ﺳﻮﺍﺭ ﺗﺤﻜﻲ : ﻓﻘﺖ ﺍﻟﺼﺒﺎﺡ ﻧﺤﻞ ﻓﻲ ﻋﻴﻨﻴﺎ ﺑﺎﻟﺴﻴﻒ ... ﻭﺟﻴﻌﺔ ﻣﺶ ﻧﻮﺭﻣﺎﻝ ﻓﻲ ﺭﺍﺳﻲ ... ﻧﺤﺴﻮ ﺑﺎﺵ ﻳﻄﺮﺷﻖ ... ﻭ ﺑﺪﻧﻲ ﻣﺪﻗﺪﻕ ﻛﺎﻧﻲ ﻭﺍﺧﺬﺓ ﻃﺮﻳﺤﺔ ... ﻏﺰﺭﺕ ﻟﺒﻼﺻﺘﻮ ﺟﻨﺒﻲ ﻣﻔﻤﺎﺵ ... ﻫﺰﻳﺖ ﺭﻭﺣﻲ ﺷﻮﻳﺔ ... ﺗﻘﻌﺪﺕ ... ﺷﺪﻳﺖ ﺍﻟﻐﻄﺎ ﺑﻴﺪﻱ ... ﻣﻦ ﺣﺎﻟﺘﻲ ﻧﺠﻤﺖ ﻧﺴﺘﻮﻋﺐ ﻟﻲ ﺻﺎﺭ ﺑﻴﻨﺎ ﺍﻟﺒﺎﺭﺡ ... ﺣﺴﻴﺖ ﺑﻤﺮﺍﺭﺓ ﻓﻲ ﺣﻠﻘﻲ ... ﺍﻛﺜﺮ ﺷﻲ ﻧﻔﺪ ﻣﻨﻮ ﻭ ﻧﻜﺮﻫﻮ ... ﻛﻴﻒ ﻧﺤﻞ ﻋﻴﻨﻴﺎ ﻭ ﻣﻨﻠﻘﺎﻫﺶ ﺑﺠﻨﺒﻲ ... ﺑﻌﺪ ﺍﻟﻠﻲ ﺻﺎﺭ ... ﻃﻠﻌﺖ ﺭﺍﺳﻲ ﻋﻠﻰ ﺻﻮﺕ ﺍﻟﺒﺎﺏ ﻛﻲ ﻓﺘﺢ ... ﻏﺰﺭﺗﻠﻮ ﺧﺎﺭﺝ ﻣﻦ ﺑﻴﺖ ﺍﻟﺒﺎﻧﻮ ... ﻻﺑﺲ ﻛﺎﻥ ﺳﺮﻭﺍﻟﻮ ﻭ ﻳﺸﻴﺢ ﻓﻲ ﺷﻌﺮﻭ ... ﻧﺰﻝ ﻳﺪﻭ ﻭ ﻏﺰﺭﻟﻲ ... ﺭﻣﻰ ﺍﻟﻤﻨﺸﻔﺔ ﻋﺎﻟﻜﺮﺳﻲ ... ﻭ ﻗﺮﺏ ﻣﻨﻲ ﻗﻌﺪ ﻋﻠﻰ ﻃﺮﻑ ﺍﻟﺴﺮﻳﺮ ﻗﺪﺍﻣﻲ ... ﻛﺒﺴﺖ ﺑﻴﺪﻱ ﻋﺎﻟﻐﻄﺎ ﺍﻛﺜﺮ ... ﺑﻘﻴﺖ ﻧﻐﺰﺭﻟﻮ ... ﺧﺎﻃﺮ ﻣﻨﻌﺮﻓﺶ ﺷﺒﺎﺵ ﻧﺤﻜﻲ ﻭ ﻻ ﺷﻨﻴﺔ ﻧﻘﻮﻝ ... ﺍﺻﻼ ﻣﺶ ﻣﺬﻛﺮﺓ ﺑﺎﻟﻘﺪﺍ ﻟﻲ ﺻﺎﺭ ... ﻫﺰ ﻳﺪﻭ ... ﻋﺪﺍ ﺻﻮﺍﺑﻌﻮ ﻋﻠﻰ ﺧﺪﻱ ... ﻳﺒﻌﺪ ﻓﻲ ﺷﻌﺮﻱ ﻭ ﻳﺤﻜﻲ ﺯﻳﺎﺩ : ﺭﻗﺪﺕ ﻣﻠﻴﺢ ﺟﺒﺪﺕ ﺭﻭﺣﻲ ﺷﻮﻳﺔ ﻟﺘﺎﻟﻲ ... ﺑﺎﻗﻲ ﻧﻐﺰﺭﻟﻮ ... ﺿﻴﻖ ﻋﻴﻨﻴﻪ ﺑﺎﻟﻮﻗﺖ ﻳﺤﻜﻲ ﺯﻳﺎﺩ؛ﻣﺶ ﺑﺎﺵ ﻧﺴﺄﻟﻚ ﺷﻲ ﺗﻮﺍ ... ﻧﺨﻠﻴﻚ ﺗﺬﻛﺮ ﻋﻤﺎﻳﻠﻚ ﻭﺣﺪﻙ ﻋﻴﻨﻴﺎ ﻭﺳﺎﻋﺖ ﺑﺎﻟﻮﻗﺖ ... ﺟﻴﺖ ﺑﺎﺵ ﻧﺤﻜﻲ ... ﺣﺴﻴﺖ ﺑﻮﺟﻴﻌﺔ ﻓﻲ ﺷﻔﺎﻓﻲ ... ﻫﺰﻳﺖ ﻳﺪﻱ ﺣﻄﻴﺖ ﺻﻮﺍﺑﻌﻲ ﻋﻠﻴﻬﻢ ... ﺗﺒﺴﻢ ﻋﻠﻰ ﺟﻨﺐ ﻳﺤﻜﻲ ﺯﻳﺎﺩ : ﻫﺬﻳﻜﺎ ﻧﺘﻴﺠﺔ ﺻﻐﻴﺮﺓ ﻣﻦ ﺍﻟﻠﻲ ﺻﺎﺭ ﻓﻬﻤﺖ ﺷﻴﻘﺼﺪ ﺑﻜﻼﻣﻮ ... ﺑﻠﻌﺖ ﺍﻟﻜﻼﻡ ﺍﻟﻠﻲ ﻛﻨﺖ ﺑﺎﺵ ﻧﻘﻮﻟﻮ ... ﺍﺻﻼ ﻣﻨﺠﻢ ﻧﺤﻜﻲ ﺷﻲ ... ﺑﻘﻰ ﻳﻐﺰﺭﻟﻲ ﺩﺭﺍ ﻛﻴﻒ ... ﺩﺧﻠﺖ ﺑﻌﻀﻲ ﺍﻛﺜﺮ ... ﻛﻤﻞ ﻛﻼﻣﻮ ﻳﺤﻜﻲ ﺯﻳﺎﺩ : ﺍﻧﺎ ﺑﺎﺵ ﻧﻤﺸﻲ ﺗﻮﺍ ﻃﻠﻌﺖ ﺭﺍﺳﻲ ﻏﺰﺭﺗﻠﻮ ﻣﺼﺪﻭﻣﺔ ... ﺧﺬﻳﺖ ﻧﻔﺲ ﻧﺤﻜﻲ ﺍﻧﺎ : ﻭ ﻭﻳﻦ ﺯﻳﺎﺩ : ﺷﻨﺒﺪﺍ ﻧﺼﻠﺢ ﻟﻲ ﻋﻤﻠﺘﻮ ﺍﻧﺎ : ﺷﺘﻘﺼﺪ ﺯﻳﺎﺩ : ﺗﻮ ﻣﺒﻌﺪ ﺗﻔﻬﻢ ... ﺣﻀﺮﻟﻲ ﺭﻭﺣﻚ ﻟﻴﻠﺔ ﺍﻧﺎ : ﻋﻼﻩ ﺯﻳﺎﺩ : ﻣﺶ ﺍﻧﺖ ﺍﻟﺒﺎﺭﺡ ﺧﺮﺑﺖ ﺍﻟﺪﻧﻴﺎ ... ﻭ ﻃﻴﺤﺖ ﻛﻠﺸﻲ ﻓﻲ ﺍﻟﻤﺎ ... ﻣﻼ ﻫﺎﻙ ﺑﺎﺵ ﺗﻌﺎﻭﻧﻲ ... ﻭ ﻣﻬﻤﺘﻚ ﺑﺎﺵ ﺗﻌﻤﻠﻬﺎ ﺍﻟﻴﻮﻡ ﺍﻧﺎ : ﻳﻌﻨﻲ ﺯﻳﺎﺩ : ﻳﻌﻨﻲ ﺍﻟﻠﻲ ﻓﻬﻤﺘﻮ ﺑﺎﻟﻈﺒﻂ ... ﻭ ﻫﺎﻙ ﺗﻌﺮﻑ ﺧﺪﻣﺘﻚ ﺑﺎﻟﻘﺪﺍ ... ﻛﻠﺸﻲ ﺑﺎﺵ ﻳﻮﺻﻠﻚ ﻣﺒﻌﺪ ... ﻭ ﺍﻟﺒﻼﺻﺔ ﻣﺶ ﺑﻌﻴﺪﺓ ﺑﺮﺷﺎ ... ﺩﻭﺏ ﺗﻨﺰﻝ ﻓﻤﺎ ﺷﻜﻮﻥ ﻳﺪﻟﻚ ﻫﺰﻳﺘﻠﻮ ﺑﺮﺍﺳﻲ ﺍﻳﻪ ... ﺣﺴﻴﺖ ﺑﻐﺼﺔ ﻓﻲ ﺣﻠﻘﻲ ... ﺭﻏﻢ ﻛﻠﺸﻲ ﻣﺎﻫﻮﺵ ﺑﺎﺵ ﻳﺘﺒﺪﻝ ... ﺷﻴﺒﻘﻰ ﺩﻳﻤﺎ ﻳﺴﺘﻐﻞ ﻓﻴﺎ ﺑﺎﺵ ﻳﻮﺻﻞ ﻟﻲ ﺣﺎﺟﺘﻮ ﺑﻴﻪ ... ﻟﺘﻮﺍ ﻣﺰﺍﻝ ﻳﺤﺐ ﻋﻠﻴﺎ ﻧﺨﺪﻡ ﻣﻌﺎﻩ ... ﻟﺘﻮﺍ ﻣﺸﻔﻌﺶ ﻣﻦ ﺍﻟﻠﻲ ﺻﺎﺭ ... ﻗﺮﺏ ﻣﻨﻲ ﺍﻛﺜﺮ .. ﺑﺎﺳﻨﻲ ﺟﻨﺐ ﺷﻔﺎﻓﻲ ... ﻣﻨﻌﺮﻓﺶ ﻋﻼﻩ ﻣﺤﺴﻴﺖ ﺑﺸﻲ ... ﻳﻤﻜﻦ ﻛﻼﻣﻮ ﻫﻮ ﻟﻲ ﺑﺮﺩﻧﻲ ﻟﻬﺪﺭﺟﺔ ... ﻫﺰ ﺭﻭﺣﻮ .. ﻟﺒﺲ ﺳﻮﺭﻳﺘﻮ ... ﻫﺰ ﺗﻠﻴﻔﻮﻧﻮ ﻭ ﺍﻟﻔﺎﺳﺖ ﻭ ﺧﺮﺝ ... ﻧﺰﻟﻮ ﺩﻣﻮﻋﻲ ﺑﺎﻟﻮﻗﺖ ... ﻫﺰﻳﺖ ﻳﺪﻱ ﻧﻤﺴﺢ ﻓﻴﻬﻢ ... ﻣﻨﻌﺮﻓﺶ ﺷﺒﻴﻨﻲ ﺑﺎﻟﻈﺒﻂ ... ﻫﺰﻳﺖ ﺭﻭﺣﻲ ﺑﺎﻟﺴﻴﻒ ﺩﺧﻠﺖ ﻟﺒﻴﺖ ﺍﻟﺒﺎﻧﻮ ... ﺭﻣﻴﺖ ﺍﻟﻠﺤﺎﻑ ﻋﺎﻻﺭﺽ ... ﻭ ﺩﺧﻠﺖ ﺗﺤﺖ ﺍﻟﻤﺎ ... ﺑﺎﻗﻲ ﻧﺒﻜﻲ ﻣﻨﻌﺮﻓﺶ ﻋﻠﻰ ﺷﻨﻴﺔ ﺑﺎﻟﻈﺒﻂ ... ﻋﻠﻰ ﻟﻲ ﺻﺎﺭ ﺍﻟﺒﺎﺭﺡ ﺑﻴﻨﺎ ... ﻭ ﻻ ﻣﻦ ﻛﻼﻣﻮ ﻗﺒﻴﻞ ... ﻣﻨﻌﺮﻓﺶ ﺷﺒﻴﻨﻲ ﻣﻌﺎﻩ ﺑﻴﻦ ﺍﻟﻘﺒﻮﻝ ﻭ ﺍﻟﺮﻓﺾ ... ﻧﺤﺒﻮ ﺍﻣﺎ ﻣﻌﺎﺩﺵ ﻧﺠﻢ ﻧﺘﻨﺎﺯﻝ ﺍﻛﺜﺮ ... ﻣﺤﺒﻴﺘﺶ ﻟﻲ ﺻﺎﺭ ﺑﻴﻨﺎ ﺍﻟﺒﺎﺭﺡ ﺭﻏﻢ ﻣﺘﺄﻛﺪﺓ ﺍﻧﻮ ﻫﻮ ﻣﺎ ﺟﺒﺮﻧﻲ ﻋﻠﻰ ﺷﻲ ... ﺍﻣﺎ ﺯﺍﺩﺓ ﻣﻴﺮﺍﻝ ﻣﺰﺍﻟﺖ ﻣﺮﺗﻮ ... ﺯﺍﺩﺓ ﻳﻨﺠﻢ ﻳﺨﻠﻴﻨﻲ ﻛﻴﻤﺎ ﻛﻞ ﻣﺮﺓ ... ﻣﻨﺤﺒﺶ ﻧﺤﺲ ﻫﺬﺍ ﺍﻟﻜﻞ ... ﻣﻨﺤﺒﺶ ﻧﺨﻠﻲ ﺍﻻﻓﻜﺎﺭ ﻫﺎﺫﻱ ﺗﺴﻴﻄﺮ ﻋﻠﻴﺎ ... ﺧﺎﻃﺮﻧﻲ ﺗﻌﺒﺖ ﺑﺮﺷﺎ ... ﻭﺍﻟﻠﻲ ﻗﺎﻋﺪ ﻳﺼﻴﺮ ﺗﻌﺒﻨﻲ ﺍﻛﺜﺮ ... ﻭ ﺍﻧﻲ ﻧﻜﻮﻥ ﻣﻌﺎﻩ ﻭ ﻧﺸﺎﺭﻛﻮ ﻓﻲ ﻛﻠﺸﻲ ... ﻭ ﻓﺮﺩ ﻭﻗﺖ ﻣﻨﺠﻤﺶ ﻧﺨﺒﺮﻭ ﺷﻨﻮﺓ ﻟﻲ ﻣﺨﺒﻲ ﺗﻌﺒﻨﻲ ﺍﻛﺜﺮ ... ﻛﻠﻤﺔ ﻭﺣﺪﺓ ﺗﻨﺠﻢ ﺗﻨﻬﻲ ﻛﻠﺸﻲ ﻭ ﻳﻮﺻﻞ ﻟﻠﻤﺎﺿﻲ ﻣﺘﺎﻋﻮ ﻣﻦ ﻏﻴﺮ ﻣﺎ ﻳﻈﻄﺮ ﻳﻮﺻﻞ ﻟﺠﻨﻴﺮﺍﻝ ﻭ ﻻ ﻳﺴﺤﺐ ﻣﻨﻮ ﺍﻟﻜﻼﻡ ... ﻛﻠﻤﺔ ﻣﻨﻲ ﺗﺨﻠﻴﻪ ﻳﻌﻤﻞ ﻳﻨﻬﻲ ﺍﻟﻤﺎﺿﻲ
أنت تقرأ
🔥🔞"في أحضان عزرائيل"🔞🔥( الجزء الخامس)
Romanceهيا تلمو البنات نكمللكم الكروو🙋❤ #نحبكم ❤ #شيماء
