ﺍﻧﺎ : ﻗﺘﻠﻚ ﻻﻧﺎ ﺯﺍﺩﺓ ﻣﺠﺮﻡ ... ﺍﻧﺎ ﺯﺍﺩﺓ ﻏﻠﻄﺖ ﺑﺮﺷﺎ ... ﻭ ﺧﻠﺼﺖ ﺣﻖ ﻟﻲ ﻋﻤﻠﺘﻮ ... ﻓﻲ ﺑﺎﻟﻲ ﺑﺎﻟﻄﺮﻳﻘﺔ ﻫﺬﻳﻜﺎ ﻧﺠﻢ ﻧﺎﺧﻮ ﺣﻖ ﻣﺮﺗﻲ ... ﻣﺮﺗﻲ ﻟﻲ ﻣﺎﺗﺖ ﻭ ﻫﻲ ﺣﺒﻠﺔ ... ﺍ ﺍﻏﺘﺼﺒﻮﻫﺎ ... ﻭ ﻗﺘﻠﻮﻫﺎ ﺯﺍﺩﺓ ... ﻓﻲ ﻟﺤﻈﺔ ﺣﻴﺎﺗﻲ ﺗﻘﻠﺒﺖ ... ﻣﻌﺎﺩﺵ ﻧﻌﺮﻑ ﺻﺤﻴﺢ ﻣﻦ ﻏﺎﻟﻂ ... ﻭ ﺍﻱ ﻗﺮﺍﺭ ﻛﺎﻧﺖ ﺑﺎﺵ ﺗﺎﺧﻮ ﺳﻮﺍﺭ ﻣﻜﻨﺘﺶ ﺑﺎﺵ ﻧﻤﻨﻌﻬﺎ ... ﺍﻧﺎ ﺧﺴﺮﺕ ﻛﻠﺸﻲ ﻭ ﺗﻮﺍ ﺧﺴﺮﺕ ﺍﺧﺮ ﺷﻲ ﻳﻮﺻﻠﻨﻲ ﻟﻲ ﻛﺎﻥ ﺳﺒﺐ ﻓﻲ ﻛﻠﺸﻲ ﻫﺰﺕ ﺭﻭﺣﻬﺎ ﺷﻮﻳﺔ ... ﺗﻘﻌﺪﺕ ﻭﺗﻠﻔﺘﺖ ﻋﻨﺪﻱ ... ﻣﺴﺤﺖ ﺩﻣﻮﻋﻬﺎ ﺑﻜﻒ ﻳﺪﻫﺎ ... ﻭ ﻏﺰﺭﺗﻠﻲ ﻧﺪﺭﺍ ﻛﻴﻒ ﺗﺤﻜﻲ ﺯﻳﻨﺐ : ﺱ ﺳﻮﺍﺭ ﻣﺎ ﻋﻨﺪﻫﺎ ﺣﺘﻰ ﺫﻧﺐ ... ﻣﻌﻨﺪﻛﺶ ﺣﻖ ﺗﻌﻤﻞ ﻓﻴﻬﺎ ﻫﺬﺍ ﺍﻟﻜﻞ ... ﺍﻧﺖ ﻣﺎﻛﺶ ﺑﺎﺵ ﺗﻌﺮﻑ ﺷﻨﻴﺔ ﻟﻲ ﻗﺎﻋﺪﺓ ﺗﺤﺲ ﻓﻴﻪ ﺗﻮﺍ ... ﺍﺣﺴﺎﺱ ﺧﺎﻳﺐ ﺑﺮﺷﺎ ... ﻣﺘﻮﻗﻌﺘﺶ ﺟﻤﻠﺔ ﺍﻧﻮ ﻫﻲ ﻣﻮﺟﻮﻋﺔ ﻣﻦ ﺍﻟﺸﻲ ﻟﻲ ﻋﺪﻳﺖ ﺣﻴﺎﺗﻲ ﻫﺎﺭﺑﺔ ﻣﻨﻮ ... ﻛﻞ ﺣﺪ ﻓﻴﻨﺎ ﻭﺟﻌﻬﺎ ﺑﻄﺮﻳﻘﺘﻮ ... ﺍﻧﺎ ﺯﺍﺩﺓ ﻣﻨﺠﻤﺘﺶ ﻧﺪﺍﻓﻊ ﻋﻠﻴﻬﺎ ﻗﺪﺍﻣﻚ ... ﺧﻔﺖ ﺑﺮﺷﺎ ... ﺧﻔﺖ ﺍﻧﻬﺎ ﺗﻘﺘﻠﻚ ... ﺍﺻﻼ ﺣﺪ ﻣﺎ ﻳﻨﺠﻢ ﻳﻠﻮﻣﻬﺎ ... ﺗﻮﺍ ﺍﺳﺘﻮﻋﺒﺖ ﻋﻼﻩ ﺯﻳﺎﺩ ﺧﻼﻫﺎ ﻧﻬﺎﺭ ﻋﺮﺳﻬﺎ ... ﻫﻮ ﺯﺍﺩﺓ ﻣﻌﻨﺪﻭﺵ ﺣﻖ ﻳﺘﺼﺮﻑ ﻫﻜﺎ ... ﻛﺎﻥ ﻻﺯﻡ ﻳﻠﻮﻣﻚ ﺍﻧﺖ ... ﻛﺎﻥ ﻻﺯﻡ ﻳﺒﻌﺪ ﻋﻠﻴﻚ ﺍﻧﺖ ﻣﺶ ﻋﻠﻴﻬﺎ ... ﻋﻼﻩ ﻋﻤﻞ ﻫﻜﺎ ... ﻋﻼﻩ ﺣﺘﻰ ﺣﺪ ﻓﻴﻜﻢ ﻣﺎ ﺧﻤﻢ ﻓﻴﻬﺎ ﺻﻮﺗﻬﺎ ﻣﺎﺷﻲ ﻭﻳﻌﻠﻰ .. ﺩﻣﻮﻋﻬﺎ ﻧﺰﻟﻮ ﺍﻛﺜﺮ ... ﻫﺰﻳﻦ ﻳﺪﻱ ... ﺟﺒﺪﺗﻬﺎ ﻋﻨﺪﻱ ﺑﻘﻮﺓ ... ﺟﺎﺕ ﻓﻲ ﺣﻤﻠﺘﻲ ... ﻛﺒﺴﺖ ﻋﻠﻴﻬﺎ ﻧﺤﻜﻲ ﺍﻧﺎ : ﻧﻌﺮﻑ ﻫﺬﺍ ﺍﻟﻜﻞ ... ﻭﺭﺍﺳﻚ ﻧﻌﺮﻑ ... ﺻﺪﻗﻨﻲ ﻧﺪﻣﺖ ﻋﻠﻰ ﻛﻠﺸﻲ ﻋﻤﻠﺘﻮ ... ﻟﻮﺟﺖ ﻋﻠﻴﻬﺎ ﻣﻦ ﻗﺒﻞ ... ﺍﻣﺎ ﻣﺠﺎﺵ ﻟﺒﺎﻟﻲ ﺗﻜﻮﻥ ﺩﻧﻴﺰ ﻧﻔﺴﻬﺎ ﺳﻮﺍﺭ ... ﻫﻲ ﻛﻬﻮ ﻃﻠﻌﺖ ﺍﻟﻀﺤﻴﺔ ﺑﻴﻨﺎ ... ﺻﺪﻗﻨﻲ ﺑﺎﺵ ﻧﺤﺎﻭﻝ ﻧﻌﻤﻞ ﻟﻲ ﻧﺠﻢ ﻋﻠﻴﻪ ﺑﺎﺵ ﺗﺴﺎﻣﺤﻨﻲ ﺟﺒﺪﺕ ﺭﻭﺣﻬﺎ ﺷﻮﻳﺔ ﻣﻨﻲ ... ﻃﻠﻌﺖ ﺭﺍﺳﻬﺎ ﻏﺰﺭﺗﻠﻲ ... ﺗﺤﻜﻲ ﺯﻳﻨﺐ : ﺍﺣﻜﻲ ﻣﻊ ﺯﻳﺎﺩ ... ﺧﻠﻴﻪ ﻳﺮﺟﻌﻠﻬﺎ ... ﻫﻲ ﺗﺤﺒﻮ ﺑﺮﺷﺎ ... ﺻﺪﻗﻨﻲ ﺳﻮﺍﺭ ﻣﺘﻨﺠﻤﺶ ﺗﻌﻴﺶ ﻣﻦ ﻏﻴﺮﻭ ... ﻫﻮ ﻻﺯﻣﻮ ﻳﺘﺼﺮﻑ ... ﻻﺯﻡ ﻳﻌﻤﻞ ﺷﻲ ﻭ ﺍﻻ ﺳﻮﺍﺭ ﺑﺎﺵ ﺗﻀﻴﻊ ﺟﻤﻠﺔ ﻫﺰﻳﺖ ﻳﺪﻱ ﺣﻄﻴﺘﻬﺎ ﻋﻠﻰ ﺧﺪﻫﺎ ... ﻧﻤﺴﺢ ﻓﻲ ﺩﻣﻮﻋﻬﺎ ﻭ ﻧﺤﻜﻲ ﻓﺮﺩ ﻭﻗﺖ ﺍﻧﺎ : ﺯﻳﺎﺩ ﻣﻦ ﺑﻜﺮﻱ ﻫﻜﺎ ... ﻛﻴﻒ ﻳﺘﻐﺸﺶ ﻣﻌﺎﺩﺵ ﻳﺘﺤﻜﻢ ﻓﻲ ﺗﺼﺮﻓﺎﺗﻮ ... ﺻﺪﻗﻨﻲ ﻫﻮ ﻳﺤﺒﻬﺎ ... ﻛﻴﻒ ﻳﻬﺪﺍ ﺑﺎﺵ ﻳﺮﺟﻌﻠﻬﺎ ... ﺑﺎﺵ ﻳﻌﺮﻑ ﺍﻟﻐﻠﻄﺔ ﻣﺘﺎﻋﻮ ... ﻟﻬﻲ ﻏﻠﻄﺘﻲ ﺑﺎﻻﺳﺎﺱ ... ﻫﻮ ﻣﺎﻫﻮﺵ ﺑﺎﺵ ﻳﺴﻠﻢ ﻓﻴﻬﺎ ﺑﺎﻟﺴﺎﻫﻞ ... ﺍﺻﻼ ﻓﻜﺮﺓ ﻟﺴﻮﺍﺭ ﺑﺎﺵ ﺗﻜﻮﻥ ﻟﺤﺪ ﻏﻴﺮﻭ ﺗﺨﻠﻴﻪ ﻳﺠﻦ ... ﺻﺪﻗﻨﻲ ﺯﻳﻨﺐ ﻛﻠﺸﻲ ﺑﺎﺵ ﻳﻜﻮﻥ ﻣﻠﻴﺢ ... ﻣﺶ ﺗﻮﺍ ﻣﺒﻌﺪ ... ﺍﻣﺎ ﻛﻠﺸﻲ ﺑﺎﺵ ﻳﺘﺼﻠﺢ ﻣﻊ ﺍﻟﻮﻗﺖ ﺑﻘﺎﺕ ﺗﻐﺰﺭﻟﻲ ﻧﺪﺭﺍ ﻛﻴﻒ ... ﻛﺒﺴﺖ ﺑﻴﺪﻱ ﻋﻠﻰ ﻭﺟﻬﺎ ... ﻭ ﻧﺰﻟﺖ ﺑﻴﻬﺎ ﻟﺮﻗﺒﺘﻬﺎ ... ﺟﺒﺪﺗﻪﺍ ﻋﻨﺪﻱ ... ﺭﺟﻌﺖ ﺣﻀﻨﺘﻬﺎ ... ﻣﻨﻌﺮﻓﺶ ﻋﻼﻩ ﻗﺎﻋﺪ ﻧﻔﺴﺮﻟﻬﺎ ﻓﻲ ﻫﺬﺍ ﺍﻟﻜﻞ ... ﺍﻣﺎ ﻣﻌﺎﺩ ﻧﺠﻢ ﻧﺨﺴﺮ ﺣﺘﻰ ﺣﺪ ﺑﻌﺪ ﺗﻮﺍ ... ﻛﺒﺴﺖ ﻋﻠﻴﺎ ﺑﻴﺪﻳﻬﺎ ﺯﻭﺯ ... ﻫﺰﻳﺖ ﻳﺪﻱ ﻏﺮﺳﺘﻬﺎ ﻓﻲ ﺷﻌﺮﻫﺎ ... ﻧﺴﻤﻊ ﻓﻴﻬﺎ ﺗﺤﻜﻲ ﺯﻳﻨﺐ : ﻣﺎﻧﻴﺶ ﺑﺎﺵ ﻧﻠﻮﻣﻚ ﻋﻠﻰ ﺷﻲ ... ﺍﻣﺎ ﻻﺯﻣﻚ ﺗﺘﺼﺮﻑ ﺍﺩﻡ ... ﺍﻣﺎﻧﻚ ﺍﻋﻤﻞ ﺣﺎﺟﺔ ... ﺳﻮﺍﺭ ﺍﺧﺘﻲ ﻭ ﻣﻨﺠﻤﺶ ﻧﺮﺍﻫﺎ ﺗﺘﻌﺬﺏ ﻟﻬﺪﺭﺟﺔ ... ﺻﺪﻗﻨﻲ ﻣﻨﺠﻤﺶ ﻧﺨﻠﻴﻬﺎ ﻭﺣﺪﻫﺎ ﺍﻧﺎ : ﺑﺎﻫﻲ ﺯﻳﻨﺐ ... ﺻﺪﻗﻨﻲ ﺑﺎﺵ ﻧﻌﻤﻞ ﻟﻲ ﻧﺠﻢ ﻋﻠﻴﻪ ... ﻭ ﻛﻠﺸﻲ ﺑﺎﺵ ﻳﻜﻮﻥ ﻣﻠﻴﺢ ﺯﻳﻨﺐ : ﺑﺎﻫﻲ ﺍﻧﺎ : ﺍﺭﻗﺪ ﺗﻮﺍ ﻭ ﺍﻧﺴﻰ ﻟﻲ ﺻﺎﺭ ﺍﻟﻜﻞ
أنت تقرأ
🔥🔞"في أحضان عزرائيل"🔞🔥( الجزء الخامس)
Romanceهيا تلمو البنات نكمللكم الكروو🙋❤ #نحبكم ❤ #شيماء
