🔥🔞"في أحضان عزرائيل"🔞🔥( الجزء الخامس)

الحلقة 927

ﻫﻲ : ﺑﺎﺵ ﺗﻜﻮﻥ ﻣﻠﻴﺤﺔ ... ﺍﺫﺍ ﺍﻧﺖ ﺗﻠﻬﻴﺖ ﺑﻴﻬﺎ ﺍﻛﺜﺮ ﻫﺰﻳﺘﻠﻬﺎ ﺑﺮﺍﺳﻲ ﺍﻳﻪ ... ﺍﺻﻼ ﻣﻌﺎﺩ ﻧﺠﻢ ﻧﺤﻜﻲ ﺣﺘﻰ ﻛﻠﻤﺔ ... ﺧﺬﻳﺖ ﻧﻔﺲ ﺑﺎﻟﺴﻴﻒ ... ﺍﻟﻮﺟﻴﻊﺓ ﻓﻲ ﺟﻨﺒﻲ ﻣﺎﺷﻴﺔ ﻭﺗﻘﻮﻯ ... ﻛﺒﺴﺖ ﻋﻠﻰ ﻳﺪﻱ ﻧﻬﺪﻱ ﻓﻲ ﺭﻭﺣﻲ ... ﻧﺰﻟﺖ ﺭﺍﺳﻲ ﺷﻮﻳﺔ ... ﻧﻐﺰﺭ ﻟﺪﻡ ﻟﻲ ﻳﻄﻴﺢ ﺑﺎﻟﻘﻄﺮﺓ ﻋﺎﻻﺭﺽ ... ﻛﺒﺲ ﻋﻠﻰ ﺳﻨﺎﻧﻲ ﻋﻠﻰ ﺻﻮﺕ ﺍﻟﻄﺒﻴﺒﺔ ﺗﺤﻜﻲ ﻫﻲ : ﻣﺴﻴﻮ ﻟﺒﺎﺱ ﻣﺎﻫﻮ ؟ ﺍﻧﺎ : ﻣﻤﻤﻢ ﻣﻠﻴﺢ ﻫﻲ : ﺣﺎﻟﺘﻚ ﻣﺘﻘﻮﻟﺶ ﻫﻜﺎ ... ﺗﻨﺠﻢ ﺗﻘﻮﻟﻲ ﺷﻔﻤﺎ ﺍﻧﺎ : ﻗﺘﻠﻠﻠﻚ ﻣﻠﻴﺢ ... ﻧﺤﺐ ﻧﺒﻘﻰ ﻣﻊ ﻣﺮﺗﻲ ﻫﻲ : ﻣﺎﻫﻴﺶ ﺑﺎﺵ ﺗﻔﻴﻖ ﺗﻮﺍ ... ﺗﻔﻀﻞ ﻣﻌﺎﻳﺎ ... ﺧﻠﻴﻨﻲ ﻧﻌﺪﻱ ﻋﻠﻴﻚ ﻧﻄﺮﺕ ﺍﻟﻜﺮﺳﻲ ﻟﺘﺎﻟﻲ ... ﻭﻭﻗﻔﺖ ... ﺗﻨﻬﺪﺕ ﺑﺎﻟﻘﺎﻭﻱ ﻧﺤﻜﻲ ﺍﻧﺎ : ﻣﻨﺠﻤﺶ ﻧﺨﻠﻴﻬﺎ ﻭﺣﺪﻫﺎ ... ﻣﺴﺘﺤﻴﻞ ﻫﻲ : ﺗﻮ ﻧﺨﻠﻲ ﻓﺮﻣﻠﻴﺔ ﺗﺒﻘﻰ ﻣﻌﺎﻫﺎ ﺍﻧﺎ : ﻻﺍﺍ ﻫﻲ : ﻛﺎﻥ ﺗﺒﻘﻰ ﻋﺎﻟﺤﺎﻟﺔ ﻫﺎﺫﻱ ... ﺣﺘﻰ ﺍﻧﺖ ﻣﺎﻛﺶ ﺑﺎﺵ ﺗﺸﺪ ﺍﻛﺜﺮ ﻧﻔﺨﺖ ﺑﺎﻟﻘﺎﻭﻱ ... ﻭ ﻫﺰﻳﺖ ﺭﻭﺣﻲ ﺧﺮﺟﺖ ... ﺧﺎﻟﻄﺖ ﻋﻠﻴﺎ ﺗﺤﻜﻲ ﻫﻲ : ﻣﺴﻴﻮ ﻧﺤﻜﻲ ﻣﻌﺎﻙ ﺭﺍﻧﻲ ﺗﻠﻔﺖ ﻋﻨﺪﻫﺎ ... ﻫﺰﻳﺘﻬﺎ ﻭ ﺣﻄﻴﺘﻬﺎ ... ﺧﺬﻳﺖ ﻧﻔﺲ ﻧﺤﻜﻲ ﺍﻧﺎ : ﺗﺼﺎﻭﺑﺖ ﺑﺎﻟﻔﺮﺩ ... ﻗﺪﺍﺵ ﺗﺤﺘﺎﺝ ﻭﻗﺖ ﺍﻟﻌﻤﻠﻴﺔ ﻫﺎﺫﻱ ﻫﻲ : ﺷﻨﻨﻨﻮﻭﻭﺓ ﺍﻧﺎ : ﺍﺻﺎﺑﺔ ﺳﻄﺤﻴﺔ ﻫﻲ : ﻻﺯﻡ ﻧﻜﻠﻢ ﻃﺒﻴﺐ ﻓﻴﺴﻊ ﺍﻧﺎ : ﻋﻼﻩ ﺯﺍﺩﺓ ﻫﻲ : ﻇﺎﻫﺮ ﻓﻴﻚ ﻣﺶ ﻧﻮﺭﻣﺎﻝ ﺍﻧﺖ ﺑﺎﻟﻜﻞ ﻏﺰﺭﺗﻠﻲ ﻧﺪﺭﺍ ﻛﻴﻒ ... ﻭ ﻣﺸﺎﺕ ﺗﺠﺮﻱ ... ﺷﻮﻳﺔ ﻭ ﺟﺎﻧﻲ ﻃﺒﻴﺐ ... ﻗﺮﺏ ﻣﻨﻲ ﻳﺤﻜﻲ ﻫﻮ : ﻣﺴﻴﻮ ﺗﻨﺠﻢ ﺗﺘﻔﻀﻞ ﻣﻌﺎﺍﻳﺎ ﺍﻧﺎ : ﻭﻳﻦ ﻏﻤﻀﺖ ﻋﻴﻨﻴﺎ ﺑﺎﻟﻘﺎﻭﻱ ﻭﺭﺟﻌﺖ ﺣﻠﻴﺘﻬﻢ ... ﺻﻮﺭﺗﻮ ﺿﺒﺖ ﺑﻴﻦ ﻋﻴﻨﻴﺎ ... ﺑﻘﻴﺖ ﻧﺘﻨﻔﺲ ﺑﺎﻟﻘﺎﻭﻱ ﻭ ﺍﻧﺎ ﻧﺴﻤﻊ ﻓﻴﻪ ﻫﻮ : ﺷﻨﻌﺪﻱ ﻋﻠﻴﻚ ﻗﺒﻞ ﻫﺰﻳﺘﻠﻮ ﺑﺮﺍﺳﻲ ﺑﺎﻫﻲ ... ﺗﻠﻔﺖ ﻏﺰﺭﺕ ﻟﺒﻴﺘﻬﺎ ... ﻭﺭﺟﻌﺖ ﻏﺰﺭﺕ ﻟﻄﺒﻴﺒﺔ ﻧﺤﻜﻲ ﺍﻧﺎ : ﻣﺘﺨﻠﻴﻬﺎﺵ ﻭﺣﺪﻫﺎ ﻫﺰﺗﻠﻲ ﺑﺮﺍﺳﻬﺎ ﺍﻳﻪ ... ﺧﺎﻟﻄﺖ ﻋﻠﻴﻪ ... ﻧﻤﺸﻲ ﻭﺭﺍﻩ ... ﺍﻭﻝ ﻣﺎ ﺩﺧﻠﺖ ﻟﻠﺒﻴﺖ ... ﻧﺤﻴﺖ ﺍﻟﻔﺎﺳﺖ ﻭ ﺳﻮﺭﻳﺘﻲ ... ﻋﻴﻨﻴﻪ ﻭﺳﺎﻋﺖ ﻋﺎﻟﺠﺮﺡ ... ﻏﺰﺭﻟﻲ ﻳﺤﻜﻲ ﻫﻮ : ﻻﺯﻡ ﺗﺪﺧﻞ ﻟﻠﻌﻤﻠﻴﺎﺕ ﺗﻮﺍ ﺍﻧﺎ : ﻃﻮﻝ ﺑﺮﺷﺎ ﺍﻟﻌﻤﻠﻴﺔ ﻫﺎﺫﻱ ﻫﻮ : ﻻ ... ﻭ ﺯﺍﺩﺓ ﻣﻌﻨﺪﻛﺶ ﺣﻞ ﺛﺎﻧﻲ ﺍﻧﺎ : ﺑﺎﻫﻲ ﻓﻲ ﻟﺤﻈﺔ ﻟﻘﻴﺖ ﺭﻭﺣﻲ ﻓﻲ ﺑﻴﺖ ﺍﻟﻌﻤﻠﻴﺎﺕ ... ﻭ ﺍﻟﺒﻨﺞ ﺳﺮﻯ ﻓﻲ ﺑﺪﻧﻲ ... ﻭ ﺍﺻﻮﺍﺗﻬﻢ ﻣﺎﺷﻴﺔ ﻭ ﺗﺒﻌﺪ ... ﻭ ﺍﺻﻮﺍﺕ ﻣﻦ ﺍﻟﻤﺎﺿﻲ ﻣﺎﺷﻴﺔ ﻭ ﺗﻘﺮﺏ ... ﺻﻮﺗﻲ ﺍﻧﺎ ﻭ ﺍﺩﻡ ... ﺻﻮﺕ ﺿﺤﻜﺎﺗﻨﺎ ﻭ ﻟﻌﺒﻨﺎ ﻣﻊ ﺑﻌﺾ ... ﺻﻴﺎﺡ ﺍﻣﻲ ﻟﻲ ﻣﺎﺷﻲ ﻭ ﻳﻌﻠﻰ ... ﺍﻭﻝ ﻋﺮﻛﺔ ﻋﻤﻠﺘﻬﺎ ﻋﻠﻰ ﺟﺎﻝ ﺳﻮﺍﺭ .. ﻭ ﻛﻠﺸﻲ ﻋﺸﺘﻮ ﻣﻌﺎﻫﺎ ﻟﺘﻮﺍ ﺗﻌﺪﺍ ﺑﻴﻦ ﻋﻴﻨﻴﺎ ... ﻭﺳﻂ ﺫﻛﺮﻳﺎﺕ ﻫﺬﻭﻣﺎ ﺍﻟﻜﻞ ... ﻟﻘﻴﺖ ﺭﻭﺣﻲ ﻓﻲ ﺣﻠﻤﺔ ﺧﺎﻳﺒﺔ ... ﻭ ﺍﻧﻮ ﺳﻮﺍﺭ ﻗﺘﻠﺖ ﺭﻭﺣﻬﺎ ﺑﺎﻟﺤﻖ ... ﺣﻠﻴﺖ ﻋﻴﻨﻴﺎ ﻣﺮﻭﻫﺞ ... ﺿﻮ ﺍﻟﺒﻴﺖ ﺿﺮﺏ ﻓﻲ ﻭﺟﻬﻲ ... ﺩﻭﺏ ﻧﺠﻤﺖ ﻧﺨﺮﺝ ﺍﺳﻤﻬﺎ ﺑﻴﻦ ﺷﻔﺎﻓﻲ ... ﻣﺰﻟﺖ ﺩﺍﻳﺦ ﻣﻦ ﺍﻟﺒﻨﺞ ... ﻧﺴﻤﻊ ﻓﻲ ﻃﺒﻴﺐ ﻳﺤﻜﻲ ﻫﻮ : ﻟﺒﺎﺱ ﻣﺴﻴﻮ ﺩﻭﺭﺕ ﺭﺍﺳﻲ ﺷﻮﻳﺔ ... ﻧﺤﺴﻮ ﺭﺯﻳﻦ ﺑﺎﺵ ﻳﻄﺮﺷﻖ ... ﺩﻭﺏ ﻧﺠﻢ ﻧﺤﻜﻲ ﺍﻧﺎ : ﺱ ﺳﻮﺍﺭ ... ﻭﻳﻦ ﻫﻮ : ﻃﻤﻦ ﺣﺎﻟﺘﻬﺎ ﻣﺴﺘﻘﺮﺓ ﻭ ﻟﺘﻮﺍ ﻣﻔﺎﻗﺘﺶ ﺩﻭﺭﺕ ﻭﺟﻬﻲ ﻋﻠﻴﻪ ... ﻧﻐﺰﺭ ﻟﺴﻘﻒ ... ﻭﺟﻴﻌﺔ ﻣﺶ ﻧﻮﺭﻣﺎﻝ ﻓﻲ ﺭﺍﺳﻲ ﻭ ﺟﻨﺒﻲ ... ﺻﻮﺭﺗﻬﺎ ﻟﺘﻮﺍ ﺑﻴﻦ ﻋﻴﻨﻴﺎ ... ﻟﻠﺤﻈﺔ ﻛﻨﺖ ﺑﺎﺵ ﻧﺨﺴﺮﻫﺎ ... ﻭﻧﺨﺴﺮ ﻭﻟﺪﻱ ﺯﺍﺩﺓ ... ﻛﻨﺖ ﺑﺎﺵ ﻧﻀﻴﻊ ﺣﻴﺎﺗﻲ ﺑﻴﺪﻱ ... ﻣﻨﺤﺐ ﻧﺨﻤﻢ ﻓﻲ ﺣﺘﻰ ﺷﻲ ... ﻛﺎﻥ ﻓﻴﻬﺎ ... ﻛﻠﺸﻲ ﺑﺎﺵ ﻳﻜﻮﻥ ﻋﻨﺪﻭ ﻃﺮﻳﻖ ... ﻭ ﺑﺎﺵ ﻳﻜﻮﻥ ﻋﻨﺪﻭ ﺣﻞ ... ﺍﻟﻤﻬﻢ ﺍﻧﻲ ﻧﻄﻤﻦ ﻋﻠﻴﻬﺎ ... ﻭ ﺑﻌﺪﻫﺎ ﺑﺎﺵ ﻧﺴﻜﺮ ﺩﻭﺳﻲ ﺍﻟﻤﺎﺿﻲ ﺿﺮﺑﺔ ﻭﺣﺪﺓ