ﺳﻮﺍﺭ ﺗﺤﻜﻲ :
ﻭﻗﻔﺖ ﻓﻲ ﻧﺺ ﺍﻟﻄﺮﻳﻖ ... ﻣﻨﺠﻤﺘﺶ ﻧﺴﻮﻕ ﺍﻛﺜﺮ ... ﻧﺤﺲ ﻓﻲ ﺍﻋﺼﺎﺑﻲ ﺗﻠﻔﺖ ﺑﺎﻟﻜﻞ ... ﻳﺪﻳﺎ ﺯﻭﺯ ﻳﺮﻋﺸﻮ ... ﻣﺘﻮﻗﻌﺘﺶ ﻟﻬﻮ ﺑﺎﺵ ﻳﺮﺟﻊ ﻳﻘﺮﺏ ﻣﻨﻲ ... ﻧﺰﻟﺖ ﺭﺍﺳﻲ ﻏﺰﺭﺕ ﻟﻠﺨﺎﺗﻢ ﻓﻲ ﻳﺪﻱ ... ﻭ ﻛﻼﻣﻮ ﻳﺘﻌﺎﻭﺩ ﻓﻲ ﻣﺨﻲ ... ﻋﻨﺪﻭ ﺣﻖ ﺷﺒﻴﻨﻲ ﻣﻨﺠﻤﺘﺶ ﻧﻘﺺ ﺍﺧﺮ ﺭﺍﺑﻂ ﺑﻴﻨﺎ ... ﺷﺒﻴﻨﻲ ﻣﺰﻟﺖ ﻣﺘﻌﻠﻘﺔ ﺑﻴﻪ ﻟﻬﺪﺭﺟﺔ ... ﺣﻄﻴﺖ ﻳﺪﻱ ﻧﺤﺎﻭﻝ ﻧﺤﻲ ﻓﻴﻪ ﻣﺤﺒﺶ ... ﻋﺼﺒﺖ ﺍﻛﺜﺮ ... ﻭ ﺩﻣﻮﻋﻲ ﺑﺎﺵ ﺗﻨﺰﻝ ... ﺟﺒﺪﺗﻮ ﺑﻜﻞ ﻗﻮﺗﻲ ... ﺟﻴﺖ ﺑﺎﺵ ﻧﺮﻣﻴﻪ ... ﺍﻣﺎ ﻓﻲ ﻟﺤﻈﺔ ﻛﺒﺴﺖ ﻋﻠﻴﻪ ... ﻣﻨﺠﻤﺘﺶ ﻧﻌﻤﻠﻬﺎ ... ﺷﻲ ﺍﻗﻮﻯ ﻣﻨﻲ ﻣﻨﻌﻨﻲ ... ﻭﻏﻠﺐ ﻏﺸﻲ ﻣﻨﻮ ... ﻛﺒﺴﺖ ﻋﻠﻴﻪ ﺍﻛﺜﺮ ... ﻛﻴﻒ ﺣﺴﻴﺖ ﺑﺪﻣﻮﻋﻲ ﻧﺰﻟﺖ ... ﺍﻭﻝ ﻣﺮﺓ ﺑﻌﺪ ﺍﻛﺎ ﺍﻟﻠﻴﻠﺔ ﻧﺒﻜﻲ ﻋﻠﻴﻪ ... ﻧﺒﻜﻲ ﻋﻠﻰ ﻟﻲ ﺻﺎﺭ ﺑﺎﻟﻈﺒﻂ ... ﻧﺒﻜﻲ ﻣﻦ ﺍﻟﻮﺟﻴﻌﺔ ﻟﻲ ﺣﺎﺳﺔ ﺑﻴﻬﺎ ... ﺣﻄﻴﺖ ﺭﺍﺳﻲ ﻋﺎﻟﻔﻮﻟﻮﻥ ﻭ ﻛﺒﺴﺖ ﻋﻠﻴﻪ ﺑﻴﺪﻱ ... ﺩﻣﻮﻋﻲ ﻭﻻﺕ ﺷﻬﻘﺎﺕ ﻣﺘﻘﻄﻌﺔ ... ﺍﺣﺴﺎﺱ ﻧﺪﺭﺍ ﻛﻴﻒ ﻏﻠﺒﻨﻲ ﺳﺎﻋﺘﻬﺎ ... ﻣﻨﻌﺮﻓﺶ ﻋﻼﻩ ﺷﻌﺮﺓ ﻻ ﺗﻬﺪﻳﺖ ﻗﺪﺍﻣﻮ ﻭ ﺳﻠﻤﺖ ... ﺍﻟﻴﻮﻡ ﻛﻬﻮ ﻓﻬﻤﺖ ﻟﻤﻬﻤﺎ ﺻﺎﺭ ﺍﻧﺎ ﻣﻨﺠﻤﺶ ﻧﻜﺮﻫﻮ ... ﻣﺰﺍﻝ ﻗﺮﺑﻮ ﻳﺄﺛﺮ ﻓﻴﺎ ... ﺣﺘﻰ ﻛﻴﻒ ﻧﻮﺟﻌﻮ ﺑﻜﻼﻣﻲ ... ﻣﻨﺠﻤﺶ ﻧﺤﺲ ﻗﻠﺒﻲ ﺑﺎﺵ ﻳﺨﺮﺝ ﻣﻦ ﺑﻘﻌﺘﻮ ... ﺭﻏﻢ ﺍﻟﻠﻲ ﺻﺎﺭ ﺍﻟﻜﻞ ﺍﻧﺎ ﻣﺰﻟﺖ ﻧﺤﺒﻮ ... ﻭ ﻫﺬﺍﻛﺎ ﻟﻲ ﻗﺎﻫﺮﻧﻲ ﺍﻛﺜﺮ ... ﻫﺰﻳﺖ ﺭﺍﺳﻲ ﻋﻠﻰ ﺻﻮﺕ ﺗﻠﻴﻔﻮﻧﻲ ﻳﻨﻮﻗﺰ ... ﻫﺰﻳﺘﻮ ﻧﻐﺰﺭﻟﻮ ... ﻣﺶ ﻭﻗﺘﻮ ﻳﻄﻠﺒﻨﻲ ﺟﻤﻠﺔ .. ﻣﺴﺤﺖ ﺩﻣﻮﻋﻲ ... ﻭ ﻫﺰﻳﺖ ﻋﻠﻴﻪ ﻧﺤﻜﻲ
ﺍﻧﺎ : ﺷﺘﺤﺐ ﻣﻨﻲ ﺗﻮﺍ
ﺟﻨﻴﺮﺍﻝ : ﺩﻭﺳﻲ ﻣﺘﺎﻉ ﻣﻴﺮﺍﻝ ﻭﻳﻨﻮ
ﺍﻧﺎ : ﻣﻌﻨﺎﻫﺎ ﻋﺮﻓﺖ ﻋﻼﻩ ﻣﺸﻴﺖ ﺭﺟﺎﻟﻚ
ﺟﻨﻴﺮﺍﻝ : ﺍﺧﺮ ﻣﺮﺓ ﻧﺴﺄﻟﻚ ﻓﻴﻬﺎ ... ﺩﻭﺳﻲ ﻣﺘﺎﻉ ﻣﻴﺮﺍﻝ ﻭﻳﻨﻮ
ﺍﻧﺎ : ﺍﻭﻝ ﺷﻲ ﺭﺩ ﺑﺎﻟﻚ ﺗﺼﻴﺢ ﻋﻠﻴﺎ ﻣﺮﺓ ﺍﺧﺮﻯ ... ﻭ ﺛﺎﻧﻲ ﺷﻲ ﺍﻟﺪﻭﺳﻲ ﺗﻠﻘﺎﻩ ﻋﻨﺪ ﺯﻳﺎﺩ ... ﺑﺮﺍ ﻫﺰﻭ ﻣﻦ ﻋﻨﺪﻭ ﻛﺎﻥ ﻧﺠﻤﺖ
ﻋﻠﻘﺖ ﻋﻠﻴﻪ ﻭ ﻃﻴﺸﺖ ﺗﻠﻴﻔﻮﻥ ﻋﺎﻟﻜﺮﺳﻲ ... ﻣﺶ ﻧﺎﻗﺼﺎﺗﻮ ﺣﺘﻰ ﻃﺮﻑ ... ﺗﻜﻴﺖ ﻟﺘﺎﻟﻲ ... ﻫﺰﻳﺖ ﻳﺪﻱ ... ﺭﺟﻌﺖ ﻟﺒﺴﺖ ﺍﻟﺨﺎﺗﻢ ... ﺩﻳﻤﺎ ﻛﺎﻥ ﻭﺭﺍﻳﺎ ... ﻛﻴﻒ ﻧﻌﻤﻞ ﺧﻄﻮﺓ ﻧﻌﺮﻑ ﻟﺤﺪ ﻣﺎﻫﻮﺵ ﺑﺎﺵ ﻳﻘﺮﺑﻠﻲ ﺧﺎﻃﺮﻧﻲ ﺗﺎﺑﻌﺔ ﻟﻴﻪ ... ﻭ ﺣﺘﻰ ﺗﻮﺍ ﺳﺮ ﻣﺘﺎﻋﻮ ... ﻫﻮ ﺍﻟﻠﻲ ﻗﺎﻋﺪ ﻳﺤﻤﻲ ﻓﻴﺎ ﻣﻨﻬﻢ ... ﺗﻜﻴﺖ ﻟﺘﺎﻟﻲ ﻧﺤﺲ ﻓﻲ ﺑﺪﻧﻲ ﻣﻬﺪﻭﺩ ... ﺳﺎﻋﺎﺕ ﺗﻌﺪﺍﺕ ﻭ ﺍﻧﺎ ﻓﻲ ﻧﻔﺲ ﺍﻟﺒﻘﻌﺔ ... ﻧﻐﺰﺭ ﻟﻠﻜﺮﺍﻫﺐ ﺍﻟﻠﻲ ﻗﺎﻋﺪﺓ ﺗﺘﻌﺪﺍ ... ﺧﺬﻳﺖ ﻧﻔﺲ ﻭ ﺧﺪﻣﺖ ﺍﻟﻜﺮﻫﺒﺔ ... ﻧﺴﻮﻕ ﻭ ﺗﻔﻜﻴﺮﻱ ﻣﻊ ﺍﻟﻠﻲ ﺻﺎﺭ ﻗﺒﻴﻞ ... ﻣﻨﻌﺮﻓﺶ ﻛﻴﻒ ﻭﺻﻠﺖ ﻟﺪﺍﺭ ... ﺭﻣﻴﺖ ﺻﺎﻛﻲ ﻋﺎﻻﺭﺽ ... ﻭ ﻗﻌﺪﺕ ﻋﺎﻟﻔﻮﺗﺎﻱ ... ﻃﺎﺡ ﺍﻟﻠﻴﻞ ﻭ ﺍﻧﺎ ﺑﺎﻗﻲ ﻓﻲ ﺑﻼﺻﺘﻲ ﻧﺨﻤﻢ ﻓﻲ ﺍﻟﻠﻲ ﺑﺎﺵ ﻳﺼﻴﺮ ... ﻫﺰﻳﺖ ﺭﻭﺣﻲ ﺑﺎﻟﺴﻴﻒ ﻃﻠﻌﺖ ﻟﺒﻴﺘﻲ ... ﻧﺤﻴﺖ ﺳﻮﺭﻳﺘﻲ ... ﻭ ﻟﻤﻴﺖ ﺷﻌﺮﻱ ... ﻓﻲ ﻟﺤﻈﺔ ﻗﺺ ﺍﻟﻀﻮ ... ﻗﻠﺒﻲ ﺩﻕ ﺑﺎﻟﻘﺎﻭﻱ ... ﻣﺶ ﻣﻦ ﻋﺎﺩﺗﻮ ﻳﻘﺺ ... ﻗﺮﺑﺖ ﻣﻦ ﺍﻟﻜﻮﺍﻓﻮﺯ ﺑﺎﻟﺴﻴﻒ ﺩﻭﺏ ﻧﺠﻢ ﻧﺮﺍ ﻗﺪﺍﻣﻲ ... ﻧﻔﺮﻛﺲ ﻋﻠﻰ ﺗﻠﻴﻔﻮﻧﻲ ... ﻓﻲ ﻟﺤﻈﺔ ﺣﺴﻴﺖ ﺑﻴﺪ ﺗﺤﻄﺖ ﻋﻠﻰ ﻛﺮﺷﻲ ﻛﺒﺴﺖ ﻋﻠﻴﺎ ... ﻗﺒﻞ ﻣﺎ ﻧﺼﻴﺢ ﺳﻜﺮﻟﻲ ﻓﻤﻲ ﺑﻴﺪﻭ ﻻﺧﺮﻯ ... ﻫﺰﻳﺖ ﻳﺪﻳﺎ ﺯﻭﺯ ﺣﻄﻴﺘﻬﻢ ﻋﻠﻰ ﻳﺪﻭ ﻧﺤﺎﻭﻝ ﻧﺰﻟﻬﺎ ... ﺑﻘﻴﺖ ﻧﻔﺮﻓﻂ ﺑﻴﻦ ﻳﺪﻳﻪ ... ﺍﻣﺎ ﻓﻲ ﻟﺤﻈﺔ ﻫﺪﻳﺖ ﻛﻴﻒ ﺷﻤﻴﺖ ﺭﻳﺤﺘﻮ ... ﺭﺧﻔﺖ ﻳﺪﻳﺎ ﺷﻮﻳﺔ ﺷﻮﻳﺔ ... ﻧﺰﻝ ﻋﻠﻴﺎ ﻳﺤﻜﻲ ﻓﻲ ﻭﺫﻧﻲ
ﺯﻳﺎﺩ : ﺍﻫﺪﺍ
ﺭﺧﻒ ﻳﺪﻭ ﻋﻠﻰ ﻓﻤﻲ ... ﺟﺒﺪﺕ ﺭﻭﺣﻲ ﻣﻨﻮ ... ﺍﻭﻝ ﻣﺎ ﺗﻠﻔﺖ ... ﺭﺟﻊ ﺍﻟﻀﻮ ﺑﺎﻟﻮﻗﺖ ... ﻫﺰﻧﻲ ﻭ ﺣﻄﻨﻲ ﺑﻌﻨﻴﻪ ... ﻭﻗﺘﻬﺎ ﺍﺳﺘﻮﻋﺒﺖ ﻻﻧﺎ ﻣﻦ ﻏﻴﺮ ﺧﻠﻌﺔ ... ﻗﺤﺮﺗﻠﻮ ﻧﺤﻜﻲ
ﺍﻧﺎ : ﺷﻨﻴﺔ ﺗﺴﺘﺨﺎﻳﻞ ﻓﻲ ﺭﻭﺣﻚ ﺍﻧﺖ ﺍﻩ
ﺑﺎﻗﻲ ﻳﻐﺰﺭﻟﻲ ... ﻏﺰﻟﺖ ﻋﻠﻴﻪ ﺍﻛﺜﺮ ... ﻭ ﻗﺮﺑﺖ ﻣﻦ ﺍﻟﺴﺮﻳﺮ ... ﻫﺰﻳﺖ ﺍﻟﺨﻠﻌﺔ ﻓﻲ ﻳﺪﻱ ... ﻭ ﻧﺤﻜﻲ ﻓﺮﺩ ﻭﻗﺖ
ﺍﻧﺎ : ﺷﺘﺤﺐ ﻣﻨﻲ ﺍﻧﺖ ... ﺷﺒﻴﻚ ﻻﺣﻘﻨﻲ ﻟﻬﻮﻧﻲ
ﺯﻳﺎﺩ : ﺍﻭﻝ ﺷﻲ ﺑﺎﺵ ﺗﺨﺒﺮﻧﻲ ﺷﻨﻴﺔ ﻣﺨﺒﻴﺔ ﺍﻧﺖ ... ﺛﺎﻧﻲ ﺷﻲ ﺑﺎﺵ ﺗﻘﻮﻟﻲ ﺷﺘﺤﺐ ﻋﻨﺪ ﻣﻴﺮﺍﻝ ... ﻋﻼﺵ ﺗﺤﺐ ﻋﻠﻰ ﺩﻭﺳﻲ ﻣﺘﺎﻋﻬﺎ
أنت تقرأ
🔥🔞"في أحضان عزرائيل"🔞🔥( الجزء الخامس)
Romansهيا تلمو البنات نكمللكم الكروو🙋❤ #نحبكم ❤ #شيماء
