الحب لم يخلق للجميلات فقط

البارت الخامس عشر

#الحب_لم_يخلق_للجميلات_فقط

للكاتبة بان الأعرجي

البارت 15

الوجع الحقيقي ذالك الذي يلمس ادق شريان في قلوبنا هو وجع الحب وللأسف لا يوجد لهذا الوجع  أي مهدئ في هذا العالم يمكن له ان يسكت ذلك الألم 💔🥺

جانت الصدمة متنوصف..الكل بقى ساكت ما مستوعبين  الكلام  الدنسمعة..
ايمان:ششششنو يا زوجه انتي شتكولين..
والدي: بنتي ممكن تحجين ابوضوح انتي منو وشنو تردين منه..
_ كامت تبجي وتحجي....عمو اعتبرني مثل بنتك وخلي الله بين عيونك اني زوجه بهجت وبت خاله  وهاي ..وهي تأشر على إيمان بنتك جايه تخرب بيتي وتحطم سعادتي..اذا انته راضي بهذا الفعل اني ما راح اسوي شي بس امسلمتكم بيد الله وحسبي الله ونعم الوكيل عليكم 😭😭

ابتسام سحبتها من ايدهه...انتي شكاعد اتخرطين هاي كلاوتج عبريها على غيرنه ويله امشي طلعي منا ابكرامتج لا تخليهم يشيلوج بالسديه طلعي..وهي تسحبها لبرة...

والدي: ابتسام ..اتركيها  وشنو يثبت كلامج صحيح وانتي زوجة بهجت..
_ ماشي..وهي تفتح جنطتها وطلعت ورقه..اتفضل عمو هاي ورقه عقد زواجي من بهجت اني زوجته والله زوجته..

اتقربت من بابا اريد اشوف العقد للأسف العقد رسمي وموثق بالمحكمه فعلا البنيه زوجته قبل سنتين...
ابويه انصدم فرك وجهه بيده وكال...

شوفي بنتي الله شاهد احنه منعرف بهجت متزوج والا مستحيل يطول اضفر بنتي  هو لعب علينه وخدعنه مثل ما انتي انخدعتي بس المستغربه انتي وين جنتي ليش بقيتي ساكته طول هاي الفترة..

_ اني جنت مسافرة ويه اهلي والبارحه عرفت بزواج بهجت ورجعت اليوم للعراق دخيلك عمو لتخرب بيتي وتبني سعادة بنتك على تعاستي..اترجاك 😭

والدي: مو اني الاكسر خواطر الناس..روحي بنتي الله يسعدج ويه زوجج..اتكدرين ترحين..

ابتسام: الله لا بوفقك يا بهجت ان شاء الله..امشي انتي يله طلعي برة..الله لا يهنيكم كسرتوا كلب هاي اليتيمه...

لحد الآن  ما امصدك الصار...انتبهت على إيمان..صافنه ودمعتها على خدهه ..ابتسام طردت البنيه وكلبت البيت عياط وغلط على بهجت واهله..والدي حالته متتفسر..مصدوم مثلنه ميعرف شيسوي...

حميد: ها  هسة ارتاحيتوا..طلع هذا النذل الساقط مستغفلنه ويضحك علينه لك شنو اشايفنه كرون كدامه ابن ال...... والله موتك على ايدي يا بهجت الكلب...راح ديطلع جان يصيح بابا.....

والدي: حمييييد...اكعد وانجب محد يتحرك من مكانه ولا تسوي شي..
حميد: شنو يعني بعد كل السواه نسكتله امداني اي والله مو رجال ابن رجال اذا اسكتله..
والدي: مراح نسكتله الصباح رباح..ابتسام اتصلي بعمتج وبليغها العرس انلغه...