ﻫﺰ ﻳﺪﻭ ﻋﺪﺍﻫﺎ ﻋﻠﻰ ﻭﺟﻬﻮ ﺑﻐﺰﻭﻝ ... ﻭ ﻧﺰﻝ ﺭﺍﺳﻮ ﻏﺰﺭﻟﻲ ﻳﺤﻜﻲ ﺯﻳﺎﺩ : ﺑﺎﻫﻲ ﺑﺮﺍ ﺣﻀﺮ ﺭﻭﺣﻚ ﺟﺒﺪﺕ ﺭﻭﺣﻲ ﻣﻨﻮ ... ﺗﺒﺴﻤﺖ ﻋﻠﻰ ﺟﻨﺐ ... ﺩﺧﻠﺖ ﻟﻠﺒﻴﺖ ... ﻟﺒﺴﺖ ﺷﻮﺭﺕ ﺟﻴﻦ ... ﻭ ﺧﻠﻌﺔ ﺑﺮﻭﺗﺎﻝ ﻓﻲ ﺍﻟﻨﻮﺍﺭ ... ﺧﻠﻴﺖ ﺷﻌﺮﻱ ﺍﻛﺎﻛﺎ ... ﺣﻄﻴﺖ ﻣﻜﻴﺎﺝ ﺧﻔﻴﻒ ... ﻣﻨﺤﺒﺶ ﻧﻈﻬﺮ ﻻﻧﺎ ﻣﺎﺷﻴﺔ ﻟﺤﻔﻠﺔ ... ﺍﻭﻝ ﻣﺎ ﺧﺮﺟﺖ ﻟﻘﻴﺘﻮ ﻗﺎﻋﺪ ﻋﺎﻟﻔﻮﺗﺎﻱ ... ﻳﺒﺮﺏﺵ ﻓﻲ ﺗﻠﻴﻔﻮﻥ ... ﻃﻠﻊ ﺭﺍﺳﻮ ﻏﺰﺭﻟﻲ ﺑﺸﻄﺮ ﻋﻴﻦ ... ﺗﻜﺎ ﻟﺘﺎﻟﻲ ﻳﺤﻜﻲ ﺯﻳﺎﺩ : ﺷﻨﻮﺓ ﻫﺬﺍ ﺍﻧﺎ : ﺷﻨﻴﺔ ﺯﻳﺎﺩ : ﺳﻮﺍﺍﺍﺭ ﻳﺎﺍﺍﺧﻲ ﻧﺎﻭﻳﺔ ﺗﻬﺒﻠﻨﻲ ﺍﻧﺖ ... ﻏﺰﺭﺕ ﻟﺮﻭﺣﻚ ﻗﺒﻞ ﻣﺎ ﺗﺨﺮﺟﻠﻲ ﻫﻜﺎ ﺍﻧﺎ : ﻣﻤﻤﻢ ﻋﻼﻩ ﻫﺰ ﺭﻭﺣﻮ ﻭﻗﻒ ... ﻗﺮﺏ ﻣﻨﻲ ... ﻫﺰ ﻳﺪﻭ ﻓﻲ ﻭﺟﻬﻲ ﻳﺤﻜﻲ ﺯﻳﺎﺩ : ﺗﻌﺮﻑ ﻋﻠﻰ ﺷﻨﻮﺓ ﻧﺤﻜﻲ ... ﻭ ﻫﺎﻙ ﺧﺴﺮﺕ ﻭﻗﺘﻚ ... ﺑﺮﺍ ﺷﺪ ﺑﻴﺘﻚ ﻟﻴﻦ ﻧﺮﺟﻊ ﺟﺎ ﺑﺎﺵ ﻳﺨﺮﺝ ... ﻭﻗﻔﺖ ﻗﺪﺍﻣﻮ ... ﻃﻠﻌﺖ ﺭﺍﺳﻲ ﻧﺤﻜﻲ ﺍﻧﺎ : ﺷﻨﺒﻘﻰ ﻓﻲ ﺍﻟﻜﺮﻫﺒﺔ ... ﻣﺎﻧﻴﺶ ﺑﺎﺵ ﻧﻨﺰﻝ ﺍﻣﺎ ﻣﺘﺨﻠﻴﻨﻴﺶ ﻫﻮﻧﻲ ﻭﺣﺪﻱ ﺍﻣﺎﻧﻚ ... ﺍﻣﺎﻥ ﺯﻳﺎﺩ ﻫﺰﻟﻲ ﺑﺮﺍﺳﻮ ﺍﻳﻪ ... ﺍﺻﻼ ﻣﻨﻌﺮﻓﺶ ﻛﻴﻒ ﻭﺻﻠﻨﺎ ﻟﻠﻜﺮﻫﺒﺔ ... ﻃﻮﻝ ﺍﻟﺜﻨﻴﺔ ﻭ ﻫﻮ ﻳﻐﺰﻝ ... ﻣﺶ ﻋﺎﺟﺒﻮ ... ﺍﻭﻝ ﻣﺎ ﻭﺻﻠﻨﺎ ... ﺷﺪ ﺍﻟﻔﺮﺍﻥ ﺑﺎﻟﻘﺎﻭﻱ ﻳﺤﻜﻲ ﺯﻳﺎﺩ : ﺭﺩ ﺑﺎﻟﻚ ﺗﻨﺰﻝ ... ﻭ ﺍﻻ ﻣﺎ ﺗﻠﻮﻡ ﻛﺎﻥ ﺭﻭﺣﻚ ﺳﺎﻋﺘﻬﺎ ﺍﻧﺎ : ﺑﺎﻫﻲ ﻧﺤﺐ ﻋﻠﻰ ﺗﻠﻴﻔﻮﻧﻚ ... ﺑﻠﻜﺸﻲ ﻧﻜﻠﻢ ﺯﻳﻨﺐ ﻧﻄﻤﻦ ﻋﻠﻴﻬﺎ ﺣﻂ ﺗﻠﻴﻔﻮﻥ ﻓﻲ ﻳﺪﻱ ﻭ ﻧﺰﻝ ... ﺑﻘﻴﺖ ﻧﺸﻴﻊ ﻓﻴﻪ ﻟﻴﻦ ﺑﻌﺪ ... ﺻﻮﺕ ﺍﻟﻤﻮﺳﻴﻘﻰ ﻭﺍﺻﻞ ﻋﻨﺪﻱ ... ﻇﺎﻫﺮ ﻓﻴﻬﺎ ﺣﻔﻠﺔ ﻋﺎﻟﺸﻂ ... ﺗﻜﻴﺖ ﻟﺘﺎﻟﻲ ﻧﺒﺮﺑﺶ ﻓﻲ ﺗﻠﻴﻔﻮﻧﻮ ... ﻛﻠﻤﺖ ﺯﻳﻨﺐ ﻣﺤﺒﺶ ﻳﻌﻠﻖ ... ﺣﻄﻴﺘﻮ ﺑﻐﺰﻭﻝ ... ﻧﻐﺰﺭ ﻟﻨﺎﺱ ﻟﻲ ﺩﺍﺧﻠﻴﻦ ... ﻓﺪﻳﺖ ﻭﺣﺪﻱ ... ﻧﻔﺨﺖ ﺑﺎﻟﻘﺎﻭﻱ ... ﻭ ﻧﺰﻟﺖ ﻣﻦ ﺍﻟﻜﺮﻫﺒﺔ ... ﺑﻘﻴﺖ ﻭﺍﻗﻔﺔ ﻏﺎﺩﻱ ... ﻣﻨﻌﺮﻓﺶ ﻛﻴﻒ ﺑﺪﻳﺖ ﻧﻘﺮﺏ ... ﻛﻞ ﺧﻄﻮﺓ ﻧﻘﺮﺏ ﺑﻴﻬﺎ ﺻﻮﺕ ﺍﻟﻤﻮﺳﻴﻘﻰ ﻳﻘﻮﻯ ... ﻭﻗﻔﺖ ﻧﺮﺍ ﻓﻴﻬﻢ ﻣﻦ ﻓﻮﻕ ... ﻣﻮﺳﻴﻘﻰ ﻭ ﺭﻗﺺ ﻋﺎﻟﺸﻂ ... ﺣﺎﻭﻟﺖ ﻧﻠﻤﺤﻮ ﻣﻦ ﻓﻮﻕ ﺷﻲ ... ﺣﻄﻴﺖ ﻳﺪﻳﺎ ﺯﻭﺯ ﻓﻲ ﻣﻜﺎﺗﺐ ﺷﻮﺭﺕ ﻣﻦ ﺗﺎﻟﻲ ... ﻭ ﻧﺰﻟﺖ ﺍﻟﺪﺭﻭﺝ .. ﻣﻨﻌﺮﻓﺶ ﻋﻼﻩ ﻋﻤﻠﺖ ﺍﻛﺎﻛﺎ ... ﺍﻣﺎ ﻓﻜﺮﺓ ﻟﻬﻮ ﺷﻴﻜﻮﻥ ﻣﻌﺎﻫﺎ ﺧﻼﺗﻨﻲ ﻧﻨﺰﻝ ﻣﻦ ﻏﻴﺮ ﻣﺎ ﻧﻔﻜﺮ ... ﺩﺧﻠﺖ ﻓﻲ ﻭﺳﻄﻬﻢ ... ﻧﻔﺮﻛﺲ ﻋﻠﻴﻪ ﺑﻌﻴﻨﻴﺎ ﺷﻲ ... ﻗﺮﺑﺖ ﻭﻗﻔﺖ ﺑﺤﺬﺍ ﺍﻟﻜﻨﺘﻮﺍﺭ ... ﺧﺎﺻﺔ ﺍﻧﻲ ﻣﺎ ﻧﻌﺮﻑ ﺣﺘﻰ ﺣﺪ ﻫﻮﻧﻲ ... ﻭ ﻻ ﻧﻌﺮﻑ ﺍﻟﻠﻐﺔ ﻫﻮﻧﻲ ... ﻫﺰﻳﺖ ﻛﺎﺳﺔ ﻋﺼﻴﺮ ﻓﻲ ﻳﺪﻱ ... ﻗﺒﻞ ﻣﺎ ﻧﺤﻄﻬﺎ ﻓﻲ ﻓﻤﻲ ... ﻧﺴﻤﻊ ﻓﻲ ﻃﻔﻠﺔ ﺗﻌﻴﻂ ﺑﺴﺎﻣﻬﺎ ... ﻭﺳﻂ ﺍﻟﻀﺠﺔ ﻫﺬﻳﻜﺎ ﺍﻟﻜﻞ ﺳﻤﻌﺘﻬﺎ ... ﺗﻠﻔﺖ ﺑﺎﻟﻮﻗﺖ ﻧﻐﺰﺭﻟﻬﺎ ... ﺟﺎﻳﺔ ﺗﺠﺮﻱ ... ﻻﺑﺴﺔ ﻣﺮﻳﻮﻝ ﻧﺺ ... ﺷﻄﺮ ﻛﺮﺷﻬﺎ ﺗﺒﺎﻥ ... ﻭ ﺷﻮﺭﺕ ... ﺷﻌﺮﻫﺎ ﻓﻲ ﻃﻮﻝ ﺷﻌﺮﻱ ﺑﺎﻟﻈﺒﻂ ... ﺑﻘﻴﺖ ﻧﻐﺰﺭﻟﻬﺎ ﺗﻌﺪﺍﺕ ﻋﻠﻴﺎ ... ﻣﻨﻌﺮﻓﺶ ﻋﻼﻩ ﺭﻛﺰﺕ ﻣﻌﺎﻫﺎ ﻟﻬﺪﺭﺟﺔ ... ﺑﻘﻴﺖ ﻧﺘﺒﻊ ﻓﻴﻬﺎ ﺑﻌﻴﻨﻴﺎ ... ﺭﻳﺘﻬﺎ ﻛﻴﻒ ﻭﺻﻠﺖ ﻋﻨﺪﻭ ... ﻗﺮﺑﺖ ﻣﻨﻮ ﻋﺎﻟﻠﺨﺮ ﺳﻠﻤﺖ ﻋﻠﻴﻪ ... ﻫﺰ ﻳﺪﻭ ﺣﻄﻬﺎ ﻋﻠﻰ ﺟﻨﺒﻬﺎ ... ﻋﻘﺪﺕ ﺣﻮﺍﺟﺒﻲ ﻣﺴﺘﻐﺮﺑﺔ ... ﻧﺎﻗﺺ ﻛﺎﻥ ﻳﺒﻮﺳﻬﺎ ... ﻧﻐﺰﺭﻟﻪﺍ ﻛﻴﻒ ﻗﺎﻋﺪﺓ ﺗﺤﻜﻲ ﻣﻌﺎﻩ ... ﻭﺗﻌﺮﻑ ﻓﻴﻪ ﻋﻠﻰ ﻭﺍﺣﺪ ﻭﺍﻗﻒ ﻣﻌﺎﻫﺎ ﻭ ﻃﻔﻠﺔ ﺯﺍﺩﺓ ... ﻧﺎﻗﺺ ﻣﻌﺮﻓﺔ ﻫﻮ ... ﻗﺮﺑﺖ ﻣﻦ ﺍﻟﻜﻨﺘﻮﺍﺭ ﺷﺮﺑﺖ ﻛﺎﺳﺔ ﺍﻟﻌﺼﻴﺮ ﻓﺮﺩ ﻣﺮﺓ ... ﺑﺎﻗﻲ ﻧﻐﺰﻝ ... ﻛﻠﺶ ﺷﻮﻳﺔ ﻧﻐﺰﺭﻟﻮ ... ﻭﺍﻗﻒ ﻓﻲ ﺑﻼﺻﺘﻮ ﻭ ﻳﺤﻜﻲ ﻣﻌﺎﻫﻢ ... ﺭﻣﻴﺖ ﻳﺪﻱ ﻫﺰﻳﺖ ﻛﺎﺳﺔ ﺍﺧﺮﻯ ﺷﺮﺑﺘﻬﺎ ﻓﺮﺩ ﻣﺮﺓ ... ﺗﺮﻭﻫﺠﺖ ﺍﺻﻞ ... ﺣﻄﻴﺘﻬﺎ ﻣﻦ ﻳﺪﻱ ... ﻧﺎﻗﺼﺔ ﺑﺎﺵ ﻧﺸﺮﺏ ﺍﻟﻬﻢ ﻫﺬﺍ ... ﻣﻨﻌﺮﻓﺶ ﻛﻴﻒ ﺟﺎ ﻓﻲ ﻳﺪﻱ ... ﺍﻣﺎ ﻫﺪﺍﻧﻲ ﻓﺮﺩ ﻭﻗﺖ ... ﺭﺟﻌﺖ ﺗﻜﻴﺖ ﺑﻴﺪﻳﺎ ﺍﻟﺰﻭﺯ ﻋﺎﻟﻜﻨﺘﻮﺍﺭ ... ﻏﺰﺭﺗﻠﻬﺎ ﻛﻴﻒ ﻗﺮﺑﺖ ﻣﻨﻮ ... ﺣﻄﺖ ﻳﺪﻫﺎ ﻋﻠﻰ ﻳﺪﻭ ... ﻭ ﺗﺤﻜﻲ ﻭ ﺗﻀﺤﻚ ﻓﺮﺩ ﻭﻗﺖ ... ﻭ ﺗﻌﻤﻞ ﻓﻲ ﺣﺮﻛﺎﺕ ﺑﻴﺪﻳﻬﺎ ... ﻣﻨﻌﺮﻓﺶ ﻋﻼﻩ ﺣﺴﻴﺖ ﺑﺸﻲ ﻏﺮﻳﺐ ﺩﺍﺧﻠﻲ ﺍﻛﺜﺮ ﻣﻦ ﺍﻟﻐﻴﺮﺓ ... ﺍﻟﻄﻔﻠﺔ ﻫﺎﺫﻱ ﻣﺎﻫﻴﺶ ﻛﻴﻒ ﻣﻴﺮﺍﻝ ﻭ ﻻ ﺍﻱ ﻭﺣﺪﺓ ﺍﺧﺮﻯ ... ﻧﻮﻋﻴﺔ ﻏﺎﻣﻀﺔ ﻭ ﻛﻴﻤﺎ ﻳﺤﺐ ﻫﻮ ﺑﺎﻟﻈﺒﻂ ... ﻓﻜﺮﺓ ﻟﻬﻲ ﺑﺎﺵ ﺗﻌﺠﺒﻮ ... ﺧﻼﺕ ﻗﻠﺒﻲ ﻳﺪﻕ ﺑﺎﻟﻘﺎﻭﻱ ... ﺟﺒﺪﺕ ﻛﺎﺳﺔ ﺍﺧﺮﻯ ... ﻛﺒﺴﺖ ﻋﻠﻴﻬﺎ ... ﺷﺮﺑﺖ ﻣﻨﻬﺎ ﺷﻮﻳﺔ ... ﻭﺭﺟﻌﺖ ﻏﺰﺭﺗﻠﻮ ... ﻟﻘﻴﺘﻮ ﻣﺮﻛﺰ ﻣﻌﺎﻳﺎ ﻋﺮﻓﺖ ﻟﻬﻮ ﻟﻤﺤﻨﻲ ... ﻫﺰﻳﺖ ﺍﻟﻜﺎﺳﺔ ﻓﻲ ﻭﺟﻬﻮ ﻭ ﺗﺒﺴﻤﺖ ﻋﻠﻰ ﺟﻨﺐ ... ﻋﻴﻨﻴﻪ ﻭﺳﺎﻋﺖ ... ﻣﻦ ﻧﻈﺮﺍﺗﻮ ﻋﺮﻓﺘﻮ ﻳﺤﺬﺭ ﻓﻴﺎ ... ﺗﻠﻔﺖ ﻭ ﺷﺮﺑﺘﻬﺎ ﻓﺮﺩ ﻣﺮﺓ ... ﺣﺴﻴﺖ ﺑﺪﻭﺧﺔ ﻗﻮﻳﺔ ... ﺍﻣﺎ ﻧﻌﺮﻑ ﺭﻭﺣﻲ ﻣﺰﻟﺖ ﺻﺎﺣﻴﺔ ﻭ ﻣﺴﻜﺮﺗﺶ ﺑﺮﺷﺎ ... ﺧﺬﻳﺖ ﻧﻔﺲ ... ﺭﺟﻌﺖ ﺷﻌﺮﻱ ﻟﺘﺎﻟﻲ ... ﻭ ﻣﺸﻴﺖ ﻋﻨﺪﻭ ... ﻳﻜﻔﻲ ﺍﻟﻮﻗﺖ ﺍﻟﻠﻲ ﻋﺪﺍﻩ ﻣﻌﺎﻫﺎ ﻟﺘﻮﺍ
أنت تقرأ
🔥🔞"في أحضان عزرائيل"🔞🔥( الجزء الخامس)
Romanceهيا تلمو البنات نكمللكم الكروو🙋❤ #نحبكم ❤ #شيماء
