الحب لم يخلق للجميلات فقط

البارت التاسع والثلاثون

#الحب_لم_يخلق_للجميلات_فقط

للكاتبة بان الأعرجي

البارت 39

ملاك..
ما اكدرت اعرف شي عن خطوبة دموع..بس ضلت ابنفسي اشوف شكله اني سامعه عنه من المشكلة الصارت ويه عذراء ورسل بس ما شايفته شخصيا لن اني مو من النوع الاطلع اهواي..حاليا تركيزي بأمتحاني الاخير....
راح تنتهي الامتحانات وتبدي العطلة الصيفية كلش متحمسه لن بابا قرر ياخذنه لأيران نسافر  انزور الإمام الرضا  عليه السلام وانغير جو  طبعا اكيد ويانه جدو..وهاي جانت اول مرة اله يروح بيها زيارة لأيران...

خلصنا امتحانات..الحمد لله..اخر يوم...
هدى: حضنتني ابقوة..اووف ولج بعد ما اشوفج ولا اسولف وياج 🥺
_ههههه اشبيج .ترى اكو شي اسمه موبايل..
_وين اتعرفيني بعد اذا انتي راح اتكضين العطلة كلها بأيران..
_انهجم راسج ولج هيه كلها اسبوع
_امانه ملاك لمن توصلين للامام الرضا تدعيلي اتزوج فدوة عليج القرآن ايكولج اليزور الرضا اول مرة اله ثلاث دعوات مستجابه عليج الله وحده منهن الي خلي اتزوج وارتاح
_ياا والله من عيوني كلهن الج وادعي بيهن دعوة وحدة كون أمامي الرضا يزوجج يا هدى ونرتاح ونخلص منج..
_امين يارب العالمين الله يسمع منج
حضنتني وبوستها وتوادعنا...طبعا اكيد راح نتواصل بالموبايل ومراح تنتهي علاقتنه😅😅

واني راجعه بالطريق للبيت اخذني الفضول اريد اشوف خطيب دموع ما عجبني وصف عذراء اريد اشوف ابعيني😅..

رحت للاسواق مالته ابحجة اشتري ..
دخلت جان كاعد عالكرسي لابس شفقه وامخلي الهيدفون بأذانه..لابس برمودا وبدي.. شكله يعني مقبول..اسمر 😏  سمارة عادي اول مشافني..ضلت عيونه على جسمي نظراته ابد مو راحه..كال
اتفضلي
_اريد عصير وجبس..
_من عيوني...
اخذتهم ورحت اركاض بس اريد اطلع من المحل لعبت نفسي...
من فزعتي الطخت بشخص..
ااخ ..لمن رفعت عيني جان اشوف دموع...لمن شافتني اتخبلت تريد تاكلني بعيونها..
_اشعندج هنا..هااااا احجي؟
_شنو اشعندي دا اشتري..ديله وخري عن طريقي ..الحمد لله والشكر...
_اي احمدي ربج لا على المريض حرج امخبله..

تركتهم وطلعت واني ميته من الضحك على وجه دموع اتخبلت وماتت من الغيرة لمن شافتني يمه  معقولة هيج تخاف عليه ومنين مني صدك ثوله😅

اول ايام العطله بابا جان ملتهي يكمل جوازات السفر جان يوميه ماخذنه نبصم ونطك صورة ومدري شنو.كملهم وبقينا ننتظر اشوكت نستلمهم حتى نسافر.. 

ملاك : عذراء ضوجه امشي خلي نروح يم عماتي
_اي والله ضوجه بس ما لكيتي غير مكان نروحلة
_تدرين بابا ميقبل نطلع لغير مكان..هسه دمشي خلي انحصل رزاله من عماتي والله اشتاقيت لكلامهن الجارح هههه
_هههههه يله امشي..

استأذنت من ماما ورحت لبيت جدو...
عذراء اله اتبدل وتكشخ لبست تنورة وبدي وخلت قراصه عاليه ولفه الشال بطريقه لو بعد الف سنه ما اعرف اسويها 🙄..
اني طلعت بتراك البيت والحجاب ..
دكينه الباب...
عمتي ايمان صاحت منو...
بقينه ساكتين نخاف نحجي اخاف تسمع صوتنه ومتقبل تفتح الباب ..
هههه بقت تصيح منو..منو..واحنه ساكتين وحاصرتنه الضحكه..
_منو....اهووو.....جان تفتحها شافتنا...وكالت
وجع اشبيجن طرشات خرسات متحجن..
_هلو عمه شلونج..ودخلنه جفت...للبيت
_هله شكو خير اشعجب جايات...
_نسال عنكم غير