ﻫﺎﺭﻭﻥ : ﺳﻮﺍﺍﺍﺭ ﻭﻳﻨﻚ ﻳﺎﺧﻲ
ﺍﻧﺎ : ﻫﺎﺭﻭﻥ
ﻫﺎﺭﻭﻥ : ﻟﺒﺎﺱ ﻣﺎﻫﻮ ... ﺷﺒﻲ ﺻﻮﺗﻚ ﻫﻜﺎ
ﺍﻧﺎ : ﺗﺎﻋﺒﺔ ﺑﺮﺷﺎ
ﻫﺎﺭﻭﻥ : ﻭﻳﻨﻚ ﺍﻧﺖ ... ﺗﻮ ﻧﺠﻲ ﻋﻨﺪﻙ
ﺍﻧﺎ : ﻣﻨﻌﺮﻓﺶ
ﻫﺎﺭﻭﻥ : ﺳﻮﺍﺍﺭ ﺣﺎﻭﻝ ﺗﻘﻮﻟﻲ ﻋﺎﻟﺒﻼﺻﺔ ﻭ ﺍﻧﺎ ﺗﻮ ﻧﺠﻴﻚ
ﻃﻠﻌﺖ ﺭﺍﺳﻲ ﺑﺎﻟﺴﻴﻒ ... ﻧﺤﺎﻭﻝ ﻧﻘﺮﺍ ﺍﺳﻢ ﺍﻟﺸﺎﺭﻉ ... ﻭ ﻧﺤﻜﻲ ﻓﺮﺩ ﻭﻗﺖ
ﺍﻧﺎ : ﻓﻲ ¤¤¤¤¤¤¤¤
ﻫﺎﺭﻭﻥ : ﺑﺎﻫﻲ ﺭﺩ ﺑﺎﻟﻚ ﺗﺘﺤﺮﻙ ﻣﻦ ﺑﻼﺻﺘﻚ ... ﻣﺴﺎﻓﺔ ﺍﻟﻄﺮﻳﻖ ﻛﻬﻮ
ﺍﻧﺎ : ﺑﺎﻫﻲ
ﻋﻠﻘﺖ ﻋﻠﻴﻪ ﻭ ﻧﺰﻟﺖ ﺗﻠﻴﻔﻮﻥ ... ﻧﺤﺲ ﻓﻲ ﺑﺪﻧﻲ ﻣﻬﺪﻭﺩ ... ﻣﻌﺎﺩ ﻧﺠﻢ ﻧﻔﻜﺮ ﻓﻲ ﺣﺘﻰ ﺷﻲ ﺍﺧﺮ ... ﻣﻨﻌﺮﻓﺶ ﻗﺪﺍﺵ ﺗﻌﺪﺍ ﻭﻗﺖ ﺍﻛﺎﻛﺎ ... ﻓﻘﺖ ﻣﻦ ﺳﺮﺣﺘﻲ ﻋﻠﻰ ﺻﻮﺕ ﺍﻟﻜﺮﻫﺒﺔ ... ﻧﻐﺰﺭﻝﻭ ﻛﻴﻒ ﻧﺰﻝ ﺟﺎﻱ ﻋﻨﺪﻱ ﻣﻔﺠﻮﻉ ... ﺍﻭﻝ ﻣﺎ ﻭﺻﻞ ... ﻧﺰﻝ ﻋﻠﻰ ﺭﻛﺒﺔ ﻭ ﻧﺺ ﻗﺪﺍﻣﻲ ... ﺣﻂ ﻳﺪﻭ ﻋﻠﻰ ﻭﺟﻬﻲ ﻳﺤﻜﻲ
ﻫﺎﺭﻭﻥ : ﺳﻮﺍﺍﺭ ﺷﺒﻴﻚ ... ﺷﺒﻲ ﺣﺎﻟﺘﻚ ﻫﻜﺎ ﺷﺼﺎﺭ
ﺑﻘﻴﺖ ﻧﻐﺰﺭﻟﻮ ﻣﻌﻨﺪﻳﺶ ﻗﻮﺓ ﺑﺎﺵ ﻧﺠﻢ ﻧﺮﺩﻟﻮ ... ﺭﺟﻌﻠﻲ ﺷﻌﺮﻱ ﻟﺘﺎﻟﻲ ... ﺗﻨﻬﺪ ﺑﺎﻟﻘﺎﻭﻱ ﻳﺤﻜﻲ
ﻫﺎﺭﻭﻥ : ﺑﺎﻫﻲ ﺑﺎﻫﻲ ... ﺗﺤﺐ ﻧﻤﺸﻮ ﻣﻦ ﻫﻮﻧﻲ
ﻫﺰﻳﺘﻠﻮ ﺑﺮﺍﺳﻲ ﺍﻳﻪ ... ﻛﺒﺲ ﻋﻠﻰ ﻛﺘﺎﻓﻲ ﻭﻗﻔﻨﻲ ﻣﻌﺎﻩ ... ﻳﻤﺸﻲ ﻓﻴﺎ ﺑﺎﻟﺴﻴﻒ ... ﺣﻠﻲ ﺑﺎﺏ ﺍﻟﻜﺮﻫﺒﺔ ﺭﻛﺒﻨﻲ ... ﻭﺭﺟﻌﻠﻲ ﺍﻟﻜﺮﺳﻲ ﻟﺘﺎﻟﻲ ... ﻭﺧﺎﻟﻂ ﻋﻠﻴﺎ ... ﻳﺴﻮﻕ ﻭ ﻳﺤﻜﻲ ﻓﺮﺩ ﻭﻗﺖ
