ﺍﺩﻡ ﻳﺤﻜﻲ : ﺣﻠﻴﺖ ﺍﻟﺒﺎﺏ ﻭﺩﺧﻠﺖ ... ﻧﺤﺲ ﻓﻲ ﺭﺍﺳﻲ ﺑﺎﺵ ﻳﻄﺮﺷﻖ ... ﻧﻬﺎﺭ ﺍﻟﻜﻞ ﻋﺪﻳﺘﻮ ﻓﻲ ﺍﻟﺸﺮﻳﻜﺔ ... ﺷﻲ ﻣﻦ ﺍﻟﺨﺪﻣﺔ ... ﻭﺍﻟﺸﻲ ﻣﻦ ﺭﺟﺎﻝ ﻣﺘﺎﻉ ¤¤¤ ﻟﻲ ﻟﺘﻮﺍ ﻣﺎ ﻭﺻﻠﻮ ﻟﺤﺘﻰ ﺷﻲ ... ﻋﺎﻟﺤﺎﻟﺔ ﻫﺎﺫﻱ ﺑﺎﺵ ﻧﻌﺪﻱ ﻋﻤﺮﻱ ﺍﻟﻜﻞ ﻧﻔﺮﻛﺲ ﻋﻠﻴﻪ ... ﺿﻴﻘﺖ ﻋﻴﻨﻴﺎ ... ﻛﻴﻒ ﺣﺴﻴﺖ ﺍﻟﺪﺍﺭ ﻫﺎﺩﻳﺔ ... ﺧﺬﻳﺖ ﻧﻔﺲ ﻭ ﻣﺸﻴﺖ ﻟﺼﺎﻟﺔ ... ﻃﻠﻌﺖ ﺣﺎﺟﺒﻲ ﻣﺴﺘﻐﺮﺏ ﻛﻴﻒ ﺭﻳﺖ ﺯﻳﻨﺐ ﺭﺍﻗﺪﺓ ﻋﺎﻟﻔﻮﺗﺎﻱ ... ﻭ ﻣﻼﻙ ﺷﺎﺩﺓ ﻳﺪﻫﺎ ﻭﻗﺎﻋﺪﺓ ﺑﺠﻨﺒﻬﺎ ... ﺗﻐﺰﺭﻟﻪﺍ ... ﺍﻭﻝ ﻣﺎ ﺣﺴﺖ ﺑﻴﺎ ﻏﺰﺭﺗﻠﻲ ﻧﺪﺭﺍ ﻛﻴﻒ ﺣﺴﻴﺖ ﺑﻴﻬﺎ ﺧﺎﻳﻔﺔ ... ﻗﺮﺑﺖ ﺷﻮﻳﺔ ﻣﻦ ﺯﻳﻨﺐ ... ﺣﻄﻴﺖ ﻳﺪﻱ ﻋﻠﻰ ﺟﺒﻴﻨﻬﺎ ... ﺳﺨﻮﻧﺔ ﻋﺎﻟﻠﺨﺮ ... ﻛﺎﺑﺴﺔ ﺑﻴﺪﻫﺎ ﻻﺧﺮﻯ ﻋﻠﻰ ﻛﺮﺷﻬﺎ ﻭ ﻳﺪ ﺷﺎﺩﺓ ﺑﻴﻬﺎ ﻣﻼﻙ ... ﺧﺬﻳﺖ ﻧﻔﺲ ﻧﺤﻜﻲ ﺍﻧﺎ : ﺯﻳﻨﺐ .. ﺯﻳﻨﺐ ﺣﻠﺖ ﻋﻴﻨﻴﻬﺎ ﻣﺮﻭﻫﺠﺔ ... ﻭﺭﺟﻌﺖ ﺳﻜﺮﺗﻬﻢ ... ﻋﻘﺪﺕ ﺣﻮﺍﺟﺒﻲ ﻧﺤﻜﻲ ﺍﻧﺎ : ﻟﺒﺎﺱ ﻣﺎﻫﻮ ﺷﺒﻲ ﺣﺎﻟﺘﻚ ﻫﻜﺎ ﺯﻳﻨﺐ : ﻝ ﻟﺒﺎﺱ ﺍﺩﻡ ... ﺍﻣﺎﻥ ﻣﻼﻙ ﻟﺘﻮﺍ ﻣﺎ ﻛﻼﺕ ﺷﻲ ... ﻣﺘﺨﻠﻴﻬﺎﺵ ﺗﺴﺘﻨﻰ ﺑﺮﺷﺎ ﺍﻧﺎ : ﺑﺎﻫﻲ ﺍﻣﺎ ﺣﺎﻟﺘﻚ ﻣﻄﻤﻨﺶ ... ﺷﺮﺍﻳﻚ ﻧﻬﺰﻙ ﺗﻮﺍ ﻟﻠﻜﻠﻴﻨﻴﻚ ﺯﻳﻨﺐ؛ﻻ ﺍﻧﺎ : ﻧﻄﻠﺐ ﺍﻟﻄﺒﻴﺐ ﻟﻬﻮﻧﻲ ﺯﻳﻨﺐ : ﺍ ﺍﺩﻡ ﺍﻧﺎ ﻣﻠﻴﺤﺔ ... ﺟﻴﺴﺖ ﺷﻮﻳﺔ ﻭﺟﻴﻌﺔ ... ﺗﻮ ﻧﺮﺗﺎﺡ ﻧﺰﻟﺖ ﺑﻌﻴﻨﻴﺎ ﻧﻐﺰﺭ ﻟﻴﺪﻫﺎ ﻟﻲ ﻛﺎﺑﺴﺔ ﺑﻴﻬﺎ ﻋﻠﻰ ﻛﺮﺷﻬﺎ .. ﻋﺪﻳﺖ ﻳﺪﻱ ﻋﻠﻰ ﺷﻌﺮﻱ .. ﺗﻮ ﺑﺪﻳﺖ ﻧﺴﻮﻋﺐ ﻋﻼﻩ ﺣﺎﻟﺘﻬﺎ ﻫﻜﺎ ... ﻧﺤﻴﺖ ﺍﻟﻔﺎﺳﺖ ﺣﻄﻴﺘﻬﺎ ﻋﻠﻰ ﺟﻨﺐ ... ﻭ ﻫﺰﻳﺖ ﻣﻼﻙ ﻓﻲ ﺣﻤﻠﺘﻲ ﻟﻠﻜﻮﺟﻴﻨﺔ ... ﺣﻄﻴﺖﻫﺎ ﻓﻮﻕ ﺍﻟﻄﺎﻭﻟﺔ ... ﻭ ﺣﻀﺮﺗﻠﻬﺎ ﺳﻨﺪﻭﻳﺘﺶ ﺧﻔﻴﻒ ... ﺣﻄﻴﺘﻮ ﻓﻲ ﻳﺪﻫﺎ ﻭ ﺑﺴﺘﻬﺎ ﻣﻦ ﺧﺪﻫﺎ ... ﺷﺪﺍﺗﻮ ﻋﻠﻴﺎ ﺗﺎﻛﻮﻝ ﻓﻴﻪ ... ﻋﺮﻓﺘﻬﺎ ﻟﻲ ﺟﺎﻋﺖ ﺑﺎﻟﺤﻖ ... ﺗﺒﺴﻤﺘﻠﻪﺍ ﻭﺭﺟﻌﺖ ﻧﻔﺮﻛﺲ ﻋﻠﻰ ﺗﻴﺰﺍﻧﺔ .. ﺩﺧﺖ ﺑﺎﺵ ﻟﻘﻴﺘﻬﺎ ... ﺣﻀﺮﺗﻠﻪﺍ ﻛﺎﺳﺔ ... ﻭﻗﺮﺑﺖ ﻣﻦ ﻣﻼﻙ ﻟﻘﻴﺘﻬﺎ ﺑﺎﺵ ﺗﻜﻤﻞ ... ﺷﺨﺖ ﻋﻠﻴﻬﺎ ... ﻋﺪﻳﺖ ﻳﺪﻱ ﻋﻠﻰ ﺷﻌﺮﻫﺎ ﻧﺤﻜﻲ ﺍﻧﺎ : ﻣﺘﺤﺒﺶ ﺻﻐﺮﻭﻧﺘﻲ ﻭﺍﺣﺪ ﺍﺧﺮ ﻫﺰﺗﻠﻲ ﺑﺮﺍﺳﻬﺎ ﻻ .. ﻭ ﺣﻄﺖ ﻳﺪﻫﺎ ﻋﻠﻰ ﻛﺮﺷﻬﺎ ﻣﻌﻨﺎﻫﺎ ﺷﺒﻌﺖ ... ﻧﺰﻟﺘﻬﺎ ﻣﻦ ﻃﺎﻭﻟﺔ ﻧﺤﻜﻲ ﺍﻧﺎ : ﺻﺤﺔ ﻟﻴﻬﺎ ﺑﻨﻮﺗﻲ ﺷﺎﻃﺮﺓ ﻋﻤﻠﺘﻠﻲ ﺑﻴﺪﻫﺎ ﺑﺎﺵ ﻧﻨﺰﻝ ﻟﻴﻬﺎ ... ﺑﺎﺳﺘﻨﻲ ﺑﻮﺳﺔ ﻣﺮﺻﻮﺻﺔ ... ﻭ ﻣﺸﺎﺕ ﺗﺠﺮﻱ ﻟﺼﺎﻟﺔ .. ﺑﺎﻗﻲ ﺷﻄﺮ ﺳﻨﺪﻭﻳﺘﺶ ﻓﻲ ﻳﺪﻫﺎ .. ﻫﺰﻳﺖ ﺍﻟﻜﺎﺳﺔ ﻭﺧﺎﻟﻄﺖ ﻋﻠﻴﻬﺎ ... ﺣﻄﻴﺘﻬﺎ ﻋﺎﻟﻄﺎﻭﻟﺔ .. ﻭﻗﻌﺪﺕ ﻋﻠﻰ ﺣﺮﻑ ﺍﻟﻔﻮﺗﺎﻱ .. ﻫﺰﻳﺖ ﻳﺪﻱ ﻧﻌﺪﻱ ﻓﻴﻬﺎ ﻋﻠﻰ ﺧﺼﻼﺕ ﺷﻌﺮﻫﺎ .. ﺣﺎﻟﺘﻬﺎ ﺗﺎﻋﺒﺔ ﺑﺮﺷﺎ .. ﺗﺤﻞ ﻓﻲ ﻋﻴﻨﻴﻬﺎ ﺑﺎﻟﺴﻴﻒ ﻭ ﺗﺴﻜﺮ ﻓﻴﻬﻢ .. ﺑﻘﻴﺖ ﻧﻐﺰﺭﻟﻬﺎ .. ﻧﻐﺰﺭ ﻟﻜﻞ ﺗﻔﺼﻴﻞ ﻓﻲ ﻭﺟﻬﺎ .. ﻟﻠﺤﻈﺔ ﺳﺮﺣﺖ ﻓﻴﻬﺎ .. ﻣﻦ ﻏﻴﺮ ﻣﺎ ﻧﻌﺮﻑ ﻓﺎﺵ ﻗﺎﻋﺪ ﻧﺨﻤﻢ ﺑﺎﻟﻈﺒﻂ
أنت تقرأ
🔥🔞"في أحضان عزرائيل"🔞🔥( الجزء الخامس)
Romanceهيا تلمو البنات نكمللكم الكروو🙋❤ #نحبكم ❤ #شيماء
