الحلقة 962

2K 29 0

بواسطة Prisoner_of_love__

بقلم Prisoner_of_love__

ﻧﺰﻟﺖ ﻳﺪﻱ ﺷﻮﻳﺔ ﺷﻮﻳﺔ ... ﺭﻣﻴﺖ ﺍﻟﺸﺮﻛﺔ ﻋﺎﻻﺭﺽ ... ﻳﻤﻜﻦ ﻟﺤﻖ ﺍﻟﻮﻗﺖ ﺑﺎﺵ ﻧﺨﺮﺟﻮ ﻣﻦ ﺣﻴﺎﺗﻲ ... ﻗﺒﻞ ﻣﺎ ﻳﻘﺘﻠﻨﻲ ... ﺣﺴﻴﺖ ﺑﺰﻳﺎﺩ ﻭﺍﻗﻒ ﻭﺭﺍﻳﺎ ... ﺑﻌﺪ ﺍﻟﻔﺮﺩ ﻣﻦ ﻭﺟﻬﻲ ﻧﺎﺣﻴﺘﻮ ﻫﻮ ... ﻫﺰﻳﺘﻠﻮ ﺑﺮﺍﺳﻲ ﻻ ... ﺗﻠﻔﺖ ﻟﺰﻳﺎﺩ ... ﻏﻤﻀﺖ ﻋﻴﻨﻴﺎ ﻋﻠﻰ ﺻﻮﺕ ﺍﻟﻜﺮﻃﻮﺷﺔ ... ﺣﻠﻴﺖ ﻋﻴﻨﻴﺎ ﻣﺮﻭﻫﺠﺔ ... ﻧﻐﺰﺭ ﻟﺰﻳﺎﺩ ... ﺑﺎﻗﻲ ﻭﺍﻗﻒ ﻓﻲ ﺑﻼﺻﺘﻮ ... ﺗﻠﻔﺖ ﻧﻐﺰﺭﻟﻮ ... ﺭﺧﻒ ﻳﺪﻭ ﺑﺎﻟﻮﻗﺖ ... ﻃﺎﺡ ﺍﻟﻔﺮﺩ ﻋﺎﻻﺭﺽ ... ﺗﻬﺰﻳﺖ ﻭ ﺗﺤﻄﻴﺖ ﻋﻠﻰ ﺻﻮﺕ ﻛﺮﻃﻮﺷﺔ ﺍﺧﺮﻯ ... ﻫﺰﻳﺖ ﻳﺪﻳﺎ ﺯﻭﺯ ﺑﻼ ﻣﺎ ﻧﺤﺲ ... ﻃﺎﺡ ﻋﻠﻰ ﺭﻛﺎﻳﺒﻮ ﻭ ﻫﻮ ﻳﻐﺰﺭﻟﻲ ... ﻃﻠﻌﺖ ﺭﺍﺳﻲ ﺷﻮﻳﺔ ... ﻧﻐﺰﺭ ﻟﻤﻴﺮﺍﻝ ﻭﺭﺍﻩ ... ﻛﺎﺑﺴﺔ ﻋﺎﻟﻔﺮﺩ ﺑﻴﺪﻳﻬﺎ ﺯﻭﺯ ... ﻣﻔﻬﻤﺘﺶ ﺷﻨﻮﺓ ﺍﻟﻠﻲ ﻗﺎﻋﺪ ﻳﺼﻴﺮ ﺑﺎﻟﻈﺒﻂ ... ﻧﺰﻟﺖ ﺍﻟﻔﺮﺩ ﺷﻮﻳﺔ ... ﻭﺭﺟﻌﺖ ﻗﻮﺻﺖ ﻋﻠﻴﻪ ... ﺑﻘﻴﺖ ﻧﻐﺰﺭﻟﻮ ﻏﺎﺭﻕ ﻓﻲ ﺩﻣﻮ ... ﻋﻤﺎﺍﺩ ﻫﺮﺏ ﺑﺎﻟﻮﻗﺖ ... ﺟﺎ ﻳﺠﺮﻱ ﻋﻨﺪﻱ ... ﺗﺮﻣﻰ ﻓﻲ ﺣﻤﻠﺘﻲ ... ﻛﺒﺴﺖ ﻋﻠﻴﻪ ﺑﻴﺪﻱ ... ﺑﻘﺎﺕ ﻭﺍﻗﻔﺔ ﻓﻲ ﺑﻼﺻﺘﻬﺎ ﺗﻐﺰﺭﻟﻨﺎ ... ﻛﺒﺴﺖ ﻋﻠﻰ ﻋﻤﺎﺩ ﺍﻛﺜﺮ ... ﻭﺟﻴﻌﺔ ﻓﻲ ﻛﺮﺷﻲ ﻣﺶ ﻧﻮﺭﻣﺎﻝ ... ﻧﺰﻟﺖ ﻳﺪﻫﺎ ﻭ ﻗﺮﺑﺖ ﻣﻨﺎ ... ﺗﺨﻄﺎﺗﻮ ﻭ ﻗﺮﺑﺖ ﻣﻨﺎ ... ﺗﻤﺸﻲ ... ﻭﺹﻟﺖ ﻗﺪﺍﻣﻲ ﺑﺎﻟﻈﺒﻂ ... ﻫﺰﺕ ﺍﻟﻔﺮﺩ ﺣﻄﺎﺗﻮ ﻋﻠﻰ ﺭﺍﺳﻲ ... ﺑﻘﻴﺖ ﻧﻐﺰﺭﻟﻬﺎ ... ﻧﺰﻟﺖ ﺭﺍﺳﻬﺎ ﺷﻮﻳﺔ ﺗﺤﻜﻲ ﻣﻴﺮﺍﻝ : ﻋﻤﺮﻱ ﻣﺎ ﺣﺒﻴﺘﻚ ﻭ ﻻ ﺑﺎﺵ ﻧﺤﺒﻚ ﻓﻲ ﺣﻴﺎﺗﻲ ... ﺍﻧﺖ ﻛﻨﺖ ﺍﻟﻜﺎﺑﻮﺱ ﺍﻟﻮﺣﻴﺪ ﻓﻲ ﺣﻴﺎﺗﻲ ... ﺍﻣﺎ ﺯﺍﺩﺓ ﻣﻌﻨﺪﻙ ﺣﺘﻰ ﺫﻧﺐ ... ﺗﻌﺮﻑ ﻋﻼﻩ ﻗﺘﻠﺘﻮ ... ﺧﺎﻃﺮ ﻫﻮ ﺍﺳﺘﻐﻠﻨﻲ ﺍﻧﺎ ﺯﺍﺩﺓ ... ﻛﻨﺖ ﺑﺤﺎﺟﺔ ﻟﺸﺠﺎﻋﺔ ﻛﺎﻓﻴﺔ ﺗﺨﻠﻴﻨﻲ ﻧﻌﻤﻞ ﻫﻜﺎ ... ﻭ ﻣﺘﺄﻛﺪﺓ ﺑﻌﻤﻠﺘﻲ ﻋﻄﻴﺘﻚ ﻓﺮﺻﺔ ﺟﺪﻳﺪﺓ ... ﺗﻮﺍ ﻣﻌﺎﺩﺵ ﻋﻨﺪﻙ ﻣﺰﻳﺔ ﻋﻠﻴﺎ ﺑﻘﻴﺖ ﻧﻐﺰﺭﻟﻬﺎ ﻣﻦ ﻏﻴﺮ ﺣﺘﻰ ﻛﻠﻤﺔ ... ﻗﺮﺑﺖ ﻣﻦ ﺯﻳﺎﺩ ... ﻭﻗﺖ ﻗﺪﺍﻣﻮ ﺑﺎﻟﻘﺪﺍ ... ﻫﺰﺕ ﻳﺪﻫﺎ ﺣﻄﺘﻬﺎ ﻋﻠﻰ ﺧﺪﻭ ... ﻋﺪﺍﺕ ﺻﻮﺍﺑﻌﻬﺎ ﺗﺤﺖ ﻋﻴﻨﻮ ... ﻗﻠﺒﻲ ﺩﻕ ﺑﺎﻟﻮﻗﺖ ... ﻛﻴﻒ ﺭﻳﺘﻮ ﻳﻐﺰﺭﻟﻬﺎ ﺍﻛﺎﻛﺎ ... ﺗﺒﺴﻤﺖ ﺗﺤﻜﻲ ﻣﻴﺮﺍﻝ : ﻣﺎﻧﻴﺶ ﺑﺎﺵ ﻧﻨﺴﺎﻙ ﺟﻤﻠﺔ ... ﺑﺎﺵ ﺗﺒﻘﻰ ﺍﻟﺤﺎﺟﺔ ﺍﻟﺒﺎﻫﻴﺔ ﻭ ﺍﻟﻮﺣﻴﺪﺓ ﻟﻲ ﺣﺒﻴﺘﻬﺎ ﻓﻲ ﺣﻴﺎﺗﻲ ... ﻭ ﻧﻌﺮﻑ ﻟﻤﺎﻛﺶ ﺑﺎﺵ ﺗﻨﺴﺎﻧﻲ ... ﻓﻲ ﺗﺎﻟﻲ ﺍﻧﺎ ﻣﻴﺮﺍﻝ ﻫﺰﻟﻬﺎ ﺑﺮﺍﺳﻮ ﺍﻳﻪ ... ﻗﺮﺑﺖ ﻣﻨﻮ ﺍﻛﺜﺮ ... ﺣﻄﺖ ﺷﻔﺎﻓﻬﺎ ﻋﻠﻰ ﺷﻔﺎﻓﻮ ... ﺑﺎﺳﺘﻮ ﺑﻮﺳﺔ ﺧﻔﻴﻔﺔ .. ﻛﺒﺴﺖ ﻋﻠﻰ ﻋﻤﺎﺩ ﺑﺎﻟﻮﻗﺖ ... ﺗﻤﻨﻴﺖ ﻧﻤﻨﻌﻬﺎ ﺍﻣﺎ ﻣﻨﺠﻤﺘﺶ ... ﺑﻌﺪﺕ ﺷﻮﻳﺔ ... ﺣﻄﺖ ﻭﺭﻗﺔ ﻓﻲ ﻳﺪﻭ ... ﻭ ﻫﺰﺕ ﻳﺪﻫﺎ ﻣﺴﺤﺖ ﺍﻟﺪﻡ ﺑﺠﻨﺐ ﻓﻤﻮ ... ﺗﻐﺰﺭﻟﻮ ﻧﺪﺭﺍ ﻛﻴﻒ ... ﻋﻮﺟﺖ ﺭﺍﺳﻬﺎ ﻏﺰﺭﺕ ﻻﺩﻡ ... ﺗﺒﺴﻤﺘﻠﻮ ... ﺣﺘﻰ ﻫﻮ ﺷﺎﺩ ﺭﻭﺣﻮ ﺑﺎﻟﺴﻴﻒ ... ﺟﺒﺪﺕ ﺭﻭﺣﻬﺎ ﻟﺘﺎﻟﻲ ... ﻏﺰﺭﺗﻠﻨﺎ ﺑﺎﻟﻮﺍﺣﺪ ... ﻭ ﺗﻠﻔﺘﺖ ﻋﻄﺎﺗﻨﺎ ﺑﻈﻬﺮﻫﺎ ... ﺑﻘﻴﺖ ﻧﻐﺰﺭﻟﻬﺎ ... ﻟﻴﻦ ﻭﺻﻠﺖ ﻻﺧﺮ ﻧﻬﺞ ... ﺭﻛﺒﺖ ﻓﻲ ﻛﺮﻫﺒﺔ ﻣﻦ ﺗﺎﻟﻲ ﻣﻦ ﻏﻴﺮ ﻣﺎ ﺗﺮﺟﻊ ﺗﻐﺰﺭﻟﻨﺎ ... ﻓﻘﺖ ﻣﻦ ﺳﺮﺣﺘﻲ ﻋﻠﻰ ﺻﻮﺕ ﺍﻟﻜﺮﻫﺒﺔ ﻟﻲ ﻃﺎﺭﺕ ... ﻧﺰﻟﺖ ﺭﺍﺳﻲ ﻧﻐﺰﺭﻟﻮ ﻏﺎﺭﻕ ﻓﻲ ﺩﻣﻮ ... ﻣﻨﻌﺮﻓﺶ ﻋﻼﻩ ﻣﺸﻔﻘﺘﺶ ﻋﻠﻴﻪ ... ﻭ ﻻ ﺣﺎﻭﻟﺖ ﻧﻘﺮﺏ ﻣﻨﻮ ... ﺳﺆﺍﻝ ﻛﻬﻮ ﺣﺒﻴﺖ ﻧﻌﺮﻑ ﺍﻻﺟﺎﺑﺔ ﻣﺘﺎﻋﻮ ... ﻋﻼﻩ ﻣﺤﺒﻨﻴﺶ ﺟﻤﻠﺔ ... ﻋﻼﻩ ﻣﻌﺘﺒﺮﻧﻴﺶ ﺑﻨﺘﻮ ... ﺯﻋﻤﺔ ﺍﻟﻤﺎﺿﻲ ﺑﺎﺵ ﻳﺒﻘﻰ ﻳﻼﺣﻖ ﻓﻴﺎ ﻋﻤﺮﻱ ﺍﻟﻜﻞ ... ﻋﻼﻩ ﺭﻏﻢ ﻟﻲ ﻭﻓﺎ ﻛﻠﺸﻲ ... ﻣﺰﻟﺖ ﻧﺤﺲ ﺑﻨﻔﺲ ﺍﻟﺨﻮﻑ ﻣﺘﺎﻉ ﻛﻞ ﻣﺮﺓ ... ﻧﺰﻟﺖ ﻳﺪﻱ ﺷﻮﻳﺔ ﺣﻄﻴﺘﻬﺎ ﻋﻠﻰ ﻛﺮﺷﻲ ... ﻛﺒﺴﺖ ﻋﻠﻴﻬﺎ ... ﻛﻠﺸﻲ ﺑﺎﺵ ﻳﻜﻮﻥ ﻣﻠﻴﺢ ... ﺑﺎﺵ ﻧﻨﺴﻰ ﻫﺬﺍ ﺍﻟﻜﻞ ... ﻣﻌﺎﺩﺵ ﺑﺎﺵ ﻧﺨﺴﺮ ﺷﻲ ﺍﻟﻤﺮﺓ ﻫﺎﺫﻱ