ﺍﻧﺎ : ﻣﺎﻧﻴﺶ ﺑﺎﺵ ﻧﺨﻠﻴﻚ ... ﻗﺘﻠﻚ ﺍﻟﻜﻼﻡ ﻫﺬﺍ ﻣﻦ ﻗﺒﻞ ... ﺑﺎﺵ ﻧﺒﻘﻰ ﺩﻳﻤﺎ ﻭﺭﺍﻙ ... ﻣﺴﺘﺤﻴﻞ ﺗﻠﻘﻰ ﺭﻭﺣﻚ ﻭﺣﺪﻙ ﺟﺒﺪﺕ ﺭﻭﺣﻬﺎ ﺷﻮﻳﺔ ... ﺟﺎ ﻭﺟﻬﺎ ﻣﻊ ﻭﺟﻬﻲ ... ﻋﻴﻨﻴﻬﺎ ﺣﻤﺮ ... ﻏﺰﺭﺗﻠﻲ ﻧﺪﺭﺍ ﻛﻴﻒ ﺗﺤﻜﻲ ﺯﻳﻨﺐ : ﺍ ﺍﺩﻡ ﺍﻧﺎ ﻧﺤﺒﻚ ﺑﻘﻴﺖ ﻧﻐﺰﺭﻟﻬﺎ ﻛﻠﻤﺘﻬﺎ ﺑﺎﻗﻲ ﺗﺘﻌﺎﻭﺩ ﻓﻲ ﻭﺫﻧﻲ ... ﺳﻨﻴﻦ ﻣﺴﻤﻌﺘﺶ ﺍﻟﻜﻠﻤﺔ ﻫﺎﺫﻱ ... ﺣﺴﻴﺖ ﺑﺸﻲ ﺗﺤﺮﻙ ﺩﺍﺧﻠﻲ ... ﻣﻠﻘﻴﺘﺶ ﻛﻴﻒ ﺑﺎﺵ ﻧﺠﺎﻭﺑﻬﺎ ... ﻛﺒﺴﺖ ﻋﻠﻰ ﺳﻮﺭﻳﺘﻲ ﺍﻛﺜﺮ ... ﺑﺎﻗﻲ ﺗﻐﺰﺭﻟﻲ ﻭ ﺗﺤﻜﻲ ﺯﻳﻨﺐ : ﻡ ﻣﺘﺨﻠﻴﻨﻴﺶ ... ﻣﻨﺤﺐ ﺣﺘﻰ ﺣﺪ ﻳﺤﺒﻨﻲ ... ﻭ ﻻ ﻧﻤﺸﻲ ﻋﻨﺪ ﺣﺪ ... ﻣﻨﺤﺒﻜﺶ ﺗﺒﻌﺪﻧﻲ ﻋﻠﻴﻚ ﻭ ﻋﻠﻰ ﻣﻼﻙ ... ﺍﻧﺎ ﻣﻌﻨﺪﻱ ﺣﺘﻰ ﺣﺪ ﻏﻴﺮﻛﻢ ... ﺍ ﺍﻣﺎ ﻛﺎﻥ ﺗﺤﺒﻨﻲ ﻧﻤﺸﻲ ... ﻣﻌﺎﺩﺵ ﺗﻄﻠﻊ ﻓﻲ ﺣﻴﺎﺗﻲ ... ﻻ ﺗﻌﺎﻭﻧﻲ ... ﻭﻻ ﺣﺘﻰ ﺗﺬﻛﺮﻧﻲ ... ﺑﻠﻜﺸﻲ ﻭﻗﺘﻬﺎ ﺍﻧﺎ ﻧﻨﺴﺎﻙ ﻫﺰﺕ ﻳﺪﻫﺎ ﻻﺧﺮﻯ ﻣﺴﺤﺖ ﺩﻣﻮﻋﻬﺎ ... ﺑﻘﻴﺖ ﻧﻐﺰﺭﻟﻬﺎ ... ﻧﺴﺘﻮﻉﺏ ﻓﻲ ﻛﻼﻣﻬﺎ ... ﻛﺎﻧﺖ ﺑﺎﺵ ﺗﻘﻮﻡ ﻛﺒﺴﺖ ﻋﻠﻴﻬﺎ ﺑﻴﺪﻱ ... ﺟﺎﺕ ﺑﺎﺵ ﺗﺤﻜﻲ ... ﻗﺼﻴﺖ ﻋﻠﻴﻬﺎ ﺍﻟﻜﻼﻡ ... ﻛﻴﻒ ﻧﺰﻟﺖ ﻋﻠﻰ ﺷﻔﺎﻓﻬﺎ ... ﻣﻨﻌﺮﻓﺶ ﻋﻼﻩ ﺑﺴﺘﻬﺎ ... ﻭ ﻻ ﻛﻴﻒ ﻗﺮﺑﺖ ﻣﻨﻬﺎ ... ﻣﻨﻌﺮﻓﺶ ﻛﻴﻒ ﻟﻘﻴﺖ ﺭﻭﺣﻲ ﻏﺎﻃﺲ ﻓﻴﻬﺎ ... ﺣﺴﻴﺖ ﺑﻴﺪﻳﻬﺎ ﻟﻲ ﻛﺒﺸﺖ ﺑﻴﻬﻢ ﻓﻴﺎ ﺍﻛﺜﺮ ... ﺟﺒﺪﺕ ﺭﻭﺣﻲ ﻣﻨﻬﺎ ﺷﻮﻳﺔ ... ﻧﺮﺩ ﻓﻲ ﺍﻟﻨﻔﺲ ... ﺑﻘﺎﺕ ﻗﺮﻳﺒﺔ ﻟﻴﺎ ... ﻧﺤﺲ ﺑﺎﻟﻨﻔﺲ ﻣﺘﺎﻋﻬﺎ ﺭﺯﻳﻦ ﻓﻲ ﻭﺟﻬﻲ ... ﻏﻤﻀﺖ ﻋﻴﻨﻴﺎ ﺑﺎﻟﻘﺎﻭﻱ ﻭﺭﺟﻌﺖ ﻓﺘﺤﺘﻬﻢ ... ﻣﻌﺘﺬﺭﺕﺵ ﻣﻨﻬﺎ ... ﻭ ﻣﻨﺠﻤﺘﺶ ﻧﺒﻌﺪﻫﺎ ﻋﻠﻴﺎ ﺯﺍﺩﺓ ... ﻫﺰﻳﺖ ﻳﺪﻱ ﺣﻄﻴﺘﻬﺎ ﻋﻠﻰ ﺧﺪﻫﺎ ... ﻧﺤﻜﻲ ﺍﻧﺎ : ﺯﻳﻨﺐ ﻣﻨﺤﺒﺶ ﻧﻈﻠﻤﻚ ﻣﻌﺎﻳﺎ ... ﻣﻨﺤﺒﻜﺶ ﺗﻌﻴﺶ ﻓﻲ ﺍﻟﺨﻮﻑ ﻫﺬﺍ ﺍﻟﻜﻞ ... ﺍﻧﺎ ﺣﻴﺎﺗﻲ ﺩﺍﺧﻠﺔ ﺑﻌﻀﻬﺎ ... ﻣﻌﺎﺩﺵ ﻧﻌﺮﻑ ﺻﺤﻴﺢ ﻣﻦ ﻏﺎﻟﻂ ... ﻣﻨﺤﺒﺶ ﻧﺠﺒﺮﻙ ﺗﻌﻴﺶ ﻧﻔﺲ ﺍﻟﺸﻲ ﺯﺍﺩﺓ ﻫﺰﺕ ﻳﺪﻫﺎ ﻣﺘﺮﺩﺩﺓ ... ﺣﻄﺘﻬﺎ ﻋﻠﻰ ﺧﺪﻱ ... ﻏﺰﺭﺗﻠﻲ ﻧﺪﺭﺍ ﻛﻴﻒ ﺗﺤﻜﻲ ﺯﻳﻨﺐ : ﺍﻧﺎ ﻧﺤﺐ ﻧﻌﻴﺶ ﻣﻌﺎﻙ ﻧﻔﺲ ﺍﻟﺸﻲ ﺯﺍﺩﺓ ... ﻣﻨﻌﺮﻓﺶ ﻛﻴﻒ ﻭ ﻻ ﺷﻨﻮﺓ ﺑﺎﺵ ﻧﻌﻤﻞ ... ﺍﻣﺎ ﻟﻲ ﻳﻬﻤﻨﻲ ﺍﻧﺖ ﻣﺎﻛﺶ ﺑﺎﺵ ﺗﺨﻠﻴﻨﻲ ﻫﺰﻳﺘﻠﻬﺎ ﺑﺮﺍﺳﻲ ﺑﺎﻫﻲ ... ﻣﻨﻌﺮﻓﺶ ﺍﺻﻼ ﻋﻼﻩ ﻋﻤﻠﺖ ﻫﻜﺎ ... ﺍﻣﺎ ﺣﺴﻴﺖ ﺭﻭﺣﻲ ﺧﺴﺮﺕ ﻧﺎﺱ ﺍﻟﻜﻞ ... ﻣﻌﺎﺩﺵ ﻧﺤﺐ ﻧﺨﺴﺮ ﺣﺪ ... ﻣﻨﺤﺒﺶ ﻧﺨﻤﻢ ﻓﻲ ﺍﻟﻠﻲ ﺟﺎﻱ ... ﻭ ﻻ ﻓﻲ ﺷﻨﻮﺓ ﺑﺎﺵ ﻳﺼﻴﺮ ... ﻣﻌﺎﺩﺵ ﻧﺤﺐ ﻧﻔﻜﺮ ﻓﻲ ﺍﻟﺤﺎﺟﺎﺕ ﺍﻟﺨﺎﻳﺒﺔ ﺍﻟﻠﻴﺼﺮﺍﺕ ﻭ ﺍﻟﻠﻲ ﺑﺎﺵ ﺗﺼﻴﺮ ... ﺗﻌﺒﺖ ﻭ ﺗﻬﺪﻳﺖ ﺟﺮﺍﻳﺮ ﺍﻟﺤﻜﺎﻳﺎﺕ ﻫﺬﻭﻣﺎ ... ﺗﻨﻬﺪﺕ ﺑﺎﻟﻘﺎﻭﻱ ... ﻭ ﻫﺰﻳﺖ ﻳﺪﻱ ... ﺣﻄﻴﺘﻬﺎ ﻋﻠﻰ ﺯﻧﺪﻫﺎ ﻧﺤﻜﻲ ﺍﻧﺎ : ﻫﻴﺎ ﺯﻳﻨﺐ ﻗﻮﻡ ﺑﺪﻝ ﺩﺑﺸﻚ ﺗﻮﺍ ... ﻭ ﺍﺭﺗﺎﺡ ﺷﻮﻳﺔ ﻫﺰﺗﻠﻲ ﺑﺮﺍﺳﻬﺎ ﺑﺎﻫﻲ ... ﺟﺒﺪﺕ ﺭﻭﺣﻬﺎ ﻣﻨﻲ ﻭﻗﻔﺖ ... ﻋﻄﺎﺗﻨﻲ ﻳﺪﻫﺎ ﺗﺤﻜﻲ ﺯﻳﻨﺐ : ﺍﻧﺖ ﺯﺍﺩﺓ ﺑﺎﺵ ﺗﻘﻮﻡ ﺗﻌﻘﻢ ﺍﻟﺠﺮﺡ ﻭ ﺗﺮﺗﺎﺡ ﻣﺨﻤﻤﺘﺶ ﻣﺮﺗﻴﻦ ﺣﻄﻴﺖ ﻳﺪﻱ ﻓﻲ ﻳﺪﻫﺎ ﻭﻗﻤﺖ ... ﻃﻠﻌﺖ ﻣﻌﺎﻫﺎ ... ﻟﻘﻴﺖ ﺑﺎﺏ ﺑﻴﺘﻲ ﻣﺤﻠﻮﻝ ... ﺩﺧﻠﺖ ﻣﻌﺎﻫﺎ ... ﻧﻐﺰﺭ ﻟﻤﻼﻙ ﻟﻲ ﻏﺎﻃﺴﺔ ﻓﻲ ﻧﻮﻡ ... ﻋﺮﻓﺖ ﻟﻬﻲ ﺷﺪﺕ ﺻﺤﻴﺢ ﺑﺎﺵ ﺗﺮﻗﺪ ﻫﻮﻧﻲ ... ﺗﺒﺴﻤﺖ ﻋﻠﻰ ﺟﻨﺐ ... ﻓﻘﺖ ﻣﻦ ﺳﺮﺣﺘﻲ ﻛﻴﻒ ﺟﺒﺪﺕ ﻳﺪﻫﺎ ﻣﻨﻲ ... ﺩﺧﻠﺖ ﻟﺒﻴﺖ ﺍﻟﺒﺎﻧﻮ ... ﻭﺭﺟﻌﺖ ﻓﻲ ﻳﺪﻫﺎ ﺑﻮﺍﺕ ﻓﺮﻣﺎﺳﻲ ... ﺣﻄﺘﻬﺎ ﻋﺎﻟﻄﺎﻭﻟﺔ ... ﻭﻗﻌﺪﺕ ﻋﺎﻟﻔﻮﺗﺎﻱ ... ﺧﺬﻳﺖ ﻧﻔﺲ ﻭﺧﺎﻟﻄﺖ ﻋﻠﻴﻬﺎ ﺗﺮﻣﻴﺖ ﻗﺪﺍﻣﻬﺎ ... ﻧﻐﺰﺭﻟﻪﺍ ﻭ ﻫﻲ ﺗﻌﻘﻤﻠﻲ ﻓﻲ ﺍﻟﺠﺮﺡ ﻟﻴﻦ ﻛﻤﻠﺖ ... ﻃﻠﻌﺖ ﺭﺍﺳﻬﺎ ﺗﺤﻜﻲ ﺯﻳﻨﺐ : ﻟﺒﺎﺱ ﺗﻮﺍ ... ﺗﻮﺟﻊ ﻓﻴﻚ ﺍﻧﺎ : ﻣﻤﻢ ﻟﺒﺎﺱ ﺯﻳﻨﺐ : ﺑﺎﻫﻲ ﺣﺎﻭﻝ ﻣﺘﻜﺒﺴﺶ ﻋﻠﻴﻬﺎ ... ﻭ ﻛﺎﻥ ﺍﺣﺘﺠﺖ ﺷﻲ ﻛﻠﻤﻨﻲ ﺍﻧﺎ ﺑﺎﺵ ﻧﻤﺸﻲ ﻟﺒﻴﺘﻲ ﺗﻮﺍ ﺍﻧﺎ : ﺑﺎﻫﻲ ﻗﺮﺑﺖ ﻣﻨﻲ ﺍﻛﺜﺮ ... ﺑﺎﺳﺘﻨﻲ ﻣﻦ ﺧﺪﻱ ... ﺑﻘﻴﺖ ﻧﻐﺰﺭﻟﻬﺎ ... ﺍﻭﻝ ﻣﺮﺓ ﺗﺘﺼﺮﻑ ﻫﻜﺎ ﻭﻫﻲ ﺗﻐﺰﺭﻟﻲ ... ﺗﺒﺴﻤﺘﻞﻱ ﺗﺤﻜﻲ ﺯﻳﻨﺐ : ﻟﻴﻠﺔ ﺳﻌﻴﺪﺓ ﺗﺒﺴﻤﺖ ﺑﺎﻟﺴﻴﻒ ... ﻭ ﻫﺰﻳﺘﻠﻬﺎ ﺑﺮﺍﺳﻲ ﺑﺎﻫﻲ ... ﺑﻘﻴﺖ ﻧﺸﻴﻊ ﻓﻴﻬﺎ ﻟﻴﻦ ﺧﺮﺟﺖ ﻣﻦ ﺍﻟﺒﻴﺖ ... ﻫﺰﻳﺖ ﺭﻭﺣﻲ ﺑﺎﻟﺴﻴﻒ ... ﺑﺪﻟﺖ ﺩﺑﺸﻲ ... ﻭ ﺗﺮﻣﻴﺖ ﻋﺎﻟﺴﺮﻳﺮ ﺑﺤﺬﺍ ﻣﻼﻙ ... ﻧﺰﻟﺖ ﺭﺍﺳﻲ ﻧﻐﺰﺭﻟﻬﺎ ... ﺣﻄﻴﺖ ﻳﺪﻱ ﻧﻌﺪﻱ ﻓﻴﻬﻢ ﻋﻠﻰ ﺷﻌﺮﺍﺗﻬﺎ ... ﻣﻨﻌﺮﻑﺵ ﺍﻣﺘﻰ ﻭ ﻛﻴﻒ ﺗﻌﻠﻘﺖ ﺑﻴﻬﺎ ... ﺍﻣﺎ ﻣﻨﺠﻤﺶ ﻧﺒﻌﺪ ﻋﻠﻴﻬﺎ ... ﻧﺤﺴﻬﺎﻭﺍﻟﺤﺎﺟﺔ ﺍﻟﻮﺣﻴﺪﺓ ﺍﻟﺼﺎﺩﻗﺔ ﻟﺘﻮﺍ ... ﺗﻌﻠﻘﻬﺎ ﺑﻴﺎ ... ﺧﻼﻧﻲ ﻧﺘﻌﻠﻖ ﺑﺤﻴﺎﺓ ﺟﺪﻳﺪﺓ ... ﻭ ﻣﻬﻤﺎ ﺻﺎﺭ ﻣﺶ ﺑﺎﺵ ﻧﺨﻠﻲ ﺣﺪ ﻳﻘﺮﺏ ﻣﻨﻬﺎ ... ﻭﻻ ﺣﺘﻰ ﻳﺄﺫﻳﻬﺎ ﻭ ﻻ ﻳﺒﻌﺪﻫﺎ ﻋﻠﻴﺎ ... ﻓﻲ ﻟﺤﻈﺔ ﻛﺒﺴﺖ ﻋﻠﻰ ﻳﺪﻱ ﺑﻴﺪﻫﺎ ... ﺣﻠﺖ ﻋﻴﻨﻴﻬﺎ ﺷﻮﻳﺔ ﺗﺒﺴﻤﺘﻠﻲ .. ﻭﺭﺟﻌﺖ ﺭﻗﺪﺕ ... ﺗﺒﺴﻤﺖ ﺑﺎﻟﻮﻗﺖ ... ﺗﺒﺴﻤﺖ ﻣﻦ ﻗﻠﺒﻲ ﺑﻌﺪ ﺍﺧﻴﺐ ﻟﻴﻠﺔ ﺣﺴﻴﺖ ﺭﻭﺣﻲ ﻋﺪﻳﺘﻬﺎ ... ﻭﺍﺧﻴﺐ ﺣﻘﻴﻘﺔ ﻋﺮﻓﺘﻬﺎ ... ﺣﻘﻴﻘﺔ ﻣﺨﺒﻴﺔ ﻣﻌﺎﻫﺎ ﺑﺮﺷﺎ ﺣﺎﺟﺎﺕ ﺑﺎﺵ ﻳﺒﺎﻧﻮ ﻣﻊ ﺍﻟﻮﻗﺖ ... ﻭ ﺑﺎﺵ ﺩﻣﺮ ﻛﻠﺸﻲ ... ﺣﻘﻴﻘﺔ ﻛﻴﻒ ﺍﻟﻄﻮﻓﺎﻥ ... ﻃﻮﻓﺎﻥ ﺍﻧﺎ ﻋﻤﻠﺘﻮ ﻣﻦ ﻏﻴﺮ ﻣﺎ ﻧﻌﻤﻞ ﺣﺴﺎﺏ ﻟﻠﻲ ﺑﺎﺵ ﻳﺼﻴﺮ ... ﻣﺒﻌﺪ
أنت تقرأ
🔥🔞"في أحضان عزرائيل"🔞🔥( الجزء الخامس)
Romanceهيا تلمو البنات نكمللكم الكروو🙋❤ #نحبكم ❤ #شيماء
