ﻫﺰﻳﺘﻠﻬﺎ ﺑﺮﺍﺳﻲ ﺍﻳﻪ ... ﻣﻦ ﻏﻴﺮ ﻣﺎ ﻧﺨﻤﻢ ﻣﺮﺗﻴﻦ ... ﻏﺰﺭﺗﻠﻲ ﻧﺪﺭﺍ ﻛﻴﻒ ﺗﺤﻜﻲ
ﻃﺒﻴﺒﺔ : ﺗﻨﺠﻢ ﺟﻲ ﻣﻌﺎﻳﺎ ﻟﻠﺒﻴﺮﻭ
ﺍﻧﺎ : ﻋﻼﻩ
ﻃﺒﻴﺒﺔ : ﻏﺪﻳﻜﺎ ﻧﺤﻜﻮ ﺍﺣﺴﻦ
ﻛﻤﻠﺖ ﻛﻼﻣﻬﺎ ﻭ ﺳﺒﻘﺘﻨﻲ ... ﺧﺬﻳﺖ ﻧﻔﺲ ﻭ ﺧﺎﻟﻄﺎ ﻋﻠﻴﻬﺎ ... ﺩﺧﻠﺖ ﻭﺭﺍﻫﺎ ﻧﺤﻜﻲ
ﺍﻧﺎ : ﺗﻨﺠﻢ ﺗﻔﻬﻤﻨﻲ ﺷﺒﻴﻬﺎ ... ﻋﻼﻩ ﻣﺤﻜﻴﺘﺶ ﻏﺪﻳﻜﺎ
ﻫﻲ : ﺗﻔﻀﻞ ﻣﻴﺴﻮ ﺍﻗﻌﺪ
ﺟﺒﺪﺕ ﺍﻟﻜﺮﺳﻲ ﺑﻨﻄﺮﺓ ... ﻗﻌﺪﺕ ﻋﻠﻴﻪ ... ﻧﻬﺰ ﻓﻲ ﺳﺎﻗﻲ ﺑﻌﺼﺐ ﻭ ﻧﺤﻜﻲ ﻓﺮﺩ ﻭﻗﺖ
ﺍﻧﺎ : ﻧﺴﻤﻊ ﻓﻴﻚ
ﻫﻲ : ﺗﻌﺮﻑ ﺑﺎﻟﻘﺪﺍ ﻟﻤﺮﺗﻚ ... ﺗﻌﺮﺿﺖ ﻟﻌﻤﻠﻴﺘﻴﻦ ﻣﻦ ﻗﺒﻞ
ﻫﺰﻳﺘﻠﻬﺎ ﺑﺮﺍﺳﻲ ﺍﻳﻪ ... ﻛﺒﺴﺖ ﻋﺎﻟﺒﻮﻧﻴﺔ ﻣﺘﺎﻋﻲ ... ﻭ ﺍﻧﺎ ﻧﺴﻤﻊ ﻓﻴﻬﺎ ... ﺣﻄﺖ ﻳﺪﻳﻬﺎ ﺯﻭﺯ ﻋﺎﻟﺒﻴﺮﻭ ﻭ ﻛﻤﻠﺖ ﺗﺤﻜﻲ
ﻫﻲ : ﻭ ﺗﻌﺮﻑ ﻟﻬﻲ ﺣﺒﻠﺔ ﺯﺍﺩﺓ
ﺑﻘﻴﺖ ﻧﻐﺰﺭﻟﻬﺎ ﻣﻌﺎﺩﺵ ﻧﺠﻢ ﻧﺴﺘﻮﻋﺐ ﺷﻲ ... ﻛﻼﻣﻬﺎ ﺻﺪﻣﻨﻲ ﺍﻛﺜﺮ ﻣﺎ ﺭﺍﻧﻲ ﻣﺼﺪﻭﻡ ... ﻧﻔﺲ ﺗﺴﻜﺮ ﻋﻠﻴﺎ ... ﻣﻨﻌﺮﻓﺶ ﺷﻨﻴﺔ ﻟﻲ ﺣﺴﻴﺘﻮ ﻣﻦ ﻛﻼﻡ ﺍﻟﻄﺒﻴﺒﺔ ... ﻓﺮﺣﺔ ... ﺧﻮﻑ ... ﺻﺪﻣﺔ ... ﻣﻨﻌﺮﻓﺶ ... ﻫﺰﻳﺖ ﺭﻭﺣﻲ ﺧﺮﺟﺖ ﻭ ﻛﻼﻣﻬﺎ ﻳﺘﻌﺎﺩﻭ ﻓﻲ ﻭﺫﻧﻲ
ﻫﻲ : ﺣﺒﻠﺔ ﻋﻨﺪﻫﺎ ﺳﺖ ﺍﺳﺎﺑﻴﻊ ... ﻭ ﺍﻟﺤﻤﻞ ﻓﻲ ﺍﻟﻤﺮﺣﻠﺔ ﻫﺎﺫﻱ ﺧﻄﻴﺮ ﺑﺮﺷﺎ ... ﺧﺎﻃﺮﻫﺎ ﻣﺨﻀﻌﺘﺶ ﻟﻠﻌﻼﺝ ﺍﻟﻼﺯﻡ
ﺍﻧﺎ : ﻳﻌﻨﻲ
ﻫﻲ : ﻣﺮﺗﻚ ﺗﻌﺎﻧﻲ ﻣﻦ ﺍﻟﺘﻬﺎﺏ ﻓﻲ ﺍﻟﺮﺣﻢ ... ﺑﻌﺪ ﺍﻟﻌﻤﻠﻴﺘﻴﻦ ﻫﺬﻭﻛﺎ ... ﻭ ﻫﺬﺍ ﻟﻲ ﺧﻠﻰ ﻋﻨﻖ ﺭﺣﻢ ﻣﺘﺎﻋﻬﺎ ﻣﻔﺘﻮﺡ ﻭ ﺍﻟﺠﻨﻴﻦ ﻓﻲ ﺍﻟﺤﺎﻟﺔ ﻫﺎﺫﻱ ... ﻣﻴﻨﺠﻤﺶ ﻳﺤﺎﻓﻆ ﻋﻠﻰ ﻭﺿﻌﻮ ﺍﻟﻄﺒﻴﻌﻲ ... ﻭ ﻳﻤﻜﻦ ﻳﺼﻴﺮ ﺍﺟﻬﺎﺽ ﻓﻲ ﺍﻱ ﻟﺤﻈﺔ ... ﺍﻟﻴﻮﻡ ﻣﻨﻌﺖ ﻓﻲ ﺍﺧﺮ ﻟﺤﻈﺔ ... ﺍﻣﺎ ﺍﻟﻤﺮﺓ ﺍﻟﺠﺎﻳﺔ ﻣﻌﺎﺩﺵ ﺑﺎﺵ ﺗﻠﺤﻖ ﻋﻠﻴﻬﺎ
ﺍﻧﺎ : ﻑ ﻓﻤﺎ ﺧﻄﺮ ﻋﻠﻰ ﺣﻴﺎﺗﻬﺎ
ﻫﻲ : ﻣﻨﻌﺮﻓﺶ ﻓﻲ ﺑﺪﺍﻳﺔ ﺍﻟﺤﻤﻞ ﻣﻨﺠﻤﺶ ﻧﺤﺪﺩ ﺣﺎﻟﺘﻬﺎ ... ﺻﺤﻴﺢ ﺍﻧﻮ ﺣﺒﺎﻟﺘﻬﺎ ﻓﻲ ﺍﻟﺤﺎﻟﺔ ﻫﺎﺫﻱ ... ﻧﺎﺩﺭﺓ ﺑﺮﺷﺎ ... ﺍﻣﺎ ﺯﺍﺩﺓ ﻣﻴﻤﻨﻌﺶ ﻟﻬﻮ ﺧﻄﻴﺮ ... ﻭ ﺍﻟﻔﺘﺮﺓ ﻫﺎﺫﻱ ... ﺗﻬﺪﺩ ﺣﻴﺎﺓ ﺍﻟﺠﻨﻴﻦ ﺍﻛﺜﺮ ﻣﻦ ﺍﻧﻮ ﺗﻬﺪﺩ ﺣﻴﺎﺗﻬﺎ ... ﺧﺎﺻﺔ ﺍﻧﻮ ﺍﻟﺠﻨﻴﻦ ﺻﻐﻴﺮ ﺑﺮﺷﺎ ﺑﺎﻟﻨﺴﺒﺔ ﻟﻌﻤﺮﻭ ... ﻭ ﺯﺍﺩﺓ ﻛﺎﻥ ﺣﺎﻭﻟﺖ ﺗﻌﻤﻞ ﻋﻤﻠﻴﺔ ﺍﺧﺮﻯ ﻣﺘﺎﻉ ﺍﺟﻬﺎﺽ ... ﻭﻗﺘﻬﺎ ﻳﺴﺘﺄﺻﻞ ﺍﻟﺮﺣﻢ ﺟﻤﻠﺔ ... ﻭ ﻣﻌﺎﺩﺵ ﺑﺎﺵ ﻳﻜﻮﻥ ﻋﻨﺪﻫﺎ ﺍﻱ ﻓﺮﺻﺔ ﻭ ﻟﻮ ﻛﺎﻧﺖ ﺻﻐﻴﺮﺓ ﺍﻧﻬﺎ ﺗﺤﺒﻞ ﻣﺮﺓ ﺍﺧﺮﻯ ... ﻋﻠﻰ ﻫﺬﺍﻛﺎ ﺣﺎﻭﻝ ﺗﺘﻠﻬﻰ ﺑﻴﻬﺎ ﺍﻛﺜﺮ ... ﻭ ﺑﻤﺎﻛﻠﺘﻬﺎ ﻭ ﻛﻠﺸﻲ ﻳﺨﻠﻴﻬﺎ ﺑﻌﻴﺪ ﻋﺎﻟﺴﺘﺮﺍﺱ ... ﺧﺎﺻﺔ ﺩﻭﺍﻫﺎ ... ﻟﻴﻦ ﺍﻟﺠﻨﻴﻦ ﻳﺮﻛﺢ ﻓﻲ ﻛﺮﺷﻬﺎ
ﻭﺻﻠﺖ ﻟﺒﻴﺘﻬﺎ ﺑﺎﻟﻮﻗﺖ ... ﻫﺰﻳﺖ ﻳﺪﻱ ﺑﺎﻟﺴﻴﻒ ... ﻛﺒﺴﺖ ﻋﺎﻟﺒﻮﺍﻧﻲ ... ﻭﺩﺧﻞﺕ ... ﻃﻠﻌﺖ ﺭﺍﺳﻲ ﻧﻐﺰﺭﻟﻬﺎ ... ﻗﺮﺑﺖ ﻣﻨﻬﺎ ﺑﺎﻟﺴﻴﻒ ... ﻗﻌﺪﺕ ﻋﺎﻟﻜﺮﺳﻲ ... ﻧﺤﺲ ﻓﻲ ﺑﺪﻧﻲ ﻣﻬﺪﻭﺩ ... ﻫﺰﻳﺖ ﻳﺪﻱ ﺣﻄﻴﺘﻬﺎ ﻋﻠﻰ ﻳﺪﻫﺎ ... ﻳﺎﺳﺮ ﺑﺎﺭﺩﺓ ... ﻛﺒﺴﺖ ﻋﻠﻴﻬﺎ ... ﻭ ﻧﺰﻟﺖ ﺑﺴﺘﻬﺎ ﻣﻨﻬﺎ ... ﻫﺰﻳﺖ ﻳﺪﻱ ﻻﺧﺮﻯ ﺣﻄﻴﺘﻬﺎ ﻋﻠﻰ ﻛﺮﺷﻬﺎ ... ﻗﻠﺒﻲ ﺩﻕ ﺑﺎﻟﻮﻗﺖ ... ﻣﺘﻮﻗﻌﺖﺵ ﺷﻨﺮﺟﻊ ﻧﻌﻴﺶ ﺍﻻﺣﺴﺎﺱ ﻫﺬﺍ ﻣﺮﺓ ﺍﺧﺮﻯ ... ﻭ ﻣﻊ ﺳﻮﺍﺭ ... ﺍﺣﺴﺎﺱ ﺧﻼﻧﻲ ﻧﻨﺴﻰ ﺍﻟﻔﺠﻌﺔ ﻟﻲ ﻛﻠﻴﺘﻬﺎ ﻣﻨﻬﺎ ... ﻭ ﺍﻟﻠﻲ ﺳﻤﻌﺘﻮ ﺍﻟﻜﻞ ... ﺍﻟﻠﻲ ﻫﻮﻧﻲ ﻣﺘﺎﻋﻲ ﺍﻧﺎ ... ﻣﻠﻜﻲ ﺍﻧﺎ ﺯﺍﺩﺓ ... ﺩﻣﻮﻋﻲ ﻧﺰﻟﻮ ﺑﺎﻟﻮﻗﺖ ... ﻧﻌﺮﻑ ﻟﻬﻮ ﺷﻴﺘﺤﻤﻞ ﺍﻟﻤﺮﺓ ﻫﺎﺫﻱ ... ﻭ ﻫﻲ ﺯﺍﺩﺓ ﺑﺎﺵ ﺗﻌﻴﺶ ﻋﻠﻰ ﺧﺎﻃﺮﻱ ... ﻛﺒﺴﺖ ﻋﻠﻰ ﻳﺪﻫﺎ ﺍﻛﺜﺮ ... ﻭ ﻗﺮﺑﺖ ﻣﻨﻬﺎ ﻧﺰﻟﺖ ﻋﻠﻴﻬﺎ ﺷﻮﻳﺔ ... ﺑﺴﺘﻬﺎ ﻣﻦ ﺭﺍﺳﻬﺎ ... ﻭ ﺧﺬﻳﺖ ﻧﻔﺲ ﻣﻦ ﺭﻳﺤﺘﻬﺎ ... ﺭﻳﺤﺔ ﺷﻌﺮﻫﺎ ﻟﻲ ﻣﺰﺍﻝ ﻣﺒﻠﻮﻝ ... ﻧﻌﺮﻑ ﻟﻲ ﺟﺎﻱ ﺑﺎﺵ ﻳﻜﻮﻥ ﺍﺻﻌﺐ ... ﺍﻣﺎ ﻣﺴﺘﺤﻴﻞ ﻧﺨﻠﻴﻬﺎ ﺍﻟﻤﺮﺓ ﻫﺎﺫﻱ ﻭ ﻻ ﻧﺨﻠﻲ ﻭﻟﺪﻱ ... ﺳﻮﺍﺭ ﻟﺜﺎﻧﻲ ﻣﺮﺓ ﺗﻌﻄﻴﻨﻲ ﺣﻴﺎﺓ ﺟﺪﻳﺪﺓ ... ﻣﻨﻌﺮﻓﺶ ﻋﻼﻩ ﻛﻞ ﻣﺮﺓ ﻧﺒﻌﺪ ﻓﻴﻬﺎ ... ﻧﻠﻘﻰ ﺭﻭﺣﻲ ﻧﻘﺮﺏ ﻣﻨﻬﺎ ﺍﻛﺜﺮ ... ﻧﻠﻘﻰ ﺣﻴﺎﺗﻲ ﺍﻟﻜﻞ ﻣﻘﻴﺪﺓ ﺑﻴﻬﺎ ... ﻃﻠﻌﺖ ﺭﺍﺳﻲ ﻣﺮﻭﻫﺞ ... ﻋﻠﻰ ﺻﻮﺕ ﺍﻟﺒﺎﺏ ... ﻧﻐﺰﺭ ﻟﻄﺒﻴﺒﺔ ... ﻗﺮﺑﺖ ﻣﻨﻲ ﺗﺤﻜﻲ
أنت تقرأ
🔥🔞"في أحضان عزرائيل"🔞🔥( الجزء الخامس)
Romanceهيا تلمو البنات نكمللكم الكروو🙋❤ #نحبكم ❤ #شيماء
