الحب لم يخلق للجميلات فقط

البارت الرابع والأربعين

#الحب_لم_يخلق_للجميلات_فقط

للكاتبة بان الأعرجي

البارت 44

ملاك..
لمن كال انطيني فرصه حسيت برغبه ابداخلي اريد انطي هاي الفرصة بس بنفس الوقت خايفه منه ليضحك عليه ويستغلني...

_ملاك ليش احسج خايفه مني كوليلي شنو سبب هذا الخوف..
_اني مااثق بيك وما اعرف شنو غايتك لوين تريد توصل..
_زين اسئلج سؤال هم شفتي عليه شي مو زين لو يوميه وي وحدة شكل واضحك عالبنات..
_وشهد
_اشبيها
_بس شبعت منها شمرتها وانفصلتوا
_لا اله الا الله بيمن احلفلج ماكو شي بيني وبينها هيه وحدها خلقت هذا الشي اني ابن عالم وناس واهلي ملتزمين هسه ما اريد انتقد شهد بس اني مستحيل ارتبط بوحدة مثلها..
_يعني طول هذيج الفترة ماكو بينكم شي
_اي اقسملج ماكو شي بينه ولا انطيتها ذرة امل واتحداهه اذا تكول اني املتها ابشي..واكلج شي تدرين اني السبب بدخولها للمستشفى..
_شلون😳؟
_اي اني لن خليتلها حد وكتلها انتي مو حبيبتي ومايربطني بيج اي شي..
_بقيت متفاجئة من كلامه ما اعرف شنو ارد..
جان اسمع صوت الهورن...مال السيارة..
_اتأخرت على السايق من رخصتك..
_ملاك انطيني رقمج
_فتحت عيوني عليه بأستغراب اول مرة بحياتي واحد يطلب رقمي😅💔 اشو هذا خاف مني..وابسرعه اعتذر
_اسف مو قصدي بس اريدج اتعرفيني اكثر.. زين عندج فيس؟
_لا ماعندي
_صدوك؟ اكو ابنية ماعدهه فيس
_اي اني
_والرقم
_غير مرة هسه اتأخرت باي
_ماشي باي

ملاك صعدت بالسيارة مصدومة..هاي شنو هذا الصار حقيقه لو حلم..
هدى: اشبيج وين صرتي
_ولج مصيبه
_يا ستار
_من اوصل البيت اراسلج

ملاك..
وصلت للبيت وجان واضح عليه الارتباك ..ماما سألتني اشبيج كتلها مابيه شي تعبانة اريد اسبح
_يله ابسرعه حتى تتغدين
_اوكي

عذراء: سلامات اشبيج دخلتي كبل لا سلام ولا كلام
_عذراء اسكتي اختج دخلت بغيبوبه اليوم
_عزاا شكو
_هففففف بعدين اخذت ملابسي ودخلت للحمام

الماي مفتوح ويجري واني صافنة عليه وتفكيري بغير مكان  صرت مثل العمية بعد ما اميز شي ما اعرف الصح من الغلط مروان خربط كل موازيني...

دا اجفف شعري بالشسوار...
عذراء: ..اخذت الشسوار وطفته ..ممكن تكوليلي اشبيج..
_اووف..كعدت عالجربايه..عذراء صارت مصيبه وما اعرف شلون اطلع منها..
_عزاا اشسويتي ولج اكيد السالفه بيها مروان
_اي....اااه..مروان يريد رقمي واني ما اعرف شسوي كلبي يكول انطي الرقم وعقلي يكول لا يضحك عليه والواقع بدة يتغير واحس نفسي ضلمت مروان هواي
_والله من ناحية الظلم فأنتي اكبر ظالمة..بس فاجئتيني بطلبه وانتي شنو كلتيله
_كتله بعدين غير مرة انطيك الرقم
_لحظة وشهد
_هنا المشكلة ولج طلع ماكو بينهم شي ايكول هيه وحدها خلقت هالشي ولازكة بيه وين ما اروح وكال سر
_شنو
_انو هو سبب مرضها لن خلالها حدود بس ما فهمت قصده
_ولج والله جنت متوقعه هالشي حسب ما راقبت صفحته وكلامج عنه افهمت انو هو ماعندة حبيبه وشهد فعلا لازكة بي كوة واكيد الغبيه اعترفتله ابحبها وطردها..
_شسوي حايرة
_انتي خايفه لا عبالج يستغلج وابو بنات مو
_اي
_شنو رايج نختبرة
_اشلون
_اسوي صفحة فيس وهميه واراسله وانشوفه ينطي مجال لو لا
_خوش فكرة يله سويها
_تمام..