ﺧﺬﻳﺖ ﻧﻔﺲ ﻭﻗﺮﺑﺖ ﻣﻨﻮ ﻋﺎﻟﻠﺨﺮ ... ﻭﻗﻔﺖ ﻗﺪﺍﻣﻮ ﺑﺎﻟﻈﺒﻂ ... ﻏﺰﺭﺗﻠﻮ ﻓﻲ ﻋﻴﻨﻴﻪ ﻭ ﻛﻤﻠﺖ ﻛﻼﻣﻲ ﻧﺤﻜﻲ ﺍﻧﺎ : ﺍﻣﺎ ﺍﻧﺎ ﻣﺶ ﻛﻴﻔﻜﻢ ... ﺗﻌﺮﻑ ﻋﻼﻩ ﺍﺩﻡ ... ﺧﻮﻳﺎ ﺍﻟﻐﺎﻟﻲ ... ﺧﺎﻃﺮﻧﻲ ﻣﻌﻨﺪﻳﺶ ﻧﻔﺲ ﺍﻟﺠﺸﻊ ﻣﺘﺎﻋﻜﻢ ﻭ ﻻ ﺍﻧﺎﻧﻴﺘﻜﻢ ... ﻭ ﻻ ﺣﺘﻰ ﺩﻣﻜﻢ ... ﺩﻡ ﺗﻮﻓﻴﻖ ﻋﺒﺪ ﺍﻟﺴﻼﻡ ﺑﻘﻰ ﻳﻐﺰﺭﻟﻲ ... ﻋﻤﺮﻱ ﻣﺎ ﺗﻮﻗﻌﺖ ﺍﻧﻲ ﻧﺎﻗﻒ ﻗﺪﺍﻣﻮ ﻭ ﻻ ﻧﻮﺍﺟﻬﻮ ﺑﺎﻟﻜﻼﻡ ﻫﺬﺍ ... ﻭ ﻻ ﻧﺤﺎﻭﻝ ﻧﻔﺮﻛﺲ ﻓﻲ ﺍﻟﻤﺎﺿﻲ ﻟﻴﻪ ﺳﻨﻴﻦ ﺗﺴﻜﺮ ... ﻣﻦ ﺍﻭﻝ ﻧﻬﺎﺭ ﺣﻂ ﻳﺪﻭ ﻓﻲ ﻳﺪﻱ ﻭ ﺧﺮﺟﻨﻲ ﻣﻦ ﺍﻟﺒﻘﻌﺔ ﻫﺬﻳﻜﺎ ... ﻋﻼﻗﺘﻲ ﺑﻴﻪ ﻭﻻﺕ ﺍﻗﻮﻯ ﻣﻦ ﻋﻼﻗﺔ ﺍﻟﺪﻡ ... ﻫﺰﻳﺖ ﻳﺪﻱ ﺣﻄﻴﺘﻬﺎ ﻋﻠﻰ ﻛﺘﻔﻮ ... ﺟﻴﺖ ﺑﺎﺵ ﻧﺤﻜﻲ ﺍﻣﺎ ﺳﻜﺖ ... ﺳﻜﺖ ﺧﺎﻃﺮ ﻧﺤﺲ ﺍﻟﻜﻼﻡ ﻭﺣﻞ ﻓﻲ ﺣﻠﻘﻲ ... ﻭ ﻣﻠﻘﻴﺘﺶ ﺷﻨﻴﺔ ﻧﻘﻮﻝ ﻭ ﻻ ﻧﻔﺴﺮ ﺍﻛﺜﺮ ... ﺍﻟﻠﻲ ﻋﻤﻠﻮ ﺍﺩﻡ ﻛﺴﺮﻟﻲ ﻇﻬﺮﻱ ... ﺣﺘﻰ ﻛﺎﻥ ﻣﺤﺒﻴﺘﺶ ﺳﻮﺍﺭ ... ﻭ ﻻ ﻣﺘﻠﻘﻴﺘﻬﺎﺵ ﻓﻲ ﺣﻴﺎﺗﻲ ﺟﻤﻠﺔ ... ﻣﻜﻨﺘﺶ ﺷﻨﺘﻘﺒﻞ ﻟﻲ ﻋﻤﻠﻮ ... ﻣﻜﻨﺘﺶ ﺑﺎﺵ ﻧﺴﺎﻣﺤﻮ ﺧﺎﻃﺮ ﺍﻛﺜﺮ ﺣﺪ ﻳﻌﺮﻑ ﺷﻨﻴﺔ ﻟﻲ ﺗﻌﺪﺍ ﻋﻠﻴﻨﺎ ﺟﺮﺍﻳﺮ ﺍﻟﺤﻜﺎﻳﺎﺕ ﻫﺬﻭﻣﺎ ... ﺭﺧﻔﺖ ﻳﺪﻱ ﺷﻮﻳﺔ ﺷﻮﻳﺔ ﻭﻭﺧﺮﺕ ﻟﺘﺎﻟﻲ ﻣﻦ ﻏﻴﺮ ﻣﺎ ﻧﺰﻝ ﻋﻴﻨﻲ ﻣﻨﻮ ... ﻳﻐﺰﺭﻟﻲ ﺑﻐﺶ ﻭ ﻟﻮﻡ ﻓﺮﺩ ﻭﻗﺖ ... ﺧﺬﻳﺖ ﻧﻔﺲ ... ﻭ ﺗﻠﻔﺖ ﻋﻄﻴﺘﻮ ﺑﻈﻬﺮﻱ ... ﻫﺰﻳﺖ ﻳﺪﻱ ﻣﺴﺤﺖ ﺍﻟﺪﻡ ﻟﻲ ﺑﺎﻗﻲ ﻧﺎﺯﻝ ﻣﻦ ﺧﺸﻤﻲ ... ﻣﻨﻌﺮﻓﺶ ﻛﻴﻒ ﺧﺮﺟﺖ ﻣﻦ ﺩﺍﺭ ﻭﻭﺻﻠﺖ ﻟﻠﻜﺮﻫﺒﺔ ... ﺍﻭﻝ ﻣﺮﺓ ﻧﺤﺲ ﺭﻭﺣﻲ ﻣﻬﺪﻭﺩ ﻟﻬﺪﺭﺟﺔ ... ﺍﻭﻝ ﻣﺮﺓ ﻣﻨﺠﻤﺶ ﻧﺘﺼﺮﻑ ... ﻋﻤﺮﻱ ﻣﺎ ﺗﻮﻗﻌﺖ ﺷﻨﺨﺴﺮ ﺍﻛﺜﺮ ﺯﻭﺯ ﻧﺤﺒﻬﻢ ﻓﺮﺩ ﻣﺮﺓ ... ﺧﻮﻳﺎ ﻭ ﻣﺮﺗﻲ ... ﺗﺒﺴﻤﺖ ﺑﻮﺟﻴﻌﺔ ﻭ ﺿﺮﺑﺖ ﻳﺪﻱ ﻋﺎﻟﻔﻮﻟﻮﻥ ... ﻣﺰﻟﺖ ﻧﻘﻮﻝ ﻣﺮﺗﻲ ... ﻣﺰﻟﺖ ﻧﺤﺴﻬﺎ ﻗﻄﻌﺔ ﻣﻨﻲ ... ﻛﻞ ﻣﺮﺓ ﻛﻨﺖ ﻧﻌﺬﺭ ﺗﺼﺮﻓﺎﺗﻬﺎ ... ﻛﻞ ﻣﺮﺓ ﻛﻨﺖ ﻧﻘﻮﻝ ﺻﻐﻴﺮﺓ ... ﺍﻣﺎ ﻣﺘﻮﻗﻌﺘﺶ ﻟﻬﻲ ﻣﺘﻨﺠﻤﺶ ﺗﺎﺛﻖ ﻓﻴﺎ ﺣﺘﻰ ﺷﻮﻳﺔ ... ﺍﻧﻮ ﺗﺨﺒﻲ ﻋﻠﻴﺎ ﺍﻟﻠﻲ ﺻﺎﺭ ... ﺍﻧﺎ ﺗﺨﻠﻴﺖ ﻋﻠﻰ ﺑﺮﺷﺎ ﺣﺎﺟﺎﺕ ﻋﻠﻰ ﺧﺎﻃﺮﻫﺎ ... ﺣﺘﻰ ﻗﻮﺍﻧﻴﻦ ﺧﺪﻣﺘﻲ ﺣﻄﻴﺘﻬﺎ ﻋﻠﻰ ﺟﻨﺐ ... ﻛﻨﺖ ﺷﻨﺨﻠﻲ ﻛﻠﺸﻲ ﺑﺎﺵ ﺗﺒﻘﻰ ﻣﻌﺎﻳﺎ ... ﺍﻣﺎ ﻣﺠﺎﺗﺶ ﻓﻲ ﺑﺎﻟﻲ ﺍﻧﻬﺎ ﺷﺘﺤﻄﻨﻲ ﻓﻲ ﺍﻟﻤﻮﻗﻒ ﻫﺬﺍ ... ﺭﺍﺳﻲ ﻧﺤﺴﻮ ﺑﺎﺵ ﻳﻄﺮﺷﻖ ... ﻣﻨﻌﺮﻓﺶ ﻛﻴﻒ ﻟﻘﻴﺖ ﺭﻭﺣﻲ ﻗﺎﻋﺪ ﺑﺤﺬﺍ ﻗﺒﺮ ﺍﻣﻲ ... ﻋﺪﻳﺖ ﻳﺪﻱ ﻋﻠﻰ ﺗﺮﺍﺑﻬﺎ ... ﻳﻤﻜﻦ ﻛﺎﻥ ﻣﺠﻴﻨﺎﺵ ﻟﺘﻮﻧﺲ ﺟﻤﻠﺔ ... ﻛﺎﻥ ﺭﺟﻌﻨﺎ ﻣﻦ ﺍﻭﻝ ﻓﺮﺻﺔ ... ﻣﻜﻨﺘﺶ ﺑﺎﺵ ﻧﺨﺴﺮ ﺍﻣﻲ ﻭ ﺑﺎﺑﺎ ... ﻣﻜﻨﺘﺶ ﻧﻌﻴﺶ ﺍﻟﻜﺎﺑﻮﺱ ﻫﺬﺍ ... ﻳﻤﻜﻦ ﻛﻨﺖ ﺷﻨﺘﻠﻘﺎ ﺳﻮﺍﺭ ﻓﻲ ﻇﺮﻭﻑ ﺍﺣﺴﻦ ... ﻏﻤﻀﺖ ﻋﻴﻨﻴﺎ ﺑﺎﻟﻘﺎﻭﻱ ﻭﺭﺟﻊ ﻓﺘﺤﺘﻬﻢ ... ﻗﻠﺒﻲ ﺩﻕ ﺑﺎﻟﻘﺎﻭﻱ ﺗﻮﺍ ﻛﻬﻮ ﺍﺳﺘﻮﻋﺒﺖ ﻟﻲ ﻋﻤﻠﺘﻮ ... ﻣﻜﺎﻧﺶ ﻻﺯﻡ ﻧﺨﻠﻴﻬﺎ ... ﻣﻜﺎﻧﺶ ﻻﺯﻡ ﻧﻌﻤﻞ ﻫﻜﺎ ... ﻣﻨﻌﺮﻓﺶ ﻋﻼﻩ ﺣﺴﻴﺖ ﺑﺎﻟﺬﻧﺐ ... ﺭﻏﻢ ﺍﻟﻮﺟﻴﻌﺔ ﻟﻲ ﺣﺴﻴﺘﻬﺎ ﻣﻨﻬﺎ ... ﺍﻧﺎ ﺯﺍﺩﺓ ﻣﺎ ﻧﻔﺮﻕ ﺷﻲ ﻋﻠﻰ ﺍﺩﻡ ... ﺍﻧﺎ ﺯﺍﺩﺓ ﻣﻦ ﺍﻻﻭﻝ ﺳﺘﻐﻠﻴﺘﻬﺎ ... ﻭ ﻛﺎﻥ ﻣﺤﺒﻴﺘﻬﺎﺵ ... ﻛﺎﻥ ﺑﺎﺵ ﻳﺼﻴﺮ ﻓﻴﻬﺎ ﺍﻛﺜﺮ ﻣﻦ ﻫﻜﺎ ... ﺍﺣﻨﺎ ﺯﻭﺯ ﻋﻨﺪﻧﺎ ﻳﺪ ﻓﻲ ﺍﻟﻠﻲ ﺻﺎﺭ ... ﺗﻮﺍ ﻓﻬﻤﺖ ﺗﻮﺗﺮﻫﺎ ﻛﻴﻒ ﻛﻞ ﻣﺮﺓ ﻧﺤﻜﻲ ﻋﻠﻰ ﺍﺩﻡ ... ﺍﻣﺎ ﻟﻲ ﻗﺎﻫﺮﻧﻲ ﺍﻛﺜﺮ ... ﻋﻼﻩ ﻭ ﻻ ﻣﺮﺓ ﻭﺛﻘﺖ ﻓﻴﺎ ... ﻋﻼﻩ ﺩﻳﻤﺎ ﺗﺤﻂ ﻓﻲ ﺣﻮﺍﺟﺰ ﻟﻌﻼﻗﺘﻲ ﺑﻴﻬﺎ ... ﺣﺒﻬﺎ ﻭﺣﺪﻭ ﻣﻴﻜﻔﻴﺶ ﺑﺎﺵ ﺗﻜﻤﻞ ﻣﻌﺎﻳﺎ ﻟﺘﺎﻟﻲ ... ﻧﻌﺮﻑ ﺭﻭﺣﻲ ﻻﻧﺎ ﺯﺍﺩﺓ ﻏﻠﻄﺖ ﺑﺮﺷﺎ ... ﺍﻣﺎ ﻣﻨﺠﻤﺶ ﻧﺮﺟﻊ ﻟﺘﺎﻟﻲ ... ﻣﻨﺠﻤﺶ ﻧﻤﺸﻲ ﻋﻨﺪﻫﺎ ﺍﻟﻤﺮﺓ ﻫﺎﺫﻱ ... ﻣﻨﺠﻤﺶ ﻧﻌﻄﻴﻬﺎ ﻳﺪﻱ ... ﺍﻣﺎ ﻓﺮﺩ ﻭﻗﺖ ﻣﻨﺠﻤﺶ ﻧﺒﻌﺪ ﻋﻠﻴﻬﺎ ... ﻭﺳﻂ ﻫﺬﺍ ﺍﻟﻜﻞ ﻧﻠﻮﺝ ﻋﻠﻰ ﺍﻋﺬﺍﺭ ﻧﺠﻢ ﻧﻔﺴﺮ ﺑﻴﻬﻢ ﻟﻲ ﺻﺎﺭ ... ﺗﻜﻴﺖ ﺭﺍﺳﻲ ﻟﺘﺎﻟﻲ ... ﻳﻤﻜﻦ ﺍﻣﻲ ﺑﺮﻙ ﻟﻲ ﻧﺠﻢ ﻧﺮﺗﺎﺡ ﻣﻌﺎﻫﺎ ﺗﻮﺍ ... ﻣﻨﻌﺮﻓﺶ ﻗﺪﺍﺵ ﺑﻘﻴﺖ ﻗﺎﻋﺪ ﻏﺪﻳﻜﺎ ... ﺩﻧﻴﺎ ﻇﻼﻣﺖ ﻭ ﺍﻟﺠﻮ ﺑﺮﺩ ﺍﻛﺜﺮ ... ﻫﺰﻳﺖ ﺭﻭﺣﻲ ﺑﺎﻟﺴﻴﻒ ... ﺭﺟﻌﺖ ﻟﻠﻜﺮﻫﺒﺔ ... ﻟﻘﻴﺖ ﺭﻭﺣﻲ ﻗﺪﺍﻡ ﺩﺍﺭﻫﺎ ... ﺗﻨﻬﺪﺕ ﺑﺎﻟﻘﺎﻭﻱ ... ﻭ ﻛﻤﻠﺖ ﺛﻨﻴﺘﻲ ﻣﻨﺤﺒﺶ ﻧﻀﻌﻒ ﻣﻦ ﺍﻭﻝ ﻣﺮﺓ ... ﺍﻭﻝ ﻣﺎ ﻭﺻﻠﺖ ﻟﺪﺍﺭ ... ﺣﻠﻴﺖ ﺍﻟﺒﺎﺏ ﻭ ﺩﺧﻠﺖ ... ﻗﻠﺒﻲ ﺩﻕ ﺑﺎﻟﻘﺎﻭﻱ ... ﻣﻜﻨﺘﺶ ﺑﺎﺵ ﻧﺪﺧﻠﻬﺎ ﺍﻟﻴﻮﻡ ﻣﻦ ﻏﻴﺮﻫﺎ ... ﻛﻠﺸﻲ ﻛﺎﻥ ﺑﺎﺵ ﻳﻜﻮﻥ ﺍﺣﺴﻦ ... ﻋﺪﻳﺖ ﻋﻴﻨﻴﺎ ﻋﺎﻟﺼﺎﻟﺔ ... ﻛﻞ ﺗﺮﻛﻴﻨﺔ ﺫﻛﺮﻧﻲ ﻓﻴﻬﺎ ... ﺭﻛﺒﻨﻲ ﺍﻟﻌﺼﺐ ﺍﻛﺜﺮ ... ﻛﻠﺸﻲ ﺟﺎ ﻋﻠﻰ ﻳﺪﻱ ﻛﺴﺮﺗﻮ ... ﻫﺰﻳﺖ ﺩﺑﻮﺯﺓ ﻓﻲ ﻳﺪﻱ ﻭ ﺗﺮﻣﻴﺖ ﻋﺎﻟﻔﻮﺗﺎﻱ ... ﻋﺪﻳﺖ ﺍﻟﻠﻴﻠﺔ ﺍﻟﻜﻞ ﻛﺎﺳﺔ ﻭﺭﺍ ﺍﺧﺘﻬﺎ ... ﻭ ﺷﻲ ﻻ ﻧﺠﻤﺖ ﻧﻨﺴﻰ ﻭ ﻻ ﻧﺘﻨﺎﺳﻰ ﻟﻲ ﺻﺎﺭ ... ﻭ ﻣﻨﻌﺮﻓﺶ ﺍﻟﻴﻤﺎﺕ ﺍﻟﻠﻲ ﺟﺎﻳﻴﻦ ﻛﻴﻒ ﺑﺎﺵ ﻧﻌﺪﻳﻬﻢ ... ﻭ ﻻ ﺣﺘﻰ ﻛﻴﻒ ﻧﺠﻢ ﻧﺒﻌﺪﻫﺎ ﻋﻠﻴﺎ ... ﻭ ﻻ ﻧﺒﻌﺪ ﻋﻠﻴﻬﺎ ... ﻭ ﺍﻧﺎ ﺍﻛﺜﺮ ﺣﺪ ﻣﺘﺄﻛﺪ ﻃﻮﻝ ﻣﻦ ﺍﻟﺠﻨﻴﺮﺍﻝ ﻭﺭﺍﻧﺎ ... ﻣﺎﻫﻮﺵ ﺑﺎﺵ ﻳﺨﻠﻴﻬﺎ ﺗﺮﺗﺎﺡ ... ﻭ ﺷﻴﺴﺘﻐﻞ ﺍﻭﻝ ﻓﺮﺻﺔ ﺟﻴﻪ ﺑﺎﺵ ﻳﺮﺟﻊ ﻳﺪﻣﺮﻫﺎ ... ﻋﻠﻰ ﻫﺬﺍﻛﺎ ﻣﻬﻤﺎ ﺻﺎﺭ ﺍﻧﺎ ﻣﺎﻧﻴﺶ ﺑﺎﺵ ﻧﻌﻄﻴﻪ ﺍﻟﻔﺮﺻﺔ ﻫﺎﺫﻱ .. ﻭ ﺷﻴﻠﻘﺎﻧﻲ ﻓﻲ ﻭﺟﻬﻮ ﻓﻲ ﻛﻞ ﻣﺎ ﻳﺤﺎﻭﻝ ﻳﻘﺮﺏ ﺧﻄﻮﺓ ﻭﺣﺪﺓ ﻣﻨﻬﺎ
أنت تقرأ
🔥🔞"في أحضان عزرائيل"🔞🔥( الجزء الخامس)
Romanceهيا تلمو البنات نكمللكم الكروو🙋❤ #نحبكم ❤ #شيماء
