ﺣﻠﻴﺖ ﻋﻴﻨﻴﺎ ﻋﻠﻰ ﺭﻳﺤﺔ ﻗﻮﻳﺔ ... ﻧﺤﺲ ﻓﻲ ﺭﺍﺳﻲ ﺭﺯﻳﻦ ﺑﺮﺷﺎ ... ﻧﺤﺎﻭﻝ ﻧﺴﺘﻮﻋﺐ ﻟﻲ ﻗﺎﻋﺪ ﻳﺼﻴﺮ ... ﺻﻮﺭﺗﻮ ﻣﺎﺷﻴﺔ ﻭ ﺗﻮﺿﺢ ﺍﻛﺜﺮ ... ﻫﺰﻳﺖ ﺭﻭﺣﻲ ﺷﻮﻳﺔ ﺗﻌﺪﻟﺖ ﻓﻲ ﻗﻌﺪﺗﻲ ... ﺩﻭﺭﺕ ﻋﻴﻨﻴﺎ ﻧﻐﺰﺭ ﻟﻠﺒﻼﺻﺔ ... ﻧﻐﺰﺭﻝﻭ ﻣﺘﻜﻲ ﻋﺎﻟﺒﻴﺮﻭ ... ﻳﺴﺘﻨﺎ ﻓﻴﺎ ﻧﻔﻴﻖ ... ﻇﺎﻫﺮ ﻻﺣﻨﺎ ﻓﻲ ﺩﺍﺭﻭ ... ﺧﺬﻳﺖ ﻧﻔﺲ ﻧﺤﻜﻲ
ﺍﻧﺎ : ﻑ ﻓﺎﺵ ﺗﻌﻤﻞ ﺍﻧﺖ
ﻳﻌﻘﻮﺏ؛ﻣﺮﺣﺒﺎ ﺑﻴﻚ ﻓﻲ ﺩﺍﺭﻙ
ﺍﻧﺎ : ﺷﻨﻮﺓ
ﻋﻘﺪﺕ ﺣﻮﺍﺟﺒﻲ ﻣﺴﺘﻐﺮﺑﺔ ... ﺣﺎﻭﻟﺖ ﻧﻘﻮﻡ ﺍﻣﺎ ﻣﺰﻟﺖ ﻣﺮﻭﻫﺠﺔ ... ﻏﻤﻀﺖ ﻋﻴﻨﻴﺎ ﺑﺎﻟﻘﺎﻭﻱ ﻭﺭﺟﻌﺖ ﻓﺘﺤﺘﻬﻢ ... ﺗﻨﻬﺪﺕ ﺑﺎﻟﻘﺎﻭﻱ ... ﻧﺤﻜﻲ
ﺍﻧﺎ : ﺗﻨﺠﻢ ﺗﻔﺴﺮﻟﻲ ﻟﻲ ﺗﻌﻤﻞ ﻓﻴﻪ
ﻳﻌﻘﻮﺏ : ﺑﺎﻟﻄﺒﻴﻌﺔ ﻋﺰﻳﺰﺗﻲ ... ﺍﻟﻴﻮﻡ ﺍﻟﻜﻮﺭﺓ ﻓﻲ ﻣﻠﻌﺒﻲ
ﻫﺰﻳﺖ ﺭﺍﺳﻲ ... ﻧﻐﺰﺭﻟﻮ ﻣﺴﺘﻐﺮﺑﺔ ... ﺗﺒﺴﻤﺖ ﻋﻠﻰ ﺟﻨﺐ ﻧﺤﻜﻲ
ﺍﻧﺎ : ﻗﺎﻋﺪﺓ ﻧﺸﻮﻑ ... ﻭ ﺯﻋﻤﺔ ﺑﺎﺵ ﺗﺮﺑﺢ ﺍﻟﻤﺮﺓ ﻫﺎﺫﻱ
ﻳﻌﻘﻮﺏ؛ﺗﻌﺮﻑ ﺣﺎﺟﺔ ... ﺍﻧﺖ ﺗﺸﺒﻬﻨﻲ ﺑﺮﺷﺎ
ﻏﺰﺭﺗﻠﻮ ﻧﺪﺭﺍ ﻛﻴﻒ ... ﻛﻼﻣﻮ ﺧﻼﻧﻲ ﻧﺤﺲ ﺑﺎﺣﺴﺎﺱ ﺧﺎﻳﺐ ... ﻣﻨﻌﺮﻓﺶ ﻋﻼﻩ ... ﺗﻜﻴﺖ ﻟﺘﺎﻟﻲ ... ﻭ ﺗﺒﺴﻤﺖ ﻋﻠﻰ ﺟﻨﺐ ﻧﺤﻜﻲ
ﺍﻧﺎ : ﺍﻣﺎ ﻣﺶ ﺳﺎﻗﻄﺔ ﻛﻴﻔﻚ
ﻗﺤﺮﻟﻲ ﻗﺤﺮﺓ ﻣﺘﺎﻉ ﻣﻮﺕ ... ﻭ ﻗﺮﺏ ﻣﻨﻲ ﻗﻌﺪ ﻋﺎﻟﻔﻮﺗﺎﻱ ﻣﻘﺎﺑﻠﻨﻲ ... ﺗﻜﺎ ﻟﺘﺎﻟﻲ ... ﻳﻬﺰ ﻓﻴﺎ ﻭ ﻳﺤﻂ ... ﺷﺒﻚ ﻳﺪﻳﻪ ﻳﺤﻜﻲ
ﻳﻌﻘﻮﺏ : ﺗﻌﺮﻑ ﻋﻼﻩ ﺟﺒﺘﻚ ﻫﻮﻧﻲ
ﺍﻧﺎ : ﻧﺠﻢ ﻧﺘﻮﻗﻊ
ﻳﻌﻘﻮﺏ : ﻻ ﺧﺎﻃﺮ ﻣﺎﻛﺶ ﺑﺎﺵ ﺗﻮﺻﻞ
ﺍﻧﺎ؛ﺑﺮﺑﻲ ﻣﻼ ﺧﺒﺮﻧﻲ ﻧﺴﻤﻊ ﻓﻴﻚ
ﻧﺰﻝ ﺑﻴﺪﻭ ﻟﻄﺎﻭﻟﺔ ... ﻗﺮﺑﻠﻲ ﻭﺭﻗﺔ ... ﻭ ﻏﺰﺭﻟﻲ ﻳﺤﻜﻲ
ﻳﻌﻘﻮﺏ؛ﺍﻟﻮﺭﻗﺔ ﻫﺎﺫﻱ ﺗﺜﺒﺖ ﻻﻧﺖ ﺳﻮﺍﺭ ﺍﻻﺩﺭﻳﺴﻲ ... ﺍﻣﺎ ﺍﻟﺪﻭﺳﻲ ﻟﻬﻮﻧﻲ ... ﻳﻀﻤﻦ ﺣﻘﻚ ﻣﻦ ﺍﻟﻮﺭﺛﺔ ﻓﻲ ﻛﻠﺸﻲ ﻧﻤﻠﻜﻮ
ﺍﻧﺎ : ﺍﻭﻭﻭﻩ ﻋﺮﺽ ﻛﺒﻴﺮ ... ﺯﻋﻤﺔ ﺷﻨﻴﺔ ﺑﺎﺵ ﺗﻄﻠﺐ ﻓﻲ ﺍﻟﻤﻘﺎﺑﻞ ... ﺍﻻﺩﻝﺓ ﻟﻲ ﻋﻨﺪﻱ ﻭ ﻻ ﺷﻲ ﺍﺧﺮ ﺍﻧﺎ ﻣﻔﻴﺒﺎﻟﻴﺶ ﺑﻴﻪ
ﻳﻌﻘﻮﺏ : ﺯﻳﺎﺍﺍﺩ
ﻋﻘﺪﺕ ﺣﻮﺍﺟﺒﻲ ﻣﺴﺘﻐﺮﺑﺔ ... ﺍﻭﻝ ﻣﺎ ﻧﻄﻖ ﺍﺳﻤﻮ ... ﻗﻠﺒﻲ ﻇﻖ ﺑﺎﻟﻘﺎﻭﻱ ... ﺿﻴﻘﺖ ﻋﻴﻨﻴﺎ ﻧﺤﻜﻲ
ﺍﻧﺎ : ﺷﻨﻨﻮﺓ
ﻳﻌﻘﻮﺏ : ﻃﻠﺒﺖ ﺯﻳﺎﺩ
ﺍﻧﺎ : ﺷﺘﻘﺼﺪ ﺑﻜﻼﻣﻚ
ﻳﻌﻘﻮﺏ : ﻧﺤﺒﻚ ﺗﺒﻌﺪ ﻋﻠﻰ ﺯﻳﺎﺩ ﺟﻤﻠﺔ ... ﺗﻘﻄﻊ ﻋﻼﻗﺘﻚ ﺑﻴﻪ ﻭ ﻣﻌﺎﺩﺵ ﺩﻭﺭ ﺑﻴﻪ ﻣﻬﻤﺎ ﺻﺎﺭ ... ﺗﻨﺴﻰ ﻻﻧﺖ ﻗﺎﺑﻠﺖ ﻓﻲ ﺣﻴﺎﺗﻚ ﺣﺪ ﺍﺳﻤﻮ ﺯﻳﺎﺩ ... ﻭ ﻓﻲ ﺍﻟﻤﻘﺎﺑﻞ ﺑﺎﺵ ﺗﻌﻴﺶ ﺣﻴﺎﺓ ﻋﻤﺮﻙ ﻣﺎ ﺣﻠﻤﺖ ﺍﻧﻚ ﺗﻌﻴﺸﻬﺎ ... ﺑﺎﺵ ﺗﻌﻴﺶ ﻛﻴﻤﺎ ﺗﺤﺐ ﻭﻭﻳﻦ ﺗﺤﺐ
