🔥🔞"في أحضان عزرائيل"🔞🔥( الجزء الخامس)

الحلقة 846

ﺳﻮﺍﺭ ﺗﺤﻜﻲ : ﻧﻐﺰﺭ ﻟﺸﺠﺮﺓ ﻣﻘﺎﺑﻠﺘﻨﻲ ... ﺣﺴﻴﺖ ﺭﻭﺣﻲ ﻛﺒﺮﺕ ﻛﻴﻔﻬﺎ ... ﻭ ﺳﻨﻴﻦ ﻃﻮﻳﻠﺔ ﺗﻌﺪﺍﺕ ... ﻗﺎﻋﺪﺓ ﺗﻔﺮﻛﺲ ﺩﺍﺧﻠﻲ ﻣﻦ ﺷﻨﻮﺓ ﻣﻮﺟﻮﻋﺔ ﺑﺎﻟﻈﺒﻂ ... ﻭ ﻻ ﺷﻜﻮﻥ ﻟﻲ ﻭﺟﻌﻨﻲ ﺍﻛﺜﺮ ... ﺷﻜﻮﻥ ﻗﻬﺮﻧﻲ ﺍﻛﺜﺮ ... ﺍﻟﻜﻞ ﻛﺎﻧﻮ ﻛﻴﻒ ﺑﻌﺾ ... ﺍﻣﻲ ﻭ ﺑﺎﺑﺎ ﻭ ﻋﺪﻧﺎﻥ ﻭ ﺍﺩﻡ ﻭ ﻓﻲ ﺗﺎﻟﻲ ﺯﻳﺎﺩ ... ﻛﻠﻬﻢ ﻇﻠﻤﻮﻧﻲ ... ﻭ ﺧﺬﺍﻭ ﺣﻖ ﻓﻴﺎ ... ﻛﻞ ﺣﺪ ﻓﻴﻬﻢ ﺗﻌﻤﺪ ﻳﻮﺟﻌﻨﻲ ﺑﻄﺮﻳﻘﺘﻮ ... ﺑﻘﺼﺪ ﻭ ﻻ ﻣﻦ ﻏﻴﺮ ﻗﺼﺪ ... ﻛﻞ ﻟﻌﺒﺔ ﺩﺧﻠﻮ ﻓﻴﻬﺎ ... ﺍﻧﺎ ﻛﻨﺖ ﺍﻟﻀﺤﻴﺔ ﺍﻟﻮﺣﻴﺪﺓ ﺑﻴﻨﻬﻢ ... ﻛﺎﻥ ﻋﻨﺪﻱ ﺍﻣﻞ ﺻﻐﻴﺮ ... ﺻﻐﻴﺮ ﺑﺮﺷﺎ ... ﺍﻧﻮ ﻫﻮ ﻣﺎﻫﻮﺵ ﺑﺎﺵ ﻳﺨﻠﻴﻨﻲ ... ﺑﺎﺵ ﻳﺘﻐﺸﺶ ﺻﺤﻴﺢ ... ﺍﻣﺎ ﻣﻴﺤﻄﻨﻴﺶ ﻓﻲ ﻣﻮﻗﻒ ﺍﻛﺎﻛﺎ ... ﺍﻧﻮ ﻳﺨﻠﻴﻨﻲ ﻧﻬﺎﺭ ﻋﺮﺳﻲ ... ﻣﺨﻤﻤﺶ ﺣﺘﻰ ﺷﻮﻳﺔ ... ﺷﻨﻮﺓ ﻣﻤﻜﻦ ﻳﺼﻴﺮﻟﻲ ... ﺩﻭﺏ ﻋﺮﻑ ﺍﻟﺤﻘﻴﻘﺔ ﻋﻄﺎﻧﻲ ﺑﻈﻬﺮﻭ ﻣﻦ ﻏﻴﺮ ﻣﺎ ﻳﺴﻤﻌﻨﻲ ﺣﺘﻰ ... ﻛﻞ ﻛﻼﻣﻮ ﻃﺎﺡ ﻓﻲ ﺍﻟﻤﺎ ... ﻫﻮ ﻣﺴﺘﺤﻴﻞ ﻳﻜﻮﻥ ﺣﺒﻨﻲ ﻟﺪﺭﺟﺔ ﻳﺨﻠﻲ ﺧﻮﻩ ﻋﻠﻰ ﺧﺎﻃﺮﻱ ... ﻭ ﻻ ﻳﻘﺒﻞ ﻳﺎﺧﻮ ﻣﺮﺍ ﺍﻏﺘﺼﺒﻬﺎ ﺧﻮﻩ ... ﺍﺳﺒﻮﻉ ﺗﻌﺪﺍ ﺑﻌﺪ ﺍﻛﺎ ﺍﻟﻨﻬﺎﺭ ... ﻻ ﻧﺠﻤﺖ ﻧﺤﻜﻲ ﻣﻊ ﺣﺪ ... ﻭ ﻻ ﻧﻐﺰﺭ ﻟﺤﺪ ... ﻛﺎﻧﻮ ﻋﺎﻳﺸﺔ ﻓﻲ ﺩﺍﺭ ﻭﺣﺪﻱ ... ﻣﻦ ﺍﻛﺎ ﻧﻬﺎﺭ ﺩﻣﻮﻋﻲ ﻣﻌﺎﺩﺵ ﻧﺰﻟﺖ ... ﻣﻌﺎﺩﺵ ﺑﻜﻴﺖ ﻻ ﻋﻠﻴﻪ ﻭ ﻻ ﻋﻠﻰ ﺭﻭﺣﻲ ... ﻭ ﻻ ﺣﺘﻰ ﻓﻜﺮﺕ ﺍﻧﻲ ﻧﺮﺍﻩ ﻭ ﻻ ﻧﺤﺎﻭﻝ ﻧﻔﺮﻛﺲ ﻋﻠﻰ ﺣﻞ ﻳﺨﻠﻴﻨﻲ ﻧﺼﻠﺢ ﻛﻠﺸﻲ ... ﻓﻤﺎ ﺷﻲ ﺩﺍﺧﻠﻲ ﺗﻜﺴﺮ ... ﻣﻨﻌﺮﻓﺶ ﻋﻼﻩ ﺣﺴﻴﺖ ﺭﻭﺣﻲ ﻛﺮﻫﺘﻮ ﺑﺮﺷﺎ ... ﻣﻨﺤﺒﺶ ﺣﺘﻰ ﻧﺬﻛﺮ ﺍﺳﻤﻮ ... ﺣﺴﻴﺖ ﺑﻌﻤﺎﺩ ﻗﻌﺪ ﻗﺪﺍﻣﻲ ... ﻣﻨﺠﻤﺘﺶ ﺣﺘﻰ ﻧﺘﻠﻔﺘﻠﻮ ... ﺣﺴﻴﺖ ﺑﻴﺪﻭ ﺗﺤﻄﺖ ﻋﻠﻰ ﻳﺪﻱ ... ﻛﺒﺲ ﻋﻠﻴﺎ ﻳﺤﻜﻲ ﻋﻤﺎﺩ : ﺳﻮﺍﺍﺭ ﺍﻏﺰﺭﻟﻲ ... ﺍﻧﺎ ﻋﻤﺎﺩ ... ﺷﺒﻴﻚ ﺣﺘﻰ ﺍﻧﺎ ﻣﺘﺤﺒﺶ ﺗﺤﻜﻲ ﻣﻌﺎﻳﺎ ﺑﺎﻗﻲ ﻧﻐﺰﺭ ﻟﺒﻌﻴﺪ ... ﺑﺮﺷﺎ ﺣﺎﺟﺎﺕ ﺩﻭﺭ ﻓﻲ ﻣﺨﻲ ... ﻳﻤﻜﻦ ﺍﺣﺴﻦ ﺷﻲ ﺗﻮﺍ ﺍﻧﻮ ﻋﻤﺎﺩ ﻣﻌﺎﻳﺎ ... ﻣﻨﻈﻄﺮﺵ ﻧﺠﺮﻱ ﻭﺭﺍﻩ ﺑﻌﺪ ﻛﻠﺸﻲ ... ﺑﺎﺵ ﻳﺮﺟﻌﻠﻲ ﺧﻮﻳﺎ ... ﻛﺒﺲ ﻋﻠﻰ ﻳﺪﻱ ﺍﻛﺜﺮ ﻳﺤﻜﻲ ﻋﻤﺎﺩ : ﺳﻮﺍﺍﺍﺭ ﺍﻣﺎﻧﻚ ... ﻋﻴﺶ ﺍﺧﺘﻲ ﺟﺎﻭﺑﻨﻲ ﺣﺘﻰ ﺑﺤﺮﻑ ﻟﺤﻈﺎﺕ ﺗﻌﺪﺍﺕ ... ﺫﻛﺮﺕ ﻓﻴﻬﺎ ﻛﻠﺸﻲ ﻋﺸﺘﻮ ﻣﻊ ﺯﻳﺎﺩ ... ﻛﻼﻣﻮ ﻭ ﺑﺮﺷﺎ ﺣﺎﺟﺎﺕ ﺍﺧﺮﻯ ﻋﺪﻳﺘﻬﺎ ﻣﻌﺎﻩ ... ﻻﺧﺮ ﻛﻠﻤﺔ ﻗﺎﻟﻬﺎ ... ﺑﺎﻗﻲ ﺗﺘﻌﺎﻭﺩ ﻓﻲ ﻭﺫﻧﻲ ... ﺍﻧﺖ ﺑﻌﺪ ﺍﻟﻴﻮﻡ ﺣﺮﺓ ... ﺍﻣﺎ ﻗﺒﻞ ﻣﺎ ﻧﺎﺧﻮ ﺣﺮﻳﺘﻲ ﻣﻨﻮ ... ﻻﺯﻣﻨﻲ ﻧﺄﻣﻦ ﻋﻠﻰ ﺧﻮﻳﺎ ... ﻧﺴﻤﻊ ﻓﻴﻪ ﺑﺎﻗﻲ ﻳﺤﺎﻭﻝ ﻳﺤﻜﻲ ﻣﻌﺎﻳﺎ ... ﺧﺬﻳﺖ ﻧﻔﺲ ﻃﻮﻳﻞ ... ﻧﺤﺎﻭﻝ ﻧﺨﺮﺝ ﺻﻮﺗﻲ ﻟﻲ ﺿﻴﻌﺘﻮ ﻓﻲ ﺍﺧﺮ ﻣﺮﺓ ... ﺗﻨﻬﺪﺕ ﻧﺤﻜﻲ ... ﻣﻦ ﻏﻴﺮ ﻣﺎ ﻧﻐﺰﺭﻟﻮ ﺍﻧﺎ : ﺍﻧﺖ ﻻﺯﻣﻚ ﺗﻤﺸﻲ ﻣﻦ ﻫﻮﻧﻲ ... ﻻﺯﻣﻚ ﺗﺒﻌﺪ ﻋﺎﻟﺒﻼﺻﺔ ﻫﺎﺫﻱ ﻭ ﺍﻟﻨﺎﺱ ﻫﺬﻭﻣﺎ ﻋﻤﺎﺩ : ﺷﻨﻨﻮﻭﺓ ﺳﻮﺍﺭ ﻓﺎﺵ ﺗﺤﻜﻲ ﺍﻧﺎ : ﻫﻮﻧﻲ ﺑﺮﺷﺎ ﻋﺒﺎﺩ ﺧﺎﻳﺒﺔ ... ﻛﻠﻬﻢ ﺫﻳﻮﺑﺎ ﻭ ﺍﻧﺖ ﻻﺯﻡ ﺗﺴﻠﻚ ﺭﻭﺣﻚ ﻣﻨﻬﻢ ... ﻣﺎﻧﻴﺶ ﺑﺎﺵ ﻧﺴﻤﺤﻠﻚ ﺗﻜﻮﻥ ﺿﺤﻴﺔ ﻣﺘﺎﻋﻬﻢ ﺍﻧﺖ ﺯﺍﺩﺓ ... ﻻﺯﻣﻚ ﺗﺒﻌﺪ ﻣﻦ ﻫﻮﻧﻲ ﺟﺎ ﺑﺎﺵ ﻳﺤﻜﻲ ... ﺩﻭﺭﺕ ﺭﺍﺳﻲ ﺷﻮﻳﺔ ... ﻏﺰﺭﺗﻠﻮ ... ﻧﺤﻜﻲ ﺍﻧﺎ : ﺻﺪﻗﻨﻲ ﻣﺎﻫﻤﺶ ﺑﺎﺵ ﻳﺨﻠﻮﻙ ... ﺣﺘﻰ ﺍﻧﺖ ﺑﺎﺵ ﺗﻜﻮﻥ ﺿﺤﻴﺔ ﻣﺘﺎﻋﻬﻢ ... ﻋﻤﺎﺩ ﺍﻧﺖ ﻻﺯﻣﻚ ﺗﻤﺸﻲ ﻣﻦ ﻫﻮﻧﻲ ﻗﺮﺏ ﻣﻨﻲ ﺍﻛﺜﺮ ... ﻛﺒﺲ ﻋﻠﻰ ﻳﺪﻱ ... ﻭ ﻏﺰﺭﻟﻲ ﻓﻲ ﻋﻴﻨﻴﺎ ﻳﺤﻜﻲ ﻋﻤﺎﺩ : ﻧﺒﻌﺪﻭ ﻣﻊ ﺑﻌﺾ ﺳﻮﺍﺭ ... ﺑﻼﺻﺔ ﻣﺎ ﻓﻴﻬﺎ ﺣﺪ ﻏﻴﺮﻧﺎ ... ﺑﻼﺻﺔ ﺑﻌﻴﺪﺓ ﻋﻠﻰ ﻫﻮﻧﻲ ... ﻧﺨﻠﻮ ﻛﻠﺸﻲ ﺍﻟﻔﻴﻼ ﻫﺎﺫﻱ ﻭ ﺍﻟﻔﻠﻮﺱ ... ﻭ ﺣﺘﻰ ﺯﻳﺎﺩ ﻣﺎﻫﻮﺵ ﺑﺎﺵ ﻳﻌﺮﻑ ﻭﻳﻨﻚ ... ﻋﺎﻻﻗﻞ ﻟﻴﻦ ﺗﺮﺗﺎﺡ ﺍﻧﺖ ... ﻛﺎﻥ ﻟﺰﻡ ﻧﻌﻴﺸﻮ ﺣﺘﻰ ﻓﻲ ﻗﺮﻳﺔ ... ﺧﻠﻴﻨﻴﺎ ﻧﻤﺸﻮ ﻣﻦ ﻫﻮﻧﻲ ﻋﻴﺶ ﺍﺧﺘﻲ ﻫﺰﻳﺘﻠﻮ ﺑﺮﺍﺳﻲ ﻻ ... ﺧﺬﻳﺖ ﻧﻔﺲ ... ﻧﺤﻜﻲ ﺩﻭﺏ ﺻﻮﺗﻲ ﻳﺘﺴﻤﻊ ﺍﻧﺎ : ﻳﺎﺍﺍ ﺭﻳﺖ ﻧﺠﻢ ... ﺍﻣﺎ ﻟﻲ ﻳﺪﺧﻞ ﻟﻠﻬﻮﻧﻲ ... ﻣﺴﺘﺤﻴﻞ ﻳﻨﺠﻢ ﻳﺨﺮﺝ ... ﻭ ﻛﻞ ﺣﺪ ﻓﻲ ﺍﻟﻠﻌﺒﺔ ﻫﺎﺫﻱ ﻻﺯﻡ ﻳﻜﻤﻞ ﻟﺘﺎﻟﻲ ... ﻋﻠﻰ ﻫﺬﺍﻛﺎ ﺍﻧﺎ ﺑﺎﺵ ﻧﺤﻂ ﺍﻟﻘﻮﺍﻋﺪ ﺗﺎﻟﻴﺔ ... ﻭ ﻧﺴﻜﺮ ﺍﻟﻠﻌﺐ ﻋﻤﺎﺩ : ﺳﻮﺍﺭ ﻓﺎﺵ ﺗﺤﻜﻲ ﻳﺎﺧﻲ ... ﺗﻌﺮﻑ ﺍﻟﻜﻼﻡ ﻟﻲ ﻗﺎﻋﺪﺓ ﺗﻘﻮﻟﻲ ﻓﻴﻪ ... ﻣﻌﻨﺎﻫﺎ ﺍﻧﺖ ﺷﺘﻈﻄﺮ ﺗﻮﺍﺟﻪ ﺯﻳﺎﺩ ﻣﺮﺓ ﺍﺧﺮﻯ ... ﻣﻌﻨﺎﻫﺎ ﺷﻨﺒﻌﺪﻭ ﻋﻠﻰ ﺑﻌﺾ ﻣﺮﺓ ﺍﺧﺮﻯ ... ﻭ ﺗﻨﺠﻢ ﺗﻀﺮﺭ ﺍﻛﺜﺮ ﻣﻦ ﻫﻜﺎ ... ﻳﺎﺧﻲ ﻣﺶ ﺧﺎﻳﻔﺔ ﺍﻧﺘﻲ ﺗﺒﺴﻤﺖ ﻋﻠﻰ ﺟﻨﺐ ... ﺍﻟﻠﻲ ﻛﻨﺖ ﺧﺎﻳﻔﺔ ﻣﻨﻮ ﺻﺎﺭ ... ﻭ ﻣﻌﺎﺩ ﻋﻨﺪﻱ ﺷﻲ ﻧﺨﺴﺮﻭ ... ﻗﺮﺑﺖ ﻣﻨﻮ ﺍﻛﺜﺮ ... ﻧﺤﻜﻲ ﻓﻲ ﻭﺫﻧﻮ ﺍﻧﺎ : ﺍﻧﺎ ﺷﻨﺨﺒﺮﻙ ﺳﺮ ... ﻛﺎﻥ ﺻﺎﺭﻟﻲ ﺷﻲ ... ﺳﺮ ﻫﺬﺍ ﺑﺎﺵ ﻳﺤﻤﻴﻚ ﻣﻨﻬﻢ