انباركلج يا خيبه...
سراب: ليش متحجيلنه شنو صار وياج وحتى هيج زورك عينج.

_هففففف...
فات للغرفه..وكعد يمي اخذ اديه ولزمهن لو اني شبيت نارر...اتخبلت سحبت اديه ابسرعه وكمت من يمه...هو عصب جان يسحبني حيل من متني وصار وجهي مقابيله...
_ابصوته الرجولي..صاح احنه مو ازغار حتى اتخافين ماشي..واني مراح اسوي شي غصب عنج اشوكت متشوفين نفسج مستعده كليلي
_باوعت عليه ابغضب...على هذا الحجي عمرك مراح تلمسني
_ليش بالله
_ العين متعلى على الحاجب
بعدني دا امشي ما احس الا عيني انطفت من ضربته الحيوان..