ﺑﻘﻴﺖ ﻧﻐﺰﺭﻟﻬﺎ ... ﺑﺎﻗﻲ ﺗﻠﻮﻡ ﻓﻴﺎ ﺑﻜﻼﻣﻬﺎ ... ﺗﻨﻬﺪﺕ ﺑﺎﻟﻘﺎﻭﻱ ... ﺟﻴﺖ ﺑﺎﺵ ﻧﺤﻜﻲ ﻓﺘﺢ ﺑﺎﺏ ﺍﻻﺻﻮﻧﺼﻴﺮ ﺑﺎﻟﻮﻗﺖ ... ﺭﺧﻔﺖ ﻳﺪﻳﺎ ﻋﻠﻴﻬﺎ ... ﺩﺯﺗﻨﻲ ﻟﺘﺎﻟﻲ ... ﻭ ﻧﺰﻟﺖ ﻫﺰﺕ ﺍﻟﺪﻭﺳﻲ ﻣﻦ ﺍﻻﺭﺽ ... ﻭﺧﺮﺟﺖ ﺗﺠﺮﻱ ﻣﻦ ﻏﻴﺮ ﺣﺘﻰ ﻛﻠﻤﺔ ... ﺑﻘﻴﺖ ﻓﻲ ﺑﻼﺻﺘﻲ ﻣﺮﻭﻫﺞ ... ﻫﺰﻳﺖ ﻳﺪﻱ ﻋﺪﻳﺘﻬﺎ ﻋﻠﻰ ﻭﺟﻬﻲ ... ﻭ ﺧﺮﺟﺖ ﻭﺭﺍﻫﺎ ... ﻧﺮﺍ ﻓﻴﻬﺎ ﻧﺎﺯﻟﺔ ﻓﻲ ﺍﻟﺪﺭﻭﺝ ﺗﺠﺮﻱ ... ﺑﺎﺵ ﺗﻬﺒﻠﻨﻲ ﺍﻟﻔﺮﺧﺔ ﻛﻲ ﺗﺤﺐ ﺗﻨﺰﻝ ﻋﻼﻩ ﻃﻠﻌﺖ ﻣﻦ ﺍﻻﺳﺎﺱ ... ﻧﺰﻟﺖ ﻭﺭﺍﻫﺎ ﻧﻌﻴﻂ ﻋﻠﻴﻬﺎ ﺍﻧﺎ : ﺳﻮﺍﺍﺍﺭ ﻣﺘﻠﻔﺘﺘﻠﻴﺶ ﺟﻤﻠﺔ ... ﺑﺎﻗﻲ ﺗﻤﺸﻲ ﺑﺎﻟﺰﺭﺑﺔ ... ﻟﺤﻘﺘﻪﺍ ﺑﺎﻟﻮﻗﺖ ... ﺟﺒﺪﺗﻬﺎ ﻣﻦ ﻳﺪﻫﺎ ﺩﻭﺭﺗﻬﺎ ﻋﻨﺪﻱ ﻧﺤﻜﻲ ﺍﻧﺎ : ﺍﻳﺠﺎ ﻻﺯﻡ ﻧﺤﻜﻮ ﺳﻮﺍﺭ : ﻣﻨﺤﺒﺶ ... ﺑﺮﺍ ﻋﻨﺪﻙ ﻣﺎ ﺗﺤﻜﻲ ﻣﻌﺎﻫﺎ ﻫﻲ ... ﻋﻠﻰ ﻫﺬﺍﻛﺎ ﺳﻴﺒﻨﻲ ﺗﻮﺍ ﺍﺣﺴﻨﻠﻚ ﺍﻧﺎ : ﺗﻬﺪﺩ ﻓﻴﺎ ﻳﺎﺧﻲ ﺳﻮﺍﺭ : ﺯﻳﺎﺍﺍﺩ ﺍﺣﻨﺎ ﻻﺯﻡ ﻧﺤﻜﻮ ... ﺑﺮﺍ ﺗﻠﻘﺎﻫﺎ ﺗﺒﻜﻲ ﻋﻠﻴﻚ ﺗﻮﺍ ﺗﺤﻜﻲ ﻭ ﺗﻘﻠﺪ ﻓﻲ ﺻﻮﺕ ﻣﻴﺮﺍﻝ ... ﺑﻘﻴﺖ ﻧﻐﺰﺭﻟﻬﺎ ﻣﺒﻬﻢ ... ﻃﻠﻌﺖ ﺭﺍﺳﻲ ... ﻧﻐﺰﺭﻟﻬﻢ ﺍﻟﻜﻞ ﻻﻫﻴﻴﻦ ﺑﻴﻨﺎ ... ﻛﺒﺴﺖ ﻋﻠﻴﻬﺎ ﺍﻛﺜﺮ ﻧﺤﻜﻲ ﺍﻧﺎ : ﺳﻮﺍﺍﺍﺭ ﻳﺰﻱ ... ﻭ ﺍﻣﺸﻲ ﻗﺪﺍﻣﻲ ﺳﻮﺍﺭ : ﻛﺎﻥ ﻧﻤﻮﺕ ﻣﺎﻧﻴﺶ ﺑﺎﺵ ﻧﺠﻲ ﻣﻌﺎﻙ ﻳﺎ ﺳﺎﻗﻂ ﻋﺪﻳﺖ ﻳﺪﻱ ﻋﻠﻰ ﻭﺟﻬﻲ ﻧﻬﺪﻱ ﻓﻲ ﺭﻭﺣﻲ ﻗﺪ ﻣﺎ ﻧﺠﻢ ... ﻗﺺ ﻋﻠﻴﻨﺎ ﺻﻮﺕ ﺍﺳﻤﺎﻋﻴﻞ ﻳﺤﻜﻲ ﺍﺳﻤﺎﻋﻴﻞ : ﺯﻳﺎﺍﺍﺩ ﻻﺯﻡ ﻧﺨﺮﺟﻮ ﺗﻮﺍ ... ﺍﻟﻔﺮﻗﺔ ﺣﺪﺩﺕ ﻣﻮﻗﻊ ﻃﺎﺭﻕ ... ﻧﻈﻦ ﻣﺎﻫﻴﺶ ﺟﻴﻨﺎ ﻓﺮﺻﺔ ﺍﺣﺴﻦ ﻧﺎﻗﺼﻨﻲ ﺍﻟﺴﺨﻄﺔ ﻫﺬﺍﻛﺎ ﻫﺰﻳﺘﻠﻮ ﺑﺮﺍﺳﻲ ﺑﺎﻫﻲ ... ﻭ ﻏﺰﺭﺗﻠﻬﺎ ﻧﺤﻜﻲ ﺍﻧﺎ : ﻣﺰﺍﻝ ﻋﻨﺪﻱ ﻛﻼﻡ ﻣﻌﺎﻙ ﻣﻔﻬﻮﻡ ﻧﻄﺮﺕ ﻳﺪﻫﺎ ﻣﻨﻲ ... ﻗﺤﺮﺗﻠﻲ ﻗﺤﺮﺓ ﻣﺘﺎﻉ ﻣﻮﺕ ... ﻭ ﻣﺸﺎﺕ ... ﺗﻠﻔﺖ ﻧﻐﺰﺭﻟﻬﺎ ﻛﻴﻒ ﺗﻤﺸﻲ ﻭ ﺗﻐﺰﻝ ... ﺗﻨﻬﺪﺕ ﺑﺎﻟﻘﺎﻭﻱ ﻭ ﺧﺎﻟﻄﺖ ﻋﻠﻰ ﺍﺳﻤﺎﻋﻴﻞ ... ﻣﺰﺍﻝ ﺗﻔﻜﻴﺮﻱ ﺍﻧﺎ ﻓﻲ ﻣﻬﻤﺎﺕ ﺗﻮﺍ ... ﺍﺻﻼ ﻣﺘﺄﻛﺪ ﻟﻬﻲ ﻛﺎﻧﺖ ﺑﺎﺵ ﺗﺨﺒﺮﻧﻲ ﺑﺸﻲ ... ﻛﺎﻥ ﻣﺶ ﻣﻴﺮﺍﻝ ﻟﻲ ﺟﺎﺕ ﻓﻲ ﻏﻴﺮ ﻭﻗﺘﻬﺎ ... ﻣﻨﻌﺮﻓﺶ ﺍﺻﻼ ﻛﻴﻒ ﻫﺪﺕ ﻋﻠﻴﺎ ﻭ ﻻ ﺷﺘﺤﺐ ﻣﻨﻲ ... ﻭ ﺯﻳﺪ ﺍﻟﻔﺮﺧﺔ ﺧﺎﻟﻄﺖ ﻋﻠﻴﻬﺎ ﺑﺎﻟﻮﻗﺖ ... ﻭ ﻣﻨﻌﺮﻓﺶ ﺷﺒﻴﻨﻲ ﺯﺍﺩﺓ ﻧﺠﺮﻱ ﻓﻲ ﺟﺮﺗﻬﺎ ... ﻭ ﻧﺴﻴﺖ ﻟﻲ ﺻﺎﺭ ﺍﻟﻜﻞ ... ﺑﺎﺵ ﻧﺘﺠﻠﻂ ﺟﺮﺍﻳﺮﻫﺎ ... ﻭ ﻣﻦ ﺗﻔﻜﻴﺮﻱ ﻓﻴﻬﺎ ... ﻣﻌﺎﺩﺵ ﻧﻌﺮﻑ ﺷﻨﻮﺓ ﻧﻌﻤﻞ ﻭ ﻻ ﻛﻴﻒ ﺑﺎﺵ ﻧﺘﺼﺮﻑ ﻣﻌﺎﻫﺎ ... ﻭ ﻻ ﻣﻊ ﺍﻟﻮﺿﻊ ﻟﻲ ﺍﺣﻨﺎ ﻓﻴﻪ
أنت تقرأ
🔥🔞"في أحضان عزرائيل"🔞🔥( الجزء الخامس)
عاطفيةهيا تلمو البنات نكمللكم الكروو🙋❤ #نحبكم ❤ #شيماء