ﺗﺒﺴﻤﺖ ﻋﻠﻰ ﺟﻨﺐ ... ﻧﺤﺎﻭﻝ ﻧﺴﺘﻮﻋﺐ ﻟﻲ ﻳﺤﻜﻲ ﻓﻴﻪ ... ﺷﺒﻜﺖ ﻳﺪﻳﺎ ﺯﻭﺯ ﻭ ﻗﺮﺑﺖ ﺷﻮﻳﺔ ﻧﺤﻜﻲ
ﺍﻧﺎ : ﻫﺬﺍ ﺍﻟﻜﻞ ﻣﻘﺎﺑﻞ ﺯﻳﺎﺩ ... ﺯﻋﻤﺔ ﺷﻨﻴﺔ ﺳﺒﺐ ... ﺍﻧﺖ ﺍﻛﺜﺮ ﺣﺪ ﺗﻌﺮﻑ ﻟﻤﻌﺎﺩﺵ ﺑﻴﻨﺎ ﺷﻲ ... ﻣﻼ ﺷﺒﻴﻚ ﺗﺤﺐ ﺗﻘﻄﻊ ﺍﻟﻌﻼﻗﺎﺕ ﺑﻴﻨﺎ ﺟﻤﻠﺔ
ﻳﻌﻘﻮﺏ : ﻣﻨﻰ ﺗﺤﺐ ﺯﻳﺎﺩ
ﻃﻠﻌﺖ ﺣﺎﺟﺒﻲ ﻣﺴﺘﻐﺮﺑﺔ ﻣﻦ ﻛﻼﻣﻮ ... ﻗﻠﺒﻲ ﺩﻕ ﺑﺎﻟﻘﺎﻭﻱ ... ﻣﻨﺤﺒﺶ ﻧﺴﻤﻊ ﺍﻟﻜﻼﻡ ﺍﻟﻠﻲ ﺟﺎﻱ ﻣﺒﻌﺪ ... ﺗﺒﺴﻤﺖ ﻋﻠﻰ ﺟﻨﺐ ﻧﺤﻜﻲ
ﺍﻧﺎ : ﺷﺘﻘﺼﺪ
ﻳﻌﻘﻮﺏ؛ﻛﻼﻣﻲ ﻭﺍﺿﺢ ... ﻣﻨﻰ ﺟﺎﺕ ﻟﻬﻮﻧﻲ ﻋﻠﻰ ﺧﺎﻃﺮﻭ
ﺍﻧﺎ : ﺗﺤﺐ ﺗﻘﻮﻟﻲ ﻟﻬﻲ ﻗﺎﺑﻼﺗﻮ ﻣﺮﺗﻴﻦ ﻭﻻﺕ ﺗﺤﺒﻮ
ﻳﻌﻘﻮﺏ : ﻣﺮﺓ ... ﻣﺮﺕﻳﻦ ﻣﺘﻔﺮﻗﺶ ﺑﺮﺷﺎ ... ﺍﻟﻤﻬﻢ ﻫﻲ ﺗﺤﺐ ﻋﻠﻴﻪ
ﺍﻧﺎ : ﻳﻌﻨﻲ
ﻳﻌﻘﻮﺏ؛ﺯﻳﺎﺩ ﺑﺎﺵ ﻳﻌﺮﺱ ﺑﻤﻨﻰ
ﻋﻴﻨﻴﺎ ﻭﺳﺎﻋﻮ ﻣﻦ ﻛﻼﻣﻮ ... ﻗﻠﺒﻲ ﻧﺤﺴﻮ ﺑﺎﺵ ﻳﺨﺮﺝ ﻣﻦ ﺑﻘﻌﺘﻮ ... ﺍﻣﺎ ﺑﺮﺩﺕ ﺩﻣﻲ ﻋﺎﻟﻠﺨﺮ ... ﻣﻨﺤﺒﺶ ﻧﻈﻬﺮﻟﻮ ﻟﻲ ﻧﺤﺲ ﻓﻴﻪ ... ﺧﺬﻳﺖ ﻧﻔﺲ ﻃﻮﻳﻞ ... ﺿﺤﻜﺖ ﺑﺎﺳﺘﻬﺰﺍﺀ ﻧﺤﻜﻲ
ﺍﻧﺎ : ﺻﺎﺍﺍﺍﺭ ... ﻣﻦ ﻣﻴﺮﺍﻝ ﻟﻤﻨﻰ ... ﻳﺎﺧﻲ ﻗﻮﻟﻲ ﺍﻧﺖ ﺷﻨﻴﺔ ﺣﻜﺎﻳﺘﻚ ﺑﺎﻟﻈﺒﻂ
أنت تقرأ
🔥🔞"في أحضان عزرائيل"🔞🔥( الجزء الخامس)
Romanceهيا تلمو البنات نكمللكم الكروو🙋❤ #نحبكم ❤ #شيماء
