ﻳﻌﻘﻮﺏ : ﺍﻧﺎ ﻟﻲ ﻳﻬﻤﻨﻲ ﺭﺍﺣﺔ ﺑﻨﺘﻲ ﺗﻮﺍ ... ﻭ ﺍﺧﺮ ﻫﻤﻲ ﻧﻔﺴﺮ ﻟﺤﺪ ﺷﻨﻮﺓ ﺍﻟﻠﻲ ﺑﺎﺵ ﻧﻌﻤﻠﻮ ... ﻭ ﻛﻠﺸﻲ ﺑﺎﻟﻤﻘﺎﺑﻞ ... ﺍﻧﺖ ﻃﻠﺒﺖ ﺍﺳﻤﻚ ﻣﻘﺎﺑﻞ ﺍﻟﺴﺮ ... ﻭ ﻃﻠﺒﻲ ﻫﺬﺍ ﻣﻘﺎﺑﻞ ﺍﻧﻚ ﺗﻌﻴﺶ ﺣﻴﺎﺓ ﺍﻟﻠﻲ ﺗﺤﻠﻢ ﺑﻴﻬﺎ
ﺑﻘﻴﺖ ﻧﻐﺰﺭ ﻟﻠﻮﺭﻕ ﻟﻤﺤﻄﻮﻃﻴﻦ ﻋﺎﻟﻄﺎﻭﻟﺔ ... ﻭﻻ ﻣﺮﺓ ﺗﻮﻗﻌﺖ ﺍﻧﻲ ﻧﺘﺤﻂ ﻓﻲ ﺍﻟﻤﻮﻗﻒ ﻫﺬﺍ ... ﺍﻧﻲ ﻧﺒﻴﻊ ﺣﺒﻲ ﺑﺎﻟﻔﻠﻮﺱ ... ﺍﻟﺴﺆﺍﻝ ﺍﻟﻠﻲ ﺟﺎ ﻟﺮﺍﺳﻲ ﺳﺎﻋﺘﻬﺎ ... ﺯﻋﻤﺔ ﺯﻳﺎﺩ ﺑﺎﺵ ﻳﻮﺍﻓﻖ ﻋﻠﻰ ﻣﻨﻰ ... ﺑﺎﺵ ﻳﻌﻤﻠﻬﺎ ... ﺗﺒﺴﻤﺖ ﻋﻠﻰ ﺟﻨﺐ ﻋﻼﻩ ﻣﻴﻌﻤﻠﻬﺎﺵ ... ﻛﺎﻥ ﻣﺨﻼﻧﻴﺶ ﻧﻬﺎﺭﺗﻬﺎ ﻣﻜﻨﺘﺶ ﺑﺎﺵ ﻧﺘﺤﻂ ﻓﻲ ﺍﻟﻤﻮﻗﻒ ﻫﺬﺍ ... ﻭ ﻣﺘﺄﻛﺪﺓ ﻟﻠﻬﺪﻑ ﻣﺘﺎﻋﻮ ﺍﻻﻭﻝ ﻣﺶ ﻣﻨﻰ ... ﻫﻮ ﻳﺤﺐ ﻳﺨﻠﻲ ﺯﻳﺎﺩ ﻗﺮﻳﺐ ﻟﻴﻪ ... ﻭ ﻣﻨﻰ ﻫﻲ ﺍﻟﺤﻞ ﺍﻟﻮﺣﻴﺪ ﻋﻨﺪﻭ ﺗﻮﺍ ... ﺧﺬﻳﺖ ﻧﻔﺲ ﻭ ﻃﻠﻌﺖ ﺭﺍﺳﻲ ﻏﺰﺭﺗﻠﻮ ... ﺗﺒﺴﻤﺖ ﻭ ﺭﻣﻴﺖ ﻳﺪﻱ ﻟﻄﺎﻭﻟﺔ ... ﻫﺰﻳﺖ ﺍﻟﻮﺭﻗﺔ ... ﺍﻟﻠﻲ ﺗﺜﺒﺖ ﻧﺴﺒﻲ ﻟﻴﻪ ... ﻧﺤﻜﻲ
ﺍﻧﺎ : ﻫﺬﺍ ﻛﻬﻮ ﺍﻟﻠﻲ ﺣﺎﺟﺘﻲ ﺑﻴﻪ ... ﻣﺎﻧﻴﺶ ﺭﺧﻴﺼﺔ ﻛﻴﻔﻚ ... ﺑﺎﺵ ﻧﺘﻔﺎﻭﺽ ﻣﻌﺎﻙ ﻋﻠﻰ ﺍﻛﺜﺮ ﺣﺪ ﺣﺒﻴﺘﻮ ﻭ ﻣﺰﻟﺖ ﻧﺤﺒﻮ ... ﻛﺎﻥ ﺣﺒﻴﺖ ﻋﻠﻰ ﺍﻟﻔﻠﻮﺱ ﻭ ﺍﻟﺤﻴﺎﺓ ﺍﻟﻠﻲ ﺗﺤﻜﻲ ﻋﻠﻴﻬﺎ ﺑﺎﺵ ﻧﺒﻴﻌﻚ ﺍﻭﻝ ﺣﺪ ﻭ ﻧﺎﺧﻮ ﺍﻟﻔﻠﻮﺱ ﻣﻨﻬﻢ ... ﻋﻠﻰ ﻫﺬﺍﻛﺎ ﺍﺑﻌﺪﻧﻲ ﻭ ﻣﻌﺎﺩﺵ ﺗﻄﻠﻊ ﻓﻲ ﺣﻴﺎﺗﻲ ... ﻭﻣﻌﺎﺩ ﺗﻄﻠﺐ ﻣﻨﻲ ﺣﺘﻰ ﺷﻲ ﺍﺧﺮ ﺑﺎﻫﻲ ... ﻛﺎﻧﻚ ﻋﻠﻰ ﺯﻳﺎﺩ ﺍﺫﺍ ﻭﺍﻓﻖ ﻋﻠﻰ ﺑﻨﺘﻚ ﺻﺤﺔ ﻟﻴﻜﻢ ﺍﻟﻜﻞ
ﻫﺰﻳﺖ ﺭﻭﺣﻲ ﻭﻗﻔﺖ ... ﻛﺒﺴﺖ ﻋﻠﻰ ﺍﻟﻮﺭﻗﺔ ﻓﻲ ﻳﺪﻱ ... ﺗﺒﺴﻤﺖ ﺑﺎﻟﺴﻴﻒ ﻧﺤﻜﻲ
ﺍﻧﺎ : ﺧﺴﺎﺭﺗﻚ ... ﻣﻂﻟﻌﺘﺶ ﺑﺎﺑﺎ ﺍﻟﻠﻲ ﻛﻨﺖ ﻧﻔﺮﻛﺲ ﻋﻠﻴﻪ ... ﺗﻤﻨﻴﺖ ﻛﺎﻥ ﻣﻘﺎﺑﻠﺘﻜﺶ ﺟﻤﻠﺔ ... ﻋﺎﻻﻗﻞ ﻣﻜﻨﺘﺶ ﺑﺎﺵ ﻧﻜﺮﻫﻚ ﻟﻬﺪﺭﺟﺔ ... ﺣﺘﻰ ﻛﺎﻥ ﻋﺪﻳﺖ ﺣﻴﺎﺗﻲ ﺍﻟﻜﻞ ﻧﻔﺮﻛﺲ ﻋﻠﻴﻚ ... ﻛﻨﺖ ﺑﺎﺵ ﻧﻌﺬﺭﻙ ﺩﻳﻤﺎ ... ﻋﻠﻰ ﻫﺬﺍﻛﺎ ﻳﺎﺭﻳﺖ ﻣﻌﺎﺩﺵ ﻧﺮﺍﻙ ﻣﺮﺓ ﺍﺧﺮﻯ ﺟﻤﻠﺔ
ﺑﻘﻰ ﻳﻐﺰﺭﻟﻲ ﻧﺪﺭﺍ ﻛﻴﻒ ... ﻫﺰﻳﺘﻮ ﻭﺣﻄﻴﺘﻮ ﻻﺧﺮ ﻣﺮﺓ ... ﺗﻤﻨﻴﺖ ﻛﺎﻥ ﻗﺎﺑﻠﺘﻮ ﻓﻲ ﻇﺮﻭﻑ ﺍﺣﺴﻦ ﻣﻦ ﻫﻜﺎ ... ﻛﺎﻥ ﻧﺠﻤﺖ ﻧﺤﻀﻨﻮ ﻣﺮﺓ ﻭﺣﺪﺓ ﻛﻬﻮ ... ﺍﻣﺎ ﺣﺘﻰ ﻫﻮﻧﻲ ... ﻇﺮﻭﻑ ﻛﺎﻧﺖ ﺿﺪﻱ ... ﺧﺬﻳﺖ ﻧﻔﺲ ... ﻭ ﺗﻠﻔﺖ ﻋﻄﻴﺘﻮ ﺑﻈﻬﺮﻱ ... ﺍﻭﻝ ﻣﺎ ﻭﺻﻠﺖ ﻟﻠﺒﺎﺏ ... ﻭﻗﻔﻨﻲ ﻳﺤﻜﻲ
ﻳﻌﻘﻮﺏ؛ﺳﻮﺍﺍﺍﺭ ... ﻋﺮﺿﻲ ﺑﺎﺵ ﻳﺒﻘﻰ ﻣﻔﺘﻮﺡ ... ﻭﻗﺖ ﻣﺎ ﺗﺤﺐ ﺗﻨﺠﻢ ﺗﺮﺟﻊ ﺗﺎﺧﻮ ﺣﻘﻚ
ﺗﺒﺴﻤﺖ ﺑﻮﺟﻴﻌﺔ ... ﻛﺒﺴﺖ ﺑﻴﺪﻱ ﻋﺎﻟﺒﻮﺍﻧﻲ ﺣﻠﻴﺖ ﺍﻟﺒﺎﺏ ... ﻭ ﺧﺮﺟﺖ ... ﻧﻤﺸﻲ ﺑﺎﻟﺴﻴﻒ ... ﻧﻐﺰﺭ ﻟﻜﻞ ﺗﺮﻛﻴﻨﺔ ﻓﻲ ﺍﻟﺪﺍﺭ ... ﻭ ﻓﺮﺩ ﻭﻗﺖ ﻧﺬﻛﺮ ﻓﻲ ﺩﺍﺭ ﻟﻲ ﻋﺸﺖ ﻓﻴﻬﺎ ﺍﻧﺎ ... ﺟﺎﺕ ﻋﻴﻨﻲ ﻋﻠﻰ ﻣﻨﻰ ... ﻟﻲ ﻣﺤﻤﻠﺔ ﺍﻣﻬﺎ ﻣﻦ ﺗﺎﻟﻲ ... ﺍﻭﻝ ﻣﺎ ﺭﺍﺗﻨﻲ ... ﻏﺰﺭﺗﻠﻲ ﻣﺼﺪﻭﻣﺔ ... ﺗﻮﺍ ﻛﻬﻮ ﺍﺳﺘﻮﻋﺒﺖ ﻻﻧﺎ ﻓﻲ ﺩﺍﺭﻭ ... ﻳﻤﻜﻦ ﻋﻤﻞ ﺍﻟﻔﺎﺯﺓ ﻫﺎﺫﻱ ﻣﻜﺮﺓ ﻓﻴﺎ ... ﻣﺴﺘﻨﻴﺘﺶ ﺣﺘﻰ ﻧﺴﻤﻌﻬﺎ ... ﻧﺤﺐ ﻧﺨﺮﺝ ﻣﻦ ﻫﻮﻧﻲ ﻭ ﻛﻬﻮ ... ﻧﻌﻤﻞ ﻓﻲ ﺍﻟﺨﻄﻮﺓ ﺑﺎﻟﺴﻴﻒ ... ﺍﻭﻝ ﻣﺎ ﻭﺻﻠﺖ ﻟﺒﺮﺍ ... ﻧﻐﺰﺭ ﻟﺮﺟﺎﻟﻮ ﺣﻠﻮﻟﻲ ﺍﻟﺒﺎﺏ ... ﺧﺮﺟﺖ ﻣﻦ ﻏﻴﺮ ﻣﺎ ﻧﺨﻤﻢ ﺍﻧﻲ ﻧﺘﻠﻔﺖ ... ﻣﻨﻌﺮﻓﺶ ﻗﺪﺍﺵ ﻣﺸﻴﺖ ﺑﺎﻟﻈﺒﻂ ... ﺣﺒﺴﺖ ﻛﻴﻒ ﺣﺴﻴﺖ ﺧﻮﺍﻃﺮﻱ ﺩﺍﺭﺕ ... ﺍﺳﺘﻨﺪﺕ ﺑﻴﺪﻱ ﻋﻠﻰ ﺍﻭﻝ ﺣﻴﻂ ﻋﺎﺭﺿﻨﻲ ... ﻭ ﻳﺪﻱ ﻻﺧﺮﻯ ﻋﻠﻰ ﻛﺮﺷﻲ ... ﺗﻘﻴﻴﺖ ﻟﻴﻦ ﺣﺴﻴﺖ ﻣﻌﺪﺗﻲ ﻓﺮﻏﺖ ... ﺗﻜﻴﺖ ﻟﺘﺎﻟﻲ ... ﻧﺤﺎﻭﻝ ﻧﺎﺧﻮ ﻧﻔﺲ ... ﻧﺰﻟﺖ ﺍﻛﺜﺮ ﻗﻌﺪﺕ ﻋﺎﻻﺭﺽ ... ﻧﻐﺰﺭ ﻟﻠﻮﺭﻗﺔ ﻓﻲ ﻳﺪﻱ ... ﻭ ﻛﻼﻣﻮ ﻳﺘﻌﺎﻭﺩ ﻓﻲ ﻭﺫﻧﻲ ... ﻣﻨﻌﺮﻓﺶ ﻋﻼﻩ ﻳﻌﻤﻞ ﻓﻴﺎ ﻫﻜﺎ ... ﻋﻼﻩ ﻳﺤﺎﻭﻝ ﻳﻘﻬﺮﻧﻲ ﺑﺎﻛﺜﺮ ﺣﺪ ﺣﺒﻴﺘﻮ ... ﻓﺮﺩ ﻭﻗﺖ ﻧﺤﺐ ﻧﻨﺴﺎ ﻟﻬﻮ ﺑﺎﺑﺎ ... ﺧﺎﻃﺮ ﻣﺴﺘﺤﻴﻞ ﻳﻜﻮﻥ ﻳﻜﺮﻫﻨﻲ ﻟﻬﺪﺭﺟﺔ ... ﻗﺪ ﻣﺎ ﺣﺎﻭﻟﺖ ﻧﻜﻮﻥ ﻗﻮﻳﺔ ... ﺍﺧﺮ ﺧﻄﻮﺓ ﻣﻨﻮ ﻫﺪﺗﻨﻲ ... ﻛﺒﺴﺖ ﻋﺎﻟﻮﺭﻗﺔ ﺍﻛﺜﺮ ... ﻣﻌﺎﺩ ﻧﺤﺐ ﺣﺘﻰ ﺷﻲ ﻣﻨﻮ ... ﻛﻞ ﻛﻠﻤﺔ ﺗﺘﻌﺎﻭﺩ ﻓﻲ ﻭﺫﻧﻲ ... ﺗﺨﻠﻴﻨﻲ ﻧﺰﻝ ﺑﻴﺪﻳﺎ ﻋﺎﻟﻮﺭﻗﺔ ... ﻗﻄﻌﺘﻪﺍ ﻃﺮﻭﻑ ... ﻭ ﺑﺎﻗﻲ ﺩﻣﻮﻋﻲ ﻧﺎﺯﻟﺔ ... ﺗﻜﻴﺖ ﺭﺍﺳﻲ ﻟﺘﺎﻟﻲ ... ﻧﺤﺎﻭﻝ ﻧﺎﺧﻮ ﻧﻔﺲ ﻗﺪ ﻣﺎ ﻧﺠﻢ ... ﻗﺺ ﻋﻠﻴﺎ ﺻﻮﺕ ﺗﻠﻴﻔﻮﻧﻲ ﻟﻲ ﺑﺎﻗﻲ ﻳﺪﻕ ... ﺟﺒﺪﺗﻮ ﺑﺎﻟﺴﻴﻒ ... ﻫﺰﻳﺖ ﻣﻦ ﻏﻴﺮ ﻣﺎ ﻧﺮﺍ ﺷﻜﻮﻥ ... ﻧﺴﻤﻊ ﻓﻴﻪ ﻳﺤﻜﻲ
أنت تقرأ
🔥🔞"في أحضان عزرائيل"🔞🔥( الجزء الخامس)
Romantizmهيا تلمو البنات نكمللكم الكروو🙋❤ #نحبكم ❤ #شيماء
