ﻳﻌﻘﻮﺏ : ﺳﻮﺍﺍﺍﺭ
ﺳﻮﺍﺭ : ﺍﻧﺎ ﻣﻮﺍﻓﻘﺔ ﻋﻠﻰ ﻟﻲ ﻃﻠﺒﺘﻮ ﻣﻨﻲ ﺍﻟﻜﻞ
ﻳﻌﻘﻮﺏ : ﻳﻌﻨﻲ
ﻃﻠﻌﺖ ﺭﺍﺳﻬﺎ ﻏﺰﺭﺗﻠﻲ ﻧﺪﺭﺍ ﻛﻴﻒ ... ﻭ ﺗﺒﺴﻤﺖ ﻋﻠﻰ ﺟﻨﺐ ﺗﺤﻜﻲ
ﺳﻮﺍﺭ : ﺯﻳﺎﺩ ﺑﺎﺵ ﻳﻌﺮﺱ ﺑﻤﻨﻰ ﻣﺶ ﻫﻜﺎ ... ﻭ ﺍﻧﺎ ﻧﺤﺐ ﻧﺎﺧﻮ ﻣﻨﻚ ﻟﻲ ﺣﺎﺟﺘﻲ ﺑﻴﻪ ﺍﻟﻜﻞ
ﻳﻌﻘﻮﺏ : ﻣﺘﺄﻛﺪﺓ
ﺳﻜﺘﺖ ﺷﻮﻳﺔ ... ﺑﻘﻴﺖ ﻧﻐﺰﺭﻟﻬﺎ ﻧﺴﺘﻮﻋﺐ ﻓﻲ ﺍﻟﻠﻲ ﺗﻌﻤﻞ ﻓﻴﻪ ... ﻗﺪﺍ ﻣﺎ ﺣﺎﻭﻟﺖ ﻧﻤﻨﻌﻬﺎ ﻣﻨﺠﻤﺘﺶ ... ﺗﺒﺴﻤﺖ ﺗﺤﻜﻲ
ﺳﻮﺍﺭ : ﻣﺘﺄﻛﺪﺓ
ﻋﻠﻘﺖ ﻋﻠﻴﻪ ﻗﺒﻞ ﺣﺘﻰ ﻛﻠﻤﺔ ﺍﺧﺮﻯ ... ﻭ ﻧﺰﻟﺖ ﻳﺪﻫﺎ ﺗﺤﻜﻲ
ﺳﻮﺍﺭ : ﺭﻳﺖ ﺣﺘﻰ ﻫﺬﺍ ﻣﻨﺠﻤﺘﺶ ﺗﻤﻨﻌﻮ ... ﻟﺘﻮﺍ ﻣﺰﻟﺖ ﺗﺤﺐ ﻋﻠﻰ ﻣﺼﻠﺤﺘﻚ ... ﻭ ﻋﺮﺳﻚ ﻣﻦ ﻣﻨﻰ ﺑﺎﺵ ﻳﻜﻮﻥ ﻣﺼﻠﺤﺔ ... ﻭ ﺍﻗﺼﺮ ﻃﺮﻳﻖ ﻳﻮﺻﻠﻚ ﻟﺸﻜﻮﻥ ﻗﺘﻞ ﺍﻣﻚ ... ﻣﻼ ﻋﻼﻩ ﺍﻧﺎ ﺯﺍﺩﺓ ﻣﺘﻄﻠﻌﻠﻴﺶ ﺣﺼﺔ ﻣﻌﺎﻙ ﻭ ﻧﺮﺟﻊ ﺣﻘﻲ ... ﺗﻌﺮﻑ ﺣﺎﺟﺔ ﺯﻳﺎﺩ ... ﺍﻧﺖ ﺑﻌﻤﻠﺘﻚ ﻫﺎﺫﻱ ﺭﺟﻌﺘﻠﻲ ﻛﻠﺸﻲ ﻧﺤﻠﻢ ﺑﻴﻪ ... ﻋﻴﻠﺘﻲ ﻭ ﻣﻜﺎﻧﺘﻲ ﻭ ﺑﺮﺷﺎ ﺣﺎﺟﺎﺕ ﺧﺴﺮﺗﻬﺎ ﻣﻦ ﻗﺒﻞ ... ﺍﻣﺎ ﺯﻋﻤﺔ ﻛﺎﻥ ﺗﻌﺮﺱ ﺑﻤﻨﻰ ﺷﺘﻮﺻﻞ ﻟﻠﻲ ﺗﺤﺐ ﻋﻠﻴﻪ ... ﺑﺎﺵ ﺗﻠﻘﻰ ﺷﻜﻮﻥ ﻗﺘﻞ ﺍﻣﻚ ... ﻻﺍﺍﺍ
