ﺟﺒﺪ ﺭﻭﺣﻮ ﻣﻨﻲ ... ﺑﺎﺳﻨﻲ ﻣﻦ ﺧﺪﻱ ﻭ ﻣﺸﻰ ... ﺑﻘﻴﺖ ﻧﺸﻴﻊ ﻓﻴﻪ ... ﻟﻴﻦ ﺑﻌﺪ ﺍﻟﻜﺮﻫﺒﺔ ﺟﻤﻠﺔ ... ﻋﺪﻳﺖ ﺍﻛﺜﺮ ﻣﻦ ﻧﺺ ﺳﺎﻋﺔ ﻭﺍﻗﻔﺔ ﻓﻲ ﻧﻔﺲ ﺍﻟﺒﻘﻌﺔ ... ﺍﺣﺴﺎﺱ ﺧﺎﻳﺐ ﺣﺴﻴﺘﻮ ﻣﻨﺠﻤﺘﺶ ﻧﻮﺻﻔﻮ ... ﻳﻤﻜﻦ ﺗﻜﻮﻥ ﺍﺧﺮ ﻣﺮﺓ ﻧﻮﺩﻋﻮ ﻓﻴﻬﺎ ... ﺧﺬﻳﺖ ﻧﻔﺲ ﻭﺭﺟﻌﺖ ﻟﺪﺍﺭ ... ﻟﻘﻴﺖ ﺯﻳﻨﺐ ﻗﺎﻋﺪﺓ ﻋﺎﻟﻔﻄﻮﺭ ﻣﻊ ﻣﻼﻙ ... ﺗﻮﻛﻞ ﻓﻴﻬﺎ ... ﻏﺰﺭﺗﻠﻲ ﺗﺤﻜﻲ ﺯﻳﻨﺐ؛ﺑﻮﻧﺠﻮﺭ ﺩﻧﻴﺰ ﻟﺒﺎﺱ ﺗﻮﺍ ﺍﻧﺎ : ﻣﻤﻢ ﻣﻠﻴﺤﺔ ... ﻳﺎﺭﻳﺖ ﻛﻲ ﺗﻜﻤﻞ ﺗﺤﻀﺮ ﻣﻼﻙ ﻣﻌﺎﻙ ... ﻭ ﺩﺑﺸﻬﺎ ﺯﺍﺩﺓ ﺯﻳﻨﺐ : ﻋﻼﻩ ﻣﺎﺷﻴﻴﻦ ﻟﺒﻼﺻﺔ ﺍﻧﺎ : ﺍﻟﺸﻮﻓﻮﺭ ﺷﻴﺮﺟﻌﻬﺎ ﻟﻠﻤﻴﺘﻢ ﻧﻄﺮﺕ ﻣﻦ ﺑﻼﺻﺘﻬﺎ ﺟﺎﺕ ﻭﺍﻗﻔﺔ ... ﻏﺰﺭﺗﻠﻲ ﻣﺼﺪﻭﻣﺔ ... ﺗﺤﻜﻲ ﺯﻳﻨﺐ : ﺷﻨﻮﻭﻭﺓ ... ﺩﻧﻴﻴﺰ ﻟﺒﺎﺱ ﻣﺎﻫﻮ ﻓﺎﺵ ﺗﺤﻜﻲ ﺍﻧﺖ ﺍﻧﺎ : ﺷﻤﺪﺧﻠﻚ ﺍﻧﺖ ... ﺍﻧﺎ ﺣﺮﺓ ﻓﻲ ﺍﻟﻠﻲ ﻧﻌﻤﻠﻮ ... ﻣﻌﺎﺩﺵ ﻧﺤﺐ ﻧﺘﺤﻤﻞ ﻣﺴﺆﻭﻟﻴﺘﻬﺎ ﺑﻌﺪ ﺍﻟﻴﻮﻡ ... ﻻ ﺭﺍﻧﻲ ﺍﻣﻬﺎ ﻭ ﻻ ﺍﺧﺘﻬﺎ ﺯﺍﺩﺓ ... ﻋﻠﻰ ﻫﺬﺍﻛﺎ ﺷﺘﺮﺟﻊ ﻣﻨﻴﻦ ﺟﺎﺕ ﻗﺮﺑﺖ ﻣﻨﻲ ﺷﻮﻳﺔ ... ﻭﻗﻔﺖ ﻗﺪﺍﻣﻲ ﺑﺎﻟﻈﺒﻂ ... ﺗﺤﻜﻲ ﺯﻳﻨﺐ : ﺩﻧﻴﻴﺰ ﺍﺭﺟﻊ ﻟﻌﻘﻠﻚ ... ﺍﻧﺖ ﺍﻛﺜﺮ ﻭﺣﺪﺓ ﺗﻌﺮﻑ ﺍﻟﻤﻴﺘﻢ ﻫﺬﺍﻛﺎ ... ﻋﻼﻩ ﺗﺤﺐ ﺗﺮﺟﻌﻬﺎ ﺍﻧﺎ : ﺍﻟﻠﻲ ﻋﻨﺪﻱ ﻗﻠﺘﻮ ... ﻛﺎﻥ ﻣﻨﺠﻤﺘﺶ ﺗﺴﻠﻢ ﻓﻴﻬﺎ ﺗﻨﺠﻢ ﺗﻤﺸﻲ ﻣﻌﺎﻫﺎ ﺧﻠﻴﺘﻬﺎ ﻭﺍﻗﻔﺔ ﻓﻲ ﺑﻼﺻﺘﻬﺎ ﻭ ﻣﺸﻴﺖ ﻟﺼﺎﻟﺔ ... ﺗﺮﻣﻴﺖ ﻋﺎﻟﻔﻮﺗﺎﻱ ... ﺣﻄﻴﺖ ﺳﺎﻕ ﻋﻠﻰ ﺳﺎﻕ ... ﻧﻐﺰﺭ ﻟﺸﻤﺲ ﻟﻲ ﺩﺍﺧﻠﺔ ﻣﻦ ﺷﺒﺎﻙ ... ﻣﻨﻌﺮﻓﺶ ﻗﺪﺍﺵ ﺗﻌﺪﺍ ﻭﻗﺖ ﺑﺎﻟﻈﺒﻂ ... ﻓﻘﺖ ﻣﻦ ﺳﺮﺣﺘﻲ ﻋﻠﻰ ﺻﻮﺕ ﺍﻟﻔﺎﻟﻴﺰ ﺗﻜﺮﻛﺮ ﻓﻴﻬﺎ ... ﻭ ﺷﺎﺩﺓ ﻣﻼﻙ ﻓﻲ ﻳﺪﻫﺎ ﻻﺧﺮﻯ ... ﺧﺬﻳﺖ ﺭﺷﻘﺔ ﻣﻦ ﺍﻟﻘﻬﻮﺓ ... ﻭ ﺣﻄﻴﺘﻬﺎ ﻧﺴﻤﻊ ﻓﻴﻬﺎ ﺗﺤﻜﻲ ﺯﻳﻨﺐ : ﻣﻨﻌﺮﻓﺶ ﺷﻨﻴﺔ ﺻﺎﺭ ﺑﺎﻟﻈﺒﻂ ... ﺍﻣﺎ ﻋﻨﺪﻙ ﺣﻖ ... ﺣﺘﻰ ﺍﺣﻨﺎ ﻛﺜﺮﻧﺎ ﻋﻠﻴﻚ ... ﻣﺮﺳﻲ ﺑﺮﺷﺎ ﻋﻠﻰ ﻛﻠﺸﻲ ﺧﻴﺮﻙ ﻣﺎﻧﻴﺶ ﺑﺎﺵ ﻧﻨﺴﺎﻩ ... ﻣﺪﺍﻣﻨﻲ ﺣﻴﺔ ... ﻭ ﺣﺘﻰ ﺷﻲ ﻣﺎ ﻫﻮ ﺑﺎﺵ ﻳﻨﻔﻲ ﺣﻘﻴﻘﺔ ﻻﻧﺖ ﺍﺧﺘﻲ ﻭ ﻧﺤﺒﻚ ﺯﺍﺩﺓ ﺗﺒﺴﻤﺖ ﻋﻠﻰ ﺟﻨﺐ ... ﻫﺰﻳﺘﻬﺎ ﻭ ﺣﻄﻴﺘﻬﺎ ﺑﺎﺳﺘﺤﻘﺎﺭ ... ﻏﺰﺭﺕ ﻟﻤﻼﻙ ﻟﻲ ﻣﺨﺒﻴﺔ ﻭﺭﺍﻫﺎ ... ﻋﻴﻨﻴﻬﺎ ﻣﻨﻔﻮﺧﻴﻦ ﻣﻦ ﺍﻟﺒﻜﺎ ... ﻇﺎﻫﺮ ﺧﺎﻳﻔﺔ ﻣﻨﻲ ... ﺗﻨﻬﺪﺕ ﺑﺎﻟﻘﺎﻭﻱ ... ﻭ ﻫﺰﻳﺖ ﺭﻭﺣﻲ ﻭﻗﻔﺖ ... ﻋﻄﻴﺘﻬﻢ ﺑﻈﻬﺮﻱ ﻭ ﻣﺸﻴﺖ ... ﺍﻭﻝ ﻣﺎ ﻃﻠﻌﺖ ﺍﻟﺪﺭﺟﺎﺕ ﺍﻻﻭﻟﻰ ... ﺳﻤﻊ ﺻﻮﺕ ﺍﻟﺒﺎﺏ ﺗﺴﻜﺮ ... ﻏﻤﻀﺖ ﻋﻴﻨﻴﺎ ﺑﺎﻟﻘﺎﻭﻱ ... ﺷﻌﻮﺭ ﻧﺪﺭﺍ ﻛﻴﻒ ﺣﺴﻴﺘﻮ ... ﻣﺤﺒﻴﺘﺶ ﻧﺘﻠﻔﺖ ... ﻣﻨﺤﺒﺶ ﻧﻤﻨﻌﻬﻢ ... ﺍﻟﺪﺍﺭ ﻫﺎﺫﻱ ﻣﻠﻌﻮﻧﺔ ﻭ ﻣﻨﺤﺒﻬﻤﺶ ﻳﺘﻀﺮﻭﻭﻭ ﻣﻨﻬﺎ ﺣﺘﻰ ﻫﻮﻣﺎ ... ﺧﺬﻳﺖ ﻧﻔﺲ ... ﻭ ﻛﻤﻠﺖ ﻃﻠﻌﺖ ﻟﺒﻴﺘﻲ ... ﻏﺰﺭﺕ ﻟﺒﻴﺘﻬﺎ ﻟﻲ ﻓﺮﻏﺖ ﻓﻲ ﻟﺤﻈﺔ ... ﻣﺤﺎﻭﻟﺘﺶ ﻧﺮﻛﺰ ﺑﺮﺷﺎ ... ﺩﺧﻠﺖ ﻫﺰﻳﺖ ﺍﻟﻈﺮﻑ ﻣﻦ ﻓﻮﻕ ﺍﻟﻄﺎﻭﻟﺔ ... ﻭﺭﺟﻌﺖ ﻧﺰﻟﺖ ... ﺩﺧﻠﺖ ﻟﻠﻜﻮﺟﻴﻨﺔ ... ﻟﻘﻴﺖ ﺧﺎﻟﺘﻲ ﺭﺍﺿﻴﺔ ... ﺗﻘﺺ ﻓﻲ ﺍﻟﺨﻀﺮﺓ ... ﺗﻠﻔﺘﺖ ﻋﻨﺪﻱ ﺗﺤﻜﻲ ﺭﺍﺿﻴﺔ : ﻟﺒﺎﺱ ﺗﻮﺍ ﻋﺰﻳﺰﺗﻲ ﺧﺬﻳﺖ ﻧﻔﺲ ﻭ ﺣﻄﻴﺖ ﺍﻟﻈﺮﻑ ﻋﺎﻟﺮﺧﺎﻣﺔ ... ﻏﺰﺭﺕﻟﻲ ﻣﺴﺘﻐﺮﺑﺔ ﺗﺤﻜﻲ ﺭﺍﺿﻴﺔ : ﺷﻨﻴﺔ ﻫﺬﺍ ﺍﻧﺎ : ﻣﻘﺪﻡ ﺳﺖ ﺷﻬﻮﺭ ﺭﺍﺿﻴﺔ : ﺷﺘﻘﺼﺪ ﺍﻧﺎ : ﻭﻓﺎﺕ ﺧﺪﻣﺘﻚ ﻫﻮﻧﻲ ... ﺗﻨﺠﻢ ﺗﻤﺸﻲ ﻣﻦ ﻫﻮﻧﻲ ... ﻭ ﺍﻟﻠﻲ ﻓﻲ ﻇﺮﻑ ﻳﻌﻮﻧﻮﻙ ﻟﻲ ﺗﻠﻘﻰ ﺧﺪﻣﺔ ﺍﺧﺮﻯ ﺭﺍﺿﻴﺔ : ﺩﻧﻴﺰ ﺑﻨﺘﻲ ﺍﻧﺎ ﺍﻧﺎ : ﺍﻧﺎ ﻣﻌﺎﺩﺵ ﺣﺎﺟﺘﻲ ﺑﺨﺪﺍﻣﺔ ... ﻋﻠﻰ ﻫﺬﺍﻛﺎ ﻣﻦ ﻏﻴﺮ ﻣﻘﺪﻣﺎﺕ ﻋﻴﺸﻚ ... ﻛﺎﻥ ﺗﺤﺐ ﺍﻣﺸﻲ ﻣﻦ ﺗﻮﺍ ﻣﺴﺘﻨﻴﺘﻬﺎﺵ ﺗﺤﻜﻲ ... ﺧﺮﺟﺖ ﻣﻦ ﺍﻟﻜﻮﺟﻴﻨﺔ ﻃﻠﻌﺖ ﻟﺼﺎﻟﺔ ﺍﻟﻔﻮﻗﺎﻧﻴﺔ ... ﻭﻗﻒﺕ ﺑﺤﺬﺍ ﺍﻟﺸﺒﺎﻙ ... ﻧﻐﺰﺭﻟﻪﺍ ﻛﻴﻒ ﻫﺎﺯﺓ ﺩﺑﺸﻬﺎ ﻭ ﻣﺎﺷﻴﺔ ... ﺗﻨﻬﺪﺕ ﺑﺎﻟﻘﺎﻭﻱ ... ﺑﻘﻴﺖ ﻭﺍﻗﻔﺔ ﻓﻲ ﺑﻼﺻﺘﻲ ﻧﻐﺰﺭ ﻟﻠﻜﺮﺍﻫﺐ ﻟﻲ ﺭﺍﻳﺤﻴﻦ ﻭ ﺟﺎﻳﻴﻦ ... ﻟﻴﻦ ﻇﻼﻣﺖ ﺍﻟﺪﻧﻴﺎ ... ﻧﺰﻟﺖ ﺍﻟﻠﻮﻃﺔ ... ﺍﻭﻝ ﻣﺮﺓ ﺗﻜﻮﻥ ﺩﺍﺭ ﺳﺎﻛﺘﺔ ﻟﻬﺪﺭﺟﺔ ... ﻣﺸﻴﺖ ﺍﻟﻜﻮﺟﻴﻨﺔ ... ﻟﻘﻴﺖ ﻇﺮﻑ ﻛﻴﻤﺎ ﺣﻄﻴﺘﻮ ... ﺗﻨﻬﺪﺕ ﺑﺤﺼﺮﺓ ... ﻭ ﺗﺒﺴﻤﺖ ﻋﻠﻰ ﺟﻨﺐ ... ﻭﺭﺟﻌﺖ ﺧﺮﺟﺖ ... ﻛﺎﻥ ﺻﻮﺕ ﺧﻄﻮﺍﺗﻲ ﻟﻲ ﻣﺴﻤﻮﻋﻴﻦ ... ﻃﻠﻌﺖ ﻟﻔﻮﻕ ... ﺩﺧﻠﺖ ﻟﺒﻴﺖ ﺯﻳﻨﺐ ... ﻧﺬﻛﺮ ﻓﻲ ﺍﻟﻴﻤﺎﺕ ﺍﻟﻠﻲ ﻋﺪﻳﻨﺎﻫﻢ ﻣﻊ ﺑﻌﺾ ... ﺧﺬﻳﺖ ﻧﻔﺲ ﻭ ﺩﺧﻠﺖ ﻟﺒﻴﺖ ﻣﻼﻙ ... ﺍﺣﺴﻦ ﺷﻲ ﺯﻳﻨﺐ ﻫﺰﺗﻬﺎ ﻣﻌﺎﻫﺎ ... ﻭ ﺍﻻ ﻛﺎﻧﺖ ﺑﺎﺵ ﺗﻤﻮﺕ ﻓﻲ ﺍﻟﻤﻴﺘﻢ ﻫﺬﺍﻛﺎ ... ﺗﻨﻬﺪﺕ ﺑﺎﻟﻘﺎﻭﻱ ... ﻭﺭﺟﻌﺖ ﻟﺒﻴﺘﻲ ... ﻗﻌﺪﺕ ﻋﺎﻟﻜﺮﺳﻲ ... ﻧﻐﺰﺭ ﻟﺮﻭﺣﻲ ... ﻫﻮ ﺣﺒﻨﻲ ﻧﻮﺻﻞ ﻟﻬﻮﻧﻲ ... ﻫﻮ ﺧﺬﺍ ﻣﻨﻲ ﻛﻠﺸﻲ ﻓﻲ ﺍﻟﺒﻴﺖ ﻫﺎﺫﻱ ... ﻭ ﺍﻟﺤﻜﺎﻳﺔ ﺑﺎﺵ ﺗﻮﻗﺎ ﻫﻮﻧﻲ ﺑﺎﻟﻈﺒﻂ ... ﻭ ﺑﺎﺵ ﻧﺨﻠﻴﻪ ﻳﻨﺪﻡ ﺑﺮﺷﺎ ... ﻭ ﻳﺨﻠﺺ ﺣﻖ ﻛﻞ ﻛﻠﻤﺔ ﻭ ﻛﻞ ﻋﻤﻠﺔ ... ﻏﻠﻄﻬﺎ ﻓﻲ ﺣﻘﻲ
أنت تقرأ
🔥🔞"في أحضان عزرائيل"🔞🔥( الجزء الخامس)
Romanceهيا تلمو البنات نكمللكم الكروو🙋❤ #نحبكم ❤ #شيماء
