للكاتبة بان الأعرجي
البارت 10
الحرب انتقلت من الجبهات لداخل بيتنه....فعلا قامت القيامه...
حميد واكف كبال بابا وهو مدنك راسه ورافع حاجب وكأنه معاجبه الوضع..
والدي: جان عصبي كلش لدرجه جانت ايده ترجف وهو يعيط بكل قسوة...لك بس فهمني انته من يا طينه لك ليش هيج شالع كلبي ومفشلني كدام العالم..شسوي بيك هسه..احط طلقه براسك واخلص منك...
ابتسام : وهي تبجي وواكفه بصف حميد...دخيلك بابا والله بعد ميعيدهه لتسويله شي 😭
ايمان: لا بابا لتفضحنا دخيلك ويكولون كتل ابنه علمود طيور...
والدي: والله يستاهل الكتل على سوالفه هاي كل يوميه وجايبلي مصيبه اشوكت الله ياخذ عمرك ويخلصني منك
ابتسام: لا بابا عفيه لتدعي عليه وتصير صدك والله هاي هيه بعد ميسويها..
والدي: جلب وفطس ...طبه مرض فوك مرض..بس اني اعرف هاي السالفه مراح اتفض مدام المهجومات فوك ..كام من مكانه واخذ الدرج وصعد...
حميد: والله وامان الله اذا طيرهن لو سوالهن شي بعد متشوفون وجهي وتبقون طول عمكركم عايشين بحسرتي...
سعيد...اعرفه يسويها صدك..خفت عليه وكتله..
اشبيك فوك شينك كوات عينك كاعد اتهدد يطبك مرض تستاهل كل من عمل ايدك يوميه ومسويلك مكسورة كم مرة حذرتك من جواد وسوالفه بس لا شلون حميد يسمع كلمه اذا ميعاند مستحيل يعيش..
ابتسام: اشبيك اكلته وشربته..عود هاي انته اخو وتوأمه وخابص الدنيا ..سعيد اذا طلع حميد من البيت اني دقيقه ما ابقه..
ايمان: واني هم...
تفاجئت من موقفهن ما اتوقعت توصل لهاي المرحله..لازم اقنع بابا بأي وسيله...باوعت عليهم وكلت...
بس لو الله ياخذ عمري ويخلصني من حميد ومشاكله..درت وجهي صعدت ورى ابويه...لكيته يحاول يكسر باب القفص....
سعيد: بابا تسمحلي احجي وياك..
والدي:اذا شغله بيها اسم حميد كلشي لتحجي..وهو يأشر بيده ✋
سعيد: بابا حميد راح يترك البيت وخواتي هم يطلعن ويا..
والدي: التفت عليه وهو متفاجئ من كلامي ... استغفر الله...وطلعتهم خلي يولون...
سعيد: لا بابا هذا مو كلامك....اني اعتذر منك اني السبب بالصار كله..
والدي: وانته شعليك
سعيد: اني قنعتك بالبدايه وخليتك تقبل حميد يبقي الطيور بالبيت
والدي: هو مو خوش آدمي وطايح حظه دك سدر وكال اني واني والتزم وتالي جايبلي ساقط من الشوارع ومدخله بيتي حتى يباوع على اعراض العالم..والله انعل ابوهن وكلهن اشمرهن بالشارع هسه
سعيد: بابا اني عندي حل يرضيك ويرضي حميد ..
والدي: خلي ابالك الطيور ميبقن هنا افتهمت..
سعيد: بابا اني راح اشتريهن كلهن من حميد..
والدي:شنو وانته امنيلك عوفه هذا واحد حقير ومصلحجي لتضحي بشي علموده لن ميستاهل وعمره مراح يذكرلك ولا موقف واتذكر كلامي..
اعرف ...بس جان لازم انقذ الموقف. الموقف المراح يذكرة واحد من اخواني بالمستقبل...
سعيد: بابا مو مهم ما اريده يذكرلي شي الاريدة ما افترك عن اخويه...
والدي: ااه....ما ادري شلون انتو تؤام سبحانك يا إلهي الك بيها حكمه...تنهد وكال...سوي التريدة بس ها..ما اريد اشوفه ولا اسمع صوته الحميد نبهه على هذا الشي..
سعيد: صار بابا يعني موافق
والدي: ولو ميستاهلون بس موافق..
أنت تقرأ
الحب لم يخلق للجميلات فقط
Romanceتنمر المجتمع على شكل الانسان والاهتمام بالمظاهر وترك الجوهر الحقيقي ويأتي الحب الحقيقي و هو عشق الروح قبل الشكل 😊