ﻫﺰﺗﻠﻲ ﺑﺮﺍﺳﻬﺎ ﻻ ... ﻭﺭﺟﻌﺖ ﺷﻌﺮﻫﺎ ﻟﺘﺎﻟﻲ ... ﻫﺪﺍﺕ ﻟﻠﺤﻈﺔ ﻭ ﻛﻤﻠﺖ ﻛﻼﻣﻬﺎ ﺗﺤﻜﻲ
ﺳﻮﺍﺭ : ﻻﺍﺍﺍﺍ ﺣﺘﻰ ﺣﺪ ﻣﺎﻫﻮ ﺑﺎﺵ ﻳﻘﻠﻚ ... ﺧﺎﻃﺮ ﻛﻞ ﻟﻲ ﺩﺍﻳﺮﻳﻦ ﺑﻴﻚ ﻳﻠﻌﺒﻮ ﻓﻲ ﻟﻌﺒﺔ ﻣﺴﺨﺔ ... ﻭ ﺍﻧﺖ ﻫﺪﻓﻬﻢ ﺍﻟﻮﺣﻴﺪ ... ﻛﻠﻬﻢ ﻳﺤﺒﻮ ﻳﻄﻴﺤﻮﻙ ﺍﻧﺖ ... ﻋﺮﺳﻚ ﻣﻦ ﻣﻨﻰ ﻟﻌﺒﺔ ﻣﺴﺨﺔ ﻳﻠﻌﺐ ﻓﻴﻬﺎ ﻳﻌﻘﻮﺏ ... ﺑﺎﺵ ﻳﺨﻠﻴﻚ ﺗﺤﺖ ﻋﻴﻨﻮ ... ﻓﻴﻖ ﺧﺎﻃﺮ ﺍﻟﻤﺎ ﻳﻤﺸﻲ ﺗﺤﺖ ﺳﺎﻗﻴﻚ ... ﺍﻻﻗﺮﺏ ﻟﻴﻚ ﻗﺎﻋﺪ ﻳﺨﻮﻥ ﻓﻴﻚ ... ﺫﻛﺮ ﻛﻼﻣﻲ ﺑﺎﻟﻘﺪﺍ .. ﻫﺬﺍ ﻛﻬﻮ ﻟﻲ ﻧﺠﻢ ﻧﻔﻴﺪﻙ ﺑﻴﻪ ﺗﻮﺍ ... ﻧﻌﺮﻑ ﻻﻧﺖ ﻣﺎﻛﺶ ﺑﺎﺵ ﺗﻔﻬﻢ ... ﺍﻣﺎ ﺗﻮ ﻳﺠﻲ ﻭﻗﺖ ﺗﻔﻬﻢ ﺍﻟﻠﻲ ﻗﺎﻋﺪﺓ ﻧﻘﻮﻝ ﻓﻴﻪ ﺑﺎﻟﻘﺪﺍ ... ﺑﺎﺵ ﺗﻔﻬﻢ ﻛﻼﻣﻲ ﺍﻟﻜﻞ ﻭ ﺗﻔﻬﻢ ﺑﺮﺷﺎ ﺣﺎﺟﺎﺕ ... ﺍﻣﺎ ﺭﺩ ﺑﺎﻟﻚ ﺗﻨﺪﻡ ﻋﻠﻰ ﺷﻲ ﺑﺎﻫﻲ ... ﺍﻧﺎ ﺑﺎﺵ ﻧﻌﻄﻴﻚ ﻓﺮﺻﺔ ﺗﻮﺻﻞ ﻟﻲ ﺗﺤﺐ ﻋﻠﻴﻪ ... ﻭ ﺗﺴﻜﺮ ﺍﻟﻤﺎﺿﻲ ﺑﺎﻟﻜﻞ ... ﻧﻈﻦ ﻭﺻﻠﻨﺎ ﻟﺘﺎﻟﻲ ﺯﻳﺎﺩ ... ﺍﻟﻤﺮﺓ ﻫﺎﺫﻱ ﺍﻧﺎ ﻟﻲ ﺑﺎﺵ ﻧﻘﻠﻚ ﺭﺩ ﺑﺎﻟﻚ ﻋﻠﻰ ﺭﻭﺣﻚ ... ﻭ ﻣﺘﺄﺫﻳﻬﺎﺵ ﻣﻨﻰ ﺑﺎﻫﻲ ﻣﻌﻨﺪﻫﺎ ﺣﺘﻰ ﺫﻧﺐ ﻫﻲ ﺯﺍﺩﺓ ﺿﺤﻴﺔ ﺑﻮﻫﺎ ﻛﻴﻔﻲ ﺑﺎﻟﻈﺒﻂ
ﺑﻘﻴﺖ ﻧﻐﺰﺭﻟﻬﺎ ... ﺍﻧﻔﺎﺱﻱ ﻧﺤﺲ ﻓﻴﻬﺎ ﺧﻨﻘﺘﻨﻲ ... ﻗﺮﺑﺖ ﻣﻨﻬﺎ ﺧﻄﻮﺓ ﻭﺧﺮﺕ ﻟﺘﺎﻟﻲ ... ﻟﻔﺖ ﺭﻭﺣﻬﺎ ﺍﻛﺜﺮ ﺑﺎﻟﺠﻴﻠﻲ ﻣﺘﺎﻋﻬﺎ ... ﻭ ﺗﻌﺪﺍﺕ ﻋﻠﻴﺎ ... ﻋﻄﺎﺗﻨﻲ ﺑﻈﻬﺮﻫﺎ ... ﺗﻠﻔﺖ ﺑﺎﻟﻮﻗﺖ ... ﻧﻐﺰﺭﻟﻪﺍ ﻣﺎﺷﻴﺔ ﻭ ﺗﺒﻌﺪ ... ﻭﻗﺘﻬﺎ ﻛﻬﻮ ﺍﺳﺘﻮﻋﺒﺖ ﻟﻲ ﺻﺎﺭ ... ﺧﺎﻟﻄﺖ ﻋﻠﻴﻬﺎ ﻧﺠﺮﻱ ... ﻟﻘﻴﺘﻬﺎ ﺭﻛﺒﺖ ﻓﻲ ﺍﻟﻄﺎﻛﺴﻲ ﻭ ﻣﺸﺎﺕ ... ﻭﻗﻔﺖ ﻓﻲ ﺑﻼﺻﺘﻲ ... ﻣﻌﺎﺩﺵ ﻧﻌﺮﻑ ﺍﺫﺍ ﻧﻔﻜﺮ ﻓﻲ ﻛﻼﻣﻬﺎ ﻟﻲ ﻗﺎﻟﺘﻮ ﻭ ﻻ ﻓﻴﻬﺎ ... ﻛﻼﻣﻬﺎ ﻟﻲ ﻛﺎﻥ ﻛﻴﻒ ﺍﻟﻜﻒ ﺑﺎﻟﻨﺴﺒﺔ ﻟﻴﺎ ... ﻟﺜﺎﻧﻲ ﻣﺮﺓ ﻣﻮﺛﻘﺘﺶ ﻓﻴﺎ ... ﻛﻴﻒ ﻓﻜﺮﺕ ﻻﻧﺎ ﺑﺎﺵ ﻧﻌﺮﺱ ﺑﻤﻨﻰ ... ﻛﻴﻒ ﺟﺎ ﻟﺒﺎﻟﻬﺎ ﺍﻧﻲ ﺑﺎﺵ ﻧﻌﺮﺱ ﺑﺎﺧﺘﻬﺎ ... ﺍﻧﻲ ﻧﺨﻀﻊ ﻟﺠﻨﻴﺮﺍﻝ ﻣﺮﺓ ﺍﺧﺮﻯ ... ﺍﻻﻭﻟﻰ ﻛﺎﻧﺖ ﻋﻠﻰ ﺧﺎﻃﺮﻫﺎ ... ﻭ ﻣﺎﻧﻴﺶ ﻣﺴﺘﻌﺪ ﻧﻌﺎﻭﺩ ﻋﻤﻠﺘﻲ ﺭﺍﺵ ﻧﻌﺮﻑ ﺷﻜﻮﻥ ﻟﻲ ﻗﺘﻞ ﺍﻣﻲ ... ﻣﺘﺄﻛﺪ ﻟﻬﻮ ﺧﻼﻫﺎ ﺗﺼﺪﻕ ﺍﻟﻜﻼﻡ ﻫﺬﺍ ... ﺭﺟﻌﺖ ﻟﻠﻜﺮﻫﺒﺔ ﺑﺎﻟﺰﺭﺑﺔ ... ﻭ ﻃﺮﺕ ﻟﻠﻤﺮﻛﺰ ... ﻣﻨﻌﺮﻓﺶ ﻋﻠﻰ ﺭﻭﺣﻲ ﻛﻴﻒ ﻭﺻﻠﺖ ... ﺩﺧﻠﺖ ﺑﺎﻟﺰﺭﺑﺔ ... ﻋﺎﺭﺿﻦﻱ ﺍﺳﻤﺎﻋﻴﻞ ﻳﺤﻜﻲ
