ﺍﻧﺲﻯ ﺍﻧﻚ ﺷﻔﺘﻨﻲ ... ﻭ ﺍﻧﻚ ﺣﻜﻴﺖ ﻣﻌﺎﻳﺎ ... ﺍﻧﺴﻰ ﺍﻧﻮ ﻓﻤﺎ ﻋﻼﻗﺔ ﺑﻴﻨﺎ ﻣﻦ ﺍﻻﺳﺎﺱ ... ﻻ ﺍﻧﺖ ﺩﺧﻠﺖ ﻫﻮﻧﻲ ﻭ ﻻ ﺍﻧﺎ ﺭﻳﺘﻚ ﻭ ﻛﻠﻤﺘﻚ ﺗﺒﺴﻤﺖ ﺑﻮﺟﻴﻌﺔ ... ﺑﺤﺮﻗﺔ ﺣﺴﻴﺘﻬﺎ ﻓﻲ ﻗﻠﺒﻲ ... ﻧﺤﻜﻲ ﺍﻧﺎ : ﺍﻭﻝ ﻣﺮﺓ ﻧﻌﺮﻑ ﻻﻣﻲ ﻛﺬﺑﺖ ﻋﻠﻴﺎ ... ﻛﺬﺑﺖ ﻛﻴﻒ ﻗﺎﻟﺖ ﺑﻮﻙ ﺭﺍﺟﻞ ﺑﺎﻫﻲ ﻭ ﻛﻴﻒ ﺗﻠﻘﺎﻩ ﺣﻴﺎﺗﻚ ﺷﺘﺘﺒﺪﻝ ﻟﻼﺣﺴﻦ ... ﺧﺴﺎﺭﺓ ﺳﻨﻴﻦ ﻟﻲ ﻋﺪﻳﺘﻬﺎ ﻧﺒﻜﻲ ﻋﻠﻴﻚ ... ﻭ ﻧﻔﺮﻛﺲ ﻋﻠﻴﻚ ﻣﻦ ﺑﻼﺻﺔ ﻟﺒﻼﺻﺔ ... ﺷﻴﺠﻲ ﻧﻬﺎﺭ ﻭ ﺗﻌﺮﻑ ﻗﻴﻤﺘﻲ ... ﺳﺎﻋﺘﻬﺎ ﺗﺤﺲ ﺑﺎﻟﺨﺴﺎﺭﺓ ﻟﻲ ﺣﺴﻴﺘﻬﺎ ﺍﻧﺎ ﺗﻮﺍ ﻛﻤﻠﺖ ﻛﻼﻣﻲ ... ﻭ ﺗﻠﻔﺖ ﻋﻄﻴﺘﻮ ﺑﻈﻬﺮﻱ ... ﺍﻭﻝ ﻣﺎ ﻭﺻﻠﺖ ﻟﻠﺒﺎﺏ ... ﻛﺒﺴﺖ ﻋﺎﻟﺒﻮﺍﻧﻲ ... ﻭ ﺣﺒﺴﺖ ﻧﺤﻜﻲ ﺍﻧﺎ : ﻋﺮﺳﻲ ﻣﻦ ﺯﻳﺎﺩ ﻗﺮﻳﺐ ... ﻛﺎﻥ ﺣﺒﻴﺖ ﺍﺣﻀﺮ ﺍﻧﺖ ﻭ ﺑﻨﺘﻚ ... ﺍﺣﻨﺎ ﻣﻨﺮﺩﻭﺵ ﺿﻴﻒ ... ﻭ ﻻ ﺍﻧﺖ ﻭ ﻻ ﺣﺘﻰ ﺍﺩﻡ ﻳﻨﺠﻢ ﻳﺒﻌﺪﻧﻲ ﻋﻠﻴﻪ ﺣﻠﻴﺖ ﺍﻟﺒﺎﺏ ﻗﺒﻞ ﻣﺎ ﻳﺤﻜﻲ ﺣﺘﻰ ﻛﻠﻤﺔ ... ﻭ ﺧﺮﺟﺖ ... ﺟﺎﺕ ﻋﻴﻨﻲ ﻓﻲ ﻋﻴﻨﻮ ... ﺑﺎﻗﻲ ﻭﺍﻗﻒ ﻋﻨﺪ ﺍﻟﺒﺎﺏ ﻳﺴﺘﻨﻰ ﻓﻴﺎ ... ﺩﻭﺏ ﺭﻳﺘﻮ ﺩﻣﻮﻋﻲ ﻟﻲ ﻛﻨﺖ ﺣﺎﺻﺮﺗﻬﻢ ﻧﺰﻟﻮ ﺑﺎﻟﻮﻗﺖ ... ﻗﺮﺑﺖ ﻣﻨﻮ ﺑﺎﻟﺰﺭﺑﺔ ... ﺗﺮﻣﻴﺖ ﻋﻠﻴﻪ ﺑﺎﻟﻘﺎﻭﻱ ... ﻟﻴﻦ ﻭﺧﺮ ﻟﺘﺎﻟﻲ ... ﻫﺰ ﻳﺪﻳﻪ ﺯﻭﺯ ﺣﺎﻭﻃﻨﻲ ﺑﻴﻬﻢ ﻳﺤﻜﻲ ﺯﻳﺎﺩ : ﺳﻮﺍﺍﺭ ﺷﺒﻴﻚ ... ﺷﺼﺎﺭ ... ﻉﻣﻠﻚ ﺣﺎﺟﺔ ﻣﻨﺠﻤﺘﺶ ﻧﺮﺟﻊ ﻋﻠﻴﻪ ... ﻛﻬﻮ ﻧﺒﻜﻲ ... ﺧﻔﺖ ﻻ ﻛﻼﻣﻮ ﻳﺘﺤﻘﻖ ﻭ ﻫﻮ ﻳﻨﺠﻢ ﻳﺨﻠﻴﻨﻲ ﺯﺍﺩﺓ ... ﺗﻮﺍ ﺗﺄﻛﺪﺕ ﺍﻧﻮ ﺯﻳﺎﺩ ﻛﻬﻮ ﻟﻲ ﺑﻘﻰ ﻓﻲ ﺣﻴﺎﺗﻲ ... ﻫﻮ ﻋﻴﻠﺘﻲ ﻭ ﻛﻬﻮ ... ﻛﻞ ﻛﻠﻤﺔ ﺗﺨﺮﺝ ﻣﻨﻮ ﻧﻜﺒﺶ ﻓﻴﻪ ﺍﻛﺜﺮ ... ﻭﺳﻊ ﺑﺎﻟﻮ ﻣﻌﺎﻳﺎ ﻻﺧﺮ ﻧﻔﺲ ... ﻋﺪﺍ ﻳﺪﻭ ﻋﻠﻰ ﺷﻌﺮﻱ ﻳﺤﻜﻲ ﺯﻳﺎﺩ : ﺳﻮﺍﺍﺍﺭ ... ﻉﺯﻳﺰﺗﻲ ... ﺍﻏﺰﺭﻟﻲ ﻫﻮﻧﻲ ﺷﻌﻤﻠﻚ ﺧﻠﻴﻨﻲ ﻧﺘﺼﺮﻑ ﺗﻮﺍ ﺍﻧﺎ : ﻩ ﻫﺰﻧﻲ ﻣﻦ ﻫﻮﻧﻲ ﺍﻣﺎﻧﻚ ﺯﻳﺎﺩ : ﺳﻮﺍﺭ ﺍﻧﺎ : ﺍﻣﺎﻧﻚ ﺟﺒﺪﺕ ﺭﻭﺣﻲ ﻣﻨﻮ ﺷﻮﻳﺔ ... ﻧﺰﻝ ﻳﺪﻳﻪ ﻳﻤﺴﺤﻠﻲ ﻓﻲ ﺩﻣﻮﻋﻲ ... ﻣﺶ ﻓﺎﻫﻢ ﺷﻲ ... ﻣﺪﻳﺖ ﻳﺪﻱ ... ﻓﻬﻤﻨﻲ ﻟﻲ ﻧﺤﺐ ﻧﺸﺪﻭ ... ﺣﻄﻲ ﻳﺪﻭ ﻋﻠﻰ ﻳﺪﻱ ﻛﺒﺲ ﻋﻠﻴﺎ ... ﻛﻞ ﺧﻄﻮﺓ ﻧﺒﻌﺪ ﺑﻴﻬﺎ ﻋﺎﻟﺒﻼﺻﺔ ... ﻧﺮﺗﺎﺡ ﺍﻛﺜﺮ ... ﺛﻨﻴﺔ ﻛﺎﻣﻠﺔ ... ﻻ ﺳﺄﻟﻨﻲ ﻻ ﺣﺎﻭﻝ ﻳﻔﻬﻢ ... ﺧﺎﻃﺮ ﻳﻌﺮﻑ ﻻﻧﺎ ﻣﻨﺠﻢ ﻧﺤﻜﻲ ﺷﻲ ﺗﻮﺍ ... ﻳﻤﻜﻦ ﺍﺳﻮﺀ ﻧﻬﺎﺭ ﻋﺸﺘﻮ ﻓﻲ ﺣﻴﺎﺗﻲ ... ﻗﺪ ﻣﺎ ﺑﻨﻴﺖ ﻋﻠﻴﻪ ﺍﺣﻼﻡ ﺗﻬﺪﺕ ﻓﻲ ﻟﺤﻈﺔ ... ﻓﻘﺖ ﻣﻦ ﺳﺮﺣﺘﻲ ﻛﻴﻒ ﺭﻛﺎ ﺍﻟﻜﺮﻫﺒﺔ ... ﻭ ﺗﻠﻔﺘﻠﻲ ﻳﺤﻜﻲ ﺯﻳﺎﺩ : ﺍﻳﺠﺎ ﻧﻄﻠﻌﻮ ﻫﺰﻳﺘﻠﻮ ﺑﺮﺍﺳﻲ ﺑﺎﻫﻲ ... ﺧﺎﻟﻄﺖ ﻋﻠﻴﻪ ... ﻧﻤﺸﻲ ﻭ ﻣﻨﻌﺮﻓﺶ ﻓﺎﺵ ﻗﺎﻋﺪﺓ ﻧﺨﻤﻢ ﺑﺎﻟﻈﺒﻂ ... ﺍﻭﻝ ﻣﺎ ﺩﺧﻠﻨﺎ ﻟﺪﺍﺭ ... ﺧﻠﻴﺘﻮ ... ﻭ ﻣﺸﻴﺖ ﻟﺒﻴﺘﻮ ... ﻧﺤﻴﺖ ﻛﻮﻧﻔﺎﺭﺳﻲ .. ﻭ ﺗﺮﻣﻴﺖ ﻋﻠﻰ ﻓﺮﺷﻮ ... ﺗﻠﻜﻤﺖ ﻋﻠﻰ ﺭﻭﺣﻲ ... ﻭ ﺳﻜﺮﺕ ﻋﻴﻨﻴﺎ ... ﻻ ﻧﺤﺐ ﻧﺮﺍ ﺣﺪ ﻭ ﻻ ﻧﻘﺎﺑﻞ ﺣﺪ ﺣﺘﻰ ﺯﻳﺎﺩ ... ﻧﺤﺐ ﻧﻨﺴﻰ ﻟﻲ ﺭﻳﺘﻮ ﻭ ﻟﻲ ﻋﺸﺘﻮ ... ﻧﺤﺐ ﻧﻨﺴﻰ ﻭﺟﻬﻮ ... ﻭ ﻛﻼﻣﻮ ... ﻧﺤﺐ ﻧﻤﺤﻲ ﻫﺎﻟﻨﻬﺎﺭ ﻣﻦ ﺫﺍﻛﺮﺗﻲ ... ﻛﺎﻧﻮ ﻻ ﺻﺎﺭ ﺓ ﻻ ﻛﺎﻥ ... ﺍﻭﻝ ﻣﺮﺓ ﻧﺤﺲ ﺭﻭﺣﻲ ﺑﺤﺎﺟﺔ ﻟﺤﺪ ... ﻣﻨﻌﺮﻓﺶ ﺷﻜﻮﻥ ﺑﺎﻟﻈﺒﻂ ... ﻳﻤﻜﻦ ﺍﻣﻲ ... ﻧﺤﺐ ﻋﻠﻴﻬﺎ ﺗﻮﺍ ... ﻋﺎﻻﻗﻞ ﻧﺮﺗﺎﺡ ﻣﻦ ﺍﻟﻠﻲ ﻗﺎﻋﺪﺓ ﻧﺤﺲ ﻓﻴﻪ ... ﺍﻣﺎ ﺍﻟﺤﺎﺟﺔ ﺍﻟﻠﻲ ﺑﻘﺎﺕ ﺩﻭﺭ ﻓﻲ ﻣﺨﻲ ﺍﻧﻮ ﻛﺎﻥ ﻫﻮ ﺧﺒﺮ ﺯﻳﺎﺩ ﺑﺎﻟﺤﻘﻴﻘﺔ ﺑﺎﺵ ﻳﺨﻠﻴﻨﻲ ... ﺯﻋﻤﺔ ﻳﻌﻤﻠﻬﺎ ... ﻣﺴﺘﺤﻴﻞ ... ﺧﺎﻃﺮ ﻫﻮ ﻳﺤﺒﻨﻲ ... ﻭ ﻣﻬﻤﺎ ﺻﺎﺭ ﺷﻴﺒﻘﻰ ﻣﻌﺎﻳﺎ ... ﻭ ﺷﻴﺒﻘﻰ ﻟﻴﺎ ﻛﻬﻮ
أنت تقرأ
🔥🔞"في أحضان عزرائيل"🔞🔥( الجزء الخامس)
Romanceهيا تلمو البنات نكمللكم الكروو🙋❤ #نحبكم ❤ #شيماء
