ﺳﻮﺍﺭ ﺗﺤﻜﻲ :
ﺩﻭﺭﺕ ﺭﺍﺳﻲ ﺷﻮﻳﺔ ﻣﺮﻭﻫﺠﺔ ... ﻧﺤﺎﻭﻝ ﻧﺤﻞ ﻋﻴﻨﻴﺎ ﺍﻣﺎ ﻣﻨﺠﻤﺘﺶ ... ﻛﻞ ﻗﻄﻌﺔ ﻓﻲ ﺑﺪﻧﻲ ﺗﻮﺟﻊ ﻓﻴﺎ ... ﻧﺤﺲ ﻓﻲ ﻧﻔﺲ ﻣﺘﺎﻋﻲ ﺭﺯﻳﻦ ﺑﺮﺷﺎ ... ﺣﻠﻴﺖ ﻋﻴﻨﻴﺎ ﺷﻮﻳﺔ ﺷﻮﻳﺔ ... ﻧﻐﺰﺭ ﻟﻠﺒﻴﺖ ... ﻧﺤﺎﻭﻝ ﻧﺴﺘﻮﻋﺐ ﻟﻲ ﺻﺎﺭ ... ﻛﺒﺴﺖ ﺑﻴﺪﻱ ﻋﻠﻰ ﺣﺮﻑ ﺍﻟﺴﺮﻳﺮ ... ﻏﻤﻀﺖ ﻋﻴﻨﻴﺎ ﺑﺎﻟﻮﻗﺖ ... ﻗﻠﺒﻲ ﺩﻕ ﺑﺎﻟﻘﺎﻭﻱ ... ﻛﻴﻒ ﺫﻛﺮﺕ ﻟﻲ ﺻﺎﺭ ... ﻧﺰﻟﺖ ﺩﻣﻌﺔ ﻣﻨﻲ ... ﺗﻐﻠﻐﻠﺖ ﻓﻲ ﻭﺳﻂ ﺷﻌﺮﻱ ... ﺧﺮﺝ ﺍﺳﻤﻮ ﺑﻴﻦ ﺷﻔﺎﻓﻲ ... ﺧﻮﻑ ﻧﺪﺭﺍ ﻛﻴﻒ ﺳﻴﻄﺮ ﻋﻠﻴﺎ ... ﺧﻔﺖ ﻛﺎﻥ ﻧﻜﻮﻥ ﻋﻤﻠﺘﻬﺎ ﻭ ﺻﺎﻭﺑﺖ ﻋﻠﻴﻪ ... ﺍﻧﺎ ﻟﻲ ﻛﺎﻥ ﻻﺯﻡ ﻧﻤﻮﺕ ﻣﺶ ﻫﻮ ... ﺗﺤﻞ ﺍﻟﺒﺎﺏ ﺑﺎﻟﻮﻗﺖ .. ﺣﻠﻴﺖ ﻋﻴﻨﻴﺎ ﻧﻐﺰﺭ ﻟﻄﺒﻴﺒﺔ ... ﻣﺎﺷﻴﺔ ﻭ ﺗﻘﺮﺏ ﻣﻨﻲ ... ﻋﺪﺍﺕ ﻋﻠﻴﺎ ... ﺗﺤﻜﻲ
ﻫﻲ : ﻛﻴﻒ ﺗﺤﺲ ﻓﻲ ﺭﻭﺣﻚ ﺗﻮﺍ
ﺍﻧﺎ : ﺵ ﺷﺼﺎﺭ ... ﻭ ﺯﻳﺎﺩ ... ﺯ ﺯﻳﺎﺩ ﻭﻳﻨﻮ
ﻫﻲ : ﺷﺸﺶ ﺍﻫﺪﺍ
ﻫﺰﻳﺖ ﺭﻭﺣﻲ ﺑﺎﻟﺴﻴﻒ ... ﺗﻘﻌﺪﺕ ﺷﻮﻳﺔ ... ﻭﺟﻴﻌﺔ ﻣﺶ ﻧﻮﺭﻣﺎﻝ ﻓﻲ ﻛﺮﺷﻲ ... ﺣﻄﻴﺖ ﻳﺪﻱ ﻋﻠﻴﻬﺎ ﻧﺤﻜﻲ
ﺍﻧﺎ : ﺯ ﺯﻳﺎﺩ ... ﺍ ﺍﻣﺎﻥ ... ﻭﻳﻨﻮ
ﻫﻲ : ﺍﻫﺪﺍ ﺍﻻﻭﻝ ... ﻫﻮ ﻣﻠﻴﺢ
ﺍﻧﺎ : ﻛﻲ ﻫﻜﺎ ... ﻭ ﻭﻳﻨﻮ
ﻫﻲ : ﺷﻮﻳﺔ ﻭ ﻳﻜﻮﻥ ﻋﻨﺪﻙ ... ﺍﻫﻢ ﺣﺎﺟﺔ ﺍﻧﺖ ﺗﻜﻮﻥ ﻣﺮﺗﺎﺣﺔ