ﺍﺳﻤﺎﻋﻴﻞ : ﺯﻳﺎﺍﺍﺍﺩ ﻟﻘﻴﺘﻬﺎ ﻳﺎﺧﻲ
ﻣﺮﺟﻌﺘﻠﻮﺵ ... ﻛﻠﺸﻲ ﻓﻲ ﺑﺎﻟﻲ ﺍﻧﻲ ﻧﻮﺻﻞ ﻋﻨﺪﻭ ﻭ ﻛﻬﻮ ... ﻃﻠﻌﺖ ﺍﻟﺪﺭﻭﺝ ﻓﻲ ﻟﺤﻈﺔ ... ﺩﺯﻳﺘﻮ ﺭﺟﺎﻟﻮ ﻭ ﺩﺧﻠﺖ ... ﻟﻘﻴﺘﻮ ﺑﺎﺵ ﻳﻘﻌﺪ ﻋﺎﻟﺒﻴﺮﻭ ... ﻫﺰ ﻳﺪﻭ ﺧﺮﺟﻬﻢ ... ﻗﺒﻞ ﻣﺎ ﻳﺤﻜﻲ ... ﻧﻄﺮﺕ ﻋﻠﻴﻪ ... ﺷﺪﻳﺘﻮ ﻣﻦ ﻛﻮﻝ ﺳﻮﺭﻳﺘﻮ ... ﺩﺯﻳﺘﻮ ﻟﺘﺎﻟﻲ ... ﺣﻄﻴﺖ ﻋﻴﻨﻴﺎ ﻓﻲ ﻋﻴﻨﻴﻪ ﻧﺤﻜﻲ
ﺍﻧﺎ : ﻛﺎﻥ ﻳﻤﺸﻲ ﻓﻲ ﺑﺎﻟﻚ ﺑﺎﻟﻄﺮﻳﻘﺔ ﻫﺎﺫﻱ ﺗﻜﻮﻥ ﻭﺻﻠﺖ ﻟﻠﻲ ﺣﺒﻴﺖ ﻋﻠﻴﻪ ... ﺗﻜﻮﻥ ﻏﺎﻟﻂ ... ﺳﻮﺍﺭ ﻣﺎﻧﻴﺶ ﺑﺎﺵ ﻧﺴﻠﻢ ﻓﻴﻬﺎ ... ﻣﺎﻧﻴﺶ ﺑﺎﺵ ﻧﺨﻠﻴﻚ ﺗﻘﻬﺮﻫﺎ ... ﻃﻮﻝ ﻣﺎ ﺍﻧﺎ ﻋﺎﻳﺶ ﺍﻧﺖ ﻣﺎﻛﺶ ﺑﺎﺵ ﺗﺄﺫﻳﻬﺎ ... ﺻﺪﻗﻨﻲ ﻛﺎﻥ ﺗﺤﺎﻭﻝ ﺗﻘﺮﺑﻠﻬﺎ ﺧﻄﻮﺓ ﻭﺣﺪﺓ ﻛﻬﻮ ... ﻣﺎﻧﻴﺶ ﺑﺎﺵ ﻧﺮﺣﻤﻚ
أنت تقرأ
🔥🔞"في أحضان عزرائيل"🔞🔥( الجزء الخامس)
Romanceهيا تلمو البنات نكمللكم الكروو🙋❤ #نحبكم ❤ #شيماء
