ﻧﺰﻝ ﺑﺪﻳﻪ ﻛﺒﺲ ﻋﻠﻰ ﻛﺘﺎﻓﻲ ﻭ ﺩﻭﺭﻧﻲ ﻋﻨﺪﻭ ... ﻧﺰﻝ ﻋﻠﻴﺎ ﺍﻛﺜﺮ ﻳﺤﻜﻲ ﺯﻳﺎﺩ : ﻭﻳﻦ ﺷﺘﺮﺟﻊ ... ﻓﻲ ﺑﺎﻟﻚ ﺍﻧﺎ ﺷﻨﺨﻠﻴﻚ ﻫﺰﻳﺖ ﻳﺪﻳﺎ ﺯﻭﺯ ﺣﻄﻴﺘﻬﻢ ﻋﻠﻰ ﻭﺟﻬﻮ ... ﺗﺒﺴﻤﺖ ﻧﺤﻜﻲ ﺍﻧﺎ : ﻣﺶ ﻣﺼﺪﻗﺔ ﻻﻧﺎ ﻣﻌﺎﻙ ﻫﻮﻧﻲ ... ﻭ ﺑﻴﻦ ﻳﺪﻳﻚ ﺗﻮﺍ ... ﻣﻌﺎﺩﺵ ﺗﺨﻠﻴﻨﻲ ﺟﻤﻠﺔ ﻫﺰ ﻳﺪﻭ ﺩﻭﺭﻫﺎ ﻋﻠﻰ ﻇﻬﺮﻱ ... ﺟﺒﺪﻧﻲ ﻋﻨﺪﻭ ﺍﻛﺜﺮ .. ﺣﻀﻨﻲ ﻳﺤﻜﻲ ﺯﻳﺎﺩ : ﻳﺎ ﺭﻭﺣﻲ ﺍﻧﺘﻲ ... ﺣﺘﻰ ﺍﻧﺎ ﻣﻨﺠﻤﺶ ﻧﻌﻴﺶ ﻣﻦ ﻏﻴﺮﻙ ﻛﺒﺴﺖ ﻋﻠﻴﻪ ﺑﻴﺪﻳﺎ ﺯﻭﺯ ... ﻧﺰﻝ ﺑﺎﺳﻨﻲ ﻣﻦ ﺭﺍﺳﻲ ... ﻳﺤﻜﻲ ﺯﻳﺎﺩ : ﻫﻴﺎ ﺗﻔﻄﺮ ... ﻧﻌﺮﻓﻚ ﻓﻘﺖ ﻋﻠﻰ ﻛﺮﺷﻚ ﻣﺶ ﻋﻠﻰ ﺧﺎﻃﺮﻱ ﻛﺒﺴﺖ ﻋﻠﻴﻪ ﺍﻛﺜﺮ ... ﻭﻃﻠﻌﺖ ﺭﺍﺳﻲ ﻏﺰﺭﺗﻠﻮ ... ﻧﺤﻜﻲ ﺍﻧﺎ : ﻻ ﻓﻘﺖ ﺧﺎﻃﺮ ﻣﻠﻘﻴﺘﻜﺶ ﺑﺠﻨﺒﻲ ﺯﻳﺎﺩ : ﻣﻤﻤﻢ ﺑﺎﻫﻲ ﻳﺎ ﻻﻟﺔ ﺟﺒﺪﺕ ﺭﻭﺣﻲ ﻣﻨﻮ ... ﻧﻐﺰﺭ ﻟﻄﺎﻭﻟﺔ ... ﺗﺒﺴﻤﺖ ﺑﺨﺒﺚ ... ﻭ ﺟﺒﺪ ﺍﻟﻜﺮﺳﻲ ﻗﻌﺪﺕ ... ﻏﻄﺴﺖ ﻓﻲ ﺍﻟﻤﺎﻛﻠﺔ ... ﻗﻌﺪ ﻣﻘﺎﺑﻠﻨﻲ ﻳﻀﺤﻚ ﺯﻳﺎﺩ : ﺑﺎﻟﺸﻮﻳﺔ ﻳﺎ ﺑﻨﺘﻲ ﻣﺎﻫﻴﺶ ﺑﺎﺵ ﺗﻬﺮﺏ ﺍﻧﺎ : ﻣﻤﻤﻢ ﻣﻦ ﺑﺎﺭﺡ ﻓﻲ ﺍﻟﻠﻴﻞ ﻣﺎ ﻛﻠﻴﺖ ﺷﻲ ﺯﻳﺎﺩ : ﺻﺎﺭ ﻧﺬﻛﺮﻙ ﻗﺪﺍﺵ ﻛﻠﻴﺖ ﻭﻗﺖ ﺧﺮﺟﻨﺎ ﺍﻧﺎ : ﺗﺤﺴﺒﻠﻲ ﻳﺎﺧﻲ ﺯﻳﺎﺩ : ﻻ ﺍﻣﺎ ﻋﺎﻟﺤﺎﻟﺔ ﻫﺎﺫﻱ ... ﻣﻨﻌﺮﻓﺶ ﻭﻳﻦ ﺑﺎﺵ ﺗﻮﺻﻞ ﺍﻧﺎ : ﻣﺎﻫﻮ ﺑﺎﺵ ﻳﺼﻴﺮ ﺷﻲ ﺣﺘﻰ ﻛﻴﻒ ﻛﻨﺖ ﺣﺒﻠﺔ ﻣﺴﻤﻨﺘﺶ ﺑﺮﺷﺎ ﻓﻲ ﻟﺤﻈﺔ ﺳﻜﺖ ... ﻗﻠﺒﻲ ﺩﻕ ﺑﺎﻟﻘﺎﻭﻱ ... ﻣﻨﻌﺮﻑﺵ ﻛﻴﻒ ﺧﺮﺝ ﻣﻌﺎﻳﺎ ﺍﻟﻜﻼﻡ ... ﻭ ﻗﻠﺘﻬﺎ ... ﺍﺻﻼ ﻣﻨﺤﺒﺶ ﻧﻔﻜﺮ ﻓﻴﻬﺎ ﺍﻟﺤﻜﺎﻳﺔ ﺟﻤﻠﺔ ... ﻣﻦ ﻧﻬﺎﺭﺗﻬﺎ ﻣﻌﺎﺩﺵ ﺟﺒﺪﺕ ﺳﻴﺮﺓ ﺻﻐﺎﺭ ... ﻭ ﻻ ﻓﻜﺮﺕ ﻧﺨﻠﻲ ﺯﻳﺎﺩ ﻳﻘﺮﺏ ﻣﻨﻲ ... ﺣﻄﻴﺖ ﺍﻟﺸﻮﻛﺔ ﻣﻦ ﻳﺪﻱ ... ﻭ ﻫﺰﻳﺖ ﻛﺎﺳﺔ ﺍﻟﻤﺎ ... ﺷﺮﺑﺖ ﻣﻨﻬﺎ ... ﺣﺴﻴﺖ ﺑﻴﺪﻭ ﺗﺤﻄﺖ ﻋﻠﻰ ﻳﺪﻱ ... ﻃﻠﻌﺖ ﺭﺍﺳﻲ ﻏﺰﺭﺗﻠﻮ ... ﻋﻤﻠﻲ ﺑﺮﺍﺳﻮ ﺍﻳﺠﺎ ... ﻫﺰﻳﺖ ﺭﻭﺣﻲ ﻗﻌﺪﺕ ﻓﻲ ﺣﻤﻠﺘﻮ ... ﺣﻄﻴﺖ ﺭﺍﺳﻲ ﻋﻠﻰ ﻛﺘﻔﻮ ... ﻋﺪﺍ ﻳﺪﻭ ﻋﻠﻰ ﺷﻌﺮﻱ ﻳﺤﻜﻲ ﺯﻳﺎﺩ : ﺷﺒﻴﻬﺎ ﺻﻐﺮﻭﻧﺘﻲ ﺍﻧﺎ : ﺷﻲ ﻏﺼﻴﺖ ﻓﻲ ﺍﻟﻜﻠﻤﺔ ... ﻣﻨﺤﺒﺶ ﻧﺬﻛﺮ ﺍﻟﺤﻜﺎﻳﺔ ... ﺧﺎﻃﺮﻩﺍ ﺗﻮﺟﻌﻨﻲ ﺑﺮﺷﺎ ... ﻛﺒﺲ ﻋﻠﻴﺎ ﺑﻴﺪﻭ ... ﻳﺤﻜﻲ ﺯﻳﺎﺩ؛ﺷﺸﺶ ﺭﺩ ﺑﺎﻟﻚ ﺗﺒﻜﻲ ... ﺍﻧﺴﻰ ﻟﻲ ﺻﺎﺭ ﺟﻤﻠﺔ ﻭ ﻣﻌﺎﺩﺵ ﺗﻔﻜﺮ ﻓﻴﻪ ... ﻛﻠﺸﻲ ﺑﺎﺵ ﻳﺘﺼﻠﺢ ﻣﻊ ﺍﻟﻮﻗﺖ ﺑﺎﻫﻲ ﺍﻧﺎ : ﻝ ﻻ ﻣﺎﻫﻮﺵ ﺑﺎﺵ ﻳﺘﺼﻠﺢ ... ﺧﺎﻃﺮ ﺍﻧﺎ ﻣﻌﺎﺩﺵ ﺑﺎﺵ ﻧﺤﺒﻞ ﻣﺎﻫﻮﺵ ﺑﺎﺵ ﻳﻜﻮﻥ ﻋﻨﺪﻱ ﺻﻐﺎﺭ ﺯﻳﺎﺩ : ﻣﺶ ﺣﻜﻴﻨﺎ ﻓﻴﻪ ﺍﻟﻤﻮﺿﻮﻉ ﻫﺬﺍ ﻫﺰﻳﺖ ﺭﺍﺳﻲ ﻏﺰﺭﺗﻠﻮ ... ﻭﺟﻬﻲ ﻣﻊ ﻭﺟﻬﻮ ... ﺧﺬﻳﺖ ﻧﻔﺲ ﻧﺤﻜﻲ ﺍﻧﺎ : ﺍﻧﺎ ﺧﺴﺮﺕ ﻭﻟﺪﻱ ... ﻭ ﺧﺴﺮﺕ ﺭﻭﺣﻲ ﺑﻌﺪﻭ ... ﻣﺎﻛﺶ ﻣﻈﻄﺮ ﺗﺘﺤﻤﻞ ﺍﻟﺨﺴﺎﺭﺓ ﻫﺎﺫﻱ ﻣﻌﺎﻳﺎ ... ﻣﻨﺤﺒﺶ ﻧﺤﺮﻣﻚ ﻣﻦ ﺻﻐﺎﺭ ... ﺍﺻﻼ ﻣﻌﻨﺪﻳﺶ ﺣﻖ ﻧﻄﻠﺐ ﻣﻨﻚ ﺍﻧﻚ ﺗﻌﺮﺱ ﺑﻴﺎ ... ﻣﻨﺤﺒﻜﺶ ﺗﻌﻴﺶ ﺣﻴﺎﺓ ﻧﺎﻗﺼﺔ ﻓﻲ ﺟﺮﺗﻲ ﺗﻜﺎ ﻟﺘﺎﻟﻲ ﺑﺎﻗﻲ ﻳﻐﺰﺭﻟﻲ ... ﺩﻭﺭ ﻋﻴﻨﻴﻪ ﻋﻠﻰ ﻭﺟﻬﻲ ﺍﻟﻜﻞ ... ﻭ ﺗﺮﻛﺰ ﻓﻲ ﻋﻴﻨﻴﺎ ... ﺗﺒﺴﻢ ﻋﻠﻰ ﺟﻨﺐ ... ﻳﺤﻜﻲ ﺯﻳﺎﺩ : ﻣﻤﻤﻢ ﻋﻨﺪﻙ ﺣﻖ ... ﻋﻠﻰ ﻫﺬﺍﻛﺎ ﻓﻜﺮﺕ ﻣﺶ ﺑﺎﺵ ﻧﻄﻠﻖ ﻣﻴﺮﺍﻝ ... ﺑﺎﺯ ﺷﺠﻴﺒﻠﻲ ﺻﻐﺎﺭ ... ﻭ ﻫﺎﻙ ﺍﻧﺖ ﻣﻌﺎﻳﺎ ﻋﻴﻨﻴﺎ ﻭﺳﺎﻋﻮ ... ﻭ ﻗﻠﺒﻲ ﺩﻕ ﺑﺎﻟﻮﻗﺖ ... ﻧﺤﺲ ﻓﻴﻪ ﺑﺎﺵ ﻳﺨﺮﺝ ﻣﻦ ﺑﻘﻌﺘﻮ ... ﺩﻣﻮﻋﻲ ﺗﺤﺼﺮﻭ ... ﺍﻟﻜﻼﻡ ﻭﺣﻞ ﻓﻲ ﺣﻠﻘﻲ ... ﻭ ﻣﻌﺮﻓﺘﺶ ﺷﻨﺤﻜﻲ ... ﻧﺰﻟﺖ ﻋﻴﻨﻴﺎ ﻣﻦ ﻭﺟﻬﻮ ... ﻧﺤﺎﻭﺍ ﻧﺎﺧﻮ ﻧﻔﺲ ﻧﻬﺪﻱ ﺑﻴﻪ ﺭﻭﺣﻲ ... ﻓﻜﺮﺓ ﻟﻤﻴﺮﺍﻝ ﺷﺘﺒﻘﻰ ﺑﻴﻨﺎ ﺩﺧﻠﺘﻨﻲ ﺑﻌﻀﻲ ... ﺷﺘﺒﻘﻰ ﻫﻲ ﻣﺮﺗﻮ ... ﻭ ﺍﻧﺎ ﺷﻨﻮﺓ ﻓﻲ ﺣﻴﺎﺗﻮ ... ﺑﺮﺷﺎ ﺍﺳﺌﻠﺔ ﺟﺎﺗﻨﻲ ﺳﺎﻋﺘﻬﺎ ... ﺍﺳﺌﻠﺔ ﺭﻭﻫﺠﺘﻨﻲ ... ﺣﺴﻴﺖ ﺑﻴﺪﻭ ﺗﺤﻄﺖ ﻋﻠﻰ ﺧﺪﻱ ... ﻃﻠﻌﻠﻲ ﺭﺍﺳﻲ ... ﺟﺎﺕ ﻋﻴﻨﻲ ﻣﻊ ﻋﻴﻨﻮ ... ﺑﺎﻗﻲ ﻳﻐﺰﺭﻟﻲ ﻧﺪﺭﺍ ﻛﻴﻒ ... ﻳﺤﻜﻲ ﺯﻳﺎﺩ : ﺷﺮﺍﺍﻳﻚ ؟
أنت تقرأ
🔥🔞"في أحضان عزرائيل"🔞🔥( الجزء الخامس)
Romanceهيا تلمو البنات نكمللكم الكروو🙋❤ #نحبكم ❤ #شيماء