ﺍﻧﺎ : ﺵ ﺷﺒﻴﻨﻲ ؟ ﻋﻼﻩ ﺍﻧﺎ ﻫﻮﻧﻲ
ﻗﺮﺑﺖ ﻣﻨﻲ ﺷﻮﻳﺔ ... ﺷﺪﺗﻨﻲ ﻣﻦ ﻳﺪﻱ ... ﻭﻭﺗﺒﺴﻤﺘﻠﻲ ﺗﺤﻜﻲ
ﻫﻲ : ﻧﺤﺒﻚ ﺗﺴﻤﻌﻨﻲ ... ﻭ ﺗﻔﻬﻢ ﺍﻟﻠﻲ ﺑﺎﺵ ﻧﻘﻮﻟﻮ ﺑﺎﻟﻘﺪﺍ
ﺍﻧﺎ : ﺷﻔﻤﺎﺍﺍ
ﻗﻌﺪﺕ ﻋﺎﻟﻜﺮﺳﻲ ﻗﺪﺍﻣﻲ ... ﻭ ﺑﺎﻗﻲ ﻛﺎﺑﺴﺔ ﻋﻠﻰ ﻳﺪﻱ ... ﺧﻮﻑ ﻧﺪﺭﺍ ﻛﻴﻒ ﺣﺴﻴﺘﻮ ... ﺧﻔﺖ ﻛﺎﻥ ﺑﻌﻤﻠﺘﻲ ﻧﻜﻮﻥ ﺧﺴﺮﺗﻮ ... ﻭ ﻣﻌﺎﺩﺵ ﺑﺎﺵ ﻧﺮﺍﻩ ﻣﺮﺓ ﺍﺧﺮﻯ ... ﻧﻐﺰﺭﻟﻬﺎ ... ﻧﺘﺮﺟﺎ ﻓﻴﻬﺎ ﺑﻌﻴﻨﻴﺎ ... ﺗﺤﻜﻲ ﺍﻱ ﺷﻲ ﻛﺎﻥ ﺗﻘﻮﻝ ﻟﺰﻳﺎﺩ ﺻﺮﺍﺗﻠﻮ ﺣﺎﺟﺔ ... ﺩﻣﻮﻋﻲ ﺗﺤﺼﺮﻭ ... ﻭﻭﺟﻴﻌﺘﻲ ﻗﻮﺍﺕ ... ﺗﻨﻬﺪﺕ ﺗﺤﻜﻲ
ﻫﻲ : ﺗﻨﺠﻢ ﺗﻔﻬﻤﻨﻲ ... ﻋﻼﻩ ﻫﻤﻠﺖ ﺭﻭﺣﻚ ﻟﻬﺪﺭﺟﺔ ﺍﻧﺖ
ﺍﻧﺎ : ﺵ ﺷﺘﻘﺼﺪ
ﻫﻲ : ﻓﻬﻤﺖ ﻟﻲ ﻧﻔﺴﻴﺘﻚ ﺗﺎﻋﺒﺔ ... ﻭ ﻳﻤﻜﻦ ﻗﺎﻋﺪﺓ ﺗﺘﻌﺪﺍ ﻓﻲ ﻇﺮﻭﻑ ﺧﺎﻳﺒﺔ ... ﺍﻣﺎ ﺯﺍﺩﺓ ﻣﻌﻨﺪﻛﺶ ﺣﻖ ﺗﻬﻤﻞ ﺍﻟﺼﻐﻴﺮ ﻟﻲ ﻓﻲ ﻛﺮﺷﻚ
ﻃﻠﻌﺖ ﺭﺍﺳﻲ ﻏﺰﺭﺗﻠﻬﺎ ﻣﺼﺪﻭﻣﺔ ... ﻣﺨﻲ ﺣﺒﺲ ... ﻭ ﻗﻠﺒﻲ ﺩﻕ ﺑﺎﻟﻘﺎﻭﻱ ... ﻧﺰﻟﺖ ﺭﺍﺳﻲ ﺷﻮﻳﺔ ﻧﻐﺰﺭ ﻟﻜﺮﺷﻲ ... ﻛﺒﺴﺖ ﻋﻠﻴﻬﺎ ﺑﻴﺪﻱ ﻧﺤﻜﻲ
ﺍﻧﺎ : ﺹ ﺻﻐﻴﺮ ﺷﻨﻴﺔ
ﻫﻲ : ﺍﻧﺖ ﺣﺒﻠﺔ ﻋﻨﺪﻙ ﺳﺖ ﺟﻤﻌﺎﺕ
ﻃﻠﻌﺖ ﺭﺍﺳﻲ ﻧﻐﺰﺭﻟﻬﺎ ... ﻗﻠﺒﻲ ﻧﺤﺴﻮ ﺑﺎﺵ ﻳﺨﺮﺝ ﻣﻦ ﺑﻘﻌﺘﻮ ... ﻫﺰﻳﺘﻠﻬﺎ ﺑﺮﺍﺳﻲ ﻻ ﻧﺤﻜﻲ
ﺍﻧﺎ : ﻝ ﻻ ﻣﺴﺘﺤﻴﻞ ... ﺍ ﺍﻧﺎ ﻣﻌﺎﺩﺵ ﺑﺎﺵ ﻧﺠﻴﺐ ﺻﻐﺎﺭ ﻣﺮﺓ ﺍﺧﺮﻯ
