ﻋﻄﻴﺘﻮ ﺑﻈﻬﺮﻱ ﻣﻦ ﻏﻴﺮ ﻣﺎ ﻧﺴﻤﻊ ﺣﺘﻰ ﻛﻠﻤﺔ ﺍﺧﺮﻯ ﻣﻨﻮ ... ﻧﻌﺮﻑ ﻟﺤﻄﻴﺖ ﺳﺎﻗﻲ ﻓﻲ ﺟﻬﻨﻢ ... ﻭ ﻣﺴﺘﺤﻴﻞ ﻧﺮﺟﻊ ﻟﺘﺎﻟﻲ ... ﻭ ﻣﺘﺄﻛﺪﺓ ﻟﺘﻮﻓﻴﻖ ﺑﺎﺵ ﻳﻌﻤﻞ ﺧﻄﻮﺓ ﻳﺤﺎﻭﻝ ﻳﺎﺧﻮ ﺑﻴﻬﺎ ﺍﻻﺩﻟﺔ ... ﻋﻠﻰ ﻫﺬﺍﻛﺎ ﻣﺎﻧﻴﺶ ﺑﺎﺵ ﻧﻌﻄﻴﻪ ﺍﻟﻔﺮﺻﺔ ﻫﺎﺫﻱ ... ﻧﻤﺸﻲ ﻭ ﺗﻔﻜﻴﺮﻱ ﺑﻌﻴﺪ ﺑﺮﺷﺎ ... ﻣﻨﻌﺮﻓﺶ ﻛﻴﻒ ﻭﺻﻠﺖ ﻟﺪﺍﺭ ... ﺩﺧﻠﺖ ﻟﻠﻜﻮﺟﻴﻨﺔ ... ﺣﻀﺮﺕ ﺳﻨﺪﻭﻳﺘﺶ ﺧﻔﻴﻒ ﻭ ﻗﻌﺪﺕ ﻧﺎﻛﻮﻝ ﻓﻴﻪ ... ﺍﻛﺜﺮ ﺷﻲ ﻛﺮﻫﺘﻮ ﺍﻟﺪﺍﺭ ﻫﺎﺫﻱ ... ﻛﻞ ﻣﺮﺓ ﻧﺪﺧﻠﻬﺎ ... ﻧﺤﺲ ﻗﻠﺒﻲ ﻏﻢ ﻋﻠﻴﺎ ... ﺧﺎﺻﺔ ﺑﻌﺪ ﻣﺎ ﻓﺮﻏﺖ ﻫﻜﺎ ... ﻭ ﺣﺘﻰ ﻃﺮﻳﻘﺔ ﻣﺎ ﻧﺠﻢ ﻧﻠﻬﻲ ﺑﻴﻬﺎ ﺭﻭﺣﻲ ... ﻛﻠﺸﻲ ﻗﺎﻋﺪ ﻳﺪﻭﺭ ﺑﻴﻦ ﻋﻴﻨﻴﺎ ... ﻫﺰﻳﺖ ﺗﻠﻴﻔﻮﻧﻲ ... ﻭ ﻣﺸﻴﺖ ﻟﺼﺎﻟﺔ ﺗﺮﻣﻴﺖ ﻋﺎﻟﻔﻮﺗﺎﻱ ... ﻳﻤﻜﻦ ﻛﺎﻥ ﺣﻜﻴﺖ ﻟﺰﻳﺎﺩ ﻣﻦ ﻗﺒﻞ ... ﻣﻜﻨﺘﺶ ﺧﺴﺮﺕ ﻧﺎﺱ ﺍﻟﻜﻞ ... ﺍﻣﺎ ﻛﻞ ﻣﺮﺓ ... ﻛﻨﺖ ﻧﻮﺻﻞ ﺑﺎﺵ ﻧﺤﻜﻲ ... ﻛﺎﻥ ﻳﺮﺟﻌﻨﻲ ﺑﺨﻄﻮﺍﺕ ﻟﺘﺎﻟﻲ ... ﺩﻳﻤﺎ ﻭ ﻛﻞ ﻣﺮﺓ .. ﻳﻘﻮﻝ ﻟﻬﻮ ﻣﺴﺘﺤﻴﻞ ﻳﺨﻠﻲ ﺧﻮﻩ ... ﻭ ﻣﺴﺘﻌﺪ ﻳﺨﻠﻲ ﻛﻠﺸﻲ ﻋﻠﻰ ﺧﺎﻃﺮﻭ ... ﺣﻴﺎﺗﻲ ﺍﻟﻜﻞ ﺗﻌﺪﺍﺕ ﻛﺬﺑﺔ ﺟﺮﺍﻳﺮﻫﻢ ... ﻣﻌﺎﺩﺵ ﻧﻌﺮﻑ ﺷﻜﻮﻥ ﻧﺼﺪﻕ ... ﻭ ﻻ ﻓﻲ ﺷﻜﻮﻥ ﻧﺎﺛﻖ ... ﻫﺰﻳﺖ ﺗﻠﻴﻔﻮﻧﻲ ... ﺣﻠﻴﺖ ﺍﻟﺘﺴﺠﻴﻞ ﻭ ﺣﻄﻴﺘﻮ ﻋﺎﻟﻄﺎﻭﻟﺔ ... ﻭ ﺗﻜﻴﺖ ﻟﺘﺎﻟﻲ ... ﺭﻣﻴﺖ ﻳﺪﻱ ﻧﻄﻔﻲ ﻭ ﻧﺸﻌﻞ ﻓﻲ ﺿﻮ ﺍﻟﻔﻴﻮﺯ ... ﻓﺮﺩ ﻭﻗﺖ ﻛﻼﻡ ﺗﻮﻓﻴﻖ ﻭﻫﻮ ﻳﺘﻌﺎﻭﺩ ... ﺧﻼﻧﻲ ﻧﺤﺲ ﺑﺮﺍﺣﺔ ﻏﺮﻳﻴﺔ ... ﻭ ﻫﺬﺍ ﺑﺎﺵ ﻳﻜﻮﻥ ﺩﻟﻴﻞ ﺍﺧﺮ ﻋﻠﻴﻪ ... ﺍﻋﺘﺮﺍﻑ ﺭﺳﻤﻲ ﻟﺤﻀﺮﺓ ﺗﻮﻓﻴﻖ ﻋﺒﺪ ﺍﻟﺴﻼﻡ ... ﺣﺒﺲ ﺻﻮﺗﻮ ﻛﻴﻒ ﻧﻮﻗﺰ ﺗﻠﻴﻔﻮﻧﻲ ... ﻫﺰﻳﺖ ﺭﻭﺣﻲ ﺷﻮﻳﺔ ... ﻧﻐﺰﺭ ﻟﺮﻗﻢ ﺟﺪﻳﺪ ... ﺑﺎﻗﻲ ﻳﻄﻠﺐ ﻭ ﻳﻌﺎﻭﺩ ... ﻫﺰﻳﺖ ﻋﻠﻴﻪ ﻭ ﺗﻜﻴﺖ ﻟﺘﺎﻟﻲ ... ﻧﺴﻤﻊ ﻓﻴﻪ ﻳﺤﻜﻲ ﺗﻮﻓﻴﻖ : ﺩﻧﻴﻴﻴﺰ ﺍﻧﺎ : ﻣﻤﻤﻢ ﺳﻲ ﺗﻮﻓﻴﻖ ﺍﻟﻘﻠﻮﺏ ﻋﻨﺪ ﺑﻌﻀﻬﺎ ... ﺣﺘﻰ ﺍﻧﺎ ﻛﻨﺖ ﻧﻔﻜﺮ ﻓﻴﻚ ﺗﻮﺍ ﺗﻮﻓﻴﻖ : ﺍﻧﺎ ﻣﻮﺍﻓﻖ ﻋﻠﻰ ﺷﺮﻭﻃﻚ ... ﺍﻣﺎ ﻋﻨﺪﻱ ﺷﺮﻁ ﻟﻴﻚ ﺍﻧﺎ : ﻣﻤﻢ ﻻ ﺍﻧﺖ ﻣﻌﻨﺪﻙ ﺣﺘﻰ ﺷﺮﻁ ... ﻭ ﺧﺼﻮﺻﻲ ﻟﻴﺎ ﺍﻧﺎ ... ﺍﻧﺎ ﻛﻬﻮ ﻟﻨﺤﻂ ﺷﺮﻭﻁ ﻭ ﺍﻟﻘﻮﺍﻋﺪ ﻓﻲ ﺍﻟﻠﻌﺒﺔ ﻫﺎﺫﻱ ﺑﺎﻫﻲ ﺳﻲ ﺗﻮﻓﻴﻖ ﺗﻮﻓﻴﻖ : ﺍﺳﻤﻌﻨﻲ ﻣﺶ ﺍﻧﺖ ﻟﻲ ﺗﺤﻄﻨﻲ ﺗﺤﺖ ﺍﻣﺮ ﺍﻟﻮﺍﻗﻊ ... ﻭ ﻣﺶ ﻣﻌﻨﺎﻫﺎ ﻭﺍﻓﻘﺖ ﺷﺮﻭﻃﻚ ﺑﺎﺵ ﺗﻌﻤﻞ ﻟﻲ ﺗﺤﺐ ﻋﻠﻴﻪ ﺍﻧﺎ : ﺣﺪ ﻣﺎ ﺟﺒﺮﻙ ﺗﻮﺍﻓﻖ ... ﻭ ﺗﻮﺍ ﻧﺠﻢ ﻧﻘﻠﻚ ﺷﻨﺤﺐ ﺍﻭﻝ ﺣﺎﺟﺔ ... ﻭ ﻻ ﻋﻨﺪﻙ ﻛﻼﻡ ﺍﺧﺮ ﺗﻮﻓﻴﻖ : ﺷﺘﺤﺐ ﺍﻧﺎ : ﻣﻤﻢ ﺩﺧﻠﻨﺎ ﻓﻲ ﺻﺤﻴﺢ ... ﻣﻼ ﺍﺳﻤﻌﻨﻲ ... ﺍﻭﻝ ﺣﺎﺟﺔ ﻧﺤﺐ ﺍﻟﻤﺸﺮﻭﻉ ﺍﻟﺘﺎﻟﻲ ﻳﺘﺤﻮﻝ ﻻﺳﻤﻲ ... ﺗﻌﺮﻑ ﻣﺸﺮﻭﻉ ﺷﻨﻮﺓ ... ﻻﻧﺖ ﺷﺮﻳﻚ ﻓﻴﻪ ﻣﻊ ﻭﻻﺩﻙ ﺯﻭﺯ ... ﻧﻈﻦ ﻫﺬﺍ ﺍﻛﺒﺮ ﻣﺸﺮﻭﻉ ﺩﺧﻠﺘﻮ ﻓﻲ ﺣﻴﺎﺗﻚ ﺗﻮﻓﻴﻖ : ﺍﻧﺖ ﺑﺎﺯ ﻫﺒﻠﺖ ﺍﻧﺎ : ﻣﺘﺨﺎﻓﺶ ﻣﺎﻧﻴﺶ ﺑﺎﺵ ﻧﻀﺮﻙ ... ﻭ ﺑﺎﺵ ﺗﺎﺧﻮ ﺣﻘﻚ ﺗﻮﻓﻴﻖ : ﺷﻘﺼﺪﻙ ﺩﻧﻴﺰ ﺍﻧﺎ : ﻣﻌﺎﻧﺎﻫﺎ ﺍﻧﺎ ﺑﺎﺵ ﻧﺘﺮﺃﺱ ﺍﻟﻤﺸﺮﻭﻉ ... ﻭ ﻧﻜﻮﻥ ﺷﺮﻳﻜﺔ ﻟﻴﻬﻢ ... ﻭ ﻳﺎﺭﻳﺖ ﻳﺒﻘﻰ ﻫﺬﺍ ﺳﺮ ﺑﻴﻨﺎ ... ﻭ ﻗﺒﻞ ﺣﻔﻠﺔ ﺍﻟﺘﺮﻭﻳﺞ ﺗﻮﻓﻴﻖ : ﺍﻧﺎ ﺍﻧﺎ : ﺍﻧﺖ ﺑﺎﺵ ﺗﻮﺍﻓﻖ ﻣﻌﻨﺪﻛﺶ ﺣﻞ ﺍﺧﺮ ﺗﻮﻓﻴﻖ : ﺏ ﺑﺎﻫﻲ ... ﻏﺪﻭﺓ ﺗﻮﺻﻠﻚ ﺍﻭﺭﺍﻕ ﺻﺤﺢ ﻋﻠﻴﻬﺎ ﺍﻧﺎ : ﺑﺎﺍﻫﻲ ... ﻧﺤﺐ ﺷﻲ ﺍﺧﺮ ﺗﻮﻓﻴﻖ : ﺷﻨﻮﺓ ﺯﺍﺩﺓ ﺍﻧﺎ : ﻧﺤﺒﻚ ﺗﻌﺮﺽ ﻳﻌﻘﻮﺏ ﺍﻻﺩﺭﻳﺴﻲ ﻟﻠﺤﻔﻠﺔ ... ﻭ ﻳﺎﺭﻳﺖ ﻣﺘﺨﺒﺮﻭﺵ ﻻﻧﺎ ﺑﺎﺵ ﻧﻜﻮﻥ ﻣﻮﺟﻮﺩﺓ ﺗﻮﻓﻴﻖ : ﻭﻳﻦ ﺗﺤﺐ ﺗﻮﺻﻞ ﺍﻧﺎ : ﺍﻧﺖ ﺗﻨﻔﺬ ﻛﻬﻮ ... ﻳﺎ ﺭﻳﺖ ﻣﻌﺎﺩﺵ ﺗﺴﺄﻟﻨﻲ ... ﻭ ﺻﺪﻗﻨﻲ ﻣﺎﻧﻴﺶ ﺑﺎﺵ ﻧﻐﺪﺭﻙ ... ﻣﻌﻨﺪﻳﺶ ﻧﻴﺔ ﻫﻜﺎ ﺗﻮﻓﻴﻖ : ﺑﺎﻫﻲ ﻧﺰﻟﺖ ﺗﻠﻴﻔﻮﻧﻲ ﻭ ﻋﻠﻘﺖ ﻋﻠﻴﻪ ... ﺣﻜﺎ ﻣﻌﺎﻳﺎ ﻓﻲ ﻭﻗﺘﻮ ... ﺑﺎﺵ ﻧﺠﻢ ﻧﺎﺧﻮ ﺧﻄﻮﺓ ﺍﺧﺮﻯ ... ﻫﺰﻳﺖ ﺭﻭﺣﻲ ﻃﻠﻌﺖ ﻟﺒﻴﺘﻲ .. ﺗﺮﻣﻴﺖ ﻋﺎﻟﺴﺮﻳﺮ ... ﻣﻨﻌﺮﻑﺵ ﻛﻴﻒ ﻫﺰﻧﻲ ﻧﻮﻡ ﻭ ﻏﻔﻴﺖ ... ﻓﻘﺖ ﻋﻠﻰ ﺣﻠﻤﺔ ﺧﺎﻳﺒﺔ ... ﻧﻄﺮﺕ ﻣﻦ ﺑﻼﺻﺘﻲ ﺟﻴﺖ ﻗﺎﻋﺪﺓ ... ﺣﻄﻴﺖ ﻳﺪﻱ ﻋﻠﻰ ﻗﻠﺒﻲ ﻧﺤﺴﻮ ﺑﺎﺵ ﻳﺨﺮﺝ ﻣﻦ ﺑﻘﻌﺘﻮ ... ﻋﺪﻳﺖ ﻳﺪﻳﺎ ﺯﻭﺯ ﻋﻠﻰ ﺭﻗﺒﺘﻲ ... ﻧﻤﺴﺢ ﻓﻲ ﺍﻟﻌﺮﻕ ﻟﻲ ﻳﺼﺐ ﻋﻠﻴﺎ ... ﻣﻨﻌﺮﻓﺶ ﻋﻼﻩ ﺧﻔﺖ ﻟﻬﺪﺭﺟﺔ ... ﻭ ﺍﻭﻝ ﺣﺪ ﺟﺎ ﻟﺒﺎﻟﻲ ﺑﻌﺪ ﺍﻟﺤﻠﻤﺔ ﻫﺎﺫﻱ ﺯﻳﺎﺍﺩ ... ﻣﻨﻌﺮﻓﺶ ﻋﻼﻩ ﺧﻤﻤﺖ ﻓﻴﻪ ﺍﻭﻝ ﺣﺪ ... ﻫﺰﻳﺖ ﺭﻭﺣﻲ ﺷﻮﻳﺔ ... ﺷﺮﺑﺖ ﺷﻮﻳﺔ ﻣﺎ ﻭ ﻗﻤﺖ ﻣﻦ ﺑﻼﺻﺘﻲ ... ﻭﻗﻔﺖ ﺑﺤﺬﺍ ﺷﺒﺎﻙ ... ﻧﻬﺎﺭ ﺑﺪﺍ ﻳﻄﻠﻊ ... ﺧﺬﻳﺖ ﻧﻔﺲ ﻭﺩﺧﻠﺖ ﻟﺒﻴﺖ ﺍﻟﺒﺎﻧﻮ ... ﺧﺬﻳﺖ ﺩﻭﺵ ﻭﺧﺮﺟﺖ ... ﻭﻗﻔﺖ ﻧﻐﺰﺭ ﻟﺮﻭﺣﻲ ... ﻣﻨﻌﺮﻓﺶ ﻛﻴﻒ ﺑﺎﺵ ﻧﻌﻤﻞ ﺍﻟﺨﻄﻮﺓ ﻫﺎﺫﻱ ... ﻣﻨﻌﺮﻓﺶ ﺍﺫﺍ ﺑﺎﺵ ﻧﻨﺠﺢ ﻭﻻﻻ ... ﺍﻣﺎ ﻣﻌﺎﺩﺵ ﻓﻤﺎ ﻭﻗﺖ ﺟﻤﻠﺔ ... ﺣﻠﻴﺖ ﺍﻟﻘﺎﺭﺩ ... ﻟﺒﺴﺖ ﺟﻴﺐ ﻓﻲ ﺍﻻﻛﺤﻞ ﻗﺼﻴﺮ ﻭ ﺧﻠﻌﺔ ﺑﺮﻭﺗﺎﻝ ﻓﻲ ﻟﻮﻧﻮ ... ﻟﻤﻴﺖ ﺷﻌﺮﻱ ﻣﻦ ﻗﺪﺍﻡ ... ﻭ ﺧﻠﻴﺘﻮ ﻃﺎﻳﺢ ﻋﻠﻰ ﻇﻬﺮﻱ ... ﻟﺒﺴﺖ ﺍﻟﻜﻌﺐ ﻣﺘﺎﻋﻲ ... ﻫﺰﻳﺖ ﺻﺎﻛﻲ ﻭ ﻣﻔﺎﺗﺤﻲ ... ﻭ ﻧﺰﻟﺖ ﺍﻟﻠﻮﻃﺔ ... ﻫﺰﻳﺖ ﺍﻟﻜﺮﻫﺒﺔ ﻭ ﻃﺮﺕ ﺑﻴﻬﺎ ﻟﻠﻤﺮﻛﺰ ... ﻛﻞ ﻣﺮﺓ ﻧﻘﺮﺏ ... ﺩﻗﺎﺕ ﻗﻠﺒﻲ ﺗﻘﻮﻯ ﺍﻛﺜﺮ ... ﺷﺪﻳﺖ ﺍﻟﻔﺮﺍﻥ ﺑﺎﻟﻘﺎﻭﻱ ﻭ ﻧﺰﻟﺖ ... ﺗﻨﻬﺪﺕ ﺑﺎﻟﻘﺎﻭﻱ ... ﻭ ﺩﺧﻠﺖ ... ﻭﻗﻔﻨﻲ ﻭﺍﺣﺪ ﻣﻦ ﺭﺟﺎﻝ ... ﻳﺤﻜﻲ ﻫﻮ : ﻣﺪﻣﻮﺯﺍﻝ ﻟﺤﻈﺔ
أنت تقرأ
🔥🔞"في أحضان عزرائيل"🔞🔥( الجزء الخامس)
Romanceهيا تلمو البنات نكمللكم الكروو🙋❤ #نحبكم ❤ #شيماء
