ﺍﺩﻡ ﻳﺤﻜﻲ : ﻛﺒﺴﺖ ﻋﻠﻰ ﻳﺪﻱ ... ﻛﺎﻥ ﻧﺰﻳﺪ ﺩﻗﻴﻘﺔ ﻫﻮﻧﻲ ﻧﻄﺮﺷﻖ ... ﻧﻌﺮﻓﻮ ﺑﺎﻟﻘﺪﺍ ... ﺍﻟﻤﺸﺮﻭﻉ ﻟﻲ ﻋﻄﺎﻩ ﻟﺴﻮﺍﺭ ﻣﺨﺒﻲ ﻭﺭﺍﻩ ﺑﺮﺷﺎ ﺣﺎﺟﺎﺕ ... ﺍﻣﺎ ﻣﺎﻧﻴﺶ ﺑﺎﺵ ﻧﺨﻠﻴﻪ ﻳﻮﺻﻞ ﻟﻲ ﻳﺤﺐ ﻋﻠﻴﻪ ... ﺗﻨﻬﺪﺕ ﺑﺎﻟﻘﺎﻭﻱ ﻭﺧﺮﺟﺖ ﻭﺭﺍ ﺯﻳﺎﺩ ... ﺗﻌﺪﻳﺖ ﻋﻠﻴﻬﺎ ﻣﻦ ﻏﻴﺮ ﻣﺎ ﻧﺤﻜﻲ ﻣﻌﺎﻫﺎ ... ﺍﻭﻝ ﻣﺎ ﺭﻛﺒﺖ ... ﻃﻠﻌﺖ ﺭﺍﺳﻲ ﻧﻐﺰﺭﻟﻬﺎ ﻣﺨﺎﻟﻄﺔ ﻋﻠﻴﺎ ... ﻣﺒﻬﻤﺔ ﻭ ﻣﺶ ﻓﺎﻫﻤﺔ ﺷﻲ ... ﺷﻌﺮﺍﺗﻬﺎ ﻃﺎﻳﺤﻴﻦ ﻋﻠﻰ ﻭﺟﻬﺎ ... ﺟﺒﺘﻬﺎ ﺑﺎﺵ ﻧﻌﻮﺿﻬﺎ ﺷﻮﻳﺔ ﻋﻠﻰ ﻟﻲ ﺻﺎﺭ ... ﻳﺎﺧﻲ ﻃﻠﻌﺖ ﻟﻴﻠﺔ ﻛﻠﺒﺔ ... ﺍﻭﻝ ﻣﺎ ﺭﻛﺒﺖ ... ﻃﺮﺕ ﺑﺎﻟﻜﺮﻫﺒﺔ ... ﻣﻦ ﻏﻴﺮ ﺣﺘﻰ ﻛﻠﻤﺔ ... ﺗﻔﻜﻴﺮﻱ ﺍﻟﻜﻞ ﻣﻊ ﺩﻧﻴﺰ ... ﻧﻘﺼﺪ ﺳﻮﺍﺭ ... ﻭﻻ ﻣﺮﺓ ﺟﺎ ﻓﻲ ﺑﺎﻟﻲ ﻟﻲ ﻫﻮﻣﺎ ﻭﺣﺪﺓ ... ﻣﺘﻮﻗﻌﺘﺶ ﺩﻧﻴﺰ ﻫﻲ ﻧﻔﺴﻬﺎ ﺳﻮﺍﺭ ... ﻛﺒﺴﺖ ﻋﺎﻟﻔﻮﻟﻮﻥ ﺑﻴﺪﻳﺎ ﺍﻟﺰﻭﺯ ... ﺍﻭﻝ ﻣﺮﺓ ﻧﺤﺲ ﺭﻭﺣﻲ ﺳﺎﻗﻂ ﻟﻬﺪﺭﺟﺔ ... ﺍﻭﻝ ﻣﺮﺓ ﻧﺤﺲ ﺭﻭﺣﻲ ﻋﻤﻠﺖ ﺍﻛﺒﺮ ﻏﻠﻄﺔ ﻓﻲ ﺣﻴﺎﺗﻲ ... ﺍﻧﻲ ﻧﺪﻣﺮ ﻃﻔﻠﺔ ﺑﺎﺵ ﻧﺎﺧﻮ ﺑﺤﻘﻲ ... ﺑﻘﻴﻨﺎ ﻃﻮﻝ ﺍﻟﺜﻨﻴﺔ ﺳﺎﻛﺘﻴﻦ ... ﺣﺘﻰ ﺍﻧﺎ ﻣﺶ ﻃﺎﻳﻖ ﻧﺤﻜﻲ ﺣﺮﻑ ... ﻭﻻ ﻧﻔﺴﺮ ﻟﻲ ﺻﺎﺭ ﺟﻤﻠﺔ ... ﺍﻭﻝ ﻣﺎ ﻭﺻﻠﺖ ﺷﺪﻳﺖ ﺍﻟﻔﺮﺍﻥ ﺑﺎﻟﻘﺎﻭﻱ ﻭﻧﺰﻟﺖ ... ﺧﺎﻟﻄﺖ ﻋﻠﻴﺎ ﺗﻤﺸﻲ ﻭﺭﺍﻳﺎ ... ﺣﻠﻴﺖ ﺍﻟﺒﺎﺏ ... ﻟﻘﻴﺖ ﺭﺍﺿﻴﺔ ﻧﺎﺯﻟﺔ ﻣﻦ ﺩﺭﻭﺝ ... ﺍﺻﻼ ﻛﻠﻤﺘﻬﺎ ﺯﻳﻨﺐ ﺑﺎﺵ ﺗﺘﻠﻬﻰ ﺑﻤﻼﻙ ﻟﻴﻦ ﻧﺮﺟﻌﻮ ... ﻏﺰﺭﺗﻠﻲ ﺗﺤﻜﻲ ﺭﺍﺿﻴﺔ : ﻣﻼﻙ ﺭﻗﺪﺕ ﺗﻮﺍ ... ﻭ ﻛﻲ ﺟﻴﺘﻮ ﺍﻧﺎ ﺑﺎﺵ ﻧﻤﺸﻲ ﻫﺰﻳﺘﻠﻬﺎ ﺑﺮﺍﺳﻲ ﺑﺎﻫﻲ ... ﺍﺻﻼ ﻣﻌﺎﺩﺵ ﻧﺠﻢ ﻧﺤﻜﻲ ... ﻧﺤﺲ ﻓﻲ ﺭﺍﺳﻲ ﺑﺎﺵ ﻳﻄﺮﺷﻖ ... ﺩﺧﻠﺖ ﻟﺼﺎﻟﺔ ... ﻫﺰﻳﺖ ﺍﻟﺪﺑﻮﺯﺓ ﻭ ﺍﻟﻜﺎﺳﺔ ﻓﻲ ﻳﺪﻱ ... ﻭﺗﺮﻣﻴﺖ ﻋﺎﻟﻔﻮﺗﺎﻱ ... ﻣﻨﻌﺮﻓﺶ ﻗﺪﺍﺵ ﻣﻦ ﻛﺎﺳﺔ ﺷﺮﺑﺖ ... ﺍﻣﺎ ﻣﺤﺴﻴﺘﺶ ﺭﻭﺣﻲ ﻫﺪﻳﺖ ﻭﻻ ﻧﺴﻴﺖ ﻛﻠﻤﺔ ... ﺍﻧﺎ ﺑﻌﻤﻠﺘﻲ ﻣﺶ ﻫﺪﻳﺖ ﻋﻴﻠﺔ ﻛﺎﻣﻠﺔ ... ﻭﻻ ﺣﻴﺎﺓ ﻃﻔﻠﺔ ﻣﻨﻌﺮﻓﻬﺎﺵ ... ﺍﻧﺎ ﺑﻌﻤﻠﺘﻲ ﺣﺮﻗﺖ ﺧﻮﻳﺎ ... ﺗﻮﺍ ﻋﺮﻓﺖ ﻋﻼﻩ ﺧﻼﻫﺎ ﻧﻬﺎﺭ ﺍﻟﻌﺮﺱ ... ﺗﻮﺍ ﺗﺄﻛﺪﺕ ﻻﻧﺎ ﺟﺮﺣﺘﻮ ﻣﻦ ﻏﻴﺮ ﻗﺼﺪ ... ﻣﻨﻌﺮﻓﺶ ﻋﻼﻩ ﺣﺒﻴﺖ ﻧﻠﻮﻣﻮ ... ﺍﻣﺎ ﻣﻨﺤﺒﻮﺵ ﻳﺨﺴﺮﻫﺎ ﺑﺴﺒﺐ ﻋﻤﻠﺘﻲ ... ﻣﻨﺤﺒﻮﺵ ﻳﺨﻠﻴﻬﺎ ﺟﺮﺗﻲ ﺍﻧﺎ ... ﺣﺘﻰ ﺍﺫﺍ ﻣﺤﺒﺶ ﻳﻄﻠﻊ ﻓﻲ ﻭﺟﻬﻲ ﻣﺮﺓ ﺍﺧﺮﻯ ... ﺍﻣﺎ ﻧﻌﺮﻑ ﺑﺎﻟﻈﺒﻂ ﺷﻨﻮﺓ ﻟﻲ ﻗﺎﻋﺪﻳﻦ ﻳﻌﻴﺸﻮ ﻓﻴﻪ ... ﺣﺘﻰ ﺑﺮﻏﻢ ﻟﻲ ﺻﺎﺭ ﻟﺤﻨﺎﻥ ﺍﻟﻜﻞ ... ﻣﻜﺎﻧﺶ ﻋﻨﺪﻱ ﺍﺳﺘﻌﺪﺍﺩ ﻧﺨﻠﻴﻬﺎ ... ﻭﻻ ﻧﻌﻄﻴﻬﺎ ﺑﻈﻬﺮﻱ ... ﻛﺎﻥ ﻣﺶ ﺳﺎﻗﻂ ﻗﺘﻠﻬﺎ ... ﻛﺒﺴﺖ ﻋﺎﻟﻜﺎﺳﺔ ﺍﻛﺜﺮ ﻟﻴﻦ ﺗﻜﺴﺮﺕ ﻓﻲ ﻳﺪﻱ ... ﺣﻠﻴﺘﻬﺎ ﻧﻐﺰﺭ ﻟﻲ ﺩﻡ ﻟﻲ ﻧﺎﺯﻝ ﻣﻨﻬﺎ ... ﻣﺎ ﻳﺠﻲ ﺷﻲ ﻗﺪﺍﻡ ﺍﻟﻮﺟﻴﻌﺔ ﻟﻲ ﻗﺎﻋﺪ ﻧﺤﺲ ﻓﻴﻬﺎ ... ﻏﻤﻀﺖ ﻋﻴﻨﻴﺎ ﺑﺎﻟﻘﺎﻭﻱ ... ﺗﻌﺪﺍﺕ ﺻﻮﺭﺗﻬﺎ ﺑﻴﻦ ﻋﻴﻨﻴﺎ ... ﻛﺎﻥ ﻣﺰﺍﻟﺖ ﻣﻌﺎﻳﺎ ﻟﺘﻮﺍ ... ﻣﺴﺘﺤﻴﻞ ﻛﺎﻥ ﻳﺼﻴﺮ ﻫﺬﺍ ﺍﻟﻜﻞ ... ﻃﻠﻌﺖ ﺭﺍﺳﻲ ﻧﻐﺰﺭﻟﻬﺎ ﻭﺍﻗﻔﺔ ﺑﺤﺬﺍ ﺍﻟﺒﺎﺏ ... ﻗﺮﺑﺖ ﻣﻨﻲ ﻋﺎﻟﻠﺨﺮ ... ﻗﻌﺪﺕ ﻋﺎﻟﻄﺎﻭﻟﺔ ﻣﻘﺎﺑﻠﺘﻨﻲ ... ﺣﻄﺖ ﻳﺪﻫﺎ ﻋﻠﻰ ﻳﺪﻱ ... ﻛﺒﺴﺖ ﻋﻠﻴﻬﺎ ... ﺣﻠﻴﺘﻬﺎ ﺷﻮﻳﺔ ﺷﻮﻳﺔ ... ﻧﻐﺰﺭﻟﻬﺎ ﺗﻨﺤﻲ ﻓﻲ ﺍﻟﻘﺰﺍﺯ ﻣﻦ ﻳﺪﻱ ﻣﻦ ﻏﻴﺮ ﻣﺎ ﺗﻐﺰﺭﻟﻲ ... ﻧﻐﺰﺭ ﻟﺪﻡ ﻟﻲ ﻧﺎﺯﻝ ﻋﻠﻰ ﺭﺑﺘﻬﺎ ﺍﻟﺒﻴﻀﺔ ... ﺗﺒﺴﻤﺖ ﻋﻠﻰ ﺟﻨﺐ ... ﻣﻔﻤﺎ ﺣﺘﻰ ﺣﺪ ﻗﺮﺏ ﻣﻨﻲ ... ﻭ ﻣﺘﻤﺴﺨﺶ ﺑﺎﻟﺪﻡ ... ﺣﺘﻰ ﻫﻲ ﻛﺎﻧﺖ ﺑﺎﺵ ﺗﻤﻮﺕ ﺟﺮﺍﻳﺮﻱ ... ﺗﻨﻬﺪﺕ ﻧﺤﻜﻲ ﺍﻧﺎ : ﻣﺎﻛﺶ ﺧﺎﻳﻔﺔ ﻣﻨﻲ ﺍﻧﺘﻲ ﻃﻠﻌﺖ ﺭﺍﺳﻬﺎ ﺷﻮﻳﺔ ﻏﺰﺭﺗﻠﻲ ... ﻋﻴﻨﻴﻬﺎ ﻳﻠﻤﻌﻮ ﺑﺪﻣﻮﻉ ... ﻫﺰﺗﻠﻲ ﺑﺮﺍﺳﻬﺎ ﻻ ... ﺗﺒﺴﻤﺖ ﺑﺎﺳﺘﻬﺰﺍﺀ ... ﻭﻛﻤﻞﺕ ﻧﺤﻜﻲ ﺍﻧﺎ : ﺍﻱ ﺣﺪ ﻳﻘﺮﺑﻠﻲ ﺑﺎﺵ ﻳﻌﻴﺶ ﻓﻲ ﺍﻟﺠﺤﻴﻢ ... ﺍﻧﺖ ﻣﺴﺘﻌﺪﺓ ﺑﺎﺵ ﺗﻌﻴﺶ ﻓﻴﻪ ﻫﺰﺗﻠﻲ ﺑﺮﺍﺳﻬﺎ ﺍﻳﻪ ... ﻫﺰﻳﺖ ﻳﺪﻱ ﻻﺧﺮﻯ ... ﺑﻌﺪﺗﻠﻬﺎ ﺷﻌﺮﺍﺗﻬﺎ ﻟﻲ ﻃﺎﻳﺤﻴﻦ ﻋﻠﻰ ﻭﺟﻬﺎ ... ﻧﺤﻜﻲ ﺍﻧﺎ : ﻣﺰﻟﺖ ﺻﻐﻴﺮﺓ ﻋﺎﻟﻜﻼﻡ ﻫﺬﺍ ... ﻭ ﻣﺘﻌﺮﻓﺶ ﺷﻨﻴﺔ ﻟﻲ ﺗﻌﻤﻞ ﻓﻴﻪ ﻧﺰﻟﺖ ﺭﺍﺳﻬﺎ ... ﻛﺒﺴﺖ ﻋﻠﻰ ﻳﺪﻱ ﺷﻮﻳﺔ ... ﻭﺭﺟﻌﺖ ﻏﺰﺭﺗﻠﻲ ﻓﻲ ﻋﻴﻨﻴﺎ ... ﺗﺤﻜﻲ ﺯﻳﻨﺐ : ﺍ ﺍﻧﺖ ﺗﺤﺐ ﺩﻧﻴﺰ ... ﻧﻘﺼﺪ ﺱ ﺳﻮﺍﺭ ﺗﺒﺴﻤﺖ ﻋﻠﻰ ﺟﻨﺐ ... ﻣﻨﻌﺮﻓﺶ ﻋﻼﻩ ﺧﻤﺖ ﻫﻜﺎ ﺑﺎﻟﻈﺒﻂ ... ﺑﻘﺎﺕ ﺗﺴﺘﻨﻰ ﻓﻴﺎ ﻧﺠﺎﻭﺑﻬﺎ ... ﻫﺒﻄﺖ ﺭﺍﺳﻬﺎ ﻣﺘﺤﺒﺶ ﺗﻐﺰﺭﻟﻲ ﺍﻛﺜﺮ ... ﻧﺰﻟﺖ ﺑﺼﻮﺍﺑﻌﻲ ﻋﻠﻰ ﺧﺪﻫﺎ ... ﻃﻠﻌﺘﻠﻬﺎ ﺭﺍﺳﻬﺎ ... ﺟﺎﺕ ﻋﻴﻨﻲ ﻣﻊ ﻋﻴﻨﻬﺎ ... ﺧﺬﻳﺖ ﻧﻔﺲ ﻧﺤﻜﻲ ﺍﻧﺎ : ﺍﻧﺎ ﺣﺒﻴﺖ ﻣﺮﺓ ﻭﺣﺪﺓ ﻭ ﻣﺮﺍ ﻭﺣﺪﺓ ﻛﻬﻮ ... ﺣﺒﻴﺖ ﻣﺮﺗﻲ ... ﻭ ﻗﺪ ﻣﺎ ﺣﺎﻭﻟﺖ ﻣﻨﺠﻤﺘﺶ ﻧﻌﻴﺶ ﻣﻦ ﻏﻴﺮﻫﺎ ... ﻭ ﻻ ﻧﻔﻜﺮ ﻓﻲ ﺣﺪ ﻏﻴﺮﻫﺎ ... ﻭ ﺳﻮﺍﺭ ﺩﻣﺮﺗﻬﺎ ﺟﺮﺓ ﺍﻟﺤﺐ ﻫﺬﺍ ... ﺩﻣﺮﺕ ﺯﻳﺎﺩ ﺯﺍﺩﺓ ... ﻭ ﺑﺮﺷﺎ ﺣﺎﺟﺎﺕ ﺍﺧﺮﻯ ﻣﺎﻫﻴﺶ ﺑﺎﺵ ﺗﺘﺼﻠﺢ
أنت تقرأ
🔥🔞"في أحضان عزرائيل"🔞🔥( الجزء الخامس)
Romanceهيا تلمو البنات نكمللكم الكروو🙋❤ #نحبكم ❤ #شيماء
