الحب_لم_يخلق_للجميلات_فقط
للكاتبة بان الأعرجي
البارت 41
مروان..
كل تفكيري يم البنت الاسمها ملاك محرج منها اعرف الموضوع كلش عادي واي شخصين ممكن يتعرضون لهيج موقف بس ما اعرف شنو احساسي وما اعرف ليش خايف لتكون اخذت عني نظرة عكسية..هفففف
اتمشيت لوحدي ..جان اشوفها من بعيد كاعدة هيه وصديقتها يسولفون...ثاني يوم بالجامعه وهيه نفسها ما اتغيرت ولا انجرفت ويه التيار..ما قلدت واحد ان شاء الله تبقى هيج ومتتغير ...
وجان اشوف نفسي واكف مقابيلها اشلون وصلت واشعندي يمها ما ادري 😅😅..اداركت الموقف ابسرعه وكلت السلام عليكم..
اتفاجئت ابوجودي اول مشافتني اختفت ضحكاتها ودنكت ابخجل....المصيبه ما اعرف شنو احجي وياهن 🤦♂️واشعندي يمهن...خرب حضي ..انطبق عليه المثل ليكول راد يكحلها عماهه😅..
ملاك... واكف اكبالي مثل التمثال المتحجر كال السلام عليكم..ردينا عليه السلام..بقينا ناس صافنه ابوجه ناس..ما اعرف شنو يريد...رفعت عيني ابعفويه حتى افتهم منه شي...
جان واكف عادي ولا امبين عندة شي..الضاهر الاخ بدة بسوالفه التعبانه ويريد يثبت رجل يمنه ويفتح علاقة...ضارب صفنه واتخورس غير نفتهم اشرايد؟
هدى: تعال اتفضل اكعد..وهي تنسحب لصف ملاك حتى يكعد مروان..
_ ها...مشكورة..اجيت وكعدت يمهن....ما اعرف يمكن اتخبلت اني عمري ما سويتها وكعدت ابنص البنات وكلما يصير هيج موقف جنت انسحب واطلع..واليوم اني كاعد يمهم ....
ملاك...ابد ما اتردد ابسرعة اجه كعد ويانه بس مو صوجه صوج هدى المتستحي كعدته يمنه بسيطة اني الج...جان كاعد مدنك لازم موبايله ويفر بي حركة وضيعة وسخيفة يعني ايريد ايرقم بنية ...
ما حبيت وجودة وكعدتة ويانه..انفضت نفسي وكمت اخذت جنطتي ومشيت عنهم...هدى صاحت وراية
ملاك....ملاك...لج تعالي وين رايحة...
ما اهتميت الها امعصبة منها كلش...
مروان..
حسيتها انزعجت مني كلش..والله مو قصدي ما اعرف اشبيه وليش هيج مدا اعرف اضبط نفسي واتصرف عدل ..ضجت من نفسي وانحرجت كولش كمت من مكاني ورحت للقاعه...
هدى: ياا هذا الثاني هم طفر عزااا اشبيها العالم اليوم. خلي اشوف هذيج وين راحت المخبلة.
ملاك..امشي واني امعصبة ومشاعري امخربطة..جان تجيني ضربة على جتفي من هداوي ..وصاحت
_اشبيج وين وليتي؟
_ اشعجب اجيتي وتركتي الاستاذ لوحدة
_ولج غير الاستاذ طفر وراج بلحظة وبقيت اني وحدي مثل الجني..
_ههه ضحكت بأستهزاء عود صار خير وشريف..
_اشبيج ويه الولد ترى ما صدر منه شي مو زين..ولا اتجاوز حدودة ويانه.
_شوفي اني نفسي اول مرة شفته بيها كلت ما شاء الله اخلاق وشخصية بس بعدين تصرفاته ومواقفه ثبتتلي العكس هذا انسان فاضي ويريد علاقات لا اكثر ولا اقل
_اني عكسج اشوف الولد كولش محترم وراقي
_بربج ما كالج اريد رقمج
_لا والله ما كال اشبيج ملاك احسج مخربطه متعرفين شنو تردين وبعدين ليش هيج امعصبة..
_اخذت نفس...ااااه ماكو شي امشي للقاعه راح تبدي المحاضرة بس تعالي خلي اشتري بطل ماي عطشت..
_اوكي امشي..
أنت تقرأ
الحب لم يخلق للجميلات فقط
Roman d'amourتنمر المجتمع على شكل الانسان والاهتمام بالمظاهر وترك الجوهر الحقيقي ويأتي الحب الحقيقي و هو عشق الروح قبل الشكل 😊
