🔥🔞"في أحضان عزرائيل"🔞🔥( الجزء الخامس)

الحلقة 876

ﺳﻮﺍﺭ ﺗﺤﻜﻲ ﺣﻠﻴﺖ ﻋﻴﻨﻴﺎ ﻋﻠﻰ ﺿﻮ ﺍﻟﺸﻤﺲ ... ﺣﺴﺒﺖ ﺭﻭﺣﻲ ﺭﻗﺪﺕ ... ﺍﻣﺎ ﻋﺪﻳﺖ ﻟﻴﻠﺔ ﻛﺎﻣﻠﺔ ... ﻧﺘﻘﻠﺐ ﻓﻲ ﻓﺮﺷﻲ ... ﻣﻨﻌﺮﻓﺶ ﻓﻲ ﺷﻨﻴﺔ ﻛﻨﺖ ﻧﺨﻤﻢ ﺑﺎﻟﻈﺒﻂ ... ﺍﻣﺎ ﺗﻔﻜﻴﺮﻱ ﻋﻠﻖ ﻓﻴﻪ ﻫﻮ ... ﻓﻲ ﻏﺰﺭﺗﻮ ﻟﻲ ﻛﻠﻬﺎ ﻏﺶ ﻣﺨﻠﻂ ﺑﺒﺮﺷﺎ ﻟﻮﻡ ... ﺯﻋﻤﺔ ﺍﻧﺎ ﺗﻮﺍ ﺧﺬﻳﺖ ﺣﻘﻲ ﻣﻨﻮ ... ﻻ ﻣﺰﺍﻝ ﺑﺮﺷﺎ ... ﻫﻮ ﺟﺮﺣﻨﻲ ﺍﻛﺜﺮ ﻣﻦ ﻣﺮﺓ ... ﺍﻻﻭﻟﻰ ﻛﻴﻒ ﻋﺮﺱ ﺑﻤﻴﺮﺍﻝ ... ﻭ ﺍﻟﺜﺎﻧﻴﺔ ﻛﻴﻒ ﺧﻼﻧﻲ ﻧﻬﺎﺭ ﻋﺮﺳﻲ ﺑﻘﻬﺮﺗﻲ ... ﻟﻠﺤﻈﺔ ﺣﺴﻴﺖ ﺑﻐﺼﺔ ﻭﺣﻠﺖ ﻓﻲ ﺣﻠﻘﻲ ... ﻫﺰﻳﺖ ﺭﻭﺣﻲ ﻗﺒﻞ ﻣﺎ ﻧﻀﻌﻒ ... ﺩﺧﻠﺖ ﻟﺒﻴﺖ ﺍﻟﺒﺎﻧﻮ ﻏﺴﻠﺖ ﻭﺟﻬﻲ ... ﻟﻤﻴﺖ ﺷﻌﺮﻱ ﻛﻌﻜﻌﺔ ... ﻫﺰﻳﺖ ﺗﻠﻴﻔﻮﻧﻲ ﻭ ﻧﺰﻟﺖ ﺍﻟﻠﻮﻃﺔ ... ﺣﻀﺮﺕ ﻗﻬﻮﺓ ... ﻭ ﻗﻌﺪﺕ ﻋﺎﻟﻜﺮﺳﻲ ... ﻛﻠﻤﺖ ﺗﻮﻓﻴﻖ ... ﺣﻄﻴﺘﻮ ﻋﺎﻟﻄﺎﻭﻟﺔ ... ﻭ ﻛﺒﺴﺖ ﻋﻠﻰ ﻣﻜﺒﺮ ﺻﻮﺕ ... ﻧﺴﻤﻊ ﻓﻴﻪ ﻳﻨﻮﻗﺰ ﻭ ﻓﺮﺩ ﻭﻗﺖ ﻧﺸﺮﺏ ﻓﻲ ﻗﻬﻮﺗﻲ ... ﺗﺒﺴﻤﺖ ﻋﻠﻰ ﺟﻨﺐ ﻛﻴﻒ ﻫﺰ ﻋﻠﻴﺎ ... ﺧﺬﻳﺖ ﻧﻔﺲ ﻧﺤﻜﻲ ﺍﻧﺎ : ﺑﻮﻭﻭﻧﺠﻮﻭﻭﺭ ﺗﻮﻓﻴﻖ؛ﺷﺘﺤﺐ ﻣﻨﻲ ﺯﺍﺩﺓ ﺍﻧﺎ : ﻣﻤﻤﻢ ﺷﺒﻴﻚ ﻣﻐﺸﺶ ... ﻣﺰﺍﻟﻨﺎ ﻣﺒﺪﻳﻨﺎﺵ ... ﻭ ﺍﺻﻼ ﻧﻬﺎﺭ ﻓﻲ ﺍﻭﻟﻮ ﻣﺶ ﻫﻜﺎ ﺳﻲ ﺗﻮﻓﻴﻖ ﺗﻮﻓﻴﻖ : ﺩﻧﻴﺰ ﻗﺘﻠﻚ ﺷﺘﺤﺐ ﺍﻧﺎ : ﺍﻭﻝ ﺷﻲ ﺍﺳﻤﻲ ﺳﻮﺍﺍﺍﺭ ... ﺛﺎﻧﻲ ﺷﻲ ﻧﺤﺐ ﻧﻘﻠﻚ ﺑﺮﺍﻓﻮ ... ﻣﺘﻮﻗﻌﺘﺶ ﻻﻧﺖ ﺑﺎﺵ ﺗﻌﻤﻠﻬﺎ ﻭ ﺗﺴﻠﻤﻨﻲ ﻣﺸﺮﻭﻉ ﻛﻴﻒ ﻫﻜﺎ ﺗﻮﻓﻴﻖ : ﻭﺻﻠﺖ ﻟﻲ ﺗﺤﺐ ﻋﻠﻴﻪ ... ﻣﻌﺎﺩﺵ ﻧﺮﺍﻙ ﻭﻻ ﻧﺴﻤﻊ ﺻﻮﺗﻚ ﺍﻧﺎ : ﺷﺸﺸﺶ ﺭﺩ ﺑﺎﻟﻚ ﺗﻌﻠﻖ ... ﺍﻧﺖ ﻟﺘﻮﺍ ﻣﺎ ﻋﻤﻠﺖ ﺷﻲ ﺗﻮﻓﻴﻖ؛ﺷﻨﻮﺓ ﺗﺤﺐ ﺍﻧﺎ : ﻣﻤﻢ ﻧﺤﺒﻚ ﺗﻌﻄﻴﻨﻲ ﺗﺎﺭﻳﺦ ﺗﺴﻠﻴﻢ ﺳﻼﺡ ﻭﻭﻳﻦ ... ﻭ ﺷﻜﻮﻥ ﺍﻟﺠﻤﺎﻋﺔ ﺍﻟﻠﻲ ﻣﻌﺎﻛﻢ ... ﻳﻌﻨﻲ ﻧﺤﺒﻚ ﺗﺒﻌﺜﻠﻲ ﺍﻟﻤﻌﻠﻮﻣﺎﺕ ﻫﺬﻭﻣﺎ ﺍﻟﻜﻞ ﻭ ﻓﻲ ﺍﻗﺮﺏ ﻭﻗﺖ ﺗﻮﻓﻴﻖ : ﻓﺎﺵ ﺗﺨﻤﻢ ﺍﻧﺖ ﺍﻧﺎ : ﻓﻲ ﻳﺪﻙ ﻳﻮﻣﻴﻦ ﻛﻬﻮ ... ﻣﺎﻧﻴﺶ ﺑﺎﺵ ﻧﺴﺘﻨﺎﻙ ﺍﻛﺜﺮ ﺗﻮﻓﻴﻖ : ﺑﺎﻫﻲ ﺑﺎﻫﻲ ﺍﻧﺎ : ﺻﺤﻴﺘﻚ ... ﺧﻠﻲﻙ ﺩﻳﻤﺎ ﻫﻜﺎ ﺗﻨﻔﺬ ﻣﻦ ﻏﻴﺮ ﻣﺎ ﺗﺴﺄﻝ .. ﻭﺭﺩ ﺑﺎﻟﻚ ﺗﻠﻌﺐ ﻣﻌﺎﻳﺎ ... ﺭﺍﻧﻲ ﺑﺎﺵ ﻧﻀﺮﻙ ﺗﻮﻓﻴﻖ؛ﺑﺎﻫﻲ ﻋﻠﻘﺖ ﻋﻠﻴﻪ ... ﻭﺑﻌﺜﺘﻠﻮ ﺍﻟﻔﻮﻛﺎﻝ ﻟﻲ ﺳﺠﻠﺘﻮ ﻟﻴﻠﺘﻬﺎ ... ﺑﺎﺵ ﻳﻔﻜﺮ ﻣﺮﺗﻴﻦ ﻗﺒﻞ ﻣﺎ ﻳﺨﻤﻢ ﻳﺘﺮﺍﺟﻊ ... ﻛﻤﻠﺖ ﻗﻬﻮﺗﻲ ... ﻭﻃﻠﻌﺖ ﺑﺪﻟﺖ ﺩﺑﺸﻲ ... ﻭﺑﻌﺜﺖ ﻣﻴﺴﺎﺝ ﻟﻬﺎﺭﻭﻥ ... ﻧﺤﺒﻮ ﻳﺴﺘﻨﺎﻧﻲ ﻓﻲ ﻗﻬﻮﺓ ﺍﻟﻌﺎﺩﺓ ... ﻫﺰﻳﺖ ﺻﺎﻛﻲ ﻭﻣﻔﺎﺗﺤﻲ ﻭﻧﺰﻟﺖ ﺍﻟﻠﻮﻃﺔ ... ﻫﺰﻳﺖ ﺍﻟﻜﺮﻫﺒﺔ ﻭ ﻣﺸﻴﺖ ﺑﻴﻬﺎ ... ﻭﺻﻠﺖ ﻗﺒﻠﻮ ... ﺷﺪﻳﺖ ﻃﺎﻭﻟﺔ ﻣﻄﺮﻓﺔ ... ﻧﻐﺰﺭ ﻟﻠﺒﺤﺮ ﻭ ﺗﻔﻜﻴﺮﻱ ﺑﻌﻴﺪ ﺑﺮﺷﺎ ... ﻟﺘﻮﺍ ﻧﺤﺲ ﺑﻜﺒﺴﺔ ﻳﺪﻭ ﻋﻠﻰ ﻳﺪﻱ ... ﺗﻨﻬﺪﺕ ﺑﺎﻟﻘﺎﻭﻱ ... ﻛﻞ ﻣﺮﺓ ﻧﻬﺮﺏ ﺑﺘﻔﻜﻴﺮﻱ ﻣﻨﻮ ... ﻧﻠﻘﻰ ﺭﻭﺣﻲ ﻧﺨﻤﻢ ﻓﻴﻪ ﺍﻛﺜﺮ .. ﻓﻘﺖ ﻣﻦ ﺳﺮﺣﺘﻲ ... ﻛﻴﻒ ﻫﺎﺭﻭﻥ ﺟﺒﺪ ﺍﻟﻜﺮﺳﻲ ﻭ ﻗﻌﺪ ... ﻣﺰﺍﻝ ﺑﺪﺑﺶ ﺍﻟﺴﺒﻮﺭ ... ﻏﺰﺭﻟﻲ ﻳﺤﻜﻲ ﻫﺎﺭﻭﻥ : ﺷﻔﻤﺎ ﻻﻟﺔ ... ﺟﺎﻳﺒﺘﻨﻲ ﺳﺎﻗﻲ ﺍﻋﻠﻰ ﻣﻦ ﺭﺍﺳﻲ ... ﻟﺸﻨﻴﺔ ﺗﺨﻄﻂ ﺍﻧﺖ ﺍﻧﺎ : ﻣﻤﻤﻢ ﻳﻌﻨﻲ ﻣﻴﺠﻴﺶ ﻧﺤﺐ ﻧﺤﻜﻲ ﻣﻌﺎﻙ ﺷﻮﻳﺔ ﻫﺎﺭﻭﻥ : ﻛﺎﻥ ﺟﻴﻨﺎ ﻓﻲ ﻇﺮﻭﻑ ﺍﺧﺮﻯ ... ﻛﻨﺖ ﺑﺎﺵ ﻧﺼﺪﻕ ... ﻧﺴﻤﻊ ﻓﻴﻚ ﺗﻮﺍ ﺧﺬﻳﺖ ﻧﻔﺲ ﻭ ﺣﻄﻴﺖ ﻳﺪﻳﺎ ﺯﻭﺯ ﻋﺎﻟﻄﺎﻭﻟﺔ ... ﻗﺮﺑﺖ ﻣﻨﻮ ﺍﻛﺜﺮ ... ﻧﺤﻜﻲ ﺍﻧﺎ : ﻓﻤﺎ ﻋﻤﻠﻴﺔ ﻛﺒﻴﺮﺓ ... ﻋﻤﻠﻴﺔ ﺗﺴﻠﻴﻢ ﺳﻼﺡ ... ﻭ ﺍﺩﻡ ﺩﺍﺧﻞ ﻓﻲ ﺍﻟﺤﻜﺎﻳﺔ ﻫﺎﺭﻭﻥ : ﺷﻨﻨﻨﻮﺓ ﻭ ﻛﻴﻒ ﻋﺮﻓﺖ ﺍﻧﺖ ﺍﻧﺎ : ﻣﺮﺓ ﺳﻤﻌﺖ ﺯﻳﺎﺩ ﻳﺤﻜﻲ ﻋﻠﻴﻬﺎ ... ﺑﻌﺪ ﻳﻮﻣﻴﻦ ﺍﻧﺎ ﺑﺎﺵ ﻧﻌﺮﻑ ﺍﻣﺘﻰ ﻭﻭﻳﻦ ﻫﺎﺭﻭﻥ : ﻓﻲ ﺷﻨﻴﺔ ﺗﻔﻜﺮ ﺍﻧﺎ : ﺍﻧﺎ ﺑﺎﺵ ﻧﻜﻮﻥ ﻏﺪﻳﻜﺎ ﻫﺎﺭﻭﻥ : ﺍﻧﺖ ﺑﺎﺍﺯ ﻫﺒﻠﺖ