ﻫﻲ : ﺟﻴﺖ ﺑﺎﺵ ﻧﺘﻔﻘﺪ ﺍﻟﻄﻔﻠﺔ ... ﻭ ﺍﻧﺖ ﻣﺪﻣﻮﺯﺍﻝ ﺯﻳﻨﺐ ... ﺷﺒﻴﻚ ﻗﻤﺖ ﻣﻦ ﺑﻼﺻﺘﻚ ﺯﻳﻨﺐ؛ﺍ ﺍﻧﺎ ﺍﻧﺎ : ﺗﻮ ﺷﻮﻳﺔ ﺗﺮﺟﻊ ﻫﺰﺗﻠﻲ ﺑﺮﺍﺳﻬﺎ ﺑﺎﻫﻲ ... ﻗﺮﺑﺖ ﻋﺪﺍﺕ ﻋﻠﻰ ﻣﻼﻙ ﻭ ﺧﺮﺟﺖ ... ﺗﻠﻔﺖ ﻟﺰﻳﻨﺐ ﻟﻲ ﺑﺎﻗﻲ ﺗﺤﺎﻭﻝ ﺗﻘﻮﻡ ... ﻏﺰﺭﺗﻠﻬﺎ ﺑﺸﻄﺮ ﻋﻴﻦ ﻧﺤﻜﻲ ﺍﻧﺎ : ﺷﺒﻴﻚ ﺯﻳﻨﺐ : ﻧﺤﺐ ﻧﺮﺟﻊ ﻟﺒﻴﺘﻲ ... ﺗﺎﻋﺒﺔ ﻭ ﻧﺤﺐ ﻧﺮﻗﺪ ﺍﻧﺎ : ﻣﺎﻛﺶ ﺑﺎﺵ ﺗﻘﻮﻡ ﺯﻳﻨﺐ؛ﻭ ﻛﻴﻒ ﺑﺎﺵ ﺗﻤﻨﻌﻨﻲ ﺍﻧﺎ : ﻣﺎﻧﻴﺶ ﺑﺎﺵ ﻧﻤﻨﻌﻚ ... ﺍﻣﺎ ﺍﻧﺖ ﺯﺍﺩﺓ ﺣﺎﻭﻝ ﻣﺠﺮﺑﺶ ﻏﺸﻲ ﻣﺎﻫﻮﺵ ﺑﺎﺵ ﻳﻌﺠﺒﻚ ﺑﻘﺎﺕ ﺗﻐﺰﺭﻟﻲ ﻧﺪﺭﺍ ﻛﻴﻒ ... ﻏﻤﻀﺖ ﻋﻴﻨﻴﻬﺎ ﺑﺎﻟﻘﺎﻭﻱ ... ﻭ ﺣﻠﺘﻬﻢ ﻣﺰﻏﻠﻴﻦ ﺑﺪﻣﻮﻉ ... ﺗﺤﻜﻲ ﺯﻳﻨﺐ : ﺷﺸﺶ ﻳﺰﻱ ... ﻣﺘﺤﻜﻴﺶ ﻣﻌﺎﻳﺎ ﻫﻜﺎ ... ﻣﺘﺤﻜﻴﺶ ﻛﻴﻔﻮ ... ﺍﻣﺎﻧﻚ ﺟﻴﺖ ﺑﺎﺵ ﻧﺤﻜﻲ ... ﻗﺼﺖ ﻋﻠﻴﺎ ﻣﻼﻙ ... ﻛﻴﻒ ﺣﻠﺖ ﻋﻴﻨﻴﻬﺎ ﺗﺒﻜﻲ ... ﻣﻔﺠﻮﻋﺔ ﻣﻦ ﺳﻴﺮﻭﻡ ﻟﻲ ﻓﻲ ﻳﺪﻫﺎ ... ﻫﺰﻳﺖ ﺭﻭﺣﻲ ﻗﺮﺑﺖ ﻣﻨﻬﺎ ... ﻧﻄﻤﻦ ﻓﻴﻬﺎ ... ﻛﺒﺸﺖ ﻓﻲ ﻳﺪﻱ ... ﺣﺴﻴﺘﻬﺎ ﺗﻔﺮﻫﺪﺕ ﺯﺍﺩﺓ ﻛﻴﻒ ﺷﺎﻓﺖ ﺯﻳﻨﺐ ... ﺑﻘﻴﺖ ﻣﻌﺎﻫﺎ ﻟﻴﻦ ﻫﺰﻫﺎ ﻧﻮﻡ ﻭﺭﺟﻌﺖ ﺭﻗﺪﺕ ﻃﻠﻌﺖ ﺭﺍﺳﻲ ... ﻧﻐﺰﺭ ﻟﺰﻳﻨﺐ ﻟﻲ ﻏﻔﺎﺕ ﺑﺤﺬﺍﻫﺎ ... ﻫﺰﻳﺖ ﺭﻭﺣﻲ ﻭ ﻗﺮﺑﺖ ﻣﻨﻬﺎ ... ﻓﻴﻘﺘﻬﺎ ﻧﺤﻜﻲ ﺍﻧﺎ : ﺯﻳﻨﺐ ﻫﻴﺎ ﺑﺎﺵ ﺗﻤﺸﻲ ﻟﺒﻴﺘﻚ ﺗﺮﺗﺎﺡ ﺣﻠﺖ ﻋﻴﻨﻴﻬﺎ ﻣﺮﻭﻫﺠﺔ ... ﻭﺭﺟﻌﺖ ﻏﻤﻀﺘﻬﻢ ... ﺗﺒﺴﻤﺖ ﻋﻠﻰ ﺟﻨﺐ ... ﻧﺰﻟﺖ ﻋﻠﻴﻬﺎ ﺍﻛﺜﺮ ... ﻛﺒﺴﺖ ﻋﻠﻰ ﻛﺘﺎﻓﻬﺎ ﻭﻗﻔﺘﻬﺎ ... ﺗﻜﺎﺕ ﻋﻠﻴﺎ ﺗﻤﺸﻲ ﺑﺎﻟﺴﻴﻒ ... ﺑﺎﺯ ﻣﺰﺍﻝ ﻣﻔﻌﻮﻝ ﺍﻟﺒﻨﺞ ﻣﺄﺛﺮ ﻋﻠﻴﻬﺎ ... ﻗﻌﺪﺗﻬﺎ ﻋﺎﻟﻔﻮﺗﺎﻱ ... ﻭ ﻗﻌﺪﺕ ﺑﺠﻨﺒﻬﺎ ... ﺗﻜﺎﺕ ﻋﻠﻴﺎ ... ﺷﻌﺮﻫﺎ ﻏﻄﺎﻟﻬﺎ ﻭﺟﻬﺎ ﻟﻜﻞ ... ﺑﻌﺪﺕ ﺧﺼﻼﺗﻮ ﺑﺼﻮﺍﺑﻌﻲ ... ﻭ ﺗﻜﻴﺖ ﻟﺘﺎﻟﻲ ... ﻧﺰﻟﺖ ﺭﺍﺳﻲ ﻧﻐﺰﺭﻟﻬﺎ ... ﻭ ﻻ ﻣﺮﺓ ﺗﻮﻗﻌﺖ ﺍﻧﻲ ﺑﺎﺵ ﻧﻘﺮﺑﻠﻬﺎ ﻟﻬﺪﺭﺟﺔ ... ﺍﺻﻼ ﻣﻜﺎﻧﺘﺶ ﻓﻲ ﺭﺍﺳﻲ ﺟﻤﻠﺔ ... ﺣﺘﻰ ﻛﻴﻒ ﻧﻐﺰﺭﻟﻬﺎ ﻛﺎﻧﻲ ﻣﺮﻳﺘﻬﺎﺵ ... ﻣﻨﻌﺮﻑﺵ ﺑﺘﺼﺮﻓﻬﺎ ﻣﺘﺎﻉ ﺍﺧﺮ ﻣﺮﺓ ﺷﻘﺼﺪﺕ ﺑﻴﻪ ... ﺍﺻﻼ ﻣﺘﻮﻗﻌﺘﺶ ﺟﺮﺍﺗﻬﺎ ﺗﻮﺻﻞ ﺑﺎﺵ ﺗﺒﻮﺳﻨﻲ ... ﺑﻮﻥ ﻣﺶ ﺑﺎﺳﺘﻨﻲ ... ﺟﻴﺴﺖ ﺣﺴﻴﺖ ﺑﺸﻔﺎﻓﻬﺎ ... ﻭ ﺟﺒﺪﺕ ﺭﻭﺣﻬﺎ ﻓﻴﺴﻊ ... ﺗﺒﺴﻤﺖ ﻭﺣﺪﻱ ... ﻧﺎﻗﺺ ﺍﻟﻔﺮﻭﺥ ﻳﻠﻌﺒﻮ ﻣﻌﺎﻳﺎ ﺍﻧﺎ ... ﺍﻻﻭﻟﻰ ﺗﻐﻴﺮ ﻓﻲ ﺧﻮﻳﺎ ... ﻭ ﺍﻟﺜﺎﻧﻴﺔ ﻧﺪﺭﺍ ﻋﻼﻩ ﻋﻤﻠﺖ ﻫﻜﺎ ... ﺗﻲ ﻣﺰﺍﻟﺖ ﻓﺮﺧﺔ ... ﺣﺘﻰ ﺗﺼﺮﻓﺎﺗﻬﺎ ﻣﺘﺎﻉ ﻓﺮﻭﺥ ... ﺩﻭﺏ ﺗﺘﺼﺮﻑ ﺑﻮﻋﻲ ... ﻭ ﺷﺒﻴﻨﻲ ﺍﻧﺎ ﻟﻘﻴﺖ ﺭﻭﺣﻲ ﺑﻴﻨﻬﻢ ... ﻟﻘﻴﺖ ﺭﻭﺣﻲ ﻧﻬﺘﻢ ﺑﺤﺎﺟﺎﺕ ﺍﺧﺮﻯ ﻓﻲ ﺣﻴﺎﺗﻲ ﻏﻴﺮ ﺍﻻﻧﺘﻘﺎﻡ ... ﺗﺒﺴﻢﺕ ﺑﻮﺟﻴﻌﺔ ﻫﺪﺗﻨﻲ ... ﻛﻴﻒ ﺭﻳﺘﻬﺎ ﺑﻴﻦ ﻋﻴﻨﻴﺎ ... ﺭﻳﺘﻬﺎ ﻗﺎﻋﺪﺓ ﺑﺤﺬﺍ ﻣﻼﻙ ... ﻧﻌﺮﻑ ﻟﺤﻠﻤﺔ ... ﻧﻌﺮﻑ ﻛﺎﻥ ﻧﻘﺮﺏ ﻣﻨﻬﺎ ﺑﺎﺵ ﺗﺒﻌﺪ ﻣﺮﺓ ﺍﺧﺮﻯ ... ﺑﺎﻗﻲ ﻧﻐﺰﺭﻟﻬﺎ ... ﺗﻤﻨﻴﺖ ﻛﺎﻥ ﻧﺠﻢ ﻧﻘﺮﺏ ﻣﻨﻬﺎ ... ﻛﺎﻥ ﻧﺤﻀﻨﻬﺎ ﻣﺮﺓ ﻭﺣﺪﺓ ﻛﻬﻮ ... ﺭﻳﺘﻬﺎ ﻛﻴﻒ ﻧﺰﻟﺖ ﺑﺎﺳﺖ ﻣﻼﻙ ... ﻏﻤﻀﺖ ﻋﻴﻨﻴﺎ ﺑﺎﻟﻘﺎﻭﻱ ﻭﺭﺟﻌﺖ ﺣﻠﻴﺘﻬﻢ ... ﺩﻭﺭﺕ ﻋﻴﻨﻴﺎ ﻋﺎﻟﺒﻴﺖ ... ﻭ ﺗﻨﻬﺪﺕ ﺑﺎﻟﻘﺎﻭﻱ ... ﻧﺤﺲ ﻓﻲ ﻗﻠﺒﻲ ﺑﺎﺵ ﻳﺨﺮﺝ ﻣﻦ ﺑﻘﻌﺘﻮ ... ﻋﺪﻳﺖ ﻳﺪﻱ ﻋﻠﻰ ﻭﺟﻬﻲ ... ﺧﺬﻳﺖ ﻧﻔﺲ ... ﻣﻨﺠﻤﺘﺶ ﺣﺘﻰ ﻧﺘﺤﺮﻙ ... ﻧﻐﺰﺭ ﻟﻨﻔﺲ ﺍﻟﺒﻼﺻﺔ ... ﻋﻴﻨﻴﺎ ﺗﺮﻛﺰﻭ ﻏﺪﻳﻜﺎ ... ﻛﺎﻧﻬﺎ ﻣﺰﺍﻟﺖ ﻣﻮﺟﻮﺩﺓ ... ﺗﻜﻴﺖ ﺭﺍﺳﻲ ﻟﺘﺎﻟﻲ .. ﻧﺤﺲ ﺑﺎﻟﻨﻔﺲ ﻣﺘﺎﻋﻬﺎ ﻋﻠﻰ ﺭﻗﺒﺘﻲ ... ﻏﻤﻀﺖ ﻋﻴﻨﻴﺎ ... ﻧﺬﻛﺮ ﻓﻲ ﻛﻞ ﻟﺤﻈﺔ ﻋﺪﻳﺘﻬﺎ ... ﻧﺬﻛﺮ ﻓﻲ ﺍﻟﻤﺎﺿﻲ ﺑﺘﻔﺎﺻﻴﻠﻮ ... ﻛﺎﻥ ﻧﺮﺟﻊ ﺧﻄﻮﺓ ﻛﻬﻮ ﻛﻨﺖ ﺑﺎﺵ ﻧﺒﺪﻝ ﺑﺮﺷﺎ ﺣﺎﺟﺎﺕ ... ﻭ ﺑﺮﺷﺎ ﻋﺒﺎﺩ ﻣﻜﺎﻧﺘﺶ ﺑﺎﺵ ﺗﻤﺸﻲ ﺿﺤﻴﺔ ﻟﻲ ﺻﺎﺭ ... ﻣﻨﻌﺮﻓﺶ ﻗﺪﺍﺵ ﺗﻌﺪﺍ ﻭﻗﺖ ﺍﻛﺎﻛﺎ ... ﻭ ﻣﻨﻌﺮﻓﺶ ﻛﻴﻒ ﻫﺰﻧﻲ ﻧﻮﻡ ﻭ ﺭﻗﺪﺕ
أنت تقرأ
🔥🔞"في أحضان عزرائيل"🔞🔥( الجزء الخامس)
Romanceهيا تلمو البنات نكمللكم الكروو🙋❤ #نحبكم ❤ #شيماء
