الحب لم يخلق للجميلات فقط

البارت الخامس

#الحب_لم_يخلق_للجميلات_فقط

للكاتبة بان الأعرجي

البارت  5

_مرحبا اني الدكتور بهجت

ايمان: مديت ايدي وصافحته...بتوتر..أ.أ.. اسمي إيمان
_ ابتسم... آنسه ايمان..لو ست ايمان..
ايمان: آنسة
بهجت: اتشرفت بيج آنسه إيمان..
إيمان: وهي متوترة وخجولة وتتهرب بعيونها ..اشكرك...تركته بسرعه وراحت..

رجعت للبيت ...شفت ايمان تلبس بعبايتها وبيدهه ورقه ازغيرة...كتلها..ها وين رايحه..🤦‍♂️🤦‍♂️لو ابتليت على عمري

ابتسام: رفعت عيونها عليه...شنو شنو...عيد اشكلت
سعيد: وين رايحه
ابتسام : اتسد حلكك لو اكوملك بالنعال اكطعه على ضهرك ولك شنو انته وتسالني وين رايحه
سعيد: شنو منو اني جا شنو غير نعرف وين ترحين وتجين تردين تمشين ابكيفج
ابتسام: مثل المفترسة..طفرت على سعيد ولزمته من اذنه 👂...ولك ابكد الزبانه تريد اتصير رجال ابراسي..وهي اتجر بإذنه حيل...
سعيد: وجعتني حيل ..كمت اعيط اخ..اخ...هديني...
ابتسام: اليوم اريد اسويك رجال من صدك ولك الازرك طالعه عينك هالايام اله اربيك من جديد وبدت تضرب بي...

بهاي الاثناء دخل والدي وحميد..
والدي :صاح بصوت...ابتساااام...
ابتسام: جفلت وخافت مباشرة تركت سعيد وبقت مدنكة وترجف..بصوت ناصي..ها
والدي: ولهدا ...هاي شنو شسوين ليش اتكتلين باخوج اني جم مرة امحذرج من هاي السالفه
ابتسام: بابا والله هو ميحترمي وفوكاهه يريد يتحكم بيه
والدي: ليش اشسوة...
ابتسام: اريد اروح اخابر عمتي من الجيران حط روحه ويكولي مترحين..
سعيد: لا بابا والله جذابه...بس كتلها وين رايحه شلون تطلع بدون منعرف وين...
والدي: اي عفيه ابني..هسة اني امنت على خواتك...اندار على ابتسام ...اسمعي راح يصير المغرب ابسرعه روحي خابري عمتج ورجعي..حتى اتسوين العشه ميتين من الجوع
ابتسام: ابضحكه متكبرة ...صار بابا..هسة ارجع... وهي تدير وجهه بملامح الانتصار....متوجهه للباب..جان يصيح بابا...
والدي: ابتسام
ابتسام: نعم بابا
والدي: وهو يأشر بيدة...اخذي اخوتج وياج ...ومنا ورايح لتطلعين وحدج تاخذيهم وياج وين مترحين الوضع ميتأمن بعد
وهي تباوع باستغراب..بس مجبورة تقبل بالوضع والا مراح تكدر تطلع..كالت.
صار بابا يلا امشوا...
سعيد: طلعنه من باب البيت واحنه متوجهين لجيرانه...جان اتجرني من ياختي..
ابتسام: هسه ارتاحيت مو..تف عليك يا فحمه...
حميد: اشبيج منا الجيران ليسمعوج
ابتسام: كله من هذا المسموم ابو الغيرة..اشكد حاقد ويكرهنه
حميد: اشش يله راح ادك الجرس..

بقيت واكف ..اوووف ليش هيج يحسون اني اكرهم والله جنت خايف على كل واحد بيهم..قصه حميد لسه ابدماغي طابعه وامسيطر الخوف عليه...ولكم حتى ما افكر ابنفسي كل تفكيري وخوفي عليكم...اوووووف حيل انهضمت من كلامها٠💔

بعد  سلام وي  الجيران...دخلت ابتسام..واخذت التليفون.بحضنها..طلعت الورقه وهي تنقل منها الرقم..وتدخل اصابعها بحلقه التليفون وتفرة.....واحنه صافنين عليها شلون تعرف تستخدمه...سكتت ثواني والسماعه على اذنهه...وكالت
الووو... وملامحها انكلبت حسيتها ضاجت
ابتسام: ها عمه اشلونج..حبيت اسأل عليج..
بعد كلام بينهم وهي تسال عن احوالنه  ..حمودي زين الحمد لله هذا يمي...تحجين ويا...
جان تنطي السماعه لحميد يحجي وي عمتي..و يضحك وياهه....درت وجهي. اباوع عالبيت واثاثه.. خلصت الاتصال ورجعنا للبيت...بس احس وضعها مو طبيعي وضايجه..