ﺍﻧﺎ : ﻋﺪﻳﺖ ﻟﻴﻠﺔ ﻓﺎﻳﻘﺔ ﺑﺎﺵ ﻧﻮﺻﻞ ﻟﻬﻮﻧﻲ ﻫﺎﺭﻭﻥ : ﺑﺎﻫﻲ ... ﺍﻡﺍ ﺣﻂ ﻓﻲ ﺑﺎﻟﻚ ﻓﻲ ﺍﻟﺤﺎﻟﺔ ﻫﺎﺫﻱ ... ﻋﺸﺮ ﺩﻗﺎﻳﻖ ﻳﻨﺠﻤﻮ ﻳﺼﻠﺤﻮﻫﺎ ... ﺍﻧﺖ ﺑﺎﺵ ﺗﺨﺮﺝ ﻗﺒﻞ ﺍﻟﻮﻗﺖ ﻫﺬﺍ ﺍﻧﺎ : ﺑﺎﻫﻲ ﻃﻤﻦ ﺗﻜﻴﺖ ﻟﺘﺎﻟﻲ ... ﻭ ﻫﺰﻳﺖ ﻛﺎﺳﺔ ﺍﻟﻌﺼﻴﺮ ﻧﺸﺮﺏ ﻓﻴﻬﺎ ... ﻣﻨﻌﺮﻓﺶ ﺍﺫﺍ ﺑﺎﺵ ﻧﻨﺠﺢ ﻭﻻﻻ ... ﺍﻣﺎ ﻭﻫﻮ ﺑﻌﻴﺪ ﺑﺎﺵ ﻳﺘﻠﺰ ﻳﺎﺧﻮ ﺑﻜﻼﻣﻲ ... ﻟﻲ ﻳﻬﻤﻨﻲ ﺍﻧﻲ ﻧﺎﺧﻮ ﻟﻲ ﻧﺤﺐ ﻋﻠﻴﻪ ... ﻭﻧﺨﺮﺝ ﻗﺪﺍﻣﻬﻢ ﺍﻟﻜﻞ ... ﻭﻗﺘﻬﺎ ﻻ ﺭﺍﻫﻮ ﺑﺎﺵ ﻳﻤﻨﻌﻨﻲ ﻭﻻ ﺑﺎﺵ ﻳﺤﻜﻲ ﺷﻲ ... ﺧﺎﻃﺮ ﻣﺘﺄﻛﺪﺓ ﻛﺎﻥ ﻧﻄﻠﺐ ﻣﻨﻮ ﻣﻌﻠﻮﻣﺎﺕ ﻋﻠﻰ ﻣﻴﺮﺍﻝ ﺑﺎﺵ ﻳﺘﻌﻤﺪ ﻳﻌﻄﻴﻬﺎﻟﻲ ﻧﺎﻗﺼﺔ ﻋﻠﻰ ﻫﺬﺍﻛﺎ ﺍﻧﺎ ﺑﺎﺵ ﻧﺎﺧﻮﻫﺎ ﻣﻨﻮ ... ﻭﻗﺪﺍﻡ ﻋﻴﻨﻴﻪ ... ﺍﺻﻼ ﺣﺘﻰ ﻛﺎﻥ ﻋﺮﻑ ﻣﺎﻫﻮﺵ ﺑﺎﺵ ﻳﻨﺠﻢ ﻳﻘﺮﺏ ﻣﻨﻲ ﻭﻻ ﺣﺘﻰ ﻳﻬﺪﺩﻧﻲ ... ﺳﺮﺣﺖ ﻓﻲ ﺍﻟﺒﺤﺮ ﻣﺮﺓ ﺍﺧﺮﻯ ... ﻧﺴﻴﺖ ﻟﻜﻨﺖ ﻧﺨﻤﻢ ﻓﻴﻪ ﺟﻤﻠﺔ ... ﺗﺒﺴﻤﺖ ﻭ ﺍﻧﺎ ﻧﺬﻛﺮ ﻓﻲ ﺍﻟﻠﻴﻠﺔ ﻫﺬﻳﻜﺎ ... ﻳﻤﻜﻦ ﻛﺎﻧﺖ ﺍﺣﻠﻰ ﻭ ﺍﺻﺪﻕ ﻟﻴﻠﺔ ﻋﺪﻳﺘﻬﺎ ﻣﻌﺎﻩ ﻓﻲ ﺣﻴﺎﺗﻲ ... ﺍﻣﺎ ﻓﻲ ﻟﺤﻈﺔ ﻓﻘﺖ ﻟﻬﻲ ﺣﻠﻤﺔ ... ﺣﻠﻤﺔ ﺑﺎﻫﻴﺔ ... ﺧﻼﺕ ﻭﺭﺍﻫﺎ ﺑﺮﺷﺎ ﺣﺎﺟﺎﺕ ﺧﺎﻳﺒﻴﻦ ... ﻧﺰﻟﺖ ﺭﺍﺳﻲ ﺷﻮﻳﺔ ﻧﻐﺰﺭ ﻟﻠﺨﺎﺗﻢ ﻓﻲ ﻳﺪﻱ ... ﻣﻨﻌﺮﻓﺶ ﻋﻼﻩ ﻟﺘﻮﺍ ﻻﺑﺴﺎﺗﻮ ﺍﻧﺎ ... ﻳﻤﻜﻦ ﺑﺎﺵ ﻳﺠﻲ ﻧﻬﺎﺭ ﻭ ﻧﻈﻄﺮ ﻧﺤﻴﻪ ... ﻣﻦ ﻏﻴﺮ ﻣﺎ ﻧﺨﻤﻢ ﻣﺮﺗﻴﻦ ... ﻏﺰﺭﺕ ﻟﻬﺎﺭﻭﻥ ... ﺣﺘﻰ ﻫﻮ ﺳﺎﺭﺡ ﻓﻲ ﺩﻧﻴﺎ ﺍﺧﺮﻯ ... ﺗﻜﻴﺖ ﻟﺘﺎﻟﻲ ... ﻧﺤﺐ ﻧﻨﺴﻰ ﻛﻠﺸﻲ ﻭﻣﺎ ﻧﻔﻜﺮ ﻓﻲ ﺷﻲ ... ﺧﺎﺻﺔ ﻓﻴﻪ ﻫﻮ ... ﻧﺤﺐ ﻧﻤﺤﻲ ﻛﻞ ﺫﻛﺮﻯ ﻣﻌﺎﻩ ﻓﻲ ﻣﺨﻲ ... ﺑﺎﻟﺴﻴﻒ ﻋﻠﻴﺎ ﻻﺯﻣﻨﻲ ﻧﻨﺴﻰ ... ﻭ ﺍﻻ ﻣﺴﺘﺤﻴﻞ ﻧﺠﻢ ﻧﻌﻴﺶ ﻫﻜﺎ ... ﺑﻴﻦ ﻧﺎﺭﻳﻦ ... ﺑﻴﻦ ﺍﻟﻤﺪ ﻭﺍﻟﺠﺰﺭ ﺯﻳﺎﺩ ﻳﺤﻜﻲ : ﻧﻤﺸﻲ ﻭ ﻧﺠﻲ ﻓﻲ ﺍﻟﺒﻴﺮﻭ ... ﺭﺍﺳﻲ ﻧﺤﺴﻮ ﺑﺎﺵ ﻳﻄﺮﺷﻖ ... ﻗﺪ ﻣﺎ ﺣﺎﻭﻟﺖ ﻧﻠﻘﻰ ﻃﺮﻑ ﺧﻴﻂ ﺷﻲ ... ﻣﻌﺎﺩﺵ ﻓﺎﻫﻢ ﺷﻨﻴﺔ ﻟﻲ ﻗﺎﻋﺪ ﻳﺼﻴﺮ ﺑﺎﻟﻈﺒﻂ ... ﻗﺪ ﻣﺎ ﺣﺎﻭﻟﺖ ﻣﻨﺠﻤﺘﺶ ﻧﻌﺮﻑ ﺷﻨﻴﺔ ﻟﻲ ﺧﻼﻩ ﻳﻌﺘﺮﻑ ﺑﻴﻬﺎ ﻗﺪﺍﻣﻨﺎ ﺍﻟﻜﻞ ... ﺑﺎﺍﺯ ﻓﻤﺎ ﺷﻲ ﺑﻴﻨﻬﻢ ... ﺑﺎﺯ ﻋﺮﻓﺖ ﻋﻠﻴﻪ ﺷﻲ ... ﺧﻼﺗﻮ ﻳﺘﺼﺮﻑ ﺑﺎﻟﻄﺮﻳﻘﺔ ﻫﺎﺫﻱ ... ﺧﺬﻳﺖ ﻧﻔﺲ ﻧﻌﻴﻂ ﻻﺳﻤﺎﻋﻴﻞ ... ﺩﺧﻞ ﺑﺎﻟﻮﻗﺖ ﻳﺤﻜﻲ ﺍﺳﻤﺎﻋﻴﻞ : ﺷﻔﻤﺎ ﺯﻳﺎﺩ ﺍﻧﺎ : ﺍﻟﺴﺨﻄﺔ ﻫﺬﺍﻛﺎ ﻓﻲ ﺑﻴﺮﻭﻩ ﺗﻮﺍ ﺍﺳﻤﺎﻋﻴﻞ : ﺷﻜﻮﻥ ﺍﻧﺎ : ﻳﻌﻘﻮﺏ ... ﺣﻀﺮﺓ ﺟﻨﻴﺮﺍﻝ ﺍﻟﻜﺒﻴﺮ ﺍﺳﻤﺎﻋﻴﻞ : ﻧﻈﻦ ﻣﺎﻫﻮﺵ ﻏﺪﻳﻜﺎ ... ﺧﺎﻃﺮ ﺭﺟﻌﻮ ﻧﺰﻟﻮ ﺩﻭﺳﻴﺎﺕ ﺍﻧﺎ : ﺑﺎﻫﻲ ﻣﻼ ﺑﺎﺵ ﻧﻄﻠﻊ ﺗﻮﺍ ﺍﺳﻤﺎﻋﻴﻞ : ﻭﻛﻴﻒ ﺑﺎﺵ ﺗﺘﺼﺮﻑ ﻣﻊ ﺭﺟﺎﻟﻮ ﺍﻧﺎ : ﺍﻟﻤﺮﺓ ﻫﺎﺫﻱ ﻣﻌﺎﺩ ﻳﻬﻤﻨﻲ ﻓﻲ ﺷﻲ ... ﻭﺟﻬﻮ ﻟﻲ ﺧﺒﺎﻩ ﻋﻠﻴﻨﺎ ﺳﻨﻴﻦ ﻇﻬﺮ ﻗﺪﺍﻣﻨﺎ ﺍﻟﻜﻞ ... ﺷﻤﺰﺍﻝ ﻋﻨﺪﻭ ﻳﺨﺎﻑ ﺍﺳﻤﺎﻋﻴﻞ : ﺍﻣﺎ ﺍﻧﺖ ﺗﻌﺮﻑ ﺑﺎﻟﻘﺪﺍ ﺑﻴﺮﻭﻙ ﻭ ﺑﻴﺮﻭﻩ ﻣﻤﻨﻮﻉ ﻳﺪﺧﻠﻬﻢ ﺣﺪ ﺍﻧﺎ : ﻫﺬﺍﻛﺎ ﻛﺎﻥ ﺑﻜﺮﻱ ... ﺧﻠﻴﻪ ﻳﻤﻨﻌﻨﻲ ﺗﻮﺍ ... ﺍﻧﺎ ﻻﺯﻡ ﻧﻌﺮﻑ ﻟﺸﻨﻴﺔ ﻗﺎﻋﺪ ﻳﺨﻄﻂ ... ﺧﺎﻃﺮ ﻛﻴﻒ ﺍﺳﺘﺴﻠﻢ ﻓﻲ ﻟﺤﻈﺔ ﻭﻭﺭﺍﻧﺎ ﻭﺟﻬﻮ ﻧﺎﺱ ﺍﻟﻜﻞ ﻣﻌﻨﺎﻫﺎ ﺍﻟﺤﻜﺎﻳﺔ ﺍﻛﺒﺮ ﻣﻦ ﻫﻜﺎ ﺍﺳﻤﺎﻋﻴﻞ : ﺑﺎﻫﻲ ﺑﺎﺵ ﻧﻄﻠﻊ ﻣﻌﺎﻙ ﻫﺰﻳﺘﻠﻮ ﺑﺮﺍﺳﻲ ﺑﺎﻫﻲ
أنت تقرأ
🔥🔞"في أحضان عزرائيل"🔞🔥( الجزء الخامس)
Romanceهيا تلمو البنات نكمللكم الكروو🙋❤ #نحبكم ❤ #شيماء
