ﺣﺴﻴﺖ ﺑﺎﻟﻨﻔﺲ ﻣﺘﺎﻋﻬﺎ ﻣﺎﺷﻲ ﻭ ﻳﻬﺪﺍ ... ﺣﺘﻰ ﻫﻲ ﺗﺎﻋﺒﺔ ﺑﺮﺷﺎ ... ﻭ ﺍﻟﻠﻲ ﺻﺎﺭ ﻓﺠﻌﻬﺎ ... ﺑﻘﻴﺖ ﻧﻌﺪﻱ ﻓﻲ ﻳﺪﻱ ﻋﻠﻰ ﺷﻌﺮﻫﺎ ﻟﻴﻦ ﺭﻗﺪﺕ ... ﻧﺰﻟﺘﻬﺎ ﻣﻦ ﺣﻤﻠﺘﻲ ﺷﻮﻳﺔ ﺷﻮﻳﺔ ... ﺣﻄﻴﺘﻬﺎ ﻋﺎﻟﺴﺮﻳﺮ ... ﻧﺰﻟﺖ ﺑﺴﺘﻬﺎ ﻣﻦ ﺭﺍﺳﻬﺎ ... ﻭﺭﺟﻌﺖ ﻟﺒﻴﺘﻲ ... ﻏﺰﺭﺕ ﻟﻤﻼﻙ ﻏﺎﻃﺴﺔ ﻓﻲ ﻧﻮﻡ ... ﺗﺒﺴﻤﺖ ﻭﺩﺧﻠﺖ ﻟﻠﺒﻴﺖ ﺍﻟﺒﺎﻧﻮ ... ﺣﻠﻴﺖ ﺍﻟﻤﺎ ﻋﻠﻰ ﺭﺍﺳﻲ ... ﺍﻻﺣﺪﺍﺙ ﺍﻟﻜﻞ ﺗﺘﻌﺎﻭﺩ ﻓﻲ ﻣﺨﻲ ... ﻛﺒﺴﺖ ﺑﻴﺪﻱ ﻋﺎﻟﺤﻴﻂ ... ﻛﻞ ﻳﻮﻡ ﻧﻨﺪﻡ ﺍﻛﺜﺮ ... ﻛﻞ ﻳﻮﻡ ﻧﻜﺮﻩ ﺭﻭﺣﻲ ﺍﻛﺜﺮ ... ﻛﻞ ﻳﻮﻡ ﻭ ﻛﻞ ﻟﻴﻠﺔ ﻧﺴﺘﻮﻋﺐ ﺣﺠﻢ ﺍﻟﻐﻠﻄﺔ ﺍﻟﻠﻲ ﻋﻤﻠﺘﻬﺎ ... ﺍﻧﻬﻴﺎﺭ ﺳﻮﺍﺭ ﺍﻟﻴﻮﻡ ... ﺧﻼﻧﻲ ﻋﺎﺟﺰ ﻗﺪﺍﻣﻬﺎ ... ﺣﺘﻰ ﺍﻟﻜﻼﻡ ﺑﺎﺵ ﻧﺒﺮﺭ ﻟﻲ ﻋﻤﻠﺘﻮ ﻣﻠﻘﻴﺘﺶ ... ﻧﺒﻘﻰ ﺍﻧﺎ ﺍﻟﻤﺬﻧﺐ ﺍﻟﻮﺣﻴﺪ ﻓﻴﻬﻢ ... ﻧﺒﻘﻰ ﺍﻧﺎ ﺳﺒﺐ ﻓﻲ ﻛﻠﺸﻲ ﺻﺎﺭ ... ﺍﻧﺎ ﺿﻴﻌﺖ ﻃﻔﻠﺔ ﺻﻐﻴﺮﺓ ... ﺿﻴﻌﺖ ﻋﻴﻠﺔ ﻛﺎﻣﻠﺔ ﻭ ﺧﻮﻳﺎ ﻣﻌﺎﻫﻢ ... ﻟﺘﻮﺍ ﻣﻨﺠﻤﺶ ﻧﺴﺘﻮﻋﺐ ﺍﻧﻲ ﺧﺴﺮﺕ ﺯﻳﺎﺩ ﺟﻤﻠﺔ ... ﻣﺴﺘﺤﻴﻞ .. . ﻏﻤﻀﺖ ﻋﻴﻨﻴﺎ ﺑﺎﻟﻘﺎﻭﻱ ... ﺻﻮﺭﺓ ﺣﻨﺎﻥ ﺗﻌﺪﺍﺕ ﻗﺪﺍﻣﻲ ... ﺫﻛﺮﻳﺎﺗﻲ ﻣﻌﺎﻫﺎ ﻣﻦ ﺍﻟﺼﻐﺮﺓ ... ﻣﺎ ﻧﺴﻴﺖ ﺣﺘﻰ ﺗﻔﺼﻴﻞ ﻣﻨﻬﺎ ... ﺫﻛﺮﻳﺎﺕ ﺧﻼﺕ ﺩﻣﻮﻋﻲ ﻳﻨﺰﻟﻮ ... ﻭ ﻳﺘﺨﻠﻄﻮ ﻣﻊ ﺍﻟﻤﺎ ... ﺍﻟﻠﻲ ﻧﺎﺯﻝ ﻋﻠﻴﺎ ... ﻛﺒﺴﺖ ﻋﻠﻰ ﻳﺪﻱ ﺍﻛﺜﺮ ... ﺧﺬﻳﺖ ﻧﻔﺲ ﻧﻬﺪﻱ ﻓﻲ ﺭﻭﺣﻲ ... ﺳﻜﺮﺕ ﺍﻟﺴﺒﺎﻟﺔ ... ﻭﺧﺮﺟﺖ ... ﺑﺪﻟﺖ ﺩﺑﺸﻲ ... ﻭ ﻣﺸﻴﺖ ﺗﺮﻣﻴﺖ ﺑﺤﺬﺍ ﻣﻼﻙ ... ﻧﻐﺰﺭ ﻟﺴﻘﻒ ... ﻧﺨﻤﻢ ﻓﻲ ﺍﻟﻠﻲ ﺟﺎﻱ ... ﻭ ﺷﻨﻮﺓ ﺍﻟﻠﻲ ﻣﺰﺍﻝ ﺑﺎﺵ ﻳﺼﻴﺮ ... ﻭ ﻻ ﻛﻴﻔﺎﻩ ﺑﺎﺵ ﻧﺘﺼﺮﻑ ... ﻧﺤﺲ ﻛﻠﺸﻲ ﺗﺴﻜﺮ ﻓﻲ ﻭﺟﻬﻲ ... ﻣﻼﻙ ﻭ ﺯﻳﻨﺐ ﻟﻲ ﻋﻄﺎﻭﻧﻲ ﺭﻏﺒﺔ ﻓﻲ ﺣﻴﺎﺓ ﺟﺪﻳﺪﺓ ... ﻭ ﻻ ﺍﻧﻲ ﻧﺎﺧﻮ ﺧﻄﻮﺓ ﺟﺪﻳﺪﺓ ﺑﻌﻴﺪ ﻋﻠﻰ ﺍﻻﻧﺘﻘﺎﻡ ... ﺗﻨﻬﺪﺕ ﺑﺎﻟﻘﺎﻭﻱ ... ﻭﺳﻜﺮﺕ ﻋﻴﻨﻴﺎ ... ﻭ ﺗﻔﻜﻴﺮﻱ ﺍﻟﻜﻞ ﻋﻨﺪ ﺳﻮﺍﺭ ... ﻭ ﻛﻴﻔﺎﻩ ﺑﺎﺵ ﻧﺼﻠﺢ ﺍﻟﻠﻲ ﺻﺎﺭ ﺯﻳﺎﺩ ﻳﺤﻜﻲ : ﻧﺰﻟﺖ ﻣﻦ ﺍﻟﻜﺮﻫﺒﺔ ﺑﺎﻟﺰﺭﺑﺔ ... ﻣﻨﻌﺮﻑﺵ ﻋﻠﻰ ﺭﻭﺣﻲ ﻛﻴﻒ ﻟﻘﻴﺖ ﺭﻭﺣﻲ ... ﺑﺤﺬﺍ ﺑﺎﺏ ﺩﺍﺭﻭ ... ﻣﺼﺪﻗﺘﺶ ﻛﻴﻒ ﻟﻘﻴﺖ ﻋﻨﻮﺍﻧﻮ ... ﻫﺰﻳﺖ ﻳﺪﻱ ﻧﻀﺮﺏ ﻋﺎﻟﺒﺎﺏ ﺑﺎﺵ ﻧﻬﺪﻭ ... ﺍﻭﻝ ﻣﺎ ﺣﻠﻬﺎ ... ﻫﺪﻳﺖ ﻋﻠﻴﻪ ... ﺷﺪﻳﺘﻮ ﻣﻦ ﺳﻮﺭﻳﺘﻮ ﻭ ﺩﺯﻳﺘﻮ ﻟﺘﺎﻟﻲ ﻧﺤﻜﻲ ﻭ ﻧﺼﻴﺢ ﺍﻧﺎ : ﻭﻭﻳﻴﻨﻬﺎ ... ﻭﻳﻦ ﺳﻮﺍﺍﺍﺭ ﻳﺎ ﺳﺎﺍﺍﻗﻂ ﻫﺰ ﻳﺪﻳﻪ ﺯﻭﺯ ﻛﺒﺲ ﻋﻠﻰ ﻳﺪﻳﺎ ... ﺟﺒﺪ ﺭﻭﺣﻮ ﻣﻨﻲ ﺑﺎﻟﻘﺎﻭﻱ ... ﻫﺰ ﻳﺪﻭ ﺿﺮﺑﻨﻲ ﺑﻮﻧﻴﺔ ﻋﻠﻰ ﻭﺟﻬﻲ ... ﺭﺟﻌﺘﻬﺎﻟﻮ ﻗﺒﻞ ﻣﺎ ﻳﺤﻜﻲ ... ﻗﺤﺮﻟﻲ ﻳﺼﻴﺢ
أنت تقرأ
🔥🔞"في أحضان عزرائيل"🔞🔥( الجزء الخامس)
Romansهيا تلمو البنات نكمللكم الكروو🙋❤ #نحبكم ❤ #شيماء
