ﺻﻮﺗﻮ ﻣﺎﺷﻲ ﻭ ﻳﻌﻠﻰ ... ﻏﻤﻀﺖ ﻋﻴﻨﻴﺎ ﺑﺎﻟﻘﺎﻭﻱ ... ﻭﺭﺟﻌﺖ ﺣﻠﻴﺘﻬﻢ ... ﺩﻣﻮﻋﻲ ﺿﺒﻮ ﻋﻠﻴﺎ ... ﺧﺬﻳﺖ ﻧﻔﺲ ﻧﻠﻢ ﻓﻲ ﺍﻟﻜﻼﻡ ﺑﺎﺵ ﻧﺤﻜﻲ ﺍﻧﺎ : ﻙ ﻛﻨﺖ ﺑﺎﺵ ﻥ ﻧﺨﺒﺮﻙ ﻫﺰﻟﻲ ﺑﺮﺍﺳﻮ ﻻ ... ﺗﺒﺴﻢ ﻋﻠﻰ ﺟﻨﺐ ... ﻭﺭﺟﻊ ﻏﺰﺭﻟﻲ ﻳﺤﻜﻲ ﺯﻳﺎﺩ : ﻻﺍﺍ ﻣﻜﻨﺘﺶ ﺑﺎﺵ ﺗﺨﺒﺮﻧﻲ ... ﺗﻌﺮﻑ ﻋﻼﺍﺍﻩ ... ﺧﺎﻃﺮﻙ ﺑﺒﺴﺎﻃﺔ ﻣﺘﻨﺠﻤﺶ ﺗﺎﺛﻖ ﻓﻴﺎ ... ﺍﻧﺖ ﺗﺤﺎﻭﻝ ﺗﺤﻤﻲ ﺭﻭﺣﻚ ﻣﻦ ﺍﺩﻡ ﺑﻴﺎ ﺍﻧﺎ ... ﺑﺮﺍﺍﺍﻓﻮ ﻧﻬﻨﻴﻚ ﺍﻧﺖ ﻧﺠﺤﺖ ﻭﻭﺻﻠﺖ ﻭﻳﻦ ﺣﺒﻴﺖ ... ﺻﺤﻴﺘﻚ ﺳﻮﺍﺍﺭ ﻗﺮﺑﺖ ﻣﻨﻮ ﺍﻛﺜﺮ ... ﻣﻨﻌﺮﻓﺶ ﻋﻼﻩ ﻛﻼﻣﻮ ﻭﺟﻌﻨﻲ ﺍﻛﺜﺮ ... ﻫﺰﻳﺖ ﻳﺪﻱ ﻻﺧﺮﻯ ... ﺣﻄﻴﺘﻬﺎ ﻋﻠﻰ ﻳﺪﻭ ... ﻧﺤﻜﻲ ﺍﻧﺎ : ﺯ ﺯﻳﺎﺩ ... ﻭﺍﻟﻠﻪ ﻣﺶ ﻛﻴﻤﺎ ﻓﻬﻤﺖ ... ﺍﻏﺰﺭﻟﻲ ﻟﻬﺪﺭﺟﺔ ﺗﺸﻚ ﻓﻲ ﺣﺒﻲ ﻟﻴﻚ ... ﺍﻏﺰﺭﻟﻲ ﺍﻧﺎ ﺳﻮﺍﺭ ... ﺣﺒﻴﺒﺘﻚ ﺍﻧﺖ ... ﻣﺎﻛﺶ ﺑﺎﺵ ﺗﺨﻠﻴﻨﻲ ﺯﻳﺎﺩ : ﻣﻜﻨﺘﺶ ﺑﺎﺵ ﻧﺨﻠﻴﻚ ... ﻭ ﺍﺻﻼ ﻣﻌﻨﺪﻳﺶ ﻋﻼﻩ ﻧﻠﻮﻣﻚ ﺍﻧﺖ ... ﻋﻨﺪﻙ ﺣﻖ ﻣﺘﺎﺛﻘﺶ ﻓﻴﺎ ... ﻓﻲ ﺗﺎﻟﻲ ﺍﺣﻨﺎ ﺍﺧﻮﺓ ﻭ ﻧﻔﺲ ﺍﻟﺸﻲ ... ﺍﻛﺜﺮ ﺷﻲ ﻧﺪﻣﺖ ﻋﻠﻴﻪ ﺍﻧﻲ ﺣﺒﻴﺘﻚ ﻟﻬﺪﺭﺟﺔ ... ﺍﻧﻲ ﺭﺑﻄﺖ ﺣﻴﺎﺗﻲ ﺑﻴﻚ ﻭ ﻣﻨﻌﺮﻓﺶ ﻛﻴﻒ ﺑﺎﺵ ﻧﺒﺪﺍ ﻣﻦ ﻏﻴﺮﻙ ... ﺍﻣﺎ ﺯﺍﺩﺓ ﻣﺎﻧﻴﺶ ﺑﺎﺵ ﻧﻌﺬﺭﻙ ﺳﻮﺍﺭ ... ﻣﺎﻧﻴﺶ ﺑﺎﺵ ﻧﺴﺎﻣﺤﻚ ... ﺧﺎﻃﺮ ﺍﺳﺘﻐﻔﻠﺘﻨﻲ ﺗﻨﻬﺪ ﺑﺎﻟﻘﺎﻭﻱ ... ﻭ ﺟﺒﺪ ﻳﺪﻭ ﻣﻨﻲ ... ﻋﺪﺍﻫﺎ ﻋﻠﻰ ﺧﺪﻱ ﻣﺴﺢ ﺩﻣﻮﻋﻲ ... ﻭ ﺗﺒﺴﻢ ﺑﻮﺟﻴﻌﺔ ﻳﺤﻜﻲ ﺯﻳﺎﺩ : ﺍﻧﺖ ﻣﻦ ﺍﻟﻴﻮﻡ ﺣﺮﺓ ... ﻭ ﻣﺘﺨﺎﻓﺶ ﻣﺎﻧﻴﺶ ﺑﺎﺵ ﻧﺨﺒﺮ ﺍﺩﻡ ﺑﺸﻲ ... ﻛﻤﻞ ﺍﻧﺘﻘﺎﻣﻚ ﺑﺮﺍﺣﺘﻚ ... ﺧﺎﻃﺮ ﻭﻋﻮﺩﻱ ﺍﻟﻜﻞ ﻃﺎﺣﺖ ﻓﻲ ﺍﻟﻤﺎ ... ﻭ ﺍﻧﺖ ﺍﺧﺘﺮﺕ ﺍﻟﺜﻨﻴﺔ ﻫﺎﺫﻱ ... ﺭﺩ ﺑﺎﻟﻚ ﻋﻠﻰ ﺭﻭﺣﻚ ﻓﻘﺖ ﻣﻦ ﺳﺮﺣﺘﻲ ﻛﻴﻒ ﺑﻌﺪ ﻋﻠﻴﺎ ﻭ ﺧﺮﺝ ﻣﻦ ﺍﻟﺒﻴﺖ ... ﻗﺮﺑﺖ ﺧﻄﻮﺓ ﻭﻭﻗﻔﺖ ... ﺧﺮﺝ ﺍﺳﻤﻮ ﺑﻴﻦ ﺷﻔﺎﻓﻲ ... ﻃﺎﺣﺖ ﺍﻟﻤﺬﻛﺮﺓ ﻣﻦ ﻳﺪﻱ ... ﻣﻨﺠﻤﺘﺶ ﻧﺎﻗﻒ ﺍﻛﺜﺮ ... ﻃﺤﺖ ﻋﻠﻰ ﺭﻛﺎﻳﺒﻲ ﺯﻭﺯ ... ﻗﻌﺪﺕ ﻋﺎﻻﺭﺽ ... ﻧﻐﺰﺭ ﻟﻠﺒﺎﺏ ... ﺑﺎﺯ ﻟﻲ ﺻﺎﺭ ﺣﻠﻤﺔ ... ﻫﻮ ﻣﺎﻫﻮﺵ ﺑﺎﺵ ﻳﺨﻠﻴﻨﻲ ... ﻭﻋﺪﻧﻲ ﻭ ﻣﺎﻫﻮﺵ ﺑﺎﺵ ﻳﻌﻤﻠﻬﺎ ... ﻣﻨﻌﺮﻓﺶ ﻗﺪﺍﺵ ﺗﻌﺪﺍ ﻭﻗﺖ ﺑﺎﻟﻈﺒﻂ ... ﻋﻴﻨﻴﺎ ﺗﺮﻛﺰﻭ ﻓﻲ ﺍﻟﺒﺎﺏ ﻧﺴﺘﻨﻰ ﻓﻴﻪ ﻳﺮﺟﻊ ... ﺩﻣﻮﻋﻲ ﻧﺸﻔﺖ ﻋﻠﻰ ﺧﺪﻱ ... ﺷﻮﻳﺔ ﻭ ﺍﻟﺤﺲ ﺑﺪﺍ ﻳﻘﻮﺍ ﺍﻟﻠﻮﻃﺔ ... ﺧﻄﻮﺍﺕ ﻣﺎﺷﻴﺔ ﻭ ﺗﻘﺮﺏ ... ﻧﻐﺰﺭ ﻟﻌﻤﺎﺩ ﻟﻲ ﺩﺧﻞ ﻳﺠﺮﻱ ﻣﻔﺠﻮﻉ ... ﺩﻭﺏ ﺷﺎﻓﻨﻲ ﺍﻛﺎﻛﺎ ﺗﺮﻣﺎ ﻗﺪﺍﻣﻲ ... ﺣﻂ ﻳﺪﻳﻪ ﻋﻠﻰ ﻭﺟﻬﻲ ﻳﺤﻜﻲ ﻋﻤﺎﺩ : ﺳﻮﺍﺍﺭ ﺷﺼﺎﺍﺍﺭ ... ﺳﻮﺍﺍﺍﺭ ﺑﻘﻴﺖ ﻧﻐﺰﺭﻟﻮ ﻭ ﻛﻬﻮ ... ﻛﺎﻧﻮ ﻣﺶ ﻣﻮﺟﻮﺩ ﺟﻤﻠﺔ ... ﺧﺎﻟﻄﺖ ﻋﻠﻴﻪ ﺯﻳﻨﺐ ﻭﻗﻔﺖ ﺑﺤﺬﺍ ﺍﻟﺒﺎﺏ ﺗﻐﺰﺭﻟﻲ ﻣﺼﺪﻭﻣﺔ ... ﻣﻨﻌﺮﻓﺶ ﻋﻼﻩ ﻣﺨﺎﻟﻄﺶ ﻋﻠﻴﻬﻢ ... ﻋﻼﻩ ﻣﺮﺟﻌﺶ ... ﺩﻣﻮﻉ ﺯﻳﻨﺐ ﻓﻬﻤﺖ ﻣﻨﻬﻢ ﻟﻜﻠﺸﻲ ﻭﻓﺎ ... ﻻﻧﺎ ﺧﺴﺮﺕ ﺑﺎﻟﺤﻖ ... ﺗﻜﻴﺖ ﻋﻠﻰ ﻋﻤﺎﺩ ... ﻳﻌﺪﻱ ﻓﻲ ﻳﺪﻭ ﻋﻠﻰ ﺷﻌﺮﻱ ﻭ ﻳﺮﻋﺶ ﺑﺎﻟﻮﻗﺖ ... ﻳﻤﻜﻦ ﻫﻮ ﺍﻛﺜﺮ ﻣﺤﺘﺎﺟﺘﻮ ﺗﻮﺍ ... ﻧﻔﺴﻲ ﻫﺪﺍ ﺷﻮﻳﺔ ﺷﻮﻳﺔ ... ﻋﺮﻓﺖ ﻟﻬﻮ ﻣﺴﺘﺤﻴﻞ ﻳﺮﺟﻊ ... ﺳﻜﺮﺕ ﻋﻴﻨﻴﺎ ﺑﺎﻟﻮﻗﺖ ... ﺩﻗﺎﺕ ﻗﻠﺒﻲ ﻫﺪﺍﺕ ... ﺑﺪﻧﻲ ﺍﻟﻜﻞ ﺗﺮﺧﻒ ... ﻧﺴﻤﻊ ﻓﻲ ﺻﻮﺗﻬﻢ ﺑﻌﻴﺪ ﺑﺮﺷﺎ ... ﻛﻬﻮ ﻛﻼﻣﻮ ﻫﻮ ﻟﻲ ﻗﺎﻋﺪﺓ ﺗﺴﻤﻊ ﻓﻴﻪ ... ﺣﺘﻰ ﻋﻤﺎﺩ ﻧﺤﺴﻮ ﺑﻌﻴﺪ ﻋﻠﻴﺎ ﺑﺮﺷﺎ ... ﻣﻨﺠﻤﺘﺶ ﻧﺤﻞ ﻋﻴﻨﻴﺎ ... ﺷﻮﻳﺔ ﻭ ﻣﻌﺎﺩ ﺣﺎﺳﺔ ﺑﺤﺘﻰ ﺷﻲ ... ﺍﻣﺎ ﺩﺍﺧﻠﻲ ﻣﻮﺟﻮﻋﺔ ... ﻭﺟﻴﻌﺔ ﻣﺎﻫﻴﺶ ﺑﺎﺵ ﺗﺒﺮﺍ ... ﻻ ﻛﻼﻡ ﻭ ﻻ ﺍﻓﻌﺎﻝ ... ﻳﻨﺠﻢ ﻳﻬﺪﻱ ﻭﺟﻴﻌﺘﻲ ... ﻭ ﻻ ﻳﻨﺠﻢ ﻳﺤﺲ ﺷﻨﻮﺓ ﺍﻟﻠﻲ ﻗﺎﻋﺪﺓ ﻧﻌﻴﺶ ﻓﻴﻪ ... ﺗﻮﺍ ﺑﺮﻙ ﻋﺮﻓﺖ ﻗﺪﺍﺵ ﺿﻠﻤﺖ ﺭﻭﺣﻲ ... ﻧﺴﻴﺖ ﺷﻜﻮﻥ ﺍﻧﺎ ﻭ ﺑﻴﻦ ﺷﻜﻮﻥ ﻋﺎﻳﺸﺔ ... ﻭ ﺟﺮﻳﺖ ﻭﺭﺍ ﺍﺣﻼﻡ ﻣﺴﺘﺤﻴﻞ ﺍﻧﻬﺎ ﺗﻜﻤﻞ ... ﻭ ﻻ ﺍﻧﻬﺎ ﺗﺼﻴﺮ ﺟﻤﻠﺔ ... ﻭ ﺍﻧﻮ ﺍﻱ ﺣﺪ ﻳﻌﻴﺶ ﻓﻲ ﺍﺣﻀﺎﻥ ﺍﻟﻤﻮﺕ ... ﻣﺴﺘﺤﻴﻞ ﻳﻨﺠﻢ ﻳﻌﺮﻑ ﺍﻟﺤﻠﻤﺔ ﻣﻦ ﺍﻟﻮﺍﻗﻊ ☆☆☆ ﺗﻌﺮﻓﻮﻭﻭ ﻗﺪﺍﺍﺍﺵ ﻗﻌﺪﺕ ﻭ ﺍﻧﺎ ﻧﺨﻤﻢ ﻓﻲ ﺍﻟﺤﻠﻘﺔ ﻫﺎﺫﻱ ... ﻭ ﻣﻦ ﻭﻳﻦ ﺑﺎﺵ ﻧﺒﺪﺍﻫﺎ ... ﺍﻭﻝ ﻣﺮﺓ ﺣﺴﻴﺖ ﻟﻠﺤﻠﻘﺔ ﺑﺎﺵ ﺗﻜﻮﻥ ﺻﻌﻴﺒﺔ ﺑﺮﺷﺎ ... ﺣﺘﻰ ﺍﻧﻲ ﻣﻨﺠﻤﺘﺶ ﻧﻮﺻﻞ ﺍﻟﻠﻲ ﺣﺴﺎﺗﻮ ﺳﻮﺍﺭ ... ﺧﺎﻃﺮ ﻭﺣﻠﺖ ﻓﻲ ﺍﻟﺤﺮﻭﻑ ﻭ ﻣﻨﺠﻤﺘﺶ ﻧﻌﺒﺮ ... ﺑﺮﺷﺎﺍﺍ ﻣﻨﻜﻢ ﺷﻴﻠﻮﻣﻮ ﻋﻠﻰ ﺯﻳﺎﺍﺍﺩ ... ﺍﻣﺎ ﻛﺎﻥ ﻛﻞ ﻭﺣﺪﺓ ﺗﺤﺎﻭﻝ ﺗﻔﻬﻤﻮ ... ﻭ ﻃﺮﻳﻘﺔ ﺍﻟﻠﻲ ﻋﺮﻑ ﺑﻴﻬﺎ ﺍﻟﺤﻘﻴﻘﺔ ﺗﺨﻠﻴﻪ ﻳﻠﻮﻡ ﻋﻠﻰ ﺳﻮﺍﺍﺭ ... ﻭ ﻳﺤﻂ ﺑﺮﺷﺎ ﺣﺎﺟﺎﺕ ﻓﻲ ﺭﺍﺳﻮ ... ﻭ ﺭﺩ ﻓﻌﻠﻮ ﻧﺎﺣﻴﺔ ﺳﻮﺍﺭ ﻛﺎﻥ ﺳﻠﺒﻲ ... ﻭ ﺣﺎﻭﻝ ﻗﺪ ﻣﺎ ﻳﻨﺠﻢ ﻣﻴﺠﺮﺣﻬﺎﺵ ... ﺍﻣﺎ ﺯﻋﻤﺔ ﺭﺩﺓ ﻓﻌﻠﻮ ﻧﺎﺣﻴﺔ ﺧﻮﻩ ... ﻛﻴﻒ ﺑﺎﺵ ﺗﻜﻮﻥ ... ﻛﻴﻒ ﺑﺎﺵ ﻳﺘﺼﺮﻑ ... ﻭ ﻛﻴﻒ ﺷﻴﻨﺠﻢ ﻳﻮﺍﺟﻪ ﺍﺩﻡ ... ﺍﺩﻡ ﻟﻌﻄﺎﻩ ﻳﺪﻭ ﻣﻦ ﺻﻐﺮﻭ ... ﻣﻜﺎﻧﺶ ﺧﻮﻩ ﻛﻬﻮ ... ﻛﺎﻧﻮ ﺻﺤﺎﺍﺏ ﺯﺍﺩﺓ ... ﻭ ﻳﺪ ﻭﺣﺪﺓ ... ﺷﺘﻨﻔﻚ ﺍﻟﻴﺪ ﻫﺎﺫﻱ ﻭ ﻛﻞ ﺣﺪ ﻳﺎﺧﻮ ﻃﺮﻳﻘﻮ ... ﺷﻴﻌﺬﺭ ﺧﻮﻩ ﺧﺎﻃﺮ ﻫﺬﺍ ﺻﺎﺭ ﺍﻟﻜﻞ ﻗﺒﻞ ﻣﺎ ﻳﻌﺮﻑ ﺳﻮﺍﺭ ... ﻭ ﺷﻨﻴﺔ ﻣﻮﻗﻒ ﺍﺩﻡ ﺯﺍﺩﺓ ... ﻭ ﻛﻴﻒ ﺑﺎﺵ ﺗﺘﺼﺮﻑ ﺳﻮﺍﺭ ... ﻫﺬﺍ ﺗﻌﺮﻓﻮﻩ ﻓﻲ ﺍﻟﺤﻠﻘﺔ ﺍﻟﺠﺎﻳﺔ ... ﺣﻠﻘﺔ ﻣﺨﺒﻴﺔ ﺳﺮ ﺍﺧﺮ ... ﺑﺎﺵ ﻳﻜﺸﻔﻬﻮﻟﻜﻢ ﺯﻳﺎﺩ
أنت تقرأ
🔥🔞"في أحضان عزرائيل"🔞🔥( الجزء الخامس)
Romanceهيا تلمو البنات نكمللكم الكروو🙋❤ #نحبكم ❤ #شيماء
