الحب لم يخلق للجميلات فقط

البارت السابع والأربعين

#الحب_لم_يخلق_للجميلات_فقط

للكاتبة بان الأعرجي

البارت 47

ملاك..
مروان جان غير شكل وزنه زايد اشويه وجسمة امعظل صدرة مشدود طالع فد شي😁 امربي لحية
هيه حلوة عليه بس اني مو كلش حبيتها..قبل جان احلى..بدون لحية..
لابس بدي زيتوني وبنطرون اسود..ما اكدرت ابعد نظراتي عنه نسيت نفسي وذبت بملامح وجهه واني افترس كل جزء منه ابحدة نظراتي..
الى ان اصحيت على نظرة وخزرة حادة من مروان وهو يباوع عليه من فوك لجوة وكأنما متفاجئ ابشكلي بس عكس التوقع جان ضايج وامعصب وما عجبة شكلي الجديد..
دنكت راسي بخوف او خجل متوترة من موقفه وياي ..هز راسه ابخيبة امل ومشى وابتعد بخطواتة عني..

هدى:شفتي هذا اشبي حتى سلام ما سلم علينه عليمن هالغرور بالله
_ولج انصدمت شفتي شلون يخزر بيه عبالك مسويتلي مصيبه
_اي صح انتبهت على هذا الشي  بس ليش سوة هيج
_ما اعرف عقلي مشوش.
_يمعودة دخلي ايطير شايف نفسة فد شي خلي براحته المهم انتي مرتاحة معليج بي
_لا واني شكو اصلا احنه ما ابينة شي بعد عليمن اشغل نفسي..

مجرد كلام  صدكوني 💔😔 بس اني ابداخلي ميته قهر على مروان وكلش استحيت من نظراته ما اعرف ليش حسيت نفسي نزلت من عيونه...بس اني ما سويت شي غلط ومن حقي اهتم ابنفسي وارتب شكلي..

المرحلة الثانية جانت هواي بيها تغيرات مو بس ابشكالنه حتى ابعض العلاقات...
شهد كالعادة نجمة الجامعه هالمرة جانت امغيرة لون شعرها وصابغه لون قريب للاحمر((هدى اتكول لون ازبري😂 ))
طالعه اتجنن بي..بس المفاجئة هيه وميثم متخاربين
وميتحاجون والاكيد همه منفصلين عن بعض بس منعرف شنو الأسباب..
دخل ميثم للقسم جان واضح عليه التعب سلم علينه مروان ما رد السلام ...
دخل وكعد يسولف ويه الطلاب وكأنو ما شايف شهد ولا يعرفها اتجاهلها حرفيا..
شهد كل اشويه اتباوعلي بنظرات غريبه ..احس عدها شي بس ما مترددة او خايفة ما اعرف..

مروان...
اتفاجئت ابشكل ملاك لا انصدمت..معقولة هيج بهالسرعة تتغيرين صح حلوة بس ما حبيت لبسها ابد واعرف كلش زين هاي اسوالف هدى..
كلما تمشي بالجامعه بالملابس الضيقة اشتعل نار وانفجر من الغيرة واعرف نظرات الشباب تلاحقها كوة لازم نفسي بيا ساعه انفحر عليها..

هدى..ملاك دشوفين المرحلة الاولى اشلون يتماوعن ويدلعن 😅
_هههه اي وما شاء الله جماعتنه ما قصروا من الصبح لسه يم المرحلة الاولى يكولون خطية دنعرفهم على الجامعه خاف يتيهن
_هههههه زواحف
_زواحف شنو
_يعني يتحارش وذاب نفسة كوة 😅
_خوش مصطلح يضحك 😅 بس لايك ويستاهلون حيل

نتمشى..وجان من بعيد اشوف مروان واكف وويا ابنيه اتجنن وازغيرة طالبة مرحلة اولى ديسولفون ويضحكون..ومندمج وياهه على الآخر..

حسيت جبل وكع على راسي..كلبي على اشويه ويوكف..متحملت
_اريد اكعد دخت
_هاي اشبيج شنو اتخربطتي
_كعدت وجسمي كله يرجف..شوفي كدامج..
_شنو شكو.......عزااا صدك تححين هاي اشبيج ملاك عوفي خلي ايولي شوفي ابعينج هذا خاين وابو بنات لج الله ديكشفه الج ليش متاخذين عبرة..
_انطيني ماي..اختنكت
_انتظري راح اجيبلج واجي اهدئي على كيفج..