ﺯﻳﺎﺩ ﻳﺤﻜﻲ : ﺑﻘﻴﺖ ﻧﺪﺍﺩﻱ ﻓﻲ ﺻﺎﻟﺔ ﺭﺍﻳﺢ ﺟﺎﻱ ... ﻣﻨﻌﺮﻓﺶ ﺷﺒﺎﺵ ﻧﻌﻤﻞ ﺑﺎﻟﻈﺒﻂ ... ﺍﻭﻝ ﻣﺮﺓ ﻣﻨﺠﻤﺶ ﻧﻮﺍﺳﻴﻬﺎ ... ﺍﻭﻝ ﻣﺮﺓ ﻧﺤﺲ ﺍﻧﻮ ﺍﻛﺒﺮ ﻏﻠﻄﺔ ﻋﻤﻠﺘﻬﺎ ﺧﻠﻴﺘﻬﺎ ﺗﻘﺎﺑﻠﻮ ... ﻭ ﻧﻌﺮﻑ ﻟﻬﻮ ﻗﺪﺍﺷﻮ ﺳﺎﻗﻂ ... ﻭ ﺍﻧﺘﻬﺎﺯﻱ ... ﻣﻨﻌﺮﻑﺵ ﻓﺎﺵ ﺣﻜﺎﻭ ﻭ ﻻ ﺷﻨﻴﺔ ﻗﻠﻬﺎ ... ﺍﻣﺎ ﻣﺘﺄﻛﺪ ﺍﻧﻮ ﺟﺮﺣﻬﺎ ... ﻟﺪﺭﺟﺔ ﻣﻨﺠﻤﺘﺶ ﺗﻬﺰ ﺭﺍﺳﻬﺎ ﺣﺘﻰ ... ﻋﺪﻳﺖ ﻳﺪﻱ ﻋﻠﻰ ﻭﺟﻬﻲ ﺑﻐﺰﻭﻝ ... ﻻﺍﺍ ﻫﺬﺍ ﻣﺶ ﺣﻞ ... ﻻﺯﻣﻨﻲ ﻧﺤﻜﻲ ﻣﻌﺎﻫﺎ ... ﻣﺴﺘﺤﻴﻞ ﻧﺨﻠﻴﻬﺎ ﻭﺣﺪﻫﺎ ... ﻭ ﻟﺒﺎﺵ ﻳﺼﻴﺮ ﺧﻠﻴﻪ ﻳﺼﻴﺮ ... ﻫﺰﻳﺖ ﺭﻭﺣﻲ ﻣﺸﻴﺖ ﻋﻨﺪﻫﺎ ... ﺧﺬﻳﺖ ﻧﻔﺲ ﻭ ﺣﻠﻴﺖ ﺑﺎﺏ ﺍﻟﺒﻴﺖ ... ﺻﻮﺕ ﺷﻬﻘﺎﺗﻬﺎ ﻭﺻﻠﻮﻧﻲ ﺣﺘﻰ ﻗﺒﻞ ﻣﺎ ﻧﻘﺪﻡ ﺧﻄﻮﺓ ﻭﺣﺪﺓ ... ﻗﻠﺒﻲ ﻋﺼﺮ ﻋﻠﻴﺎ ... ﺍﻛﺜﺮ ﺷﻲ ﻧﻔﺪ ﻣﻨﻮ ... ﺩﻣﻮﻋﻬﺎ ... ﻣﻨﺤﺒﻬﺎﺵ ﺗﺒﻜﻲ ... ﻳﻜﻔﻲ ﻟﻲ ﺗﻌﺪﺍ ﻋﻠﻰ ﺭﺍﺳﻬﺎ ﻟﺘﻮﺍ ... ﺭﺧﻔﺖ ﻳﺪﻱ ﻋﺎﻟﺒﻮﺍﻧﻲ ... ﻭ ﻗﺮﺑﺖ ﻣﻨﻬﺎ ... ﻗﻌﺪﺕ ﻋﻠﻰ ﻃﺮﻑ ﺍﻟﺴﺮﻳﺮ ... ﻧﺰﻟﺖ ﻋﻠﻴﻬﺎ ﺷﻮﻳﺔ ... ﻫﺰﻳﺖ ﻳﺪﻱ ﺑﻌﺪﺕ ﺷﻌﺮﺍﺗﻬﺎ ﻣﻦ ﻭﺟﻬﺎ ... ﻧﺤﻜﻲ ﺍﻧﺎ : ﺳﻮﺍﺍﺍﺭ ... ﻋﺰﻳﺰﺗﻲ ... ﻳﺎ ﺭﻭﺣﻲ ﺍﻧﺖ ... ﻧﺤﺒﻚ ﺗﻨﺴﻰ ﻟﻲ ﺻﺎﺭ ﺟﻤﻠﺔ ... ﺣﺪ ﻣﺎ ﻳﺴﺘﺎﻫﻞ ﺗﻌﻤﻞ ﻓﻲ ﺭﻭﺣﻚ ﻫﻜﺎ ﻋﻠﻰ ﺧﺎﻃﺮﻭ ﻫﺰﺕ ﺭﻭﺣﻬﺎ ﺷﻮﻳﺔ ... ﺗﻠﻔﺘﺖ ﻋﻨﺪﻱ ... ﻗﺮﺑﺖ ﻣﻨﻲ ﺍﻛﺜﺮ ... ﺩﻭﺭﺕ ﻳﺪﻳﻬﺎ ﺯﻭﺯ ﻋﻠﻰ ﺟﻨﺎﺑﻲ ... ﻭ ﺣﻄﺖ ﺭﺍﺳﻬﺎ ﻋﻠﻰ ﺻﺪﺭﻱ ... ﺑﺎﻗﻲ ﺗﺒﻜﻲ ... ﻫﺰﻳﺖ ﻳﺪﻱ ﻋﺪﻳﺘﻬﺎ ﻋﻠﻰ ﺷﻌﺮﻫﺎ ﻧﺤﻜﻲ ﺍﻧﺎ : ﺷﻘﺎﻟﻚ ... ﺷﻨﻮﺓ ﻟﻲ ﺻﺎﺭ ﻟﺪﺍﺧﻞ ... ﺷﺒﻲ ﺻﻐﺮﻭﻧﺘﻲ ﻫﻜﺎ ﺟﺒﺪﺕ ﺭﻭﺣﻬﺎ ﻣﻨﻲ ﺗﻘﻌﺪﺕ ... ﻋﺪﺍﺕ ﻳﺪﻫﺎ ﻋﻠﻰ ﺧﺪﻫﺎ ﻣﺴﺤﺖ ﺩﻣﻮﻋﻬﺎ ﺗﺤﻜﻲ ﺳﻮﺍﺭ؛ﻡ ﻣﺴﺘﺤﻴﻞ ﻳﻜﻮﻥ ﺑﺎﺑﺎ ... ﻣﺴﺘﺤﻴﻞ ﺣﺪ ﻛﻴﻔﻮ ﻳﻜﻮﻥ ﺑﻮ ﻋﻘﺪﺕ ﺣﻮﺍﺟﺒﻲ ﻣﺴﺘﻐﺮﺏ ... ﺗﻌﺪﻟﺖ ﻓﻲ ﻗﻌﺪﺗﻲ ... ﻭﻟﻴﺖ ﻣﻘﺎﺑﻠﻬﺎ ... ﺿﻴﻘﺖ ﻋﻴﻨﻴﺎ ﻧﺤﻜﻲ ﺍﻧﺎ : ﻋﻼﻩ ... ﺷﺼﺎﺭ ﺗﺒﺴﻤﺖ ﻧﺪﺭﺍ ﻛﻴﻒ ... ﻏﺰﺭﺗﻠﻲ ... ﺑﻨﻈﺮﺓ ﺑﺎﺭﺩﺓ ... ﺗﺤﻜﻲ ﺳﻮﺍﺭ؛ﻗﺎﻟﻲ ﻛﺎﻥ ﺟﻴﺖ ﺳﻮﺍﺭ ﻛﻬﻮ ... ﻛﻨﺖ ﻧﺠﻢ ﻧﻘﺒﻠﻚ ﻓﻲ ﺣﻴﺎﺗﻲ ... ﺍﻣﺎ ﺩﻧﻴﺰ ﻣﻌﻨﺪﻫﺎﺵ ﺑﻼﺻﺔ ﻣﻌﺎﻳﺎ ﻗﻠﺒﻲ ﺧﺾ ﺑﺎﻟﻘﺎﻭﻱ ... ﻭ ﻋﺮﻭﻕ ﺑﺪﻧﻲ ﺗﻜﺒﺴﺖ ﻣﻦ ﻛﻼﻣﻬﺎ ... ﻣﻨﻌﺮﻓﺶ ﺍﺫﺍ ﻗﺎﻋﺪﺓ ﺗﺤﻜﻲ ﻟﻲ ﺻﺎﺭ ﻭ ﻻ ﺗﻠﻮﻡ ﻓﻴﺎ ... ﺧﺎﻃﺮﻧﻲ ﺍﻧﺎ ﻭﺻﻠﺘﻬﺎ ﻟﻬﻮﻧﻲ ... ﺟﻴﺖ ﺑﺎﺵ ﻧﺤﻜﻲ ... ﻗﺼﺖ ﻋﻠﻴﺎ ... ﻭ ﻛﻤﻠﺖ ﻛﻼﻣﻬﺎ ﺳﻮﺍﺭ : ﻫﻬﻬﻬﻬﻬﻪ ﻗﺎﻝ ﻟﻬﻮ ﺑﺎﺵ ﺗﺨﻠﻴﻨﻲ ﻭﻗﺖ ﺗﻌﺮﻑ ﺷﻜﻮﻥ ﺍﻏﺘﺼﺒﻨﻲ ... ﺍﻧﺖ ﺑﺎﺵ ﺗﻌﻤﻠﻬﺎ ﺑﻘﻴﺖ ﻧﻐﺰﺭﻟﻬﺎ ... ﻧﺤﺲ ﺍﻟﻜﻼﻡ ﻭﺣﻞ ﻓﻲ ﺣﻠﻘﻲ ... ﻭ ﻻ ﻣﺮﺓ ﻓﻜﺮﺕ ﺑﺎﻟﻄﺮﻳﻘﺔ ﻫﺎﺫﻱ ... ﻗﺮﺑﺖ ﻣﻨﻲ ﺍﻛﺜﺮ .. ﺣﻄﺖ ﻳﺪﻳﻬﺎ ﺯﻭﺯ ﻋﻠﻰ ﻭﺟﻬﻲ ﻛﺒﺴﺖ ﻋﻠﻴﺎ ... ﺣﺴﻴﺖ ﺑﺸﻔﺎﻓﻬﺎ ﻋﻠﻰ ﺷﻔﺎﻓﻲ ... ﺗﺤﻜﻲ ﺑﻐﺼﺔ ﻭ ﺑﺤﺔ ﻓﺮﺩ ﻭﻗﺖ ﺳﻮﺍﺭ : ﺣﺪ ﻣﺎﻫﻮ ﺑﺎﺵ ﻳﺒﻌﺪﻧﻲ ﻋﻠﻴﻚ ... ﻻ ﻫﻮ ﻭ ﻻ ﺍﻱ ﺣﺪ ﻏﻴﺮﻭ ... ﻣﺎﻛﺶ ﺑﺎﺵ ﺗﺴﻤﺤﻠﻮ ﺯﻳﺎﺩ ... ﺍﻧﺖ ﺑﺎﺵ ﺗﺒﻘﻰ ﻣﻌﺎﻳﺎ ... ﻻﺯﻡ ﻳﻌﺮﻑ ﻟﻬﻮ ﻏﺎﻟﻂ ... ﻭ ﺍﻧﺖ ﻣﺴﺘﺤﻴﻞ ﺗﺨﻠﻴﻨﻲ ... ﺑﺎﻫﻲ ... ﻣﺴﺘﺤﻴﻞ ﺗﻌﻤﻠﻬﺎ ﺗﺤﻜﻲ ﻭ ﺗﻜﺒﺲ ﻋﻠﻰ ﻭﺟﻬﻲ ﺍﻛﺜﺮ ... ﺩﻭﺏ ﻛﻤﻠﺖ ﻛﻼﻣﻬﺎ ... ﺑﺎﺳﺘﻨﻲ ﺑﻘﻮﺓ ... ﻛﺎﻧﻬﺎ ﺗﺤﺎﻭﻝ ﺗﺤﺬﺭﻧﻲ ﺑﺒﻮﺳﺘﻬﺎ ... ﺟﺒﺪﺕ ﺭﻭﺣﻬﺎ ﺷﻮﻳﺔ ﺗﺤﻜﻲ ﺳﻮﺍﺭ : ﻛﺎﻥ ﺻﺎﺭ ﻭ ﺍﻧﺖ ﻋﻤﻠﺘﻬﺎ ... ﻭﺭﺣﻤﺔ ﺍﻣﻲ ﻳﺎ ﺯﻳﺎﺩ ... ﻣﺎ ﻧﻐﻔﺮﻟﻚ ﻋﻤﻠﺘﻚ ﻛﻴﻤﺎ ﻛﻞ ﻣﺮﺓ ... ﺍﻟﻤﺮﺓ ﻫﺎﺫﻱ ﺑﺎﺵ ﺗﻨﺪﻡ ... ﻭ ﺍﻟﺜﻤﻦ ﺑﺎﺵ ﻳﻜﻮﻥ ﻏﺎﻟﻲ ﺑﺮﺷﺎ ... ﻋﻤﺮﻙ ﺍﻟﻜﻞ ﻣﺎﻛﺶ ﺗﻨﺠﻢ ﺗﺪﻓﻌﻮ ﻗﺮﺑﺖ ﻣﻨﻬﺎ ﺍﻛﺜﺮ ... ﻏﻄﺴﺖ ﻓﻲ ﺷﻔﺎﻓﻬﺎ ... ﻭ ﻛﻞ ﻛﻠﻤﺔ ﻗﺎﻟﺘﻬﺎ ﻭﺻﻠﺘﻨﻲ ﺑﺮﺷﺎ ﺣﺎﺟﺎﺕ ... ﻭ ﺍﻧﺎ ﻣﺴﺘﺤﻴﻞ ﻧﺨﻠﻴﻪ ﻳﺮﺍ ﻧﻬﺎﺭ ﻫﺬﺍ ... ﻣﺴﺘﺤﻴﻞ ﻧﺨﻠﻴﻪ ﻳﺮﺍ ﺩﻣﻮﻋﻬﺎ ﻭ ﻻ ﻳﻔﺮﺡ ﺑﻴﻬﻢ ... ﺑﺎﺵ ﻧﺨﻠﻴﻪ ﻳﻨﺪﻡ ﻋﻠﻰ ﻛﻞ ﻛﻠﻤﺔ ... ﻭ ﻛﻞ ﻏﻠﻄﺔ ﻋﻤﻠﻬﺎ ﻓﻲ ﺣﻘﻬﺎ ... ﺟﺒﺪﺕ ﺭﻭﺣﻲ ﻣﻨﻬﺎ ... ﻧﺤﻜﻲ ﺑﺎﻟﺴﻴﻒ ﺍﻧﺎ : ﺣﺪ ﻣﺎﻫﻮ ﺑﺎﺵ ﻳﺒﻌﺪﻙ ﻋﻠﻴﺎ ... ﻭ ﻻ ﻳﺤﺮﻣﻨﻲ ﻣﻨﻚ ... ﺍﻧﺖ ﻣﺘﺎﻋﻲ ... ﻣﻠﻜﻲ ﺍﻧﺎ ﻭ ﻛﻬﻮ ... ﻣﻔﻬﻮﻡ ... ﻡﻫﻤﺎ ﺻﺎﺭ ... ﺍﻧﺖ ﺭﺟﻮﻋﻚ ﻟﻴﺎ
أنت تقرأ
🔥🔞"في أحضان عزرائيل"🔞🔥( الجزء الخامس)
Romanceهيا تلمو البنات نكمللكم الكروو🙋❤ #نحبكم ❤ #شيماء
