الحب لم يخلق للجميلات فقط

البارت السادس والعشرين

#الحب_لم_يخلق_للجميلات_فقط

للكاتبة بان الأعرجي

البارت 26

زينة:سديت الموضوع ومافتحته بعد حتى لسعيد ما كتله..بس شنو بقيت عايشة ابحركة وجمرة تاكل ابصدري كلما اذكر ضربة سراب..
بقيت حريصة ما اخلي بنتي تقترب من دموع ولا تختلط بيها...وسراب همين متخلي بتها تلعب ويه ملاك..
سراب خلصت اجازتها ورجعت لدوامها..وابتسام استلمت حضانه دموع وتربيتهاا...
_ولج دمعه...تعالي لتلعبين وي هاي المسمومة لتوكعج وتتعورين..

هاي جانت كلمات ابتسام الي يوميه اسمعهاا واتعودت عليها..صارت جزء من يومياتي 😅😅

حميد يشتغل بسيارته وبالليل يرجع وسعيد يكمل شغله ويرجع العصر...علاقتي ابسراب مقطوعه..
ثاني يوم من ضربتها لبنتي كعدت الصبح...
صارت ابوجهي...ما كتلها صباح الخير شلت بنتي ورحت صبحت على عمي والبنات وخليت ملوكه يم عمي...ما يروح للمحل اذا ميشوفها..

بقيت اشتغل وبنتي يمي تلعب..وسراب اتخبلت ضلت تضرب صفنات..جانت اتباوع عليه وهيه مستغربه تصرفي وياهه ..وكل اشويه تدخل للمطبخ تاخذ حاجه عود بلكت احجي وياهه شي..واني ابد ما انطيتها وجه حيل مقهورة منها ..
راحت و كعدت يم ابتسام يتهامسن ويباعن عليه ابتسام كلما تجي عيني ابعينها تعوج حلكها عليه وتفر بيدها ...

حميد جان كلما يدخل للبيت وجه ثكيل عليه ويباوع لملاك بنظرات كلها اشمئزاز وكأنه يشوف عدو كدامة ولا عبالك بت اخو ومن دمه ولحمه...ونفس تصرفات سراب هم كلما اجت دموع يم ملاك عاط بيها حميد..

يوم من الايام...

كاعدين العصرية ملتمين يم عمي ما عدا حميد جان بالشغل...
عمي: وينها مليكه حبيبتي..
ايمان:ابكبرها حجي ههههه
ابتسام:هههههه
سعيد: ما اتضحك ترى...تعالي ملوكة جدو يريدج
جان عمر ملاك 3سنوات ..بس تصرفاتها اكبر من عمرها ورغم حجيها امكسر وما مفهوم بس جانت اللسان ((على عماتها🤣🤣😜))

ملاك: تساع ثنو ليد...=الترجمة 😅كلساع شنو ايريد

ضحكنا طبعا مو الكل...

اجت ملاك كعدت ابحضن جدها وهي امعصبه وتحجي ويا..وهو يضحك وياهه من كل كلبه احسه يرجع طفل وياهه هلكد ما يحبها ويرتاح يمها..

ابتسام: اكول حجي انته ليش اتفرق بين البنات هم اتريد اتعيد نفس الغلطة
_شنو يا غلطة ويا تفرقه شو متعرفين تحجين انتي.
_لا حجي مو قصدي بس اشوفك كالت ملاك وحجت ملاك ولا فد يوم جبت طاري دمعه..
_دموع وملاك اثنينهن حفيداتي واثنينهن نفس المعزة لتزرعين التفرقه بينهن واذا على ملاك اني اصيحها على اسوالفها الحلوة اتذكرني بالمرحومه تشبها ابكلشي..
ايمان : كول يا الله حجي شنو السالفه فقدت الذاكرة
ابتسام:يااا صدك تحجي تجيب امي الجمارة جنها كمر الهاي الزركه..اشبيك حجي نسيت امي شلون جانت اتخبل
سراب:الله يرحمها
سعيد: زين تذكرين شكلها حسب علمي سنه كامله امي مشمورة بالمستشفى وانتي متقبلين اتزوريها
_ غصبت وصاحت ..هسه جاي اتعيرني ولك غير جنت ملتهيه بيكم وابخدمتكم بس لو جلب جان غزر بي وانته كلشي ميغزر بيك..
عمي:كافي انتي وتالي وياج وين متكعدين اتشعليها اشوكت اتعقلين مو اكبرتي وشيبتي وانتي على نفس الحطه كلشي ما فاد وياج...