ﺳﻮﺍﺭ ﺗﺤﻜﻲ :
ﻳﻮﻣﻴﻦ ﺗﻌﺪﺍﻭ ﺑﻌﺪ ﺍﻛﺎ ﺍﻟﻠﻴﻠﺔ ... ﻧﻐﺰﺭ ﻟﻴﺪﻱ ... ﻭ ﺗﻔﻜﻴﺮﻱ ﺑﻌﻴﺪ ﺑﺮﺷﺎ ... ﻣﻨﻌﺮﻓﺶ ﻛﻴﻒ ﺑﺎﺵ ﻧﻘﺎﺑﻠﻮ ... ﺷﻨﻮﺓ ﺍﻟﻠﻲ ﺑﺎﺵ ﻧﻘﻮﻟﻮ ... ﻭ ﺷﻨﻴﺔ ﻟﺒﺎﺵ ﻳﺼﻴﺮ ... ﻣﻨﺠﻤﺶ ﻧﻘﻮﻟﻮ ﺍﻧﺎ ﺑﻨﺘﻚ ... ﻭ ﻣﻨﺠﻤﺶ ﺯﺍﺩﺓ ﻧﻨﺴﻰ ﻟﻲ ﺭﻳﺘﻮ ... ﻳﻮﻣﻴﻦ ﻋﺪﻳﺘﻬﻢ ... ﻭ ﺍﻟﻒ ﺳﺆﺍﻝ ﻓﻲ ﺭﺍﺳﻲ ... ﺷﻨﻴﺔ ﻋﻼﻗﺘﻮ ﺑﺎﻣﻲ ... ﻭ ﻛﻴﻒ ﻫﻲ ﻛﺎﻧﺖ ﻣﻊ ﻭﺍﺣﺪ ﻛﻴﻔﻮ ... ﻛﻴﻒ ﻳﻤﻜﻦ ﻭﺍﺣﺪ ﺑﻨﻔﻮﺫﻭ ﻳﻜﻮﻥ ﺑﺎﺑﺎ ... ﺯﻋﻤﺔ ﻳﻌﺮﻑ ﺑﻬﺬﺍ ﺍﻟﻜﻞ ... ﻳﻌﺮﻑ ﺷﻜﻮﻥ ﺍﻧﺎ ... ﻭ ﺧﻼﻧﻲ ﻏﺎﻃﺴﺔ ﺑﻴﻨﻬﻢ ... ﻓﻴﻘﻨﻲ ﻣﻦ ﺳﺮﺣﺘﻲ ﻳﺪﻭ ﻟﻲ ﺗﺤﻄﺖ ﻋﺎﻟﺠﺮﺡ ... ﻧﺴﻤﻊ ﻓﻴﻪ ﻳﺤﻜﻲ
ﺯﻳﺎﺩ : ﻛﻠﺸﻲ ﺑﺎﺵ ﻳﻜﻮﻥ ﻣﻠﻴﺢ ... ﺍﺫﺍ ﺍﻧﺖ ﻛﻨﺖ ﻗﻮﻳﺔ
ﻫﺰﻳﺘﻠﻮ ﺑﺮﺍﺳﻲ ﺑﺎﻫﻲ ... ﻣﻦ ﻏﻴﺮ ﻣﺎ ﻧﻐﺰﺭﻟﻮ ... ﻏﺮﺳﺖ ﺭﺍﺳﻲ ﻓﻲ ﺻﺪﺭﻭ ﺍﻛﺜﺮ ... ﺣﺴﻴﺖ ﺍﻟﻮﻗﺖ ﻃﻮﺍﻝ ﺍﻛﺜﺮ ... ﻭ ﻣﺤﺒﺶ ﻳﻤﺸﻲ ... ﻳﺪﻭ ﻟﻲ ﻛﺎﻧﺖ ﺗﺘﻌﺪﺍ ﻋﻠﻰ ﺷﻌﺮﻱ ... ﺧﻼﺗﻨﻲ ﻧﺎﺧﻮ ﻗﻮﺗﻲ ﻣﻨﻮ ... ﻧﻌﺮﻑ ﻟﻬﻮ ﻣﺶ ﺑﺎﺵ ﻳﺨﻠﻴﻨﻲ ... ﻭ ﺷﻴﺒﻘﻰ ﻣﻌﺎﻳﺎ ... ﻛﺒﺸﺖ ﻓﻲ ﻣﺮﻳﻮﻟﻮ ﺍﻛﺜﺮ ... ﻧﺤﺐ ﻧﺤﺲ ﻟﻬﻮ ﻣﻌﺎﻳﺎ ... ﻟﻲ ﻣﻬﻤﺎ ﺻﺎﺭ ﻣﺎﻫﻮﺵ ﺑﺎﺵ ﻳﺴﻠﻢ ﻓﻴﺎ ... ﻧﺰﻝ ﺑﺎﺳﻨﻲ ﻣﻦ ﺭﺍﺳﻲ ... ﻭ ﻛﺒﺲ ﻋﻠﻴﺎ ﺑﻴﺪﻭ .. ﻋﺪﻳﺖ ﺍﻟﻮﻗﺖ ﺑﻴﻦ ﻳﺪﻳﻪ ... ﻓﻘﺖ ﻣﻦ ﺳﺮﺣﺘﻲ ﻋﻠﻰ ﺻﻮﺗﻮ ﻳﺤﻜﻲ
ﺯﻳﺎﺩ : ﺳﻮﺍﺍﺭ ... ﻋﺰﻳﺰﺗﻲ ﻭﺻﻠﻨﺎ ﺭﺍﻫﻮ
ﻃﻠﻌﺖ ﺭﺍﺳﻲ ﺷﻮﻳﺔ ... ﺑﺎﻗﻲ ﻣﻜﺒﺸﺔ ﻓﻴﻪ ... ﻣﺶ ﺣﺎﺳﺔ ﺑﺸﻲ ... ﺣﺘﻰ ﻣﻦ ﺍﻟﻌﺒﺎﺩ ﻟﻲ ﻣﻌﺎﻧﺎ ... ﻣﺤﺴﻴﺘﺶ ﺑﻴﻬﻢ ... ﻫﺰﻳﺖ ﺭﻭﺣﻲ ﻣﻌﺎﻩ ... ﻣﻦ ﻏﻴﺮ ﻣﺎ ﻧﺒﻌﺪ ﻋﻠﻴﻪ ... ﺍﻭﻝ ﻣﺎ ﻧﺰﻟﻨﺎ ﻣﻦ ﻃﻴﺎﺭﺓ ... ﻗﻠﺒﻲ ﺧﺾ ﺑﺎﻟﻘﺎﻭﻱ ... ﺍﻭﻝ ﻣﺮﺓ ﻧﺤﺲ ﺭﻭﺣﻲ ﻏﺮﻳﺒﺔ ﻋﻠﻰ ﺑﻼﺩﻱ ... ﻭ ﻳﻤﻜﻦ ﺧﻮﻓﻲ ﻣﻦ ﺍﻟﻠﻲ ﺟﺎﻱ ﺧﻼﻧﻲ ﻧﺤﺲ ﻫﻜﺎ ... ﻛﺒﺴﺖ ﻋﻠﻰ ﻳﺪﻭ ﺍﻛﺜﺮ ... ﻣﺎ ﺳﻴﺒﺘﻮ ﻛﺎﻥ ﻭﻗﺖ ﻭﺻﻠﻨﺎ ﻟﻠﻜﺮﻫﺒﺔ ... ﻫﺰ ﺍﻟﻤﻔﺎﺗﺢ ﻣﻦ ﺭﺟﺎﻟﻮ ... ﺣﻠﻲ ﺍﻟﺒﺎﺏ ﺭﻛﺒﺖ ... ﻭ ﺑﺎﻗﻲ ﻳﺤﻜﻲ ﻣﻌﺎﻫﻢ ﻧﺪﺭﺍ ﻓﺎﺵ ... ﻣﺒﻌﺪ ﺧﺎﻟﻂ ﻋﻠﻴﺎ ... ﻏﺰﺭﻟﻲ ﻳﺤﻜﻲ
ﺯﻳﺎﺩ : ﺷﺘﺒﻘﻰ ﻋﻨﺪﻱ ﺍﻟﻔﺘﺮﺓ ﻫﺎﺫﻱ ﺑﺎﻫﻲ ... ﻭ ﻛﺎﻥ ﺗﺤﺐ ﺧﻠﻲ ﻣﻼﻙ ﻭ ﺯﻳﻨﺐ ﻳﺠﻮ ﻋﻨﺪﻧﺎ
ﺩﻭﺭﺕ ﺭﺍﺳﻲ ﻏﺰﺭﺗﻠﻮ ... ﺧﺬﻳﺖ ﻧﻔﺲ ﺑﺎﻟﺴﻴﻒ ... ﻧﺤﻜﻲ
ﺍﻧﺎ : ﻫﺰﻧﻲ ﻟﻠﻤﺮﻛﺰ ﺯﻳﺎﺩ
ﺯﻳﺎﺩ : ﺗﻮﺍﺍﺍ
ﺍﻧﺎ : ﻧﺤﺐ ﻧﻘﺎﺑﻠﻮ
ﺯﻳﺎﺩ : ﺍﺭﺗﺎﺡ ﺍﻟﻴﻮﻡ ﻭ ﺍﻧﺎ ﻣﻦ ﻏﺪﻭﺓ ﻧﻬﺰﻙ ﻋﻨﺪﻭ
ﻫﺰﻳﺘﻠﻮ ﺑﺮﺍﺳﻲ ﻻ ... ﺍﻛﺜﺮ ﻣﻦ ﻣﺮﺓ ... ﻧﺤﻜﻲ
ﺍﻧﺎ : ﻻﺍﺍ ﻧﺤﺐ ﻧﻘﺎﺑﻠﻮ ﺗﻮﺍ ... ﻧﺤﺐ ﻧﺮﺗﺎﺡ ... ﻣﻨﺠﻤﺶ ﻧﺴﺘﻨﻰ ﺍﻛﺜﺮ ... ﺍﻣﺎﻧﻚ ﺯﻳﺎﺩ
ﻋﺪﺍ ﻳﺪﻭ ﻋﻠﻰ ﻭﺟﻬﻮ ... ﻳﻬﺪﻱ ﻓﻲ ﺭﻭﺣﻮ ... ﻏﺰﺭﻟﻲ ﻳﺤﻜﻲ
ﺯﻳﺎﺩ : ﺑﺎﻫﻲ ﺳﻮﺍﺭ ﺑﺎﻫﻲ
ﺧﺪﻡ ﺍﻟﻜﺮﻫﺒﺔ ﺑﺎﻟﻮﻗﺖ ... ﻭ ﻃﺎﺭ ﺑﻴﻬﺎ ... ﺗﻜﻴﺖ ﻟﺘﺎﻟﻲ ... ﻧﻐﺰﺭ ﻟﺜﻨﻴﺔ ... ﻭ ﺗﺨﻤﻢ ﻓﻲ ﺍﻟﻠﻲ ﺑﺎﺵ ﻳﺼﻴﺮ ... ﻧﺨﻤﻢ ﻛﻴﻒ ﺑﺎﺵ ﻧﻮﺍﺟﻬﻮ ﻭ ﻧﺤﻜﻲ ﻣﻌﺎﻩ ... ﻛﻞ ﻣﺎ ﻧﻘﺮﺑﻮ ﻟﻠﻤﺮﻛﺰ ﺍﻛﺜﺮ ... ﻧﺘﺨﻨﻖ ﺍﻛﺜﺮ ... ﻧﺤﺐ ﻧﺮﺟﻊ ﻟﺘﺎﻟﻲ ﻭ ﻓﺮﺩ ﻭﻗﺖ ﻧﺤﺐ ﻧﻘﺎﺑﻠﻮ ... ﻧﺤﺐ ﻧﺴﺄﻟﻮ ﺑﺮﺷﺎ ﺍﺳﺌﻠﺔ ... ﺍﻣﺎ ﻣﻦ ﻏﻴﺮ ﻣﺎ ﻧﺴﻤﻊ ﺍﺟﻮﺑﺔ ... ﻧﺤﺐ ﻧﺮﺍﻩ ﻣﺮﺓ ﻭﺣﺪﺓ ﻛﻬﻮ ... ﻧﺤﺐ ﻧﺴﺄﻟﻮ ﻛﻴﻒ ﻧﺠﻢ ﻳﻌﻴﺶ ﻣﻦ ﻏﻴﺮ ﻣﺎ ﻳﻔﺮﻛﺲ ﻋﻠﻰ ﺑﻨﺘﻮ ... ﺑﻨﺘﻮ ﻟﻲ ﻋﺪﺍﺕ ﺷﻄﺮ ﻋﻤﺮﻫﺎ ﺗﻠﻮﺝ ﻋﻠﻴﻪ ... ﻭ ﻣﺎ ﺗﻌﺮﻑ ﺷﻲ ﻛﺎﻥ ﺍﺳﻤﻮ ... ﻭ ﺻﻮﺭﺗﻮ ... ﻓﺮﺩ ﻭﻗﺖ ﻫﻮ ﺟﻨﻴﺮﺍﻝ ... ﻭ ﻛﻠﺸﻲ ﺗﺤﺖ ﻳﺪﻭ ... ﻛﺎﻥ ﻳﻨﺠﻢ ﻓﻲ ﺳﺎﻋﺔ ﻭﺣﺪﺓ ﻛﻬﻮ ... ﺍﻧﻮ ﻳﻠﻘﺎﻧﻲ ... ﻛﻨﺖ ﺩﻳﻤﺎ ﻧﻘﻮﻝ ... ﺑﺎﺯ ﻓﺮﻛﺲ ﻋﻠﻴﺎ ﻭ ﻣﻠﻘﺎﻧﻴﺶ ... ﺑﺎﺯ ﻋﻤﻞ ﺍﻟﻠﻲ ﻳﻨﺠﻢ ﻋﻠﻴﻪ ﻭ ﻣﻮﺻﻠﺶ ... ﻳﻤﻜﻦ ﺧﺎﻃﺮ ﺑﺪﻟﻨﺎ ﺍﻟﺪﺍﺭ ... ﻳﻤﻜﻦ ﺍﻣﻲ ﺑﺪﻟﺖ ﺍﻟﺒﻼﺻﺔ ﺟﻤﻠﺔ ... ﺍﺳﺌﻠﺔ ﻭ ﺍﺣﺘﻤﺎﻻﺕ ﻛﺒﻴﺮﺓ ... ﺣﻄﻴﺘﻬﺎ ﻓﻲ ﻣﺨﻲ ... ﻃﻮﻝ ﻫﺎﻟﺴﻨﻴﻦ ... ﻭ ﺗﻮ ﻟﺤﻖ ﺍﻟﻮﻗﺖ ﺑﺎﺵ ﻧﻌﺮﻓﻬﺎ ... ﻏﻤﻀﺖ ﻋﻴﻨﻴﺎ ﻛﻴﻒ ﺷﺪ ﺍﻟﻔﺮﺍﻥ ﺑﺎﻟﻘﺎﻭﻱ ... ﻭ ﺣﻠﻴﺘﻬﻢ ﻋﻠﻰ ﺻﻮﺗﻮ ﻳﺤﻜﻲ
ﺯﻳﺎﺩ : ﺳﻮﺍﺍﺭ ﻛﺎﻥ ﻣﺘﺤﺒﺶ ﺗﻘﺎﺑﻠﻮ ﺗﻮﺍ ﻣﺶ ﻻﺯﻡ
ﻫﺰﻳﺖ ﺭﺍﺳﻲ ﻏﺰﺭﺗﻠﻮ ... ﺗﺒﺴﻤﺖ ﺑﺎﻟﺴﻴﻒ ... ﻧﺤﻜﻲ
ﺍﻧﺎ : ﻣﻠﻴﺤﺔ ﺯﻳﺎﺩ ... ﻻﺯﻣﻨﻲ ﻧﺮﺍﻩ ... ﻻﺯﻣﻨﻲ ﻧﻔﻬﻢ ﻣﻨﻮ ﺍﻟﻠﻲ ﻗﺎﻋﺪ ﻳﺼﻴﺮ
أنت تقرأ
🔥🔞"في أحضان عزرائيل"🔞🔥( الجزء الخامس)
Romanceهيا تلمو البنات نكمللكم الكروو🙋❤ #نحبكم ❤ #شيماء
