ﺍﻧﺎ : ﻋﻼﻩ ﻣﻜﻠﻤﺘﻨﻴﺶ ﺍﻧﺖ ﺯﻳﻨﺐ : ﺍﻧﺎ ﻣﻠﻴﺤﺔ ﺍﺩﻡ ... ﻭ ﺍﻧﺖ ﺯﺍﺩﺓ ﻭﺭﺍﻙ ﺧﺪﻣﺔ ... ﻳﻜﻔﻲ ﻻﻧﺖ ﻋﻤﻠﺘﻮ ﻋﻠﻰ ﺧﺎﻃﺮﻧﺎ ﻟﺘﻮﺍ ﻫﺰﻳﺖ ﻳﺪﻱ ﺣﻄﻴﺘﻬﺎ ﻋﻠﻰ ﺷﻌﺮﻫﺎ ... ﺗﻨﻬﺪﺕ ﺑﺎﻟﻘﺎﻭﻱ ﻧﺤﻜﻲ ﺍﻧﺎ : ﻣﻌﺎﺩﺵ ﻧﺤﺐ ﻧﺴﻤﻌﻮ ﺍﻟﻜﻼﻡ ﻫﺬﺍ ﺑﺎﻫﻲ ﺯﻳﻨﺐ : ﻣﻌﻨﺎﻫﺎ ﺍﻧﺖ ﻣﺶ ﻣﻘﻠﻖ ﻣﻦ ﻓﻜﺮﺓ ﻻﺣﻨﺎ ﻣﻌﺎﻙ ﻧﺰﻟﺖ ﺑﻴﺪﻱ ﻣﻦ ﺷﻌﺮﻫﺎ ... ﻟﻜﺘﻔﻬﺎ ﻛﺒﺴﺖ ﻋﻠﻴﻬﺎ ﻭ ﺟﺒﺪﺗﻬﺎ ﻋﻨﺪﻱ ... ﺣﻄﺖ ﺭﺍﺳﻬﺎ ﻋﻠﻰ ﺻﺪﺭﻱ ... ﺗﻜﻴﺖ ﺭﺍﺳﻲ ﻟﺘﺎﻟﻲ ... ﻧﺤﻜﻲ ﺍﻧﺎ : ﻻ ﺑﺎﻟﻌﻜﺲ ﺯﻳﻨﺐ ... ﺍﻟﺪﺍﺭ ﻫﺎﺫﻱ ﻛﺎﻧﺖ ﺑﺎﺭﺩﺓ ﺑﺮﺷﺎ ﻗﺒﻞ ﻣﺎ ﺟﻮ ﻟﻴﻬﺎ ﻧﺘﻮﻣﺎ ... ﺍﻭﻝ ﻣﺮﺓ ﺑﻌﺪ ﺳﻨﻴﻦ ﻧﺤﺲ ﺍﻧﻮ ﺩﺍﺭ ﻫﺎﺫﻱ ﻓﻴﻬﺎ ﺭﻭﺡ ... ﻭ ﻧﺤﺐ ﻧﺮﺟﻊ ﻟﻴﻬﺎ ﻛﻞ ﻋﺸﻴﺔ ﻫﺰﺕ ﻳﺪﻫﺎ ﺣﻄﺘﻬﺎ ﻋﻠﻰ ﺻﺪﺭﻱ ... ﻛﺒﺴﺖ ﺑﻴﺪﻫﺎ ﻋﻠﻰ ﺳﻮﺭﻳﺘﻲ ... ﺗﺤﻜﻲ ﺯﻳﻨﺐ : ﺗﻌﺮﻑ ﺣﺎﺟﺔ ﺍﺩﻡ ... ﻭﻻ ﻣﺮﺓ ﺗﻮﻗﻌﺖ ﺍﻧﻲ ﺑﺎﺵ ﻧﻘﺮﺏ ﻣﻨﻚ ﻟﻬﺪﺭﺟﺔ ﺍﻧﺎ : ﻋﻼﻩ ﺯﻳﻨﺐ : ﻣﻨﻌﺮﻓﺶ ... ﺕﻱ ﺣﺘﻰ ﻛﻨﺖ ﻧﺨﺎﻑ ﻧﻘﺮﺏ ﻣﻨﻚ ﺧﻄﻮﺓ ... ﻳﺎﺳﺮ ﻋﺎﻗﺪﻫﺎ ﺍﻧﺖ ﺍﻧﺎ : ﺻﺎﺍﺍﺭ ... ﻭ ﺍﻧﺖ ﻳﺎ ﻓﺮﺧﺔ ﻛﻨﺖ ﻣﺴﺘﻌﺪﺓ ﺩﻳﻤﺎ ﻟﻠﻬﺠﻮﻡ ... ﻋﻠﻰ ﻫﺬﺍﻛﺎ ﻛﻨﺖ ﻧﺮﺍﻙ ﻣﺘﻮﺣﺸﺔ ﺯﻳﻨﺐ؛ﻫﺬﻳﻜﺎ ﺭﺩﺓ ﻓﻌﻠﻲ ﺩﻳﻤﺎ ... ﻳﻤﻜﻦ ﻫﺬﻳﻜﺎ ﺍﻟﻄﺮﻳﻘﺔ ﺍﻟﻮﺣﻴﺪﺓ ﺍﻟﻠﻲ ﻧﺠﻢ ﻧﺪﺍﻓﻊ ﻋﻠﻰ ﺭﻭﺣﻲ ﺑﻴﻬﺎ ﻣﻦ ﺍﻟﺼﻐﺮﺓ ... ﻛﻞ ﻣﺮﺓ ﻛﻨﺖ ﻧﻌﻤﻞ ﺍﻛﺎﻛﺎ ﻛﻴﻒ ﻳﻘﺮﺏ ﻣﻨﻲ ﻭﻟﺪ ﺧﺎﻟﻲ ﻭﻻ ﺍﻱ ﺣﺪ ﻏﻴﺮﻭ ... ﻛﻨﺖ ﻣﺴﺘﻌﺪﺓ ﻧﻌﻤﻞ ﺍﻱ ﺷﻲ ﺍﻟﻤﻬﻢ ﻫﻮ ﻣﻴﻘﺮﺑﻠﻴﺶ ﻭ ﻣﻴﺤﻄﺶ ﻳﺪﻭ ﻋﻠﻴﺎ ﻛﻼﻣﻬﺎ ﺭﺟﻌﻨﻲ ﺑﺎﻟﺰﻣﺎﻥ ﻟﺘﺎﻟﻲ ... ﺭﺟﻌﻨﻲ ﻟﻠﻜﻼﻡ ﺍﻟﻠﻲ ﻗﺎﻟﺘﻮ ﺳﻮﺍﺭ ... ﺍﻧﺎ ﺑﻴﺪﻱ ﺣﻄﻤﺖ ﻋﻴﻠﺔ ﻛﺎﻣﻠﺔ ... ﻭ ﺣﻄﻤﺖ ﺧﻮﻳﺎ ﺯﺍﺩﺓ ... ﺗﻨﻬﺪﺕ ﻧﺤﻜﻲ ﺍﻧﺎ : ﺍﻧﺎ ﺯﺍﺩﺓ ﻣﺠﺮﻡ ﻛﺒﻴﺮ ﺯﻳﻨﺐ ... ﺍﻛﺜﺮ ﻣﺎ ﺗﺘﻮﻗﻊ ﺯﺍﺩﺓ ﺯﻳﻨﺐ : ﻻﺍﺍ ﺍﻧﺖ ﻣﺎﻛﺶ ﻣﺠﺮﻡ ... ﻣﺴﺘﺤﻴﻞ ﺗﻜﻮﻥ ﻫﻜﺎ ﻛﺒﺴﺖ ﻋﻠﻴﻬﺎ ﺑﻴﺪﻱ ... ﻭﻧﺰﻟﺖ ﺑﺴﺘﻬﺎ ﻣﻦ ﺭﺍﺳﻬﺎ ... ﻧﺤﻜﻲ ﺍﻧﺎ : ﺷﺮﺍﻳﻚ ﺗﻄﻠﻊ ﻟﺒﻴﺘﻚ ﺗﺮﺗﺎﺡ ﺷﻮﻳﺔ ﺯﻳﻨﺐ؛ﻣﻨﺤﺒﺶ ﺍﻧﺎ : ﺗﺤﺐ ﺗﺎﻛﻮﻝ ﺷﻲ ﺯﻳﻨﺐ : ﻻ ﺧﻠﻴﻚ ﻫﻮﻧﻲ ﻣﻌﺎﻳﺎ ﺗﺒﺴﻤﺖ ﻋﻠﻰ ﺟﻨﺐ ... ﻛﻴﻒ ﻛﺒﺴﺖ ﻋﻠﻴﺎ ﺍﻛﺜﺮ ... ﻣﺼﻐﺮﻫﺎ ﺍﻟﻔﺮﺧﺔ ... ﻭﻻ ﻣﺮﺓ ﺗﻮﻗﻌﺖ ﺍﻧﻲ ... ﺑﺎﺵ ﻧﻮﺻﻞ ﻧﻘﻌﺪ ﻣﻌﺎﻫﺎ ﻫﻜﺎ ﻭﻻ ﻧﺤﻀﻨﻬﺎ ... ﺍﻟﻠﻲ ﻧﺤﺴﻮ ﻣﻊ ﺯﻳﻨﺐ ﻏﺮﻳﺐ ﺑﺮﺷﺎ ... ﻣﻨﺠﻤﺶ ﻧﻘﺮﺏ ﻣﻨﻬﺎ ﺍﻛﺜﺮ ... ﻭ ﺯﺍﺩﺓ ﻣﻨﺠﻤﺶ ﻧﺒﻌﺪ ﻋﻠﻴﻬﺎ ... ﻳﺎﺳﺮ ﻧﺤﺴﻬﺎ ﺻﻐﻴﺮﺓ ... ﻭ ﺣﺘﻰ ﻫﻲ ﻇﻠﻤﺘﻬﺎ ﺩﻧﻴﺎ ﻣﻦ ﺻﻐﺮﻫﺎ ... ﺍﺻﻼ ﺳﺘﺎﻧﺴﺖ ﺑﻴﻬﻢ ﻓﻲ ﺩﺍﺭ ﻫﻮﻧﻲ ... ﺣﺘﻰ ﺍﻟﺴﻬﺮﺍﺕ ﻭ ﺧﺪﻣﺎﺕ ﺍﻟﻠﻴﻞ ﻗﺼﻴﺖ ﻋﻠﻴﻬﻢ ... ﺑﺎﺵ ﻣﻨﺨﻠﻴﻬﻤﺶ ﻭﺣﺪﻫﻢ ﺍﻛﺜﺮ .. ﻧﻌﺮﻑ ﻻﺧﺮ ﺍﻟﺜﻨﻴﺔ ﻫﺎﺫﻱ ﺑﺎﺵ ﺗﻜﻮﻥ ﻣﺴﻜﺮﺓ ... ﺍﻣﺎ ﻳﻜﻔﻲ ﺍﻧﻲ ﻧﻌﻴﺶ ﺍﻟﻠﺤﻈﺎﺕ ﻫﺬﻭﻣﺎ ﻣﻦ ﻏﻴﺮ ﻣﺎ ﻧﺨﻤﻢ ﺷﻨﻮﺓ ﺍﻟﻠﻲ ﺑﺎﺵ ﻳﺼﻴﺮ ﻏﺪﻭﺓ ﺯﻳﺎﺩ ﻳﺤﻜﻲ : ﻧﺰﻟﺖ ﻣﻦ ﺍﻟﻜﺮﻫﺒﺔ ... ﺍﻟﺒﻼﺻﺔ ﻳﺎﺳﺮ ﻋﺎﻟﻴﺎ ... ﻗﺮﺑﺖ ﺷﻮﻳﺔ ﻧﻐﺰﺭﻟﻮ ﻭﺍﻗﻒ ﻳﻐﺰﺭ ﺍﻟﻠﻮﻃﺔ ﻭﻋﺎﻃﻲ ﺑﺎﻟﻈﻬﺮ ... ﻣﻨﻌﺮﻓﺶ ﻋﻼﻩ ﻃﻠﺒﻨﻲ ... ﻭﻻ ﺷﻨﻴﺔ ﻳﺤﺐ ﻣﻦ ﺍﻟﻠﻘﺎﺀ ﻫﺬﺍ ... ﺍﻣﺎ ﻣﻨﺠﻤﺘﺶ ﻧﺮﻓﺾ ﻃﻠﺒﻮ ... ﻗﺮﺑﺖ ﻣﻨﻮ ﺑﺨﻄﻮﺍﺕ ﺛﺎﺑﺘﺔ ﻭﺭﺯﻳﻨﺔ ... ﻭﻗﻔﺖ ﻗﺪﺍﻣﻮ ﺑﺎﻟﻘﺪﺍ ... ﻏﺰﺭﺕ ﻟﻠﺒﺤﺮ ﺍﻟﻠﻮﻃﺔ ... ﺍﻣﻮﺍﺟﻮ ﻳﺎﺳﺮ ﻋﺎﻟﻴﺔ ... ﺍﻟﺠﻮ ﻣﻐﻴﻢ ﻭ ﻇﺎﻫﺮ ﺣﺘﻰ ﺍﻻﺧﺒﺎﺭ ﺍﻟﻠﻲ ﺑﺎﺵ ﻧﺴﻤﻌﻬﺎ ﺭﺍﺡ ﺗﻐﻤﻨﻲ ﺑﺮﺷﺎ ... ﻣﺤﺎﻭﻟﺘﺶ ﻧﺴﺄﻟﻮ ﻭﻻ ﺣﺘﻰ ﻧﻐﺰﺭﻟﻮ ... ﺟﻴﺴﺖ ﻭﺍﻗﻒ ﺑﺤﺬﺍﻩ ... ﻧﺴﺘﻨﻰ ﻓﻴﻪ ﻳﺤﻜﻲ ﻭ ﻳﻔﺴﺮ ﺍﻟﻠﻲ ﻳﺤﺎﻭﻝ ﻳﻌﻤﻠﻮ ... ﺣﻄﻴﺖ ﻳﺪﻳﺎ ﺯﻭﺯ ﻓﻲ ﻣﻜﺎﺗﺒﻲ ... ﻧﺴﻤﻊ ﻓﻴﻪ ﻳﺤﻜﻲ ﻳﻌﻘﻮﺏ : ﺳﺘﻨﻴﺖ ﻧﻬﺎﺭ ﻫﺬﺍ ﺑﺮﺷﺎ ... ﻭ ﺍﻧﺖ ﺯﺍﺩﺓ ... ﺍﻣﺎ ﺳﻮﺍﺭ ﺳﺒﻘﺖ ﺑﺨﻄﻮﺓ ﻭ ﻛﺸﻔﺘﻨﻲ ... ﻋﻠﻰ ﻫﺬﺍﻛﺎ ﺑﺎﺵ ﻳﻜﻮﻥ ﻟﻘﺎﺀﻧﺎ ﻋﺎﺩﻱ ﺑﺮﺷﺎ
أنت تقرأ
🔥🔞"في أحضان عزرائيل"🔞🔥( الجزء الخامس)
Romanceهيا تلمو البنات نكمللكم الكروو🙋❤ #نحبكم ❤ #شيماء