ﻫﺎﺭﻭﻥ : ﺳﻮﺍﺍﺍﺭ ﺣﺎﻟﺘﻚ ﺗﺎﻋﺒﺔ ﺑﺮﺷﺎ ... ﺗﺤﺐ ﻧﻬﺰﻙ ﻟﻠﻜﻠﻴﻨﻴﻚ ﻋﺎﻻﻗﻞ ﺗﺮﺗﺎﺡ ﺷﻮﻳﺔ
ﻫﺰﻳﺘﻠﻮ ﺑﺮﺍﺳﻲ ﻻ ... ﺧﺬﻳﺖ ﻧﻔﺲ ﺑﺎﻟﺴﻴﻒ ... ﻧﺤﻜﻲ
ﺍﻧﺎ : ﻡ ﻣﻨﺤﺐ ﻧﻤﺸﻲ ﻟﺤﺘﻰ ﺑﻼﺻﺔ
ﻫﺎﺭﻭﻥ : ﺗﺤﺐ ﻧﻤﺸﻲ ﻟﺪﺍﺭ
ﺍﻧﺎ : ﻻ
ﺗﻨﻬﺪ ﺑﺎﻟﻘﺎﻭﻱ ﻭ ﻫﺰﻟﻲ ﺑﺮﺍﺳﻮ ﺑﺎﻫﻲ ... ﻣﻌﺎﺩﺵ ﺳﺄﻟﻨﻲ ﻭ ﻻ ﺣﻜﻰ ﺣﺮﻑ ﻭﺍﺣﺪ ... ﺑﺎﻗﻲ ﻳﺴﻮﻕ ... ﻋﻴﻨﻴﺎ ﺗﺮﻛﺰﻭ ﻓﻲ ﺛﻨﻴﺔ ... ﻧﺤﺲ ﻓﻲ ﺗﻔﻜﻴﺮﻱ ﺑﻌﻴﺪ ﺑﺮﺷﺎ ... ﻛﺎﻥ ﺑﺎﻟﺤﻖ ﻳﻌﻤﻞ ﺍﻟﻠﻲ ﻗﺎﻟﻮ ... ﻣﻌﻨﺎﻫﺎ ﻟﻲ ﻋﺸﺘﻮ ﻣﻊ ﺯﻳﺎﺩ ﻃﻠﻊ ﻛﺬﺑﺔ ﻛﺒﻴﺮﺓ ... ﻭ ﺍﻧﺎ ﻛﻬﻮ ﻟﻲ ﺑﺎﺵ ﻧﻄﻠﻊ ﺧﺎﺳﺮﺓ ﻓﻲ ﺍﻟﺤﻜﺎﻳﺔ ... ﻃﻠﻌﺖ ﺭﺍﺳﻲ ﻛﻴﻒ ﺷﺪ ﺍﻟﻔﺮﺍﻥ ﺑﺎﻟﻘﺎﻭﻱ ... ﻧﺴﻤﻊ ﻓﻴﻪ ﻳﺤﻜﻲ
ﻫﺎﺭﻭﻥ : ﺍﻧﺖ ﺑﺎﺵ ﺗﺒﻘﻰ ﻋﻨﺪﻱ ﻟﻴﻦ ﺗﺮﺗﺎﺡ ﺑﺎﻫﻲ ﺳﻮﺍﺭ
ﻫﺰﻳﺘﻠﻮ ﺑﺮﺍﺳﻲ ﺑﺎﻫﻲ ... ﻧﺰﻝ ﻣﻦ ﺍﻟﻜﺮﻫﺒﺔ ... ﻭﺟﺎ ﻣﻦ ﺟﻴﻬﺘﻲ ﻓﺘﺤﻠﻲ ﺍﻟﺒﺎﺏ ... ﻋﻄﺎﻧﻲ ﻳﺪﻭ ﻋﺎﻭﻧﻲ ﻧﻨﺰﻝ ... ﺑﺎﻗﻲ ﻳﺎﺳﻴﺲ ﻓﻴﺎ ﻟﻴﻦ ﻭﺻﻠﻨﺎ ﻟﺪﺍﺭ ... ﺣﻞ ﺍﻟﺒﺎﺏ ﻭﺩﺧﻞ ... ﺩﺧﻠﺖ ﻭﺭﺍﻩ ... ﺷﻌﻞ ﺍﻟﻀﻮ ... ﻭ ﺗﻠﻔﺘﻠﻲ ﻳﺤﻜﻲ
ﻫﺎﺭﻭﻥ : ﺍﻳﺠﺎ ﺗﺮﺗﺎﺡ ﺗﻮﺍ
ﻗﺮﺑﺖ ﻣﻌﺎﻩ ﻗﻌﺪﺕ ﻋﺎﻟﻔﻮﺗﺎﻱ ... ﻧﺤﻴﺖ ﺍﻟﻜﻌﺐ ... ﻭ ﺗﺴﻄﺤﺖ ﻟﺘﺎﻟﻲ ... ﻏﻄﺎﻧﻲ ﻭ ﻋﺪﺍ ﻳﺪﻭ ﻋﻠﻰ ﺷﻌﺮﻱ ﻳﺤﻜﻲ
ﻫﺎﺭﻭﻥ : ﺍﺭﺗﺎﺡ ﺗﻮﺍ ... ﻭ ﺍﻧﺎ ﺑﺎﺵ ﻧﺤﻀﺮﻟﻚ ﺷﻲ ﺗﺎﻛﻠﻮ ﺑﺎﻫﻲ
ﺑﻘﻴﺖ ﺳﺎﻛﺘﺔ ... ﺍﺻﻼ ﻣﻌﺎﺩﺵ ﻧﻌﺮﻑ ﺷﻨﻮﺓ ﺍﻟﻠﻲ ﺑﺎﺵ ﻧﺤﻜﻴﻪ ... ﺍﻛﺜﺮ ﺣﺪ ﻧﺤﺐ ﻧﺮﺍﻩ ﺗﻮﺍ ﺯﻳﺎﺩ ... ﻧﺤﺐ ﻳﻘﻮﻝ ﻟﻜﻠﺸﻲ ﻗﺎﻟﻮ ﻛﺬﺏ ... ﻭ ﺍﻧﻮ ﻣﺴﺘﺤﻴﻞ ﻳﻔﻜﺮ ﻳﻘﺮﺏ ﻣﻦ ﻣﻨﻰ ﻣﻬﻤﺎ ﺻﺎﺭ ... ﻛﺒﺴﺖ ﻋﻠﻰ ﻳﺪﻱ ﻧﻬﺪﻱ ﻓﻲ ﺭﻭﺣﻲ ... ﻋﻴﻨﻴﺎ ﺗﺴﻜﺮﻭ ﻭﺣﺪﻫﻢ ... ﻧﺤﺲ ﻓﻲ ﺭﻭﺣﻲ ﺗﺎﻋﺒﺔ ﻟﺪﺭﺟﺔ ﻛﺒﻴﺮﺓ ... ﺍﺣﺴﻦ ﺷﻲ ﺟﺎﺑﻨﻲ ﻣﻌﺎﻩ ﻟﻬﻮﻧﻲ ... ﻣﻜﻨﺘﺶ ﻧﻌﺮﻑ ﻛﻴﻒ ﺑﺎﺵ ﻧﻌﺪﻱ ﺍﻟﻠﻴﻠﺔ ﻫﺎﺫﻱ ﻓﻲ ﺍﻟﺪﺍﺭ ﻫﺬﻳﻜﺎ ﻭﺣﺪﻱ ... ﺗﻮﺍ ﻛﻬﻮ ﺣﺴﻴﺖ ﺑﺤﺎﺟﺘﻲ ﻟﺰﻳﻨﺐ ﻭ ﻣﻼﻙ ﻭ ﻋﻤﺎﺩ ... ﻧﺤﺐ ﻧﺤﺲ ﻻﻧﺎ ﻣﻌﺎﺩﺵ ﻭﺣﺪﻱ ... ﻣﺴﺘﺤﻴﻞ ﻧﻜﻮﻥ ﺧﺴﺮﺕ ﺍﻟﻨﺎﺱ ﻫﺬﻭﻣﺎ ﺍﻟﻜﻞ ... ﻧﻌﺮﻑ ﻟﺤﺘﻰ ﺣﺪ ﻓﻴﻬﻢ ﻣﺎﻫﻮ ﺑﺎﺵ ﻳﺴﺎﻣﺤﻨﻲ ... ﻭﻻ ﻳﻐﻔﺮﻟﻲ ﺧﺎﻃﺮﻧﻲ ﺑﻌﺪﺕ ﻋﻠﻴﻬﻢ ﺑﺎﻟﻄﺮﻳﻘﺔ ﻫﺎﺫﻱ ... ﻣﻨﻌﺮﻓﺶ ﻛﻴﻒ ﻫﺰﻧﻲ ﻧﻮﻡ ﻭﺭﻗﺪﺕ ... ﺭﻗﺪﺕ ﺑﻐﺼﺘﻲ ﻭ ﻣﺘﺄﻛﺪﺓ ﺍﻟﻠﻲ ﺟﺎﻱ ﺑﺎﺵ ﻳﻜﻮﻥ ﺍﺻﻌﺐ ﻣﻦ ﻫﻜﺎ ﺑﺒﺮﺷﺎ
أنت تقرأ
🔥🔞"في أحضان عزرائيل"🔞🔥( الجزء الخامس)
Romanceهيا تلمو البنات نكمللكم الكروو🙋❤ #نحبكم ❤ #شيماء