ﻫﻲ : ﻫﺎﻙ ﺣﺒﻠﺖ ... ﺻﺤﻴﺢ ﺍﻟﺤﺒﺎﻟﺔ ﺑﺎﺵ ﺗﻌﺒﻚ ﺑﺮﺷﺎ ﺧﺎﺻﺔ ﻓﻲ ﺣﺎﻟﺘﻚ ... ﺍﻣﺎ ﻛﻴﻒ ﺗﺸﺪ ﻭﻟﺪﻙ ﻓﻲ ﻳﺪﻙ ﺗﻮ ﺗﻨﺴﻰ ﻫﺬﺍ ﺍﻟﻜﻞ
ﺩﻣﻮﻋﻲ ﻧﺰﻟﻮ ﺑﺎﻟﻮﻗﺖ ... ﻧﺰﻟﻮ ﻳﺤﺮﻗﻮ ﻋﻠﻰ ﺧﺪﻱ ... ﻣﺶ ﻣﺼﺪﻗﺔ ﻟﻲ ﻧﺴﻤﻊ ﻓﻴﻪ ﺣﺘﻰ ﻃﺮﻑ ... ﻣﺘﻮﻗﻌﺘﺶ ﻻﻧﺎ ﺑﺎﺵ ﻧﺤﺒﻞ ﻣﺮﺓ ﺍﺧﺮﻯ ... ﻛﺒﺴﺖ ﻋﻠﻰ ﻛﺮﺷﻲ ﺍﻛﺜﺮ ... ﻏﻤﻀﺖ ﻋﻴﻨﻴﺎ ﺑﺎﻟﻘﺎﻭﻱ ... ﺍﺣﺴﺎﺱ ﻧﺪﺭﺍ ﻛﻴﻒ ﺗﻤﻠﻜﻨﻲ ... ﺣﺴﻴﺖ ﻧﻔﺲ ﺍﻟﻨﻬﺎﺭ ﻫﺬﺍﻛﺎ ﻗﺎﻋﺪ ﻳﺘﻌﺎﻭﺩ ... ﺧﻔﺖ ﻛﺎﻥ ﻳﺼﺮﺍ ﻧﻔﺲ ﺍﻟﺸﻲ ﻣﺮﺓ ﺍﺧﺮﻯ ... ﻛﺎﻥ ﻫﻮ ﺑﺎﺵ ﻳﻌﺮﺱ ﺑﺎﺧﺮﻯ ... ﻭﻭﻟﺪﻭ ﻓﻲ ﻛﺮﺷﻲ ... ﺍﻧﺎ ﻫﻜﺎ ﺧﺴﺮﺕ ﺻﻐﻴﺮﻱ ﻻﻭﻝ ... ﻭ ﺧﺴﺮﺕ ﻣﻌﺎﻩ ﻛﻞ ﺣﺎﺟﺔ ﺑﺎﻫﻴﺔ ... ﺩﻣﻮﻋﻲ ﻧﺰﻟﻮ ﺍﻛﺜﺮ ... ﻣﻌﺎﺩﺵ ﻧﺠﻢ ﻧﺘﺤﻜﻢ ﻓﻲ ﺭﻭﺣﻲ ... ﺣﺘﻰ ﺍﻟﺤﻴﺎﺓ ﺍﻟﻠﻲ ﺣﺒﻴﺖ ﻧﻬﺮﺏ ﻣﻨﻬﺎ ... ﻟﻘﻴﺖ ﺭﻭﺣﻲ ﻣﺠﺒﻮﺭﺓ ﻧﺮﺟﻌﻠﻬﺎ ... ﻣﻨﻌﺮﻑﺵ ﻋﻼﻩ ﻣﻨﻌﻨﻲ ... ﻋﻼﻩ ﺟﺒﺮﻧﻲ ﻧﻌﻴﺶ ﻣﺮﺓ ﺍﺧﺮﻯ ... ﻋﺎﻻﻗﻞ ﻭﻗﺘﻬﺎ ﻛﻨﺖ ﺑﺎﺵ ﻧﺮﺗﺎﺡ ﺟﻤﻠﺔ ... ﺧﺬﻳﺖ ﻧﻔﺲ ﻭ ﺍﻧﺎ ﻧﺴﻤﻊ ﻓﻴﻬﺎ ﺗﺤﻜﻲ
ﻫﻲ : ﺷﺸﺶ ﻳﺰﻱ ﻣﻦ ﺍﻟﺒﻜﺎ
أنت تقرأ
🔥🔞"في أحضان عزرائيل"🔞🔥( الجزء الخامس)
Romanceهيا تلمو البنات نكمللكم الكروو🙋❤ #نحبكم ❤ #شيماء
