الحلقة 931

1.7K 26 0

بواسطة Prisoner_of_love__

بقلم Prisoner_of_love__

ﺗﻨﻬﺪ ﺑﺎﻟﻘﻭﻱ ... ﻏﺰﺭﻟﻲ ﻧﺪﺭﺍ ﻛﻴﻒ ... ﻭ ﻫﺰﻟﻲ ﺑﺮﺍﺳﻮ ﺍﻳﻪ ﻳﺤﻜﻲ
ﺯﻳﺎﺩ : ﻛﻨﺖ ﺻﻐﻴﺮ ﺑﺮﺷﺎ ... ﻭﻗﺖ ﺭﻳﺘﻮ ﺍﻭﻝ ﻣﺮﺓ ﻭﺍﻗﻒ ﻣﻊ ﺑﺎﺑﺎ ... ﺩﻭﺏ ﻧﺬﻛﺮ ﺻﻮﺭﺗﻬﻢ ﻣﻊ ﺑﻌﺾ ... ﺍﺻﻼ ﺣﻜﻴﺖ ﻓﻲ ﻭﻗﺖ ﻣﺘﺄﺧﺮ ... ﻭ ﻛﻴﻒ ﻗﻠﺖ ﻛﻠﻤﺔ ﺑﺎﺑﺎ ﺍﻭﻝ ﻣﺮﺓ ... ﻛﺎﻥ ﻣﺎﺕ ﻓﻲ ﺣﺎﺩﺙ ... ﻣﻦ ﻭﻗﺘﻬﺎ ﻣﻌﺎﺩﺵ ﺭﻳﺘﻮ ... ﺣﺘﻰ ﻣﺮﺍﺕ ﻛﻴﻒ ﻳﺠﻲ ﻳﻬﺰ ﺍﺩﻡ ... ﻣﻴﺨﺮﺟﺶ ﻣﻦ ﻛﺮﻫﺒﺘﻮ ... ﻧﺒﻘﻰ ﻭﺣﺪﻱ ﺳﺎﻋﺎﺕ ﻧﺴﺘﻨﻰ ﺍﻣﻲ ﺟﻲ ﺗﻬﺰﻧﻲ ... ﻭ ﻣﺮﺍﺕ ﺗﺒﻌﺚ ﺷﻮﻓﻮﺭ ... ﻭ ﻣﺮﺍﺕ ﻋﻢ ﺍﺣﻤﺪ ﻫﻮ ﻟﻲ ﻳﺠﻴﻨﻲ ... ﺍﺻﻼ ﻣﻨﻌﺮﻓﺶ ﻋﻼﻩ ﺑﻌﺪ ﻣﺎ ﻣﺎﺕ ﺑﺎﺑﺎ ... ﺳﻜﻨﺎ ﻓﻲ ﺍﻟﺤﻮﻣﺔ ﻫﺬﻳﻜﺎ ... ﺍﻣﺎ ﺳﺘﺎﻧﺴﺖ ﺑﺎﻟﺠﻮ ... ﺧﺎﺻﺔ ﻛﻴﻒ ﻭﻟﻰ ﺍﺩﻡ ﻳﺠﻲ ﻣﻌﺎﻳﺎ ... ﻭ ﻣﺮﺍﺕ ﻳﺒﺎﺕ ﺑﺤﺬﺍﻳﺎ ... ﻟﻘﻴﺖ ﺭﻭﺣﻲ ﺑﺎﻟﻮﻗﺖ ﻧﻐﻴﺮ ﻣﻦ ﺣﻨﺎﻥ ... ﻛﻨﺖ ﻧﺴﺘﺨﺎﻳﻞ ﻻﺩﻡ ﺧﻮﻳﺎ ﺍﻧﺎ ﻭ ﻛﻬﻮ ... ﻭ ﻣﻴﻨﺠﻢ ﻳﻬﺘﻢ ﺑﺤﺘﻰ ﺣﺪ ﻏﻴﺮﻱ ﺍﻧﺎ ... ﺍﻣﻲ ﺯﺍﺩﺓ ﻛﺎﻧﺖ ﺗﺤﺒﻮ ﺑﺮﺷﺎ ... ﺧﺎﻃﺮ ﺍﻣﻮ ﻣﺎﺗﺖ ﻭﻗﺖ ﻭﻟﺪ ﻫﻮ ... ﻛﺎﻥ ﻛﻠﺸﻲ ﺑﺎﻫﻲ ... ﻟﻴﻦ ﺟﺎ ﺍﻛﺎ ﻧﻬﺎﺭ ... ﻣﻨﺤﺒﺶ ﻧﺤﻜﻲ ﻋﻠﻴﻪ ... ﻭ ﻣﻨﺤﺒﺶ ﻧﺬﻛﺮ ﺍﻱ ﺷﻲ ﻣﻨﻮ ... ﺍﻣﺎ ﺩﻳﻤﺎ ﻧﻠﻘﻰ ﺭﻭﺣﻲ ﻣﺠﺒﻮﺭ ﺍﻧﻲ ﻧﻌﻴﺸﻮ ... ﺻﻮﺗﻮ ﻟﺘﻮﺍ ﻣﺰﺍﻝ ﻓﻲ ﻭﺫﻧﻲ ... ﻭ ﺗﺎﺗﻮﺍﺝ ﺍﻟﻠﻲ ﻓﻲ ﻳﺪﻭ ﺑﻴﻦ ﻋﻴﻨﻴﺎ ﻟﺘﻮﺍ ... ﺑﻌﺪ ﺍﻛﺎ ﻟﻴﻠﺔ ... ﻋﺪﻳﺖ 3 ﺍﺷﻬﺮ ﻋﻨﺪ ﻋﻢ ﺻﺎﻟﺢ ... ﻛﺎﻥ ﺍﺩﻡ ﻳﺠﻲ ﻣﻊ ﺷﻮﻓﻮﺭ ﻳﺤﺎﻭﻟﻨﻲ ﺑﺎﺵ ﻧﺤﻜﻲ ﻭ ﻧﺮﺟﻊ ﻧﻘﺮﺍ ... ﻛﺎﻧﺖ ﺍﺻﻌﺐ ﻓﺘﺮﺓ ﻧﻌﺪﻳﻬﺎ ﻓﻲ ﺣﻴﺎﺗﻲ ... ﺑﻌﺪ 3 ﺍﺷﻬﺮ ﻣﻦ ﺍﻟﺤﺎﺩﺛﺔ ... ﻭ ﺑﻌﺪ ﺍﻟﺤﺎﺡ ﻛﺒﻴﺮ ﻣﻦ ﺍﺩﻡ ... ﻟﻘﻴﺖ ﺭﻭﺣﻲ ﻭﺳﻂ ﺩﺍﺭﻫﻢ ... ﺍﻣﺎ ﺗﻮﻓﻴﻖ ﺑﻘﻰ ﺑﻌﻴﺪ ﻋﻠﻴﻨﺎ ... ﺩﻭﺏ ﻳﺤﻜﻲ ﻣﻌﺎﻳﺎ ﻭ ﻻ ﺣﺘﻰ ﻳﻐﺰﺭﻟﻲ ... ﻛﻨﺖ ﻧﺨﺎﻑ ﻣﻨﻮ ﺑﻄﺮﻳﻘﺔ ﻏﺮﻳﺒﺔ ... ﺻﻮﺗﻮ ﻛﺎﻥ ﻣﺤﻔﻮﺭ ﻓﻲ ﺫﺍﻛﺮﺗﻲ ... ﺍﻣﺎ ﺩﻳﻤﺎ ﻧﺤﺎﻭﻝ ﻧﻬﺮﺏ ﻣﻦ ﺍﻟﻠﻲ ﻧﺨﻤﻢ ﻓﻴﻪ ... ﻭ ﻧﻘﻮﻝ ﻟﻬﻮ ﻣﺠﺮﺩ ﺗﺸﺎﺑﻪ ﻭ ﻛﻬﻮ ... ﺗﻌﺪﺍﺕ ﺷﻬﻮﺭ ﻋﺎﻟﺤﺎﺩﺛﺔ ... ﻭ ﺑﻌﺪﻫﺎ ﺗﻌﺪﺍﺕ ﺳﻨﻴﻦ ... ﺳﻨﻴﻦ ﻃﻮﻳﻠﺔ ﻟﻘﻴﺖ ﺭﻭﺣﻲ ﻓﻴﻬﺎ ﻧﻤﺸﻲ ﻭ ﻧﺠﻲ ﻟﻠﺤﻮﻣﺔ ... ﻧﻮﺻﻞ ﻟﺪﺍﺭﻧﺎ ﺍﻣﺎ ﻣﻨﺠﻤﺶ ﻧﺪﺧﻞ ... ﻛﻠﺸﻲ ﺑﺪﺍ ﻣﻦ ﺍﻟﺤﻮﻣﺔ ﻫﺬﻳﻜﺎ ... ﻭ ﺣﺒﻲ ﻟﻴﻚ ﺑﺪﺍ ﻣﻦ ﻏﺪﻳﻜﺎ ... ﻣﻦ ﺍﻛﺎ ﻏﺰﺭﺓ ﺳﻢ ﻟﻲ ﻛﻞ ﻣﺮﺓ ﺗﺮﻣﻴﻬﺎﻟﻲ ... ﻭ ﻻ ﺍﻛﺎ ﺗﻘﺤﻴﺮﺓ ... ﻧﺬﻛﺮﻫﻢ ﺭﺍﻧﻲ
ﺗﺒﺴﻤﺖ ﻋﻠﻰ ﺟﻨﺐ ... ﻣﻨﻌﺮﻓﺶ ﻭﺳﻂ ﺍﻟﻮﺟﻴﻌﺔ ﺍﻟﻜﻞ ﺍﻟﻠﻲ ﻗﺎﻋﺪ ﻳﺤﻜﻲ ﻋﻠﻴﻬﺎ ... ﻫﻮ ﺫﻛﺮﻧﻲ ... ﺗﻨﻬﺪ ﺑﺎﻟﻘﺎﻭﻱ ... ﻭ ﻛﻤﻞ ﻛﻼﻣﻮ ﻳﺤﻜﻲ
ﺯﻳﺎﺩ : ﺣﺘﻰ ﺑﻌﺪ ﺍﻟﻌﺮﻛﺔ ﺍﻟﻠﻲ ﻋﻤﻠﺘﻬﺎ ﻋﻠﻰ ﺧﺎﻃﺮﻙ ... ﺳﻤﻌﺘﻨﻲ ﺍﻟﻜﻼﻡ ﻟﻴﺎ
ﻋﻮﺟﺖ ﻓﻤﻲ ﻭ ﻧﺰﻟﺖ ﺭﺍﺳﻲ ... ﻛﺒﺲ ﻋﻠﻰ ﺷﻌﺮﻱ ... ﻳﺤﻜﻲ
ﺯﻳﺎﺩ : ﻓﻲ ﻧﻔﺲ ﺍﻟﻨﻬﺎﺭ ... ﺍﺳﺘﻠﻤﺖ ﺍﻟﻤﻔﺘﺎﺡ ﻭ ﺍﻟﻮﺭﻗﺔ ﻟﻲ ﻋﻄﻴﺘﻬﻢ ﻟﻌﻢ ﺻﺎﻟﺢ ... ﻧﻬﺎﺭ ﺧﺴﺮﺕ ﺍﻣﻲ ... ﺍﻟﻮﺭﻗﺔ ﻛﺎﻧﺖ ﻭﺻﻴﺘﻬﺎ ﻋﻠﻴﺎ ﻟﻌﻢ ﺻﺎﻟﺢ ... ﻭ ﺍﻟﻤﻔﺘﺎﺡ ... ﻛﺎﻥ ﻣﻔﺘﺎﺡ ﺧﺰﻧﺔ ... ﻓﻲ ﺍﻫﻢ ﺑﻨﻚ ﻫﻮﻧﻲ ... ﺣﺪ ﻣﺎ ﻳﻨﺠﻢ ﻳﻔﺘﺤﻬﺎ ﻛﺎﻥ ﺍﻧﺎ ... ﺍﻟﺨﺰﻧﺔ ﻛﺎﻧﺖ ﻟﺒﺎﺑﺎ ... ﻓﻴﻬﺎ ﺍﻭﺭﺍﻕ ﻭ ﺩﻭﺳﻴﺎﺕ ... ﻭ ﻛﺎﻥ ﺍﻭﻝ ﻧﻬﺎﺭ ﻧﻌﺮﻑ ﻟﺒﺎﺑﺎ ﻣﻦ ﺍﻫﻢ ﻇﺒﺎﻁ ﺍﻳﻄﺎﻟﻴﺎ ... ﻭ ﺍﻛﺒﺮ ﻋﻤﻴﻞ ﻓﻲ ﺍﻟﻤﻨﻈﻤﺔ ﺍﻟﺴﺮﻳﺔ ... ﻭ ﺍﻭﺭﺍﻕ ﺍﺧﺮﻯ ﺗﺜﺒﺖ ﻫﻮﻳﺘﻲ ﺍﻻﺻﻠﻴﺔ
ﻃﻠﻌﺖ ﺭﺍﺳﻲ ﻧﻐﺰﺭﻟﻮ ﻣﺼﺪﻭﻣﺔ ... ﺗﺒﺴﻢ ﻋﻠﻰ ﺟﻨﺐ ... ﻭ ﻛﻤﻞ ﻛﻼﻣﻮ ﻳﺤﻜﻲ